Jâke 2:23 - Mbëtï Ndjapä: TÄFO MADƗ̈

²³ Käko kä ndə̂ pö ndə̂ Mbëtï Ndjapä tô rə̂ mbô gundə̂sə̂ nə̈: «Abrahâmo zä su yê sə̈ Ndjapä ânyë Ndjapä wûn tchë batə̂ djîrə̂ akrə.» Käkö Ndjapä ê rə̂ tə̂ yê pä tche wätə̂ agü anyê.

Jâke 2:23 Iomraidhean Croise

Mâreke 12:10

Nyë dɨ̂âbo pö ndə̂ a mbô rə̂ lə̂ Mbëtï Ndjapä lâme? Pö nə̈ tö rə̂ päkëdə̂: ‹Täme ndə̂ a-earə̂ kə̂ mbo nda gbôtâ, ârə̂ kä ndə̂ âmbôtə̂ yê tə̂ gbôgbô täme da nda nə̈.

Mâreke 15:27

Andjë bhî ndjë angâ angbongbo azü bïchuû pâ ayö ndə̂ gba ndrotə̂ Jezü, ngânə̈ balë də ndôkö, ânyë ngânə̈ balë də gele. [

Lûke 4:21

Käko Jezü jêtə̂ kə̂ to rə̂ sə̈ andjê päkëdə̂: «Pö lə̂ mbëtï âtə wâ nə̂ tə̂ lëge nə̈ angêta âtə ndə̂ nyë sə̂ lakə̂ dje rə̂ âtə.»

Abadjângele 1:16

«Arə̂mä, äwäpä rə ndə̂ Kpɨ̂ki Yingö tô pö ndə̂nə̈ lə̂ Mbëtï Ndjapä lə̂ ma Davîdi mbo gundə̂sə̂ nə̈. Kpɨ̂ki Yingö nə̈ tö pö pâ Jüdâse, earə̂ kə̂ nyisə̂ köbo sə̈ azü ndə̂ andjë zâ Jezü.

Rômo 11:2

Ndjapä gbôâbo tə̂ azü ndə̂ yê ndə̂ tche dɨ̂ andjê dokʉ̈tchê alême-a. Nyë wûn-âbo sə̂ pö ndə̂ Mbëtï Ndjapä tô rə̂ päkëdə̂: Elïe sə̈ lakə̂ dɨ tchə̂lə̂ ma yê sə̈ Ndjapä, tə̂ pö ndə̂ kə̂ mbo rə ndə̂ azü ndə̂ Isarayële?

Rômo 9:17

Ädə̈ käko ânyë lə̂