Jâke 2:7 - Mbëtï Ndjapä: TÄFO MADƗ̈

⁷ Âdə̂âbô andjendjê kä ndə̂ âdɨ angbongbo apö tə̂ tchôtchô rə̈ ndə̂ Ndjapä zâ rə̂ pâ nyê lâme?

Jâke 2:7 Iomraidhean Croise

Matiyə̈ 1:23

«Bechë-ɛ̈chë ndə̂ tche wûn-âbô sə̂ aköchë wûn zadje güzu, kə̂ zɨadje bechë tə̂ köchë, a eadje rə̂ tə̂ yê pä Emanuwɛ̈le, ndə̂ âtô rə̂ pä Ndjapä kä la azə̂.»

Matiyə̈ 12:24

Ndə̂ afarizïɛ̈n djê pö lâme, andjë tô rə̂ päkëdə̂: «Köchë âtə grö angbongbo atchozö kütû la gbôgbô ndə̂ Bëlëzëbûlu, makündji ndə̂ angbongbo atchozö!»

Matiyə̈ 27:63

Andjë tô rə̂ sə̈ tchë päkëdə̂: «Gbölö akrə, sə̂ ngâ pö ndə̂ earə̂ yepa lâme tê lə̂ ârâ nə̂, ndə̂ gbô tchë sə̂ la tʉ̈rʉ̂ la yê alême, tche tö rə̂ päkëdə̂: ‹La tchêngbâ lö vötaâ, mê joadje lə̂ kuzü.›

Abadjângele 11:26

Ndə̂ tche gbô tchë, tche kâ la tchë atə̂ Äntïyôche. Lə̂ ngû balë, andjë bïchuû gbɛ̂ mbô kua lə̂ Egilîze nə̈ lakə̂ nyisə̂ rə sə̈ angbängbä azü. Bhâ Äntïyôche kä ndə̂ azü ê rə̂ tə̂ adjisîpili tə̂ dokʉ̈ nə̈ päkëdə̂: «Azü ndə̂ Krîsiti».

Abadjângele 15:17

Tchâme, adɨ̂ azü gbɛ̂ puadje Gbölö Gbïɛ̈, andjê la azü gbɛ̂ ndə̂ më ê andjê ndə̂kə̂ watə̂ azü ndə̂ mê. Pö ndə̂ Gbölö Gbïɛ̈ tô rə̂ kä lâme.

Abadjângele 26:11

Më rö tchê kulə̂ anda kə̂ voga Ndjapä balë balë ânyë kə̂ mbo andjê la yûkü. Më kʉ̈ andjê la gbôgbô ndə̂kə̂ pa andjë dro Jezü. Su mê kʉ̈ mê ngbâ andjê tə̂ gbölösə̂nə̈ ânyë më sə̂ lakə̂ gro andjê zoo kulə̂ agö ndə̂ angâ azü ngbî.»

Abadjângele 4:12

«Akrə wâbo ndə̂kə̂ tcha lə̂ kuzü lə̂ köbosə̂ ngâ rə̈ ngbî-a, bëte pâ cho gbɛ̂ ngâ rə̈ ngbî ndə̂ Ndjapä zâ rə̂ sə̈ azü ndə̂kə̂ pa andjë tcha lə̂ köbosə̂ nə̈ wâbo balë-a.»

Ëfêze 3:15

ndə̂ tche ê rə̈ tə̂ azü lə̂ bûngrɨ̂ gbɛ̂ ndə̂ andjë sə̂ lafô la andjanə̈ ndə̂ andjë sə̂ pâ cho.

Dokʉ̈ Timotë 1:13

Mëmê ndə̂ më wâ dokʉ̈tchê alême tə̂ earə̂ kə̂ to angbongbo apö, la earə̂ kə̂ mbo azü la yûkü, la earə̂ kə̂ dro tchô. Praâbalë tche wûn nyonyo mê, bëte më wûn-âbo sə̂ arə ndə̂ më mbô rə̂ lâme-a, ndjë bëte më zâbo su mê sə̈ tchë-a.

Dokʉ̈ Pîêre 4:16

Praâbalë âdə akrə âwun yûkü bëte rə̂ ndə̂ tche wätə̂ akrə ndə̂ Krîsiti, âwâbo pä ganô mbo tchë-a, praâbalë äwäpä tche lusə̂ Ndjapä tə̂ pö ndə̂ rə̈ Krîsiti ndə̂ âwâ pâ yê lâme.

Apökälîbïchi 19:13

Tche yü ngâ gbölö lə̂ba ndə̂ jï zâ kʉ̂tê nə̈ gbɛ̂. Rə̈ yê wü päkëdə̂: «Pö Ndjapä.»

Apökälîbïchi 19:16

A mbö ngâ rə̈ pâ gbölö lə̂ba ndə̂ yê ndjë pâ kü yê, rə̈ nə̈ tö rə̂ päkëdə̂: «Gbïɛ̈ ndə̂ agbïɛ̈ la Gbölö Gbïɛ̈ ndə̂ agbölö gbïɛ̈.»