Jâke 4:5 - Mbëtï Ndjapä: TÄFO MADƗ̈

⁵ Âdəndjë rə̂, nyë wûntî pä pö ndə̂ Mbëtï Ndjapä tô rə̂ lâme wätə̂ mbämbä pö? Ndə̂ âtô rə̂ päkëdə̂: «Yingö ndə̂ Ndjapä zâ rə̂ lə̂ azə̂ lâme, tche kï pânə̈ tə̂ gbölösə̂nə̈.»

Jâke 4:5 Iomraidhean Croise

Jâan 10:35

Käko azü ndə̂ a tô pö Ndjapä sə̈ andjê lâme, ndïɛ̈ ë rə̂ tə̂ andjê pä andjapä, tchâme, Pö ndə̂ Mbëtï Ndjapä tô rə̂ wâbo ndə̂kə̂ rʉ-a.

Jâan 19:37

Ngâ pö lə̂ Mbëtï Ndjapä nə̈ wä kâkë: «Tchanə̈ ndə̂ andjë trô krabadja yê la dɨ̈ lâme, andjê wun-adje tchô pu tchë.»

Jâan 7:42

Mbëtï Ndjapä tôâbo rə̂ pä Krîsiti nə̈ ânə pâ mawo ndə̂ Davîdi, ndə̂ tche də̂ akrə gö ndə̂ Bêtelehêmo, ndə̂ âwâtə̂ yɛ̈yɛ̈ gö ndə̂ Davîdi lâme?»

Abadjângele 7:9

«Araâta azə̂ wä alême la gbölö su tə̂ Jozêfu, kə̈ kâ tchë ânyë tche wâtə̂ ngbâa lə̂ gö ndə̂ Ejîpiti. Praâbalë Ndjapä kä la tchë.

Rômo 1:29

Arə mbə̈lï sɨ̂sɨ̈ lə̂ su andjê: Andjë mbö ngbongbo rə, andjë wä la gʉ kə̂ gbo rə tə̂ gbölösə̂nə̈, andjë wätə̂ azü ndə̂ ngbongbo su. Gbölö su rôpâ andjê, andjë wätə̂ a-earə̂ kə̂ won azü, a-earə̂ kə̂ po la angâ andjê, a-earə̂ kə̂ bolo azü, andjë tö angbongbo apö tə̂ angâ andjê lə̂ gbâtə̂ andjê, a-earə̂ kə̂ mo yepa lə̂ küma angâ andjê,

Rômo 9:17

Ädə̈ käko ânyë lə̂ Mbëtï Ndjapä, Ndjapä tö ndjë rə̂ sə̈ Faraön päkëdə̂: «Më zä mö Gbïɛ̈ ndə̂kə̂ pa lə̂ köbosə̂ zə̈, mê nyisə̂ gbôgbô ndə̂ mê lakə̂ mbo rə̂ ânyë rə̈ mê za tchô gbɛ̂ pâ cho âtə.»

Dokʉ̈ Körɛ̂nte 6:19

Nyë wûn-âbo sə̂nə̈ pä tə̂ nyê wätə̂ gbölö nda ndə̂ Kpɨ̂ki Yingö ndə̂ tche sə̂ lə̂ nyê lâme? Kpɨ̂ki Yingö lâme, Ndjapä kä ndə̂ âzâ tchë sə̈ nyê, nyë sə̂âbo kütû bëte nyê la tə̂ nyê-a.

Bïchuû Körɛ̂nte 6:16

Giamâ kä ndə̂ âwâ balë lə̂ gbâtə̂ gbölö nda Ndjapä la angakʉ̈lä? Bëte azə̈ wätə̂ nda Ndjapä ndə̂ tche wâ la tʉ̈rʉ̂ la yê, batə̂ rə̂ ndə̂ Ndjapä la tə̂ yê tô rə̂ päkëdə̂: «Mê səadje lə̂ gbâtə̂ azü ndə̂ mê, kə̂ nəadje lə̂ gbâtə̂ andjê, mê wadje tə̂ Ndjapä ndə̂ andjê, ânyë andjê wadje tə̂ azü ndə̂ mê.»

Gälâte 3:8

Mbëtï Ndjapä tô pö ndə̂ rə nə̈ lâme dokʉ̈tchê nə̂ pä Ndjapä âmbo rə̂ ânyë azü ndə̂ andjë wâbô wâtə̂ ajuîfu wa djîrə̂ lə̂ la yê lə̂ köbosə̂ kə̂ za su andjê sə̈ tchë. Mbëtï nə̈ tö ndjë tchôtchô pö sə̈ Abrahâmo dokʉ̈tchê päkëdə̂: «Lə̂ köbosə̂ zə̈, Ndjapä eadje tchôtchô pö pâ azü tchêbêche gbɛ̂.»

Tîte 3:3

Bëte azəzə̂ gbɛ̂, azə̈ wä ndjë alême tə̂ angbɨ̈lə̈, azü ndə̂ andjë kôsə̂ Ndjapä, azü ndə̂ köbo yû tə̂ andjê, azü ndə̂ andjë wâ alême tə̂ angbâa ndə̂ agʉ arə ngbî ngbî gbɛ̂, la arə tchêbêche ndə̂ âtcho tə̂ azü, azü ndə̂ andjë sə̂ lə̂ ngbongbo su lakə̂ mbo gʉ arə ndə̂ angâ andjê, azü kösə̂ azə̂, azə̈ kô ndjë sə̂ angâ azə̂ lə̂ gbâtə̂ azə̂.