Jâke 4:1 - Mbëtï Ndjapä: TÄFO MADƗ̈

¹ Kə̂ mbo kʉ̈ʉ̈ lakə̂ po lə̂ gbâtə̂ nyê lâme tö bhâ tchêbâ? Âtôâbo tə̂ gʉ arə tchêbêche ndə̂ âmbo kʉ̈ʉ̈ la nyê lə̂ kpoto nyê lâme?

Jâke 4:1 Iomraidhean Croise

Matiyə̈ 15:19

Arə batə̂ ngbongbo kə̂ rɨ tchə̂lə̂, kə̂ won akrə, kə̂ pu ɛ̈chë âdəndjë köchë ndə̂ ngâ akrə, kə̂ pu aɛ̈chë âdəndjë aköchë katchôgbɛ̂, kə̂ zɨ ngbä, kə̂ mo yepa lə̂ ngbanga lakə̂ dro tchô; ätö gbɛ̂ lə̂ su akrə ânyë kə̂ wutu.

Jâan 8:44

Bha nyê də̈ Jâbolo, nyë nyïndə̂ kə̂ mbo arə gundə̂sə̂ arə ndə̂ su bha nyê nyîndə̂ nə̈. Tche də̈ earə̂ kə̂ won azü alême lə̂ kêsâ nə̈. Tche krʉ̂âbo balë lə̂ lëge pö-a, bëte lëge pö wâbo lə̂ yê-a. Âdə tche âmo yepa, tche tö pö la känyï ndə̂ yê la tə̂ yê, bëte tche də̈ earə̂ yepa, kə̈ wâ ndjë tə̂ bha yepa.

Rômo 7:23

Praâbalë më wün rə̂ lə̂ tə̂ mê, ngâ ndïɛ̈ ngbî kä ndə̂ âwâ tâ: Ndïɛ̈ nə̈ lâme kä lakə̂ mbo kʉ̈ʉ̈ la ngâ ndïɛ̈ ndə̂kə̂ wunsə̂ rə ndə̂ më nyîndə̂ nə̈. Ndïɛ̈ nə̈ mbö rə̂ pä më watə̂ ngbâa ndə̂ ngbongbo rə ndə̂ âwâ lə̂ tə̂ mê.

Rômo 7:5

Bëte ndə̂ azə̈ mbô arə ndə̂ su azə̂ nyîndə̂ nə̈ alême, angbongbo gʉ arə tə̂ su azə̂ gbö gbôgbô lə̂ köbosə̂ ndïɛ̈ ânyë andjê mbo kua lə̂ tə̂ azə̂. Rə ndə̂ azə̈ gbo rə̂ ngbânə̈ də̈ kuzü.

Rômo 8:7

Azü ndə̂ su andjê wâ kütû pâ angbongbo gʉ su andjê, andjë kösə̂ Ndjapä. Andjë kösə̂ kə̂ mbo rə gundə̂sə̂ ndïɛ̈ ndə̂ Ndjapä. Andjë wâbo ndjë ndə̂kə̂ mbo rə̂-a.

Gälâte 5:17

Bëte angbongbo gʉ tə̂ su akrə mbö kʉ̈ʉ̈ la Yingö, ânyë Yingö mbo kʉ̈ʉ̈ la angbongbo gʉ su akrə. Andjë djêâbo tə̂ andjê lə̂ gbâtə̂ andjê-a, käko rə ndə̂ nyë nyîndə̂ kə̂ mbo rə̂, nyê mboabô rə̂ tee-a.

Kölôse 3:5

Käko nyë jï agʉ tə̂ su nyê ndə̂ âmbo rə̂ pä nyë mbo angbongbo rə ndə̂ tchêbêche âtə batə̂: Kə̂ pu aɛ̈chë âdəndjë aköchë katchôgbɛ̂, kə̂ mbo arə kâkpö, gʉ tə̂ su akrə, gʉ ndə̂kə̂ mbo angbongbo rə la gbölö gʉ ndə̂kə̂ gbo rə ndə̂ âwâtə̂ ngâ köbo ndə̂kə̂ voga angakʉ̈lä.

