Jâke 4:11 - Mbëtï Ndjapä: TÄFO MADƗ̈

¹¹ Arə̂mä, nyë jëndeabô angâ nyê jênde lə̂ gbâtə̂ nyê-ê. Akrə ndə̂ tche jênde ngâ yê, âdəndjë rə̂ ndə̂ tche wâ ngbanga lə̂ küma ngâ yê, dëkë tche jênde ndïɛ̈ nə̂, kə̈ wâ ndjë ngbanga lə̂ küma ndïɛ̈ nə̂. Âdə mo âwa ngbanga lə̂ küma ndïɛ̈, dëkë mo wâbo tə̂ akrə ndə̂ tche mbô rə gundə̂sə̂ ndïɛ̈-a, mo wätə̂ earə̂ kə̂ wa ngbanga lə̂ küma ndïɛ̈.

Jâke 4:11 Iomraidhean Croise

Lûke 6:37

«Nyë wäbô ngbanga wâ lə̂ küma angâ nyê, ânyë Ndjapä wabô ndjë ngbanga wâ lə̂ küma nyê. Nyë zäbô pö zâ lə̂ küma angâ nyê, ânyë Ndjapä zabô ndjë pö zâ lə̂ küma nyê. Nyë kö pö lə̂ küma angâ nyê lə̂ gbâtə̂ nyê, käko Ndjapä ko pö lə̂ küma nyê.

Rômo 2:1

Bëte rə̂ kä ndə̂, momö ndə̂ mo wa ngbanga lə̂ küma angâ zə̈ âtə, mo âdəndjë tchabâ gbɛ̂, mo wâbo la ngâ pö balë ndə̂kə̂ to rə̂-a. Mo âsə̈ wa ngbanga lə̂ küma angâ zə̈ ânyë kə̂ mbo ndjë rə batə̂ andjê dëkë mo kä lakə̂ wa ngbanga lə̂ küma zə̈ la tə̂ zə̈.

Rômo 2:13

Tə̂ lëge nə̈, azü ndə̂ andjë dje kütû ndïɛ̈ nə̈ djë la tü andjê, andjë wâbo djîrə̂ lə̂ la Ndjapä-a. Azü ndə̂ andjë mbo rə gundə̂sə̂ ndïɛ̈ nə̈ kä ndə̂ âwâtə̂ adjîrə̂ azü lə̂ la Ndjapä.

Rômo 7:7

Käko pö giamâ kä ndə̂ azə̈ to rə̂? Ndïɛ̈ wätə̂ ngbongbo rə? Âdə̂âbo käko-a! Praâbalë ndïɛ̈ kä ndə̂ ânyisə̂ kə̂ wunsə̂ ngbongbo rə sə̈ mê. Ndïɛ̈ tö rə̂ päkëdə̂: «Mboabô gʉ rə ndə̂ akrə mbô-ê!» Âdə ndïɛ̈ âtoabô pö tô pâ kə̂ mbo gʉ rə ndə̂ akrə-ê, mê wun-abô ndjë sə̂nə̈ tee-a.

Dokʉ̈ Körɛ̂nte 4:5

Käko âwâbo pä nyë wa ngbanga lə̂ küma akrə dokʉ̈tchê ndə̂kə̂ pa lo nə̈ wutu-a. Nyë krʉ̈ bëte Gbölö Gbïɛ̈, tche ka ânyë. Tchetchë kä ndə̂ âwutuadje la rə ndə̂ âwâ lə̂ küwû nə̈, lə̂ bübü tchô kə̂ za rə̂ ësûwu. Tchê nyiadje sə̂ rə ndə̂ âwâ bhâlə̂ su azü kraâ lə̂ la azü gbɛ̂. Käko Ndjapä gambadje akrə balë balë gundə̂sə̂ kua ndə̂ tche mbô rə̂.

Bïchuû Körɛ̂nte 12:20

Wawa mbö mê ndə̂kə̂ pa âdə mê âsə̈ wutu bhândə̂ nyê, kə̂ wun kə̂ sə ndə̂ nyê âwa ngbî tə̂ anə̈ ndə̂ su mê nyîndə̂ nə̈, ânyë nyënyê ndjë gbɛ̂, nyê wun kə̂ sə ndə̂ mê âwa ngbî tə̂ anə̈ ndə̂ su nyê nyîndə̂ nə̈. Wawa mbö mê ndə̂kə̂ pa angbongbo arə kâkë wabô wâ lə̂ gbâtə̂ nyê: Kə̂ gama, gbölö su, mêrâ, kə̂ pu köbo ndə̂kə̂ wa batə̂ ngâ yê, kə̂ dro akrə la angbongbo apö, kə̂ to alû, kə̂ bhi gogo, kə̂ mbo angbongbo rə katchôgbɛ̂.

Ëfêze 4:31

Nyë zäbô akrə zâ tə̂ su nyê-ê, su nyê hröäbô hrô-ê, nyë mböäbô mêrâ mbô-ê, nyë täbô wârə̂ tâ lə̂ küma akrə-ê, kə̂ droabô akrə drô-ê, angbongbo rə lâme gbɛ̂, nyë kä mbô bata rə̂ mbô-ê la adɨ̂ angbongbo rə balë balë gbɛ̂.

