Jâke 3:10 - Mbëtï Ndjapä: TÄFO MADƗ̈

¹⁰ Kə̂ e tchôtchô pö pâ azü, lakə̂ dra ndə̂ azü wütu kütû lə̂ ma balë lâme. Arə̂mâ ndə̂ mê, âwâbo pä rə nə̈ wa käko-a.

Jâke 3:10 Iomraidhean Croise

Rômo 12:14

Nyë yü Ndjapä ndə̂kə̂ pa tche e tchôtchô pö pâ azü ndə̂ andjë mbo nyê la yûkü, nyë yükû nə̈ sə̈ Ndjapä pä tche e tchôtchô pö pâ andjê âdə̂âbo pä tche dra ndə̂ andjê-a.

Dokʉ̈ Körɛ̂nte 3:3

Bëte gbô nyê kä lakə̂ mbo rə batə̂ azü ndə̂ tchêbêche âtə. Gbölö su lakə̂ po kä lə̂ gbâtə̂ nyê. Ânyîâbo sə̂nə̈ pä nyë mbö rə batə̂ azü ndə̂ tchêbêche âtə? Kə̂ mbo rə ndə̂ nyê wâbo batə̂ andə̂ azü gbɛ̂?

Dokʉ̈ Timotë 5:13

Pâ arə lâme gbɛ̂, andjë mbôâbo kua-a, ânyë kua ndə̂ andjê wä kütû ndə̂kə̂ nə kulə̂ manda azü. Âdə̂âbô kütû tə̂ pö ndə̂nə̈ ndə̂ andjë mbôâbo kua mbô lâme kä me-a, praâbalë andjë dɨ̈ apö tə̂ gbölösə̂nə̈, kə̈ vûâbo sə̂ apö-a, kə̂ yitə̂ andjê lə̂ arə ndə̂ âwûn-âbô andjê wûn-î.

Jâke 1:16

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë böloabô tə̂ nyê bôlo-ê.

Jâke 1:19

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä nyë wunsə̂ pö ndə̂ mê tö rə̂ âtə: Äwäpä akrə balë balë deka tü yê gasa kə̂ dje pö, kə̂ toabô pö tô gagasa-ê, kə̂ mboabô mêrâ mbô wândâ-wändä-ê.

Jâke 3:1

Arə̂mâ ndə̂ mê, âwâbo pä angbängbä azü watə̂ a-earə̂ kə̂ nyisə̂ rə-a. Bëte nyë wûnsə̂ nə̈ nə̂ pä azəzə̂ ndə̂ a-earə̂ kə̂ nyisə̂ rə, ngbanga ndə̂ Ndjapä wadje rə̂ pâ azə̂ ârə̂ âwatə̂ ngbongbo nə̈ kə̂ ro masə̂nə̈.

Jâke 3:11

Tchôtchô ngû la chüchü ngû wütu lə̂ küma ngû balë?

Jâke 3:9

Azə̈ vöga Gbölö Gbïɛ̈ ndə̂ tche wâtə̂ Bha azə̂ la tïmï lâme, praâbalë kütû tïmï balë lâme kä ndə̂ azə̈ dra ndə̂ azü la rə̂ ndə̂ Ndjapä mbô andjê batə̂ tchë.

Dokʉ̈ Pîêre 3:9

Ngbongbo rə ndə̂ azü mbo rə̂ tə̂ nyê, nyë mböäbô ndjë ngbongbo rə lâme mbô tə̂ andjê-ê, kə̂ dro tchô ndə̂ azü dro nyê la rə̂, nyë dröäbô ndjë andjê drô ndə̂ sə̂nə̈-ê. Praâbalë nyë ë tchôtchô pö pâ azü, bëte Ndjapä ë nyê tə̂ pö ndə̂nə̈, käko ânyë tche e tchôtchô pö pâ nyê.