Jâke 2:25 - Mbëtï Ndjapä: TÄFO MADƗ̈

²⁵ Pö âtə wä batə̂ andə̂ ɛ̈chë ndə̂ kua ndə̂ yê wâ ndə̂kə̂ pu aköchë, ndə̂ rə̈ yê wû pä Rahâbo lâme. Tche wä alême tə̂ djîrə̂ akrə lə̂ la Ndjapä bëte akua ndə̂ tche mbô rə̂. Bëte azü ndə̂ Isarayële ndə̂ a wân andjê alême, tche kʉ̈ andjê bhândə̂ yê, ânyë kə̈ mbô rə̂ pä andjë gu lə̂ ngâ köbo ngbî.

Jâke 2:25 Iomraidhean Croise

Matiyə̈ 1:5

Sälämâne la ɛ̈chë ndə̂ yê Rahâbo zɨ̂ Böâze. Böâze la ɛ̈chë ndə̂ yê Rûtu zɨ̂ Öbêde. Öbêde zɨ̂ Jesë.

Matiyə̈ 21:31

Jezü yû andjê päkëdə̂: «Tchabâ lə̂ gbâtə̂ amodô bïchuû lâme kä ndə̂ âmbô rə ndə̂ bha nə̈ nyîndə̂ nə̈?» Andjë tô rə̂ ndə̂nə̈ sə̈ tchë päkëdə̂: «Dokʉ̈ modô nə̈.» Jezü tô rə̂ sə̈ andjê päkëdə̂: «Ɛn-ɛn, tə̂ lëge nə̈ më tö rə̂ sə̈ nyê, a-earə̂ kə̂ pala makətche-lapöo, la aɛ̈chë ndə̂ kua ndə̂ andjê wâ ndə̂kə̂ pu aköchë lâme, andjê wutuadje dokʉ̈tchê tə̂ nyê bhâlə̂ Gbölö gö-gbïɛ̈ ndə̂ Ndjapä.

Abadjângele 17:7

Jasön kʉ̂ andjê bhândə̂ yê! Azü âtə gbɛ̂ sə̈ lakə̂ mbo rə ndə̂ ndïɛ̈ ndə̂ gbïɛ̈ ndə̂ Rômo kôsə̂ nə̈, andjë tö rə̂ pä ngâ gbïɛ̈ kä tâ, rə̈ yê wü pä Jezü.»

Aheborö 11:31

Lə̂ köbosə̂ kə̂ za su sə̈ Ndjapä, Rahâbo, ɛ̈chë ndə̂ kua ndə̂ yê wâ ndə̂kə̂ pu aköchë tchûâbo la azü ndə̂ andjë kôsə̂ Ndjapä-a, bëte azü ndə̂ a wân andjê tchâkabû ndə̂kə̂ wun gö nə̈, tche kʉ̈ andjê bhândə̂ yê tə̂ tchôtchô nə̈.

Jâke 2:18

Praâbalë ngâ akrə toadje rə̂ päkëdə̂: «Mo zâ su zə̈ sə̈ Krîsiti nə̂, mëmê ndjë gbɛ̂, më kä lakə̂ mbo kua nə̈». Mê toadje rə̂ ndə̂nə̈ päkëdə̂: «Amö nyisə̂ kə̂ za su zə̈ sə̈ Krîsiti ndə̂ âwâbô wâ la kua nə̈ lâme sə̈ mê, ânyë mëmê ndə̂ me nə̈, mê ânyisə̂ kua ndə̂ mê lə̂ köbosə̂ su mê ndə̂ më zâ rə̂ sə̈ Krîsiti lâme.»

Jâke 2:22

Mo wün rə̂ tchâme pä kə̂ za su Abrahâmo sə̈ Ndjapä wä balë la kua nə̈, ânyë su yê ndə̂ tche zâ rə̂ sə̈ Ndjapä däka gbɛ̂ lə̂ köbosə̂ kua ndə̂ tche mbô rə̂.

Jâke 2:24

Nyë wûn rə̂ tchâme nə̂ pä akrə wätə̂ djîrə̂ akrə lə̂ la Ndjapä lə̂ köbosə̂ kə̂ mbo kua, âdə̂âbô kütû bëte kə̂ za su yê sə̈ Ndjapä-a.