Jâke 3:15 - Mbëtï Ndjapä: TÄFO MADƗ̈

¹⁵ Ngoa küma ndə̂ âwa lanə̈ käko lâme tôâbo bhâ lafô-a, ätö kpô bêche âtə, ätö lə̂ köbosə̂ akrə, ätö bhândə̂ Jâbolo.

Jâke 3:15 Iomraidhean Croise

Lûke 16:8

Gbölö akrə ndə̂ ngbongbo earə̂ kə̂ bata rə lâme gâmba tchë bëte tche mbö rə lâme la känyï. Bëte azü tchêbêche âtə wä la känyï lakə̂ mbo rə sə̈ angâ andjê lə̂ gbâtə̂ andjê, ârô azü ndə̂ Ndjapä ndə̂ andjë wâtə̂ azü ndə̂ ngbänga.»

Jâan 3:17

Ndjapä wân-âbo Modô ndə̂ yê atə̂ bêche âtə ndə̂kə̂ wa ngbanga lə̂ küma azü-a, praâbalë tche wän tchë ndə̂kə̂ pa azü tchêbêche tcha lə̂ köbosə̂ yê.

Jâan 8:44

Bha nyê də̈ Jâbolo, nyë nyïndə̂ kə̂ mbo arə gundə̂sə̂ arə ndə̂ su bha nyê nyîndə̂ nə̈. Tche də̈ earə̂ kə̂ won azü alême lə̂ kêsâ nə̈. Tche krʉ̂âbo balë lə̂ lëge pö-a, bëte lëge pö wâbo lə̂ yê-a. Âdə tche âmo yepa, tche tö pö la känyï ndə̂ yê la tə̂ yê, bëte tche də̈ earə̂ yepa, kə̈ wâ ndjë tə̂ bha yepa.

Abadjângele 13:10

kə̈ tô rə̂ sə̈ tchë päkëdə̂: «Momö, ndə̂ kə̂ bolo azü la yepa sɨ̂sɨ̈ lə̂ zə̈ âtə, modô ndə̂ Jâbolo, mo kïtə̂ köbo tə̂ djîrə̂ rə. Dalatchêbâ kä ndə̂ mo gbotə̂ kə̂ ndɨ tchə̂lə̂ köbo Gbölö Gbïɛ̈ ndə̂ âwâ gbêwôn lâme?

Rômo 1:22

Andjë wüntî pä anyë wätə̂ azü ndə̂ küma andjê wâ lanə̈, dëkë andjë wätə̂ a-earə̂ nyî.

Dokʉ̈ Körɛ̂nte 1:27

Praâbalë rə ndə̂ azü pâ cho wûn rə̂ batə̂ rə nyî, Ndjapä dɨ̈ rə̂ ndə̂kə̂ yi ganô lə̂ la azü ndə̂ küma andjê wâ lanə̈. Rə ndə̂ azü pâ cho wûn rə̂ batə̂ mömö rə, Ndjapä zä rə̂ ndə̂kə̂ yi ganô lə̂ la a-earə̂ gbôgbô.

Dokʉ̈ Körɛ̂nte 2:14

Akrə ndə̂ tche wâbô wâ la Yingö ndə̂ Ndjapä, tche wâbo ndə̂kə̂ gamba arə ndə̂ Kpɨ̂ki Yingö-a. Rə nə̈ wä batə̂ rə nyî lə̂ la yê, tche wâbo ndə̂kə̂ dje tchə̂lə̂ nə̈-a, bëte lə̂ köbosə̂ Kpɨ̂ki Yingö balë kä ndə̂ akrə wünsə̂ kə̂ krʉ tchə̂lə̂ tchôtchô rə la ngbongbo rə.

Dokʉ̈ Körɛ̂nte 3:19

Bëte küma azü tchêbêche ndə̂ âwa lanə̈ wätə̂ rə nyî lə̂ la Ndjapä. Ädə̈ käko ânyë Mbëtï Ndjapä tô rə̂ päkëdə̂: «Ndjapä gbö azü ndə̂ küma andjê wâ lanə̈ lâme lə̂ känyï ndə̂kə̂ bolo azü ndə̂ andjê la tə̂ andjê.»

Dokʉ̈ Körɛ̂nte 3:3

Bëte gbô nyê kä lakə̂ mbo rə batə̂ azü ndə̂ tchêbêche âtə. Gbölö su lakə̂ po kä lə̂ gbâtə̂ nyê. Ânyîâbo sə̂nə̈ pä nyë mbö rə batə̂ azü ndə̂ tchêbêche âtə? Kə̂ mbo rə ndə̂ nyê wâbo batə̂ andə̂ azü gbɛ̂?

Bïchuû Körɛ̂nte 1:12

Bëte rə ndə̂ tə̂ ârâ krâ lə̂ köbosə̂ nə̈ wä kâkë: Kə̂ rɨ tchə̂lə̂ su ârâ nyïsə̂ nə̈ sə̈ ârâ pä ârâ sə̈ pâ cho âtə la grôgrô su. Ârâ sə̈ ndjë käko lakə̂ mbotə̂ ârâ kpîɛ̂kpîɛ̂ rə̂ lə̂ la nyê, ndjë lə̂ köbosə̂ lëge pö. Âdə̂âbo lə̂ köbosə̂ küma akrə ndə̂ âwâ lanə̈-a, praâbalë lə̂ köbosə̂ tchôtchô su ndə̂ Ndjapä.

Bïchuû Körɛ̂nte 11:3

Praâbalë batə̂ rə̂ ndə̂ ɛ̈krʉ̂ ndə̂ tche bôlo Ɛ̂ve la känyï ndə̂ yê alême, wawa mbö mê ndə̂kə̂ pa su nyê ndɨabô ndɨ̂-î, ânyë nyê gboabô gbôtə̂ kə̂ za tchêngbâ Krîsiti ndə̂ nyë zâtə̂ nyê gbɛ̂ sə̈ tchë la grôgrô su lâme-ê.

Fïlîpe 3:19

Köbo ndə̂ andjë zâ rə̂ lâme, ârə̂ âwutu la andjê ëtə̂ kuzü, bëte ndjapä ndə̂ andjê də̈ tchə̂lə̂ andjê, andjë bhï gogo andjê tə̂ rə ndə̂ âmbo ganô tə̂ andjê. Andjë zä su andjê gbɛ̂ kütû pâ arə tchêbêche âtə.

Bïchuû Tësälönîke 2:9

Ngbongbo akrə lâme ânə me kə̂ mbo kua ndə̂ yê la gbôgbô ndə̂ Satäa. Tchê mboadje akpɨ̈ngbɨ̈ rə ngbî ngbî la asɨ̂nyî arə, la arə ndə̂ âropâ küma azü, ndə̂kə̂ bolo andjê.

Dokʉ̈ Timotë 4:1

Kpɨ̂ki Yingö tö rə̂ kraâ päkëdə̂: Lə̂ adɨ̂ alö âtə, angâ azü âgboadje tə̂ köbo su andjê ndə̂ andjë zâ rə̂ sə̈ Krîsiti, kə̂ zadje tə̂ andjê sə̈ ayingö ndə̂ âbolo azü, lakə̂ nyisə̂ rə ndə̂ âtô bhândə̂ angbongbo atchozö.

Jâke 1:17

Arə gbɛ̂ ndə̂ sə̂nə̈ lû, la akʉbala ndə̂ âdâka gbɛ̂ tö bhâ lafô, bhândə̂ Ndjapä, ndə̂ tche mbô arə ndə̂ âwâ la ngbänga yê tâ. Tche djêâbo tchə̂lə̂ tə̂ yê-a, kə̈ wâbo la tchâkrʉzrö yê tâ ndə̂ âtro-a.

Jâke 1:5

Âdə ngâ akrə ndə̂ küma yê wâbô wâ lanə̈ âwa lə̂ gbâtə̂ nyê, äwäpä tche yukû nə̈ tchânə̂ Ndjapä, ndə̂ tche kʉ rə sə̈ azü gbɛ̂ la tchôtchô su, tchê zadje rə̂ sə̈ tchë, kə̂ yuabô ma akrə nə̈ pânə̈ tee-a.

Jâke 3:17

Küma ndə̂ âwa lanə̈, ndə̂ âtô bhâ lafô mbö rə̂ pä akrə wa tə̂ dokʉ̈ nə̈ la grôgrô su, pânə̈ âmbo rə̂ pä azü sə la zɨtɨ su, kə̂ mbo rə nyima-ë, kə̂ djetə̂ andjê lə̂ gbâtə̂ andjê, kə̂ sɨ̂sɨ̈ lakə̂ wun nyonyo azü, lakə̂ mbo tchôtchô rə tə̂ andjê. Akrə ndə̂ küma yê wâ lanə̈, tche sə̂âbo dəndə̂ ngâ akrə balë-a, kə̂ mbôâbo rə ngbî tə̂ pö ma yê-a.

Jûde 1:19

Andjendjê kä âkə̂ krʉ tchə̂lə̂ azü ndə̂ Krîsiti, apö lə̂ su andjê də̈ andə̂ azü tchêbêche, andjë wâbo la Kpɨ̂ki Yingö-a.

Apökälîbïchi 12:9

A yî gbölö gia ndə̂ tche wâ batə̂ mbölëngä lâme atə̂ bêche. Tchetchë kä ndə̂ âwâtə̂ bəndɨ ɛ̈krʉ̂ ndə̂ a ê rə̂ tə̂ yê pä Jâbolo, Satäa earə̂ kə̂ bolo azü pâ cho gbɛ̂. A yî tchë atə̂ bêche, tchetchë la aânje ndə̂ yê.

Apökälîbïchi 2:24

«Praâbalë më tö rə̂ sə̈ nyê, nyënyê adɨ̂ azü gö ndə̂ Tïyätîre, ndə̂ nyë kôsə̂ kə̂ za tchêngbâ andjê la ngbongbo pö ndə̂ andjë nyisə̂ nə̈ lâme, ânyë kə̈ zâbô su nyê zâ pâ rə ndə̂ andjë e rə̂ tâ päkëdə̂: ‹Kə̂ nyisə̂ rə ndə̂ Satäa ndə̂ gbô rə̂ wâ lə̂ küwû nə̈›, më zâbo ngâ kʉ̂ngbô ngbî ëpâ nyê-a.

Apökälîbïchi 9:11

Gbïɛ̈ ndə̂ atchükumbâ nə̈ də̈ ânje ndə̂ gbölö kudû ndə̂ tchə̂lə̂ nə̈ bû biî lâme. Rə̈ yê la ma heborö wü pä «Abadön», rə̈ yê la ma gerêke wû pä «Apoliön» ndə̂ ânyîndə̂ kə̂ to rə̂ pä «Earə̂ kə̂ ndɨ rə.»