Jâke 3:6 - Mbëtï Ndjapä: TÄFO MADƗ̈

⁶ Tïmï wä ndjë tə̂ ngâ wo, kə̈ wâtə̂ tchô ndə̂ ngbongbo rə. Tïmï sə̈ lə̂ gûtə̂ atchâme-tə̂ azə̂, ânyë kə̂ mbo rə̂ pä ndundu tə̂ akrə gbɛ̂ wa la kâkpö. Lə̂ alö gbɛ̂ ndə̂ akrə mbo rə̂ pâ cho, tïmï yê wä batə̂ wo ndə̂ ândɨ tchîsûwu ndə̂ yê gbɛ̂, wo nə̈ lâme la tə̂ yê tö bhâsə̂ tchô ndə̂ gbölö wo ju tâ pïï etə̂.

Jâke 3:6 Iomraidhean Croise

Matiyə̈ 12:24

Ndə̂ afarizïɛ̈n djê pö lâme, andjë tô rə̂ päkëdə̂: «Köchë âtə grö angbongbo atchozö kütû la gbôgbô ndə̂ Bëlëzëbûlu, makündji ndə̂ angbongbo atchozö!»

Matiyə̈ 5:22

Praâbalë mëmê ndə̂ me nə̈, më tö rə̂ sə̈ nyê päkëdə̂: Akrə ndə̂ tche mbô mêrâ tə̂ ngâ yê, tche kʉ̈sə̂ nə̈ pä a e la tchë atə̂ tchâtchu gbölö kpûlû ndə̂ earə̂ kə̂ wa ngbanga. Akrə ndə̂ tche tô rə̂ sə̈ ngâ yê päkëdə̂: ‹Mo ndɨ̂ nə̂›, a â-eadje la tchë atə̂ tchâtchu a-earə̂ kə̂ wa ngbanga. Akrə ndə̂ tche tô rə̂ sə̈ ngâ yê päkëdə̂: ‹Momö ndə̂ earə̂ nyî âtə›, tche kʉ̈sə̂ nə̈ pä a yi tchë lə̂ wo ndə̂ âju pïï etə̂.

Mâreke 7:15

Rə ndə̂ âto də sûwu ânyë kə̂ li atə̂lə̂ akrə mbôâbo rə̂ pä tche wa la kâkpö-a, praâbalë rə ndə̂ âto bhâlə̂ akrə ânyë kə̂ wutu kä âkə̂ mbo rə̂ pä tche wa la kâkpö. [

Lûke 16:24

Käko tche ôn ngbôô kə̈ tô rə̂ päkëdə̂: ‹Bha mê Abrahâmo, amö wun nyonyo mê, kə̂ wan Lazäre, tche ndro küma ɛ̈ könô yê lə̂ ngû, kə̂ za rə̂ pâ tïmï mê, bëte më wün yûkü lə̂ wo âtə tə̂ gbölösə̂nə̈.›

Abadjângele 20:30

Ndjë lə̂ gbâtə̂ nyê la tə̂ nyê, angânə̈ adjelafô la pö yepa ndə̂kə̂ bolo adjisîpili ndə̂kə̂ pa andjë za tchêngbâ andjê.

Abadjângele 5:3

Praâbalë Pîêre yû tchë päkëdə̂: «Änänîâse, bëte giamâ mo gbôtə̂ köbo sə̈ Satäa ânyë tche lî bhâlə̂ su zə̈? Kɨ̈ndɨ̈ ndə̂ mo kâ rə̂ lâme, mo kïtə̂ tchâkalâ makətche nə̈, kə̈ kâ mô yepa sə̈ Kpɨ̂ki Yingö.

Abadjângele 6:13

Andjë kâ la angâ azü tchâtchu ngbanga nə̈ ndə̂kə̂ pa andjë mo yepa la rə̈ yê päkëdə̂: «Köchë âtə tö kütû angbongbo pö logbɛ̂ tə̂ gbölö nda Ndjapä, ndjë la ndïɛ̈ ndə̂ Möyîze.

Tîte 1:11

Äwäpä mo ngbo ma andjê ëtâ, bëte andjë kä lakə̂ djingɨli tchə̂lə̂ küma azü lə̂ abûngrɨ̂ gbɛ̂ lakə̂ nyisə̂ rə ndə̂ âwâbô wâ ndə̂kə̂ pa andjë nyisə̂ nə̈-ê, bëte andjë wä la gʉ ndə̂kə̂ gbo arə lə̂ ngbongbo köbo kə̂ gbo rə.

