Jâke 3:1 - Mbëtï Ndjapä: TÄFO MADƗ̈

¹ Arə̂mâ ndə̂ mê, âwâbo pä angbängbä azü watə̂ a-earə̂ kə̂ nyisə̂ rə-a. Bëte nyë wûnsə̂ nə̈ nə̂ pä azəzə̂ ndə̂ a-earə̂ kə̂ nyisə̂ rə, ngbanga ndə̂ Ndjapä wadje rə̂ pâ azə̂ ârə̂ âwatə̂ ngbongbo nə̈ kə̂ ro masə̂nə̈.

Jâke 3:1 Iomraidhean Croise

Matiyə̈ 10:24

«Djisîpili rôâbo earə̂ kə̂ nyisə̂ rə sə̈ tchë-a, ânyë earə̂ kua rôâbo ndjë gbölö akrə ndə̂ yê-a.

Matiyə̈ 23:13

«Nyonyo kä tə̂ nyê, a-earə̂ kə̂ nyisə̂ ndïɛ̈ la afarizïɛ̈n. Pö ma nyê wä ngbî tə̂kə̂ mbo rə ndə̂ nyê, nyë tchü manda Gbölö gö-gbïɛ̈ ndə̂ tchêlafô tə̂ azü. Nyënyê la tə̂ nyê, nyë nyîâbo ndə̂kə̂ li bhâye-a, praâbalë nyë kïtə̂ köbo tə̂ azü ndə̂ andjë nyîndə̂ kə̂ li bhâye. [

Matiyə̈ 23:14

«Nyonyo kä tə̂ nyê a-earə̂ kə̂ nyisə̂ ndïɛ̈ la afarizïɛ̈n. Pö ma nyê wä ngbî tə̂kə̂ mbo rə ndə̂ nyê, nyë kʉ̈ arə tchâalê gbɛ̂ tə̂ aɛ̈chë lə̂ ndavrö, kə̂ to pö ndə̂ nyê sə̈ Ndjapä gü tə̂ gbölösə̂nə̈ ndə̂kə̂ pa azü wun nyê, Ndjapä âwadje ngbanga tə̂ gbölösə̂nə̈ lə̂ küma nyê!]

Matiyə̈ 9:11

Afarizïɛ̈n wûn rə̂ käko kə̈ tô rə̂ sə̈ adjisîpili ndə̂ Jezü päkëdə̂: «Bëte giamâ earə̂ kə̂ nyisə̂ rə sə̈ nyê zɨ rə la a-earə̂ kə̂ pala makətche-lapöo la a-earə̂ ngbongbo rə?»

Lûke 16:2

Gbölö akrə lâme ê earə̂ kua nə̈, kə̈ tô rə̂ sə̈ tchë päkëdə̂: ‹Pö giamâ kä ndə̂ më djê rə̂ tə̂ zə̈ kâkë? Amö nyisə̂ tchêngbâ kə̈ bata rə ndə̂ zə̈ sə̈ mê! Bëte më nyî bata ndə̂nə̈ pä mo ka wûn tchô pâ arə ndə̂ mê-a.›

Lûke 6:37

«Nyë wäbô ngbanga wâ lə̂ küma angâ nyê, ânyë Ndjapä wabô ndjë ngbanga wâ lə̂ küma nyê. Nyë zäbô pö zâ lə̂ küma angâ nyê, ânyë Ndjapä zabô ndjë pö zâ lə̂ küma nyê. Nyë kö pö lə̂ küma angâ nyê lə̂ gbâtə̂ nyê, käko Ndjapä ko pö lə̂ küma nyê.

Jâan 3:10

Jezü tô rə̂ sə̈ tchë päkëdə̂: «Mo də̈ earə̂ kə̂ nyisə̂ rə sə̈ azü ndə̂ Isarayële, mo wûn-âbo sə̂ arə lâme?

Abadjângele 13:1

Lə̂ Egilîze ndə̂ Äntïyôche, a-earə̂ ndə̂ma Ndjapä la aköchë ndə̂ andjë nyisə̂ rə kä tâ: Bärnäbâse, Simeyön ndə̂ a ê rə̂ tə̂ yê pä bübü akrə, Lüsïûse akrə gö ndə̂ Sïrêne, Manayë ndə̂ andjë kʉ̂che la gbölö kömändâ Hërôde, la Sôlo.

