Jâke 3:17 - Mbëtï Ndjapä: TÄFO MADƗ̈

¹⁷ Küma ndə̂ âwa lanə̈, ndə̂ âtô bhâ lafô mbö rə̂ pä akrə wa tə̂ dokʉ̈ nə̈ la grôgrô su, pânə̈ âmbo rə̂ pä azü sə la zɨtɨ su, kə̂ mbo rə nyima-ë, kə̂ djetə̂ andjê lə̂ gbâtə̂ andjê, kə̂ sɨ̂sɨ̈ lakə̂ wun nyonyo azü, lakə̂ mbo tchôtchô rə tə̂ andjê. Akrə ndə̂ küma yê wâ lanə̈, tche sə̂âbo dəndə̂ ngâ akrə balë-a, kə̂ mbôâbo rə ngbî tə̂ pö ma yê-a.

Jâke 3:17 Iomraidhean Croise

Matiyə̈ 23:28

Nyënyê ndjë, lə̂ la azü nyë kʉ̈tə̂ nyê la adjîrə̂ azü, praâbalë su nyê sɨ̂sɨ̈ la apö ma nyê ndə̂ âwâ ngbî tə̂kə̂ mbo rə ndə̂ nyê la ngbongbo rə.

Matiyə̈ 5:8

Nyë wä la mômô, nyënyê ndə̂ nyë wâ la grôgrô su, bëte nyê wun-adje Ndjapä!

Matiyə̈ 5:9

Nyë wä la mômô, nyënyê ndə̂ nyê mbo rə̂ pä zɨtɨ su wa lə̂ gbâtə̂ azü, bëte Ndjapä eadje nyê tə̂ abechë ndə̂ yê!

Lûke 21:15

Bëte mëmê la tə̂ mê, mê zadje pö sə̈ nyê ndə̂kə̂ to rə̂, kə̂ mbo rə̂ pä küma nyê wa lanə̈. Apö lâme, azü ndə̂ andjë kôsə̂ nyê wâbo ndə̂kə̂ to ndjë ngâ pö ngbî ndə̂nə̈, âdəndjë ndə̂kə̂ kosə̂ nə̈-a.

Lûke 6:36

Äwäpä nyë mbo dâkâ batə̂ rə̂ ndə̂ Bha nyê mbô ndjë rə̂.»

Jâan 1:14

Tchanə̈ ndə̂ tche wâtə̂ Pö nə̈ lâme mbötə̂ yê tə̂ akrə, kə̈ sə̂ lə̂ gbâtə̂ azə̂; tchôtchô su la lëge pö sɨ̂sɨ̈ lə̂ yê. Ârâ wün golowäre ndə̂ yê, golowäre ndə̂ gbokôngô Modô gbô rə̂ tchânə̂ Bha.

Jâan 1:47

Ndə̂ Jezü wûn Nätänäyêle ndə̂ tche sə̂ lakə̂ pu tchë, kə̈ tô pö ndə̂ yê päkëdə̂: «Lëge akrə gö ndə̂ Isarayële kä âtə. Tche wûn-âbo sə̂kə̂ mo yepa sə̈ azü-a.»

Abadjângele 11:24

Bärnäbâse də̈ tchôtchô akrə, tche sɨ̂sɨ̈ la Kpɨ̂ki Yingö, kə̈ gê lə̂ kə̂ za su sə̈ Ndjapä. Kpûlû azü zâtə̂ andjê gbɛ̂ sə̈ Gbölö Gbïɛ̈.

Abadjângele 9:36

Lə̂ gbölö gö ndə̂ Jopë, ngâ ɛ̈chë ndə̂ tche wâtə̂ djisîpili ndə̂ Jezü kä tâ ndə̂ rə̈ yê wû pä Tabïta. Rə̈ yê la ma gerêke wä pä Dörökâse, ndə̂ ânyîndə̂ kə̂ to rə̂ pä «mbölë». Tche zätə̂ yê gbɛ̂ ndə̂kə̂ mbo tchôtchô rə tə̂ azü, ndə̂kə̂ za könô sə̈ a-earə̂ yûkü.

Rômo 12:18

Âdə köbo âwa tâ, lə̂ köbosə̂ gbôgbô ndə̂ nyë wâ la rə̂, äwäpä nyë wa la zɨtɨ su la azü gbɛ̂.

