Jâke 2:5 - Mbëtï Ndjapä: TÄFO MADƗ̈

⁵ Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë djë pö âtə: Ndjapä də̂âbo tchë ndə̂ tche dɨ̂ azü ndə̂ andjë wâtə̂ a-earə̂ yûkü lə̂ la azü tchêbêche âtə, ndə̂kə̂ mbo andjê tə̂ a-earə̂ rə lə̂ köbosə̂ kə̂ za su andjê sə̈ Ndjapä, ânyë andjë watə̂ azü ndə̂ Gbölö gö-gbïɛ̈ ndə̂ Ndjapä, ndə̂ tche zâ bâlâ ndə̂nə̈ sə̈ azü ndə̂ andjë nyîndə̂ yê lâme?

Jâke 2:5 Iomraidhean Croise

Matiyə̈ 11:5

A-earə̂ föla wün tchô, azü ndə̂ da andjê ndɨ̂, andjë nə̂ la köbo nə̈, a-earə̂ broma tchâ-ê, a-earə̂ bïtü djê pö, azü ndə̂ andjë tchû jô-ê, ânyë a mû Tchôtchô Pö sə̈ a-earə̂ yûkü nə̂.

Matiyə̈ 25:34

Käko gbïɛ̈ âtoadje rə̂ sə̈ andjanə̈ ndə̂ andjë sə̂ də ndôkö päkëdə̂: ‹Nyë nə̈ atâ, nyënyê ndə̂ tchôtchô pö ndə̂ Bha mê wâ pâ nyê, nyë də̈ azü gö ndə̂ Gbölö gö-gbïɛ̈ ndə̂ tchêlafô, ndə̂ tche nyîkrə rə̂ alême bëte nyê dokʉ̈tchê ndə̂kə̂ pa a nyikrə tchîsûwu.

Matiyə̈ 5:3

«Nyë wä la mômô, nyënyê ndə̂ nyë wûnsə̂ nə̈ pä rə ndə̂ Yingö wâbo lə̂ su nyê-a, bëte Gbölö gö-gbïɛ̈ ndə̂ tchêlafô wätə̂ andə̂ nye nə̈!

Mâreke 7:14

La tchêngbâ nə̈ Jezü kä ê kpûlû azü nə̈ kə̈ tô rə̂ sə̈ andjê päkëdə̂: «Nyënyê gbɛ̂ nyë djê mê, kə̂ dje tchə̂lə̂ pö ndə̂ mê to rə̂ âtə djîrə̂.

Lûke 12:21

Pânə̈ Jezü kä tô rə̂ päkëdə̂: «Akrə ndə̂ tche pâla rə bëte tə̂ yê la tə̂ yê, ânyë kə̈ wâbô wâ la rə tchâtchu Ndjapä, tche wä batə̂ köchë lâme.»

Lûke 12:32

«Nyë mböäbô wa mbô-ê, aɛ̈bro-ngbaga ndə̂ Ndjapä! Bëte äfü tə̂ Bha nyê ndə̂kə̂ za Gbölö gö-gbïɛ̈ sə̈ nyê.

Lûke 16:22

Tə̂ngâlo, earə̂ yûkü nə̈ lâme tchu-î, ânyë aânje ndə̂ Ndjapä zâ tchë, kə̈ ê la tchë bhâ ndrotə̂ Abrahâmo. Earə̂ rə lâme tchû ndjë-ê, ânyë a chî tchë.

Lûke 16:25

Praâbalë Abrahâmo tô rə̂ päkëdə̂: ‹Bechë ndə̂ mê, äwäpä sə̂ pö âtə te lə̂ zə̈: Ndə̂ gbô mö ndə̂po la tʉ̈rʉ̂ la zə̈ bêche, mo gbö arə alême tə̂ gbölösə̂nə̈. Praâbalë andə̂ Lazäre, tche wün yûkü tə̂ gbölösə̂nə̈. Angaâtə, su yê zɨ̂ nə̂, ânyë momö ndə̂ zə nə̈, mo kä lakə̂ wun yûkü.