Dokʉ̈ Körɛ̂nte 12:28

Ädə̈ käko ânyë azü ndə̂ Ndjapä kʉ̂ andjê lə̂ Egilîze tə̂ dokʉ̈ nə̈ də̈ abadjângele. Abïchuû nə̈ də̈ a-earə̂ ndə̂ma Ndjapä. Avötaâ azü nə̈ də̈ a-earə̂ kə̂ nyisə̂ rə, pânə̈ azü ndə̂ tche zâ gbôgbô sə̈ andjê ndə̂kə̂ mbo akpɨ̈ngbɨ̈ rə, pânə̈ azü ndə̂ tche zâ gbôgbô sə̈ andjê ndə̂kə̂ tcha a-earə̂ tə̂kömbô, azü ndə̂ tche zâ gbôgbô sə̈ andjê ndə̂kə̂ za könô sə̈ angâ andjê, azü ndə̂ tche zâ gbôgbô sə̈ andjê ndə̂kə̂ sə tə̂ küma angâ andjê, azü ndə̂ tche zâ gbôgbô sə̈ andjê ndə̂kə̂ to pö la ama gö ngbî ngbî ndə̂ andjë wûn-âbô sə̂nə̈ wûn-î.

Bïchuû Körɛ̂nte 5:10

Bëte azə̂ gbɛ̂ wutuadje tchâtchu ngbanga ndə̂ Krîsiti ndə̂kə̂ pa akrə balë balë gbo rə ngbâ rə ndə̂ tche mbô rə̂ sə̂nə̈ ndə̂ tche sə̂ la tʉ̈rʉ̂ la yê pâ cho âtə, atchôtchô nə̈ âdəndjë angbongbo nə̈.

Ëfêze 4:11

Arə ndə̂ Yingö ndə̂ Krîsiti kʉ̂ rə̂ wä kâkë: Tche kʉ̈ rə̂ sə̈ angânə̈ ndə̂kə̂ watə̂ abadjângele, âdəndjë a-earə̂ ndə̂ma Ndjapä, âdəndjë a-earə̂ kə̂ mu Tchôtchô Pö, âdəndjë a-earə̂ kə̂ sə tə̂ küma Egilîze, âdəndjë a-earə̂ kə̂ nyisə̂ rə.

Dokʉ̈ Timotë 1:7

Andjë tö rə̂ pä anyë wätə̂ a-earə̂ kə̂ nyisə̂ ndïɛ̈, dëkë andjë djêâbo tchə̂lə̂ pö ndə̂ andjë to rə̂-a, âdəndjë arə ndə̂ andjë hro kôkôkô pânə̈-a.

Dokʉ̈ Timotë 2:7

Bëte rə̂ kä ndə̂ Ndjapä zâ mê ndə̂kə̂ pa më mu pö ndə̂ yê, kə̂ watə̂ badjângele. Më wä ndjë tə̂ earə̂ kə̂ nyisə̂ rə sə̈ azü ndə̂ andjë wâbô wâtə̂ ajuîfu, ndə̂kə̂ pa andjë za su andjê sə̈ Krîsiti, kə̂ wunsə̂ lëge pö. Pö ndə̂ më tô rə̂ lâme wätə̂ lëge pö, më môâbo yepa-a.

Bïchuû Timotë 1:11

Bëte rə̂ kä ndə̂ Ndjapä zâ mê ndə̂kə̂ pa më mu pö ndə̂ yê, kə̂ watə̂ badjângele, kə̂ nyisə̂ rə.

Aheborö 13:17

Nyë djë ma azü tə̂ küma nyê lə̂ Egilîze, nyë mbö rə ndə̂ andjë yukû nə̈ sə̈ nyê, bëte andjë kä ndə̂ âwun tchô pâ nyê, andjê toadje pö pâ nyê sə̈ Ndjapä. Âdə nyê âsə lakə̂ dje ma azü tə̂ küma nyê lə̂ Egilîze, azü nə̈ səadje lakə̂ mbo kua ndə̂ Ndjapä la mômô, praâbalë âdə̂âbo lakə̂ dɨ tchə̂lə̂ ma-a, praâbalë âdə andjê âdɨ tchə̂lə̂ ma andjê, nyê gboabô ngâ rə ngbânə̈ tee-a.

Jâke 1:16

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë böloabô tə̂ nyê bôlo-ê.

Jâke 1:19

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä nyë wunsə̂ pö ndə̂ mê tö rə̂ âtə: Äwäpä akrə balë balë deka tü yê gasa kə̂ dje pö, kə̂ toabô pö tô gagasa-ê, kə̂ mboabô mêrâ mbô wândâ-wändä-ê.

Jâke 3:10

Kə̂ e tchôtchô pö pâ azü, lakə̂ dra ndə̂ azü wütu kütû lə̂ ma balë lâme. Arə̂mâ ndə̂ mê, âwâbo pä rə nə̈ wa käko-a.

Dokʉ̈ Pîêre 5:3

Nyë mböäbô kümändëmä mbô pâ azü ndə̂ Ndjapä gbôtə̂ andjë ëtchânə̂ nyê lâme batə̂ amakündji-î, praâbalë äwäpä akpûlû azü nə̈ wun tchôtchô kə̂ mbo rə nə̈ tə̂ nyê.