Dokʉ̈ Timotë 3:11

Aɛ̈chë ndjë gbɛ̂, äwäpä andjë lusə̂tə̂ andjê, kə̂ toabô alû tô-ê, kə̂ zɨabô rə zɨ̂ âro masə̂nə̈-ê, kə̂ mbo rə gbɛ̂ gundə̂sə̂ pö ma andjê.

Bïchuû Timotë 3:3

Azü ndə̂ andjë nyîâbo nyîndə̂ angâ andjê-ê, azü ndə̂ andjë wun-abô nyonyo angâ andjê wûn-ê, azü ndə̂ andjë dɨ angbongbo apö tə̂ angâ andjê, azü ndə̂ andjë wûn-âbo sə̂kə̂ bata tə̂ andjê bâta-ê, azü ndə̂ andjë mbo azü la yûkü, azü ndə̂ andjë kosə̂ tchôtchô rə.

Tîte 2:3

Äwä ndjë pä akpôkpô aɛ̈chë mbotə̂ andjê batə̂ azü ndə̂ andjë wâ ngbî bëte Ndjapä. Âwâbo pä andjë dɨ angbongbo apö-a, kə̂ zabô tə̂ andjê zâ gbɛ̂ ndə̂kə̂ ndjo pî âro masə̂nə̈-ê. Äwäpä andjë nyisə̂ rə ndə̂ âdâka sə̈ azü.

Jâke 1:16

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë böloabô tə̂ nyê bôlo-ê.

Jâke 1:19

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä nyë wunsə̂ pö ndə̂ mê tö rə̂ âtə: Äwäpä akrə balë balë deka tü yê gasa kə̂ dje pö, kə̂ toabô pö tô gagasa-ê, kə̂ mboabô mêrâ mbô wândâ-wändä-ê.

Jâke 1:25

Praâbalë akrə ndə̂ tche chî pâ ndïɛ̈ ndə̂ âdâka gbɛ̂, ndə̂ âji azə̂ tchâtchâ ngbâa, ânyë kə̈ zâtə̂ yê gbɛ̂ tâ, tchê dêkabô tü yê kütû ndə̂kə̂ dje pö ânyë âropâ tü yê tee-a, praâbalë tche âmbo rə ndə̂ ndïɛ̈ nə̈ tô pö ndə̂nə̈, akrə nə̈ lâme wadje la mômô lə̂ arə gbɛ̂ ndə̂ tchê mboadje rə̂.

Jâke 2:8

Tə̂ lëge nə̈, âdə nyë âkpe wa ndïɛ̈ ndə̂ Gbölö gö-gbïɛ̈, gundə̂sə̂ mbëtï ndə̂ yê ndə̂ âtô rə̂ päkëdə̂: «Amö nyində̂ ngâ zə̈ batə̂ tə̂ zə̈ la tə̂ zə̈», dëkë nyë mbô rə ndə̂ âdâka nə̂.

Jâke 5:10

Arə̂mä, tə̂ pö ndə̂ nyonyo lakə̂ rʉatə̂ su lâme, nyë mbö rə̂ batə̂ rə̂ ndə̂ a-earə̂ ndə̂ma Ndjapä ndə̂ andjë tô pö alême la rə̈ Gbölö Gbïɛ̈.

Jâke 5:7

Arə̂mä, nyë rʉ̈ätə̂ su nyê zoo ëtə̂ lo kə̂ ka ndə̂ Gbölö Gbïɛ̈. Nyë wünsa köbo ndə̂ earə̂ kə̂ djo kɨ̈ndɨ̈ rʉatə̂ su yê ndə̂kə̂ krʉ bëte tchôtchô lêlê rəgʉ tchə̂lə̂ kɨ̈ndɨ̈ ndə̂ yê. Tche rʉ̈ätə̂ su yê ndə̂kə̂ krʉ bëte kə̂ nyi ndə̂ adokʉ̈ anyïvrö, la adɨ̂ anyïvrö.

Jâke 5:9

Arə̂mä, nyë dɨ̈äbô tchə̂lə̂ ma nyê dɨ̂ tə̂ angâ nyê lə̂ gbâtə̂ nyê, ânyë Ndjapä wabô ngbanga wâ lə̂ küma nyê-ê. Nyë wünsaâ! Earə̂ kə̂ wa ngbanga krʉ̂ nə̂ pâ adälä manda.

Dokʉ̈ Pîêre 2:1

Nyë gbötə̂ köbo ndə̂kə̂ mbo ngbongbo su gbɛ̂, kə̂ gbotə̂ köbo ndə̂kə̂ bolo azü-î. Pö ma nyê wäbô wâ ngbî tə̂kə̂ mbo rə ndə̂ nyê-ê. Nyë gbötə̂ gbölö su, kə̂ gbotə̂ kə̂ jende azü-î.