Lûke 22:29

Bëte rə̂ kä ndə̂ Bha mê zâ Gbölö gö-gbïɛ̈ sə̈ mê, mëmê ndjë gbɛ̂ më âza rə̂ sə̈ nyê:

Lûke 6:20

Käko Jezü kênga la yê, kə̈ wûn adjisîpili ndə̂ yê kə̈ tô rə̂ päkëdə̂: «Nyë kä la mômô, nyënyê ndə̂ nyë wâtə̂ a-earə̂ yûkü, bëte nyë wätə̂ azü ndə̂ Gbölö gö-gbïɛ̈ ndə̂ Ndjapä!

Jâan 7:48

Ngâ akrə lə̂ gbâtə̂ amakündji ndə̂ ajuîfu, âdəndjë ngâ farizïɛ̈n kä tâ ndə̂ tche zâ su yê sə̈ tchë?

Abadjângele 7:2

Etîêne tô rə̂ ndə̂nə̈ päkëdə̂: «Arə̂mâ ndə̂ mê la arabha mê, nyë djë mê! Ndjapä ndə̂ tche wâ gbölö, tche wütu ëtə̂ âta azə̂ Abrahâmo ndə̂ tche sə̂ alême bhâ Mezopotamï. Abrahâmo sə̈ bhâye dokʉ̈tchê ndə̂kə̂ pa tche e atə̂lə̂ gö ndə̂ Harä.

Rômo 8:17

Ndə̂ azə̈ wâtə̂ abechë ndə̂ Ndjapä, azə̂ gboadje ndjë atchôtchô rə ndə̂ yê ndə̂ tche nyîkrə rə̂ bëte azü ndə̂ yê. Azə̂ la Krîsiti kä ndə̂ âgbo atchôtchô rə nə̈. Ndə̂ azə̈ la Krîsiti wûn yûkü balë âtə, azə̈ la tchë âgboadje ndjë kə̂ lusə̂tə̂ ndə̂ yê.

Dokʉ̈ Körɛ̂nte 2:9

Praâbalë Mbëtï Ndjapä tö rə̂ päkëdə̂: «Rə ndə̂ la akrə wûn-âbô rə̂ wûn-î, rə ndə̂ tü akrə djêâbô rə̂ djê-ê, rə ndə̂ pö nə̈ wûtuabô wûtu tə̂ su akrə-ê, Ndjapä nyïkrə rə̂ gbɛ̂ bëte azü ndə̂ andjë nyîndə̂ yê.»

Bïchuû Körɛ̂nte 4:15

Bëte arə lâme gbɛ̂ wütu lə̂ köbosə̂ nyê, ndə̂kə̂ pa tchôtchô su ndə̂ Ndjapä za tchô gbɛ̂, ânyë angbängbä azü za ayîabâ sə̈ tchë lakə̂ voga tchë.

Bïchuû Körɛ̂nte 6:10

Azü zä nyonyo tə̂ su ârâ, praâbalë ârâ wä la mômô logbɛ̂, azü wün ârâ batə̂ a-earə̂ yûkü dëkë ârâ mbö rə̂ pä angâ azü watə̂ a-earə̂ rə, azü wün ârâ batə̂ ambämbä azü, dëkë ârâ kä la rə gbɛ̂.

Bïchuû Körɛ̂nte 8:9

Bëte nyë wûnsə̂ tchôtchô su ndə̂ Gbölö Gbïɛ̈ ndə̂ azə̂ Jezü Krîsiti nə̂, ndə̂ tche wâ alême tə̂ earə̂ rə, praâbalë tche nyîndə̂ nə̈ ndə̂kə̂ mbotə̂ yê tə̂ earə̂ yûkü, ndə̂kə̂ pa lə̂ köbosə̂ yûkü ndə̂ yê, nyê watə̂ a-earə̂ rə.

