Jâke 4:12 - Mbëtï Ndjapä: TÄFO MADƗ̈

¹² Ndjapä balë kä ndə̂ âzâ ndïɛ̈, ânyë kə̈ wâtə̂ earə̂ kə̂ wa ngbanga. Tchetchë balë kä ndə̂ âwâ ndə̂kə̂ tcha azü lə̂ kuzü, âdəndjë ndə̂kə̂ mbo rə̂ pä akrə tchu. Momö ndə̂ mo wa ngbanga lə̂ küma angâ zə̈ âtə, mo də̈ tchabâ?

Jâke 4:12 Iomraidhean Croise

Matiyə̈ 10:28

Nyë mböäbô wa azü ndə̂ andjë won tə̂ azü lâme mbô-ê, praâbalë andjë wâbo ndə̂kə̂ won vrö-a, nyë kpë wa Ndjapä ndə̂ tche wâ ndə̂kə̂ won vrö la tə̂ nyê bhâlə̂ wo ndə̂ âju pïï etə̂.

Lûke 12:5

Mê toadje pö ndə̂ ngâ akrə ndə̂ nyë wâ ndə̂kə̂ mbo wa yê. Nyë mbö wa Ndjapä ndə̂ âdə tche âwon akrə, kə̂ wa la gbôgbô ndə̂kə̂ yi tchë bhâlə̂ wo ndə̂ âju pïï etə̂. Ɛn-ɛn, tə̂ lëge nə̈ më tö rə̂ sə̈ nyê, tchetchë kä ndə̂ nyë wâ ndə̂kə̂ mbo wa yê.

Rômo 14:13

Azə̈ gbötə̂ kə̂ jende tə̂ azə̂ lə̂ gbâtə̂ azə̂-ê. Praâbalë rə ndə̂ nyë wâ ndə̂kə̂ nyïkrə rə̂ tə̂ su nyê kä âtə: Nyë kösə̂ kə̂ za täme lə̂ köbo ngâ nyê âdəndjë rə̂ ndə̂kə̂ mbo rə̂ pä tche te lə̂ ngbongbo rə-ê.

Rômo 14:4

Mo də̈ andə̂ zə̈ nə̈ tchabâ ânyë kə̂ jende earə̂ kua ndə̂ ngâ akrə ngbî? Âdə gbô tche âwa lafô âdəndjë rə̂ ndə̂ tche tê, äwün kütû gbölö akrə ndə̂ yê. Gbô tchë səadje lakə̂ krʉ lafô bëte Gbölö Gbïɛ̈ wä la gbôgbô ndə̂kə̂ mbo rə̂ pä tche krʉ po lafô.

Rômo 2:1

Bëte rə̂ kä ndə̂, momö ndə̂ mo wa ngbanga lə̂ küma angâ zə̈ âtə, mo âdəndjë tchabâ gbɛ̂, mo wâbo la ngâ pö balë ndə̂kə̂ to rə̂-a. Mo âsə̈ wa ngbanga lə̂ küma angâ zə̈ ânyë kə̂ mbo ndjë rə batə̂ andjê dëkë mo kä lakə̂ wa ngbanga lə̂ küma zə̈ la tə̂ zə̈.

Rômo 9:20

Momö ndə̂ akrə, mo də̈ andə̂ zə̈ nə̈ tchabâ ânyë kə̂ gama zə̈ la Ndjapä? Lüsû ndə̂ akrə sôâ rə̂ la könô yê wä ndə̂kə̂ yu akrə ndə̂ tche sôâ rə̂ päkëdə̂: «Bëte giamâ ka ndə̂ mo sôâ mê kâkë?»

Aheborö 7:25

Bëte rə̂ kä, azü ndə̂ andjë gitə̂ andjê pu Ndjapä lə̂ köbosə̂ yê, tche kä la gbôgbô ndə̂kə̂ tcha andjê tə̂ lëge nə̈ tratralë, bëte tche wä la tchîsûwu ndə̂ logbɛ̂ logbɛ̂ ndə̂kə̂ to pö sə̈ Ndjapä bëte andjê.

Jâke 5:9

Arə̂mä, nyë dɨ̈äbô tchə̂lə̂ ma nyê dɨ̂ tə̂ angâ nyê lə̂ gbâtə̂ nyê, ânyë Ndjapä wabô ngbanga wâ lə̂ küma nyê-ê. Nyë wünsaâ! Earə̂ kə̂ wa ngbanga krʉ̂ nə̂ pâ adälä manda.