Jâke 2:7

Âdə̂âbô andjendjê kä ndə̂ âdɨ angbongbo apö tə̂ tchôtchô rə̈ ndə̂ Ndjapä zâ rə̂ pâ nyê lâme?

Jâke 3:7

Akrə kä la gbôgbô ndə̂kə̂ mbo rə̂ pä ngoa agia balë balë gbɛ̂ dje tchë: Agia batə̂ agia güsü, anyïɛ̈nə̈, agia ndə̂ andjë hro ku bêche, la agiangû. Dëkë tche mbô andjê, andjë djê tchë nə̂.

Bïchuû Pîêre 3:3

Äwäpä nyë wunsə̂ nə̈ dokʉ̈tchê pä, lə̂ adɨ̂ alö, angâ azü ânəadje kə̂ səadje lakə̂ mbo rə gundə̂sə̂ ngbongbo gʉ su andjê la tə̂ andjê. Andjê moadje nyê,

Vötaâ Jâan 1:10

Bëte rə̂ kä, âdə mê ânə, kə̂ toadje pö ndə̂ ngbongbo rə ndə̂ tche mbô rə̂ ësûwu, tchetchë ndə̂ tche tô angbongbo pö, la apö yepa la rə̈ azə̂. Âdə̂âbo kütû rə ndə̂ tche mbô rə̂ kä lâme-a. Tche kösə̂ kə̂ kʉ azü ndə̂ Krîsiti ndə̂ andjë sə̂ lakə̂ rôrö, kə̂ kîtə̂ köbo tə̂ angâ yê ndə̂ andjë nyîndə̂ kə̂ kʉ andjê, ndjë tche grô angâ yê nə̈ lâme lə̂ Egilîze.

Apökälîbïchi 12:9

A yî gbölö gia ndə̂ tche wâ batə̂ mbölëngä lâme atə̂ bêche. Tchetchë kä ndə̂ âwâtə̂ bəndɨ ɛ̈krʉ̂ ndə̂ a ê rə̂ tə̂ yê pä Jâbolo, Satäa earə̂ kə̂ bolo azü pâ cho gbɛ̂. A yî tchë atə̂ bêche, tchetchë la aânje ndə̂ yê.

Apökälîbïchi 13:14

Tche mbö rə̂ pä köbo azü yu la akpɨ̈ngbɨ̈ rə ndə̂ a zâ köbo sə̈ tchë ndə̂kə̂ mbo rə̂ tchâtchu gia nə̈. Tche tö rə̂ sə̈ azü tchêbêche ndə̂kə̂ mbo nyîsɨ̂ gia nə̈ ndə̂ a tû ku tə̂ yê la besala ânyë gbô tchë wâ la tʉ̈rʉ̂ la yê lâme.

Apökälîbïchi 18:23

Ngbänga lâmba kä tcho bata bhândə̂ zə̈ balë tee-a, a âkä dje bata tchə̂lə̂ gɨ̈ bechë-ɛ̈köchë la bechë-ɛ̈chë ndə̂ andjë totə̂ andjê tə̂ täfo nə̈ balë tee-a. Bëte a-earə̂ waɛ̂che ndə̂ zə̈ wä alême tə̂ agbölö azü tchêbêche, ânyë lə̂ köbosə̂ yëwä ndə̂ zə̈ köbo yu tə̂ azü gö gbɛ̂.»

Apökälîbïchi 19:20

A zâ gia nə̈, ndjë la earə̂ ndə̂ma ndjapä ndə̂ yepa ndə̂ tche mbô akpɨ̈ngbɨ̈ rə tchâtchu gbölö gia nə̈ lâme. Earə̂ ndə̂ma ndjapä ndə̂ yepa nə̈ kä ndə̂ âmbô rə̂ pä köbo yû tə̂ andjanə̈ ndə̂ andjë gbô nyîsɨ̂ gia nə̈, ânyë kə̈ vôga nyîsɨ̂ yê. A yî gia nə̈ la earə̂ ndə̂ma ndjapä ndə̂ yepa lâme la tʉ̈rʉ̂ la andjê lə̂ gbölö tïmï wo ndə̂ sûfre.