Ëfêze 1:18

Äwäpä tche ji tchə̂lə̂ su nyê ndə̂kə̂ pa nyë wunsə̂ rə ndə̂ tche ê nyê ndə̂nə̈, ndə̂ nyë krʉ̂ bëte rə̂, kə̂ wunsə̂ tchôtchô rə ndə̂ ârô masə̂nə̈, ndə̂ tche nyîkrə rə̂ bëte azü ndə̂ yê.

Ëfêze 3:8

Mëmê ndə̂ më wâtə̂ kpîɛ̂kpîɛ̂ akrə lə̂ gbâtə̂ akpîɛ̂kpîɛ̂ azü ndə̂ Ndjapä gbɛ̂, tche mbô tchôtchô su tə̂ mê ndə̂kə̂ mu pö batə̂ ngâ tchôtchô pö ndə̂ atchôtchô arə ndə̂ ârô masə̂nə̈ lə̂ Krîsiti sə̈ azü ndə̂ andjë wâbô wâtə̂ ajuîfu.

Dokʉ̈ Tësälönîke 2:12

Ârâ zä wängö sə̈ nyê, kə̈ tô apö ndə̂kə̂ za gbôgbô tə̂ su nyê, kə̈ yûkû nə̈ sə̈ nyê la gbôgbô ndə̂kə̂ pa nyë sə batə̂ rə̂ ndə̂ Ndjapä nyîndə̂ nə̈, tchetchë ndə̂ tche ê nyê ndə̂kə̂ li atə̂lə̂ Gbölö gö-gbïɛ̈ ndə̂ yê, ndjë lə̂kə̂ wa gbölö ndə̂ yê.

Bïchuû Tësälönîke 1:5

Arə lâme gbɛ̂ nyïsə̂ nə̈ pä, kə̂ wa ngbanga ndə̂ Ndjapä wä djîrə̂. Bëte yûkü lâme mbö nyê ndə̂kə̂ pa nyë kʉsə̂ kə̂ li atə̂lə̂ Gbölö gö-gbïɛ̈ ndə̂ Ndjapä, ndə̂ nyê wun yûkü tə̂ pö ndə̂nə̈ lâme.

Dokʉ̈ Timotë 6:18

Amö to rə̂ sə̈ andjê ndə̂kə̂ pa andjë mbo dâkâ, kə̂ mbo atchôtchô kua tə̂ gbölösə̂nə̈, kə̂ kʉ rə la su andjê balë, kə̂ krʉ tchə̂lə̂ rə ndə̂ andjê la angâ andjê.

Bïchuû Timotë 4:18

Gbölö Gbïɛ̈ jiadje mê lə̂ angbongbo arə gbɛ̂, kə̂ tchadje mê bëte Gbölö gö-gbïɛ̈ ndə̂ yê ndə̂ âwâ bhâ lafô. Voga wätə̂ andə̂ ye nə̈ tə̂ logbɛ̂ logbɛ̂! Amin.

Bïchuû Timotë 4:8

Angaâtə, a bâta kurône sə̈ mê ngbâ djîrə̂ kua ndə̂ mê nə̂, ndə̂ Gbölö Gbïɛ̈ zadje rə̂ sə̈ mê tə̂ lo kə̂ ka ndə̂ yê. Tə̂ lo nə̈ lâme, tchetchë ndə̂ tche wâtə̂ djîrə̂ earə̂ kə̂ wa ngbanga, tchetchë kä ndə̂ âzadje kurône nə̈ sə̈ mê, âdə̂âbô kütû mê balë-a, praâbalë tche âkʉ ndjë rə̂ sə̈ azü gbɛ̂ ndə̂ andjë nyîndə̂ lo kə̂ ka ndə̂ yê.