Bïchuû Timotë 2:23

Praâbalë awünwün apö ndə̂ âwâtə̂ angbɨ̈lə̈ nə̈ lâme, amö kosə̂ nə̈-ê. Bëte mo wûnsə̂ nə̈ nə̂ pä apö käko mbö rə̂ pä azü po la angâ andjê.

Tîte 3:3

Bëte azəzə̂ gbɛ̂, azə̈ wä ndjë alême tə̂ angbɨ̈lə̈, azü ndə̂ andjë kôsə̂ Ndjapä, azü ndə̂ köbo yû tə̂ andjê, azü ndə̂ andjë wâ alême tə̂ angbâa ndə̂ agʉ arə ngbî ngbî gbɛ̂, la arə tchêbêche ndə̂ âtcho tə̂ azü, azü ndə̂ andjë sə̂ lə̂ ngbongbo su lakə̂ mbo gʉ arə ndə̂ angâ andjê, azü kösə̂ azə̂, azə̈ kô ndjë sə̂ angâ azə̂ lə̂ gbâtə̂ azə̂.

Tîte 3:9

Praâbalë amö kpe tə̂kə̂ pu dju arə ndə̂ âwâtə̂ wünwün nə̈, lakə̂ dɨ rə̈ araâta, lakə̂ po, lakə̂ gama pâ apö ndə̂ ndïɛ̈, bëte ngâ rə balë wâbo lə̂ arə lâme-a, kütû awünwün apö kä.

Jâke 1:14

Gʉ su akrə la tə̂ yê balë balë gbɛ̂ kä ndə̂ âvu tchë, kə̂ e la tchë ânyë tche te lə̂ ngbongbo rə.

Jâke 4:3

Âdə nyê âyukû nə̈ ânyë kə̈ gbôâbô rə̂ gbô-ê, bëte nyë yûâbo kû nə̈ la köbo nə̈-a, praâbalë nyë yükû nə̈ ndə̂kə̂ ndɨ rə̂ tə̂ pö ndə̂ arə ndə̂ âtcho tə̂ nyê.

Dokʉ̈ Pîêre 1:14

Nyë mbö rə batə̂ abechë ndə̂ andjë dje pö, nyë mböäbô rə mbô gundə̂sə̂ gʉ su nyê ndə̂ nyë wâ la rə̂ dokʉ̈tchê, sə̂nə̈ ndə̂ nyë wûn-âbô sə̂nə̈ wûn dämba lâme-ê.

Dokʉ̈ Pîêre 2:11

Arə̂mâ ndə̂ mê ndə̂ mê nyîndə̂ nyê tə̂ gbölösə̂nə̈, më zä wängö sə̈ nyê, nyënyê ndə̂ nyë wâ batə̂ ayirə la azü pâ köbo ndə̂kə̂ pa nyë kosə̂ angbongbo gʉ su nyê ndə̂ âmbo kʉ̈ʉ̈ la vrö nyê.

Bïchuû Pîêre 2:18

Apö ndə̂ andjë sə lakə̂ bhi gogo andjê lakə̂ to rə̂ wä kütû tə̂ avôvôo apö. Lə̂ köbosə̂ angbongbo gʉ su andjê la arə ganô ndə̂ andjê, andjë mbö rə̂ pä azü ndə̂ andjë wûtu anganga lə̂ gbâtə̂ a-earə̂ ngbongbo rə, te lə̂ gbânda ndə̂ andjê.

Bïchuû Pîêre 3:3

Äwäpä nyë wunsə̂ nə̈ dokʉ̈tchê pä, lə̂ adɨ̂ alö, angâ azü ânəadje kə̂ səadje lakə̂ mbo rə gundə̂sə̂ ngbongbo gʉ su andjê la tə̂ andjê. Andjê moadje nyê,