Jâke 2:9 - Mbëtï Ndjapä: TÄFO MADƗ̈

⁹ Praâbalë âdə nyë âsə dəndə̂ ngâ akrə balë, dëkë nyë mbô ngbongbo rə nə̂, ânyë ndïɛ̈ âwa ngbanga lə̂ küma nyê, bëte nyë kôsə̂ ma yê nə̂.

Jâke 2:9 Iomraidhean Croise

Jâan 16:8

Âdə tche ânə, kə̂ mboadje rə̂ ndə̂kə̂ pa azü tchêbêche âtə wunsə̂ ngbongbo rə ndə̂ andjê, kə̂ wunsə̂ kə̂ mbo djîrə̂ rə lakə̂ wa ngbanga ndə̂ Ndjapä.

Jâan 8:46

Tchabâ lə̂ gûtə̂ nyê kä ndə̂ âwâ ndə̂kə̂ nyisə̂ ngâ ngbongbo rə balë ndə̂ më mbô rə̂? Âdə mê âto lëge pö, bëte giamâ nyë gâmbabô pö ndə̂ mê gâmba-ê?

Jâan 8:9

Ndə̂ andjë djê pö nə̈ käko, andjë sə̂ lakə̂ gbo balë balë, ätö tə̂ akpôkpô azü. Jezü sə̂ la kütû yê la ɛ̈chë nə̈ ndə̂ tche krʉ̂ tchâtchu yê.

Abadjângele 10:34

Pîêre zâ pö kə̈ tô rə̂ päkëdə̂: «Tə̂ lëge nə̈, më wûnsə̂ nə̈ nə̂ pä Ndjapä nyïndə̂ azü gbɛ̂, kə̈ sə̂âbo dəndə̂ ngâ akrə balë-a.

Rômo 3:20

Bëte rə̂ kä ndə̂, akrə balë wâbo djîrə̂ lə̂ la Ndjapä lə̂ köbosə̂ kə̂ mbo rə gundə̂sə̂ ndïɛ̈-a. Bëte ndïɛ̈ zä kütû köbo sə̈ akrə ndə̂kə̂ wunsə̂ nə̈ pä tche mbô ngbongbo rə nə̂.

Dokʉ̈ Körɛ̂nte 14:24

Praâbalë âdə azü gbɛ̂ âto ndə̂ma Ndjapä ânyë ngâ akrə ndə̂ tche zâbô su yê zâ sə̈ Krîsiti âdəndjë ngâ mbämbä akrə âli lə̂ gbâtə̂ nyê, tchê wun-adje sə̂ ngbongbo rə ndə̂ yê, ânyë apö gbɛ̂ ndə̂ tche djê rə̂ lâme wadje ngbanga lə̂ küma yê.

Gälâte 2:19

Bëte mëmê, më tchû tə̂ pö ndə̂ ndïɛ̈ alême nə̂, bëte arə ndə̂ âwûn ndïɛ̈, ndə̂kə̂ pa tchîsûwu ndə̂ më wâ la rə̂ äwa bëte Ndjapä. Mëmê la Krîsiti kä ndə̂ âtchû pâ yö ndə̂ gba.

Dokʉ̈ Jâan 3:4

Akrə ndə̂ tche mbô ngbongbo rə, dëkë tche kôsə̂ ndïɛ̈ ndə̂ Ndjapä nə̂, bëte kə̂ mbo ngbongbo rə wätə̂ kə̂ kosə̂ ndïɛ̈ nə̈ lâme.

Jûde 1:15

ndə̂kə̂ wa ngbanga pâ azü ndə̂ tchêbêche gbɛ̂. Azü ndə̂ andjë wâtə̂ a-earə̂ ngbongbo rə, tchê wadje ngbanga pâ andjê bëte angbongbo rə gbɛ̂ ndə̂ andjë mbô rə̂ tə̂ yê. Azü ndə̂ andjë to angbongbo apö pu tchë, tchê wadje ngbanga pâ andjê bëte angbongbo pö ndə̂ andjë tô rə̂ tə̂ yê.»