Aheborö 11:26

Möyîze nyïndə̂ nə̈ pä azü talusə̂ anyê batə̂ Krîsiti ndə̂ a âtaluadje sə̂ yê, äwä batə̂ ngâ gbölö tchôtchô rə kə̈ rô atchôtchô arə ndə̂ Ejîpiti, bëte gbô su yê kä pâ atchôtchô arə ndə̂ tchê gboadje rə̂ ngbâ rə ndə̂ tche mbô rə̂.

Jâke 1:12

Mômô kä tə̂ akrə ndə̂ tche rʉ̂âtə̂ su yê lə̂ arə gbôgbô, bëte âdə tche ârʉatə̂ su yê lə̂ arə gbôgbô nə̈ lâme nə̂, kə̂ gboadje kurône ndə̂ tchîsûwu, ndə̂ Ndjapä zâ bâlâ nə̈ sə̈ azü ndə̂ andjë nyîndə̂ yê.

Jâke 1:16

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë böloabô tə̂ nyê bôlo-ê.

Jâke 1:19

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä nyë wunsə̂ pö ndə̂ mê tö rə̂ âtə: Äwäpä akrə balë balë deka tü yê gasa kə̂ dje pö, kə̂ toabô pö tô gagasa-ê, kə̂ mboabô mêrâ mbô wândâ-wändä-ê.

Jâke 1:9

Äwäpä ngâ azə̂ ndə̂ tche wâtə̂ earə̂ yûkü wa la mômô bëte Ndjapä kênga tchë nə̂.

Dokʉ̈ Pîêre 1:4

Azə̈ krʉ̈ bëte atchôtchô arə ndə̂ Ndjapä kʉ̂ rə̂ pra azə̂ bhâ lafô. Arə nə̈ lâme wâbo ndə̂kə̂ ndɨ̂ndɨ̈-a, ngâ ngbongbo rə grʉ̂âbo rə̂-a, kə̂ fu ndə̂nə̈ wâbo ndjë ndə̂kə̂ ro-a.

Bïchuû Pîêre 1:11

Käko a âjiadje köbo sə̈ nyê ngbɨngbɨngbɨ ndə̂kə̂ li bhâlə̂ Gbölö gö-gbïɛ̈ ndə̂ logbɛ̂, ndə̂ Gbölö Gbïɛ̈ ndə̂ azə̂, la Jezü Krîsiti Earə̂ kə̂ tcha azə̂.

Apökälîbïchi 2:9

Më wûnsə̂ arə nyonyo ndə̂ zə̈ la yûkü ndə̂ zə̈ nə̂, praâbalë mo kä la rə ndə̂ zə̈ tâ! Angâ azü tö rə̂ pä anyë də̈ ajuîfu, dëkë andjë wâbo tə̂ ajuîfu-a, andjë də̈ kpûlû ndə̂ azü ndə̂ Satäa. Angbongbo pö ndə̂ andjë to rə̂ tə̂ zə̈ lâme, më wûnsə̂ nə̈ nə̂!

Apökälîbïchi 21:7

Akrə ndə̂ tche rô la gbôgbô ndjoa ëtə̂ manə̈, tchê gboadje ngâ rə tchânə̂ mê, mê wadje tə̂ Ndjapä ndə̂ yê ânyë tchê wadje tə̂ bechë ndə̂ mê.

Apökälîbïchi 3:18

Më zä wängö sə̈ mö ndə̂kə̂ pa mo yo lôlo tchânə̂ mê ânyë kə̂ wa la rə, lôlo ndə̂ a za rə̂ lə̂ wo ânyë kâkpö kʉ̂tê nə̈ gbɛ̂ ju, ânyë âgro kpɨ̂ki lâme. Amö yo ndjë agrôgrô lə̂ba tchânə̂ mê, kə̂ yu rə̂ ëtə̂ zə̈ ânyë ganô mboabô mö mbô la tə̂ zə̈ ndə̂ âwâ kpändëwä lâme-ê. Amö yo ndjë yö ndə̂ la tchânə̂ mê, kə̂ mbo rə̂ lə̂ la zə̈ ânyë kə̂ kä wun tchô djîrə̂.