Jâke 3:14 - Mbëtï Ndjapä: TÄFO MADƗ̈

¹⁴ Praâbalë âdə nyê âwa la kïkï gbölö su, ndjë la gʉ ndə̂kə̂ wa gbölö tə̂ angâ nyê, nyë bhïäbô gogo nyê bhî ämbänə̈-ê, lakə̂ mo yepa ndə̂kə̂ ndɨ köbo lëge pö-ê.

Jâke 3:14 Iomraidhean Croise

Matiyə̈ 27:18

Bëte Pïlâte wûnsə̂ nə̈ nə̂ pä andjë gbötə̂ Mesï ëtchânə̂ yê lə̂ köbosə̂ gbölö su.

Jâan 16:2

Bëte andjê groadje nyê lə̂ anda kə̂ voga Ndjapä. Pânə̈ lo nə̈ wutuadje ndə̂ andjanə̈ ndə̂ andjë won nyê toadje rə̂ bhâtə̂ su andjê pä, kua ndə̂ Ndjapä kä ndə̂ anyë mbô rə̂ lâme.

Abadjângele 13:45

Ndə̂ ajuîfu wûn kpûlû azü nə̈, andjë wâ la gbölö su, ânyë andjë sə̂ lakə̂ kosə̂ apö ndə̂ Pôlo ânyë kə̈ sə̂ lakə̂ dro tchë.

Abadjângele 26:9

«Bhândə̂ mê, më wüntî pä më âmbo rə̂ alême gbɛ̂ ndə̂kə̂ wrʉ rə̈ Jezü ndə̂ Näzärête.

Abadjângele 5:17

Käko gbölö earə̂ kə̂ wa ngela sə̈ Ndjapä la azü gbɛ̂ ndə̂ andjë sə̂ ndrotə̂ yê, ndə̂ ânyîndə̂ kə̂ to rə̂ pä kpûlû azü ndə̂ asadusïɛ̈n, andjë mbô gbölö su tə̂ abadjângele ânyë kə̈ nyîndə̂ kə̂ mbo ngâ rə.

Abadjângele 7:9

«Araâta azə̂ wä alême la gbölö su tə̂ Jozêfu, kə̈ kâ tchë ânyë tche wâtə̂ ngbâa lə̂ gö ndə̂ Ejîpiti. Praâbalë Ndjapä kä la tchë.

Rômo 1:29

Arə mbə̈lï sɨ̂sɨ̈ lə̂ su andjê: Andjë mbö ngbongbo rə, andjë wä la gʉ kə̂ gbo rə tə̂ gbölösə̂nə̈, andjë wätə̂ azü ndə̂ ngbongbo su. Gbölö su rôpâ andjê, andjë wätə̂ a-earə̂ kə̂ won azü, a-earə̂ kə̂ po la angâ andjê, a-earə̂ kə̂ bolo azü, andjë tö angbongbo apö tə̂ angâ andjê lə̂ gbâtə̂ andjê, a-earə̂ kə̂ mo yepa lə̂ küma angâ andjê,

Rômo 13:13

Äwäpä kə̂ mbo rə ndə̂ azə̂ wa lə̂ köbo nə̈ djîrə̂ batə̂ andə̂ azü ndə̂ andjë mbo rə la tchêdalo. Azə̈ zɨ̈äbô rə zɨ̂ kə̂ ndjoabô rə ndjô âro masə̂nə̈-ê. Azə̈ mböäbô ngbongbo rə mbô-ê, kə̂ puabô ɛ̈chë âdəndjë köchë ndə̂ akrə pû-î. Azə̈ pöäbô pô-ê, kə̂ wabô wâ la gbölö su-ê.

Rômo 2:17

Praâbalë momö ndə̂ mo tô rə̂ pä mo wätə̂ juîfu âtə, mo zä su zə̈ pâ ndïɛ̈ ânyë kə̂ bhi gogo zə̈ sə̈ Ndjapä ndə̂ zə̈.