Rômo 12:9

Äwäpä azə̈ nyində̂ angâ azə̂ la su azə̂ balë. Nyë kpë tə̂ ngbongbo rə, kə̂ zatə̂ nyê lə̂ rə ndə̂ âwâtə̂ tchôtchô nə̈.

Rômo 15:14

Arə̂mâ ndə̂ mê, më wünsə̂ nə̈ tə̂ lëge nə̈ bhâtə̂ su mê pä gʉgʉ kə̂ mbo tchôtchô rə sɨ̂sɨ̈ lə̂ su nyê; më wünsə̂ nə̈ pä nyë wünsə̂ rə lə̂ köbo nə̈ ânyë kə̈ wâ ndjë ndə̂kə̂ za wängö lə̂ gbâtə̂ nyê la angâ nyê.

Dokʉ̈ Körɛ̂nte 12:8

Yingö zä pö ndə̂ küma ndə̂ âwa lanə̈ sə̈ ngâ akrə, kə̈ zâ gbôgbô sə̈ ngânə̈ ndə̂kə̂ to pö lə̂ köbosə̂ kə̂ wunsə̂ rə.

Bïchuû Körɛ̂nte 10:1

Mëmê Pôlo, më yükû ngâ rə tchânə̂ nyê la rə̈ Krîsiti, tchetchë ndə̂ tche mbo rə nyima lakə̂ mbo dâkâ. A tö rə̂ pä âdə më âsə lə̂ gûtə̂ nyê kə̂ watə̂ zɨtɨ akrə, praâbalë âdə mê âsə tə̂ nyê ngrɨ̈, kə̂ mbo rə vrâdjâ vrâdjâ.

Bïchuû Körɛ̂nte 6:6

Ârâ nyï ndjë sə̂nə̈ pä ârâ də̈ alëge a-earə̂ kua ndə̂ Ndjapä lakə̂ sə ndə̂ ârâ la grôgrô su, lə̂kə̂ wunsə̂ rə, lakə̂ rʉatə̂ su ârâ, lə̂ dâkâ ndə̂ ârâ, lə̂ köbosə̂ Kpɨ̂ki Yingö, lə̂ köbosə̂ lëge kə̂ nyində̂ angâ ârâ lə̂ gbâtə̂ ârâ,

Bïchuû Körɛ̂nte 7:11

Nyë wünsa arə nyonyo ndə̂ âgbô nyê ndə̂ Ndjapä nyîndə̂ nə̈ lâme, rə ndə̂ âmbô rə̂ kä âtə: Nyë wä la gʉ ndə̂kə̂ mbo kua wândâ wändä, nyë wünsə̂ kə̂ to pö djîrə̂ pâ apö ndə̂ a yî rə̂ lə̂ küma nyê, âdə azü âmbo ngbongbo rə, tchə̂lə̂ nyê kʉ nyê tâ, nyë kä la wawa lə̂ su nyê, nyë kä la gʉ ndə̂kə̂ kä wun mê, nyë wä la gʉ ndə̂kə̂ mbo adjîrə̂ kua, nyë wä ngbanga lə̂ küma azü ndə̂ andjë mbô ngbongbo rə. Lə̂ arə lâme gbɛ̂, nyë nyïsə̂ nə̈ pä pö wâbo lə̂ küma nyê-a.

Bïchuû Körɛ̂nte 9:10

Ndjapä ndə̂ tche kʉ andjî rəgʉ sə̈ earə̂ kə̂ lu rəgʉ, ânyë kə̂ kʉ kɨ̈zɨ̂ sə̈ azü ndə̂kə̂ zɨ rə̂, tchê kʉadje andjî rəgʉ sə̈ nyê, kə̂ mbo rə̂ pä äle ndə̂kə̂ pa azü gbo atchôtchô arə tə̂ gbölösə̂nə̈ lə̂ köbosə̂ nyê.

Ëfêze 5:9

Bëte rə ndə̂ ngbänga nə la rə̂ də̈: Kə̂ mbo dâkâ, kə̂ mbo djîrə̂ rə la lëge pö.

Fïlîpe 1:11

Nyê wadje tə̂ azü ndə̂ adjîrə̂ arə sɨ̂sɨ̈ lə̂ andjê, ndə̂ ânə̂ lə̂ köbosə̂ Jezü Krîsiti. Käko kä ndə̂ a voga Ndjapä lakə̂ lusə̂ yê.

Fïlîpe 4:8

Ndə̂kə̂ ka pö nə̈, arə̂mä, äwäpä nyë za su nyê pâ rə ndə̂ âdâka, rə ndə̂ a voga rə̂, rə ndə̂ âwâtə̂ lëge nə̈, rə ndə̂ a lusə̂ nə̈, rə ndə̂ âwâ djîrə̂, rə ndə̂ âdâka gbɛ̂, rə ndə̂ âfû lə̂ la azü, rə ndə̂ a to tchôtchô pö ndə̂nə̈ sə̈ azü.

Kölôse 1:10

Käko äwäpä tchîsûwu ndə̂ nyê daka gbɛ̂ gundə̂sə̂ nə̈ ndə̂ Gbölö Gbïɛ̈ nyîndə̂ nə̈, ânyë nyê mbo arə ndə̂ âfû tə̂ yê. Äwäpä kə̂ wunsə̂ Ndjapä ndə̂ nyê e atə̂ tchâtchu nə̈.

Dokʉ̈ Tësälönîke 2:7

Äwä âme ndə̂kə̂ pa ârâ wa batə̂ ngâ kʉ̂ngbô pâ nyê tə̂ pö ndə̂nə̈ ndə̂ ârâ wâtə̂ abadjângele ndə̂ Krîsiti. Praâbalë ndə̂ ârâ sə̂ alême lə̂ gbâtə̂ nyê, ârâ mbö nyê nyima-ë, batə̂ ngâ anyï bechë ndə̂ tche kʉ̂ abechë ndə̂ yê ë krʉ yê ânyë kə̂ za ngo ëma andjê.

Dokʉ̈ Timotë 5:21

Më yükû nə̈ sə̈ mö la gbôgbô tchâtchu Ndjapä, ndjë tchâtchu Jezü Krîsiti la aânje ndə̂ Ndjapä dɨ̂ andjê, amö mbo rə gundə̂sə̂ kə̂ zama lâme, kə̂ səabô sə̂ dəndə̂ ngâ akrə balë-ê, kə̂ nyiabô nyîndə̂ ngâ akrə âro ngânə̈-ê.

Bïchuû Timotë 2:24

Dëkë earə̂ kua ndə̂ Gbölö Gbïɛ̈ wâbo ndə̂kə̂ po-a. Praâbalë äwäpä azü gbɛ̂ nyində̂ yê, tche wunsə̂ kə̂ nyisə̂ rə sə̈ azü, kə̂ rʉatə̂ su yê lə̂ angbongbo apö ndə̂ azü.

Tîte 1:15

Rə wätə̂ grôgrô nə̈ tchâtchu azü ndə̂ andjë wâ la grôgrô su. Praâbalë andə̂ andjanə̈ ndə̂ andjë wâ la kâkpö, ânyë kə̈ kôsə̂ kə̂ za su andjê sə̈ Krîsiti, ngâ rə ndə̂ âwâtə̂ grôgrô nə̈ lə̂ la andjê balë wâbo-a, praâbalë kə̂ wunsə̂ rə ndə̂ andjê lakə̂ rɨ tchə̂lə̂ su andjê wä la kâkpö.

Tîte 3:2

Âwâbo pä andjë dro ngâ akrə balë-a, äwäpä andjë kpe tə̂kə̂ po lə̂ gbâtə̂ andjê, äwäpä andjë nyisə̂ dâkâ ndə̂ andjê, kə̂ mbo rə tə̂ nyima nə̈ logbɛ̂ tə̂ azü gbɛ̂.

Aheborö 12:11

Âdə a âbhi akrə, posə̂nə̈ tə̂ yê krâbo-a, tchë kä la nyonyo. Praâbalë tə̂ngâlo, akrə ndə̂ a nyîsə̂ rə sə̈ tchë, tchê gboadje atchôtchô arə ngbânə̈: Zɨtɨ su la tchôtchô kə̂ sə.

Aheborö 12:14

Nyë pü köbo ndə̂kə̂ sə la zɨtɨ su la azü gbɛ̂, kə̂ mbo rə̂ pä tchîsûwu ndə̂ nyê daka gbɛ̂. Bëte ârə̂ âdəabô də̂ käko, akrə balë wun-abô Gbölö Gbïɛ̈ tee-a.

Jâke 1:17

Arə gbɛ̂ ndə̂ sə̂nə̈ lû, la akʉbala ndə̂ âdâka gbɛ̂ tö bhâ lafô, bhândə̂ Ndjapä, ndə̂ tche mbô arə ndə̂ âwâ la ngbänga yê tâ. Tche djêâbo tchə̂lə̂ tə̂ yê-a, kə̈ wâbo la tchâkrʉzrö yê tâ ndə̂ âtro-a.

Jâke 1:5

Âdə ngâ akrə ndə̂ küma yê wâbô wâ lanə̈ âwa lə̂ gbâtə̂ nyê, äwäpä tche yukû nə̈ tchânə̂ Ndjapä, ndə̂ tche kʉ rə sə̈ azü gbɛ̂ la tchôtchô su, tchê zadje rə̂ sə̈ tchë, kə̂ yuabô ma akrə nə̈ pânə̈ tee-a.

Jâke 2:13

Bëte akrə ndə̂ tche wûn-âbô nyonyo angâ yê wûn-î, Ndjapä âsə̈ wa ngbanga lə̂ küma yê, kə̂ wun-abô ndjë nyonyo yê tee-a, bëte kə̂ wun nyonyo akrə kä ndə̂ âmbo rə̂ pä akrə wutu lə̂ ngbanga kênê ämbänə̈.

Jâke 2:4

Käko nyënyê la tə̂ nyê, nyë lûâbo sə̂ ngâ akrə ârô ngâ yê kä lâme? Dju kə̂ wa ngbanga ndə̂ nyê lâme wâbo tə̂ ngbongbo nə̈ kä lâme?

Jâke 3:15

Ngoa küma ndə̂ âwa lanə̈ käko lâme tôâbo bhâ lafô-a, ätö kpô bêche âtə, ätö lə̂ köbosə̂ akrə, ätö bhândə̂ Jâbolo.

Jâke 4:8

Nyë gïtə̂ nyê ndola Ndjapä, ânyë tche giadje ndjë tə̂ yê ndola nyê. Nyënyê ndə̂ a-earə̂ ngbongbo rə, nyë grʉ̈ bata ngbongbo rə grʉ̂-ê, nyënyê ndə̂ su nyê wâ bïbïchuû âtə! Nyë djütu tchə̂lə̂ su nyê.

Dokʉ̈ Pîêre 1:22

A djûtu ngbongbo rə ndə̂ nyê nə̂ lə̂ köbosə̂ nə̈ ndə̂ nyë mbô rə gundə̂sə̂ lëge pö, lakə̂ nyində̂ angâ nyê la su nyê balë lâme. Käko nyë nyïndə̂ angâ nyê lə̂ gbâtə̂ nyê la grôgrô su, kə̂ sə kpôtâ.

Dokʉ̈ Pîêre 2:1

Nyë gbötə̂ köbo ndə̂kə̂ mbo ngbongbo su gbɛ̂, kə̂ gbotə̂ köbo ndə̂kə̂ bolo azü-î. Pö ma nyê wäbô wâ ngbî tə̂kə̂ mbo rə ndə̂ nyê-ê. Nyë gbötə̂ gbölö su, kə̂ gbotə̂ kə̂ jende azü-î.

Dokʉ̈ Pîêre 2:18

Nyënyê ndə̂ a-earə̂ kua, nyë djë ma a-earə̂ nyê la gbölö wa. Âwâbo pä nyë dje kütû ma andjanə̈ ndə̂ andjë dâka-a, la andjanə̈ ndə̂ andjë wâ zɨtɨ-a, praâbalë nyë djë ndjë ma andjänə̈ ndə̂ andjë ki lâme.

Dokʉ̈ Jâan 3:18

Abechë ndə̂ mê, nyë nyïäbô nyîndə̂ angâ nyê kütû la wünwün pö-ê, âdəndjë mbämbä pö lə̂ ma nyê-ê, praâbalë nyë nyïndə̂ angâ nyê lakə̂ mbo kua nə̈, ndjë lə̂ köbosə̂ lëge pö.

Dokʉ̈ Jâan 3:3

Akrə ndə̂ tche zâ su yê pâ pö lâme, äwäpä tche ji ngbongbo rə lə̂ yê, bëte Krîsiti wâbo la ngbongbo rə lə̂ yê-a.