Rômo 2:8

Praâbalë angâ azü kösə̂ kə̂ dje ma Ndjapä, kə̈ kôsə̂ lëge pö, kə̂ mbo kütû mbə̈lï. Andə̂ andjë nə̈, su Ndjapä âkʉadje tchë tə̂ andjê ânyë tchê wadje ngbanga lə̂ küma andjê.

Dokʉ̈ Körɛ̂nte 13:4

Akrə ndə̂ tche nyîndə̂ ngâ yê, tche rʉ̈ätə̂ su yê, tche mbö dâkâ, tche mbôâbo gbölö su-a, kə̈ mbôâbo tə̂ yê gbölö-a, kə̈ bhîâbo gogo yê-a.

Dokʉ̈ Körɛ̂nte 3:3

Bëte gbô nyê kä lakə̂ mbo rə batə̂ azü ndə̂ tchêbêche âtə. Gbölö su lakə̂ po kä lə̂ gbâtə̂ nyê. Ânyîâbo sə̂nə̈ pä nyë mbö rə batə̂ azü ndə̂ tchêbêche âtə? Kə̂ mbo rə ndə̂ nyê wâbo batə̂ andə̂ azü gbɛ̂?

Dokʉ̈ Körɛ̂nte 5:2

Nyë sə̈ lakə̂ bhi gogo nyê pâ arə käko! Äwä âme ndə̂kə̂ pa nyë sə la nyonyo, ânyë akrə ndə̂ tche mbo tə̂ rə käko, nyê ji tchë lə̂ gûtə̂ nyê-ê.

Dokʉ̈ Körɛ̂nte 5:6

Rə ndə̂ nyê bhi gogo nyê tə̂ pö ndə̂nə̈ lâme dâkabô-a! Nyë wûn-âbo sə̂nə̈ pä kütû kpîɛ̂kpîɛ̂ djëvö ndə̂ âwâ lə̂ zûwü farîni kä ndə̂ âmbo rə̂ pä farîni nə̈ suku?

Bïchuû Körɛ̂nte 12:20

Wawa mbö mê ndə̂kə̂ pa âdə mê âsə̈ wutu bhândə̂ nyê, kə̂ wun kə̂ sə ndə̂ nyê âwa ngbî tə̂ anə̈ ndə̂ su mê nyîndə̂ nə̈, ânyë nyënyê ndjë gbɛ̂, nyê wun kə̂ sə ndə̂ mê âwa ngbî tə̂ anə̈ ndə̂ su nyê nyîndə̂ nə̈. Wawa mbö mê ndə̂kə̂ pa angbongbo arə kâkë wabô wâ lə̂ gbâtə̂ nyê: Kə̂ gama, gbölö su, mêrâ, kə̂ pu köbo ndə̂kə̂ wa batə̂ ngâ yê, kə̂ dro akrə la angbongbo apö, kə̂ to alû, kə̂ bhi gogo, kə̂ mbo angbongbo rə katchôgbɛ̂.

Gälâte 5:15

Praâbalë âdə nyë âsə lakə̂ mbo rə batə̂ agia güsü, lakə̂ to ku tə̂ angâ nyê, lakə̂ lolotə̂ nyê lə̂ gbâtə̂ nyê, la nyë gbö-ê! Ârə̂ âdəabô də̂ käko, nyê won-adje tə̂ nyê lə̂ gbâtə̂ nyê gbɛ̂.

Gälâte 5:20

kə̂ voga angakʉ̈lä, kə̂ mbo yëwä, kə̂ kosə̂ ngâ, kə̂ po, kə̂ mbo gbölö su, kə̂ mbo mêrâ, kə̂ pu köbo ndə̂kə̂ wa batə̂ ngâ yê, kə̂ sə ngbî ngbî tə̂ angâ andjê, kə̂ krʉ tchə̂lə̂ tə̂,

Gälâte 5:21

kə̂ mbo gʉ rə ndə̂ akrə, kə̂ ndjo rə lakə̂ zɨ rə âro masə̂nə̈ lə̂ akpülü, la angâ arə ndə̂ âwâ batə̂ rə̂. Më tô pö lâme sə̈ nyê dokʉ̈tchê nə̂, ânyë kə̂ kä to rə̂ âtə: Azü ndə̂ andjë mbo tə̂ arə käko, andjê gboabô tchô lə̂ Gbölö gö-gbïɛ̈ ndə̂ Ndjapä tee-a.

Gälâte 5:26

Azə̈ mböäbô rə mbô lakə̂ bhi gogo azə̂-ê, azə̈ püäbô angâ azə̂ pû la pö-ê, kə̂ mboabô gʉ rə ndə̂ angâ azə̂ mbô lə̂ gbâtə̂ azə̂-ê.

Gälâte 6:13

Bëte andjanə̈ ndə̂ a wâ andjê la gasa lâme, andjë mbôâbo ndjë rə gundə̂sə̂ ndïɛ̈ la tə̂ andjê-a. Praâbalë andjë nyïndə̂ nə̈ pä a wa nyê la gasa, ânyë andjë bhi gogo andjê pâ nyê.

Fïlîpe 1:15

Tə̂ lëge nə̈, angânə̈ lə̂ gûtə̂ andjê mü pö ndə̂ Krîsiti la gbölö su, kə̈ nyî ndjë ndə̂kə̂ pu tchâma mê, praâbalë angânə̈ mü rə̂ la tchôtchô su.

Fïlîpe 2:3

Âwâbo pä nyë gbogbro tə̂ nyê ndə̂kə̂ pu gbölö tchô âdəndjë ndə̂kə̂ wa la ngbongbo su ndə̂kə̂ pa azü wun nyê-a, praâbalë äwäpä nyë mbotə̂ nyê kpîɛ̂kpîɛ̂ rə̂, kə̂ wun angâ nyê gbölö âro nyê.

Dokʉ̈ Timotë 2:4

Ndjapä nyïndə̂ nə̈ pä azü gbɛ̂ tcha lə̂ kuzü, lakə̂ wunsə̂ lëge pö.

Dokʉ̈ Timotë 6:4

dëkë tche bhï gogo yê lə̂ wünwün nə̈. Tche wûn-âbo sə̂ rə balë-a, tche kä la tə̂kömbô ndə̂kə̂ gama yê la azü, ndjë lakə̂ po tə̂ pö ndə̂ ada apö. Arə lâme kä ndə̂ ânə la gbölö su, kə̂ po lə̂ gbâtə̂ azü, kə̂ dro tchô, kə̂ to angbongbo apö tə̂ azü,

Tîte 3:3

Bëte azəzə̂ gbɛ̂, azə̈ wä ndjë alême tə̂ angbɨ̈lə̈, azü ndə̂ andjë kôsə̂ Ndjapä, azü ndə̂ köbo yû tə̂ andjê, azü ndə̂ andjë wâ alême tə̂ angbâa ndə̂ agʉ arə ngbî ngbî gbɛ̂, la arə tchêbêche ndə̂ âtcho tə̂ azü, azü ndə̂ andjë sə̂ lə̂ ngbongbo su lakə̂ mbo gʉ arə ndə̂ angâ andjê, azü kösə̂ azə̂, azə̈ kô ndjë sə̂ angâ azə̂ lə̂ gbâtə̂ azə̂.

Jâke 1:18

Tchetchë la tə̂ yê, tche zä tchîsûwu sə̈ azə̂ lə̂ köbosə̂ pö ndə̂ yê ndə̂ âwâtə̂ lëge pö, ndə̂kə̂ pa azə̈ watə̂ adokʉ̈ arə gbɛ̂ ndə̂ tche mbô rə̂.

Jâke 3:16

Bëte sə̂nə̈ ndə̂ gbölö su wâ tâ, la gʉ ndə̂kə̂ wa gbölö tə̂ angâ andjê, sə̂nə̈ lâme, arə wâbo lə̂ kpâlâ nə̈-a, ânyë angbongbo kə̂ mbo arə ngbî ngbî kä ndjë tâ.

Jâke 5:19

Arə̂mâ ndə̂ mê, âdə ngâ akrə lə̂ gbâtə̂ nyê âe tʉ̂rʉ tə̂ lëge pö, ânyë ngâ akrə kâ la tchë lə̂ köbo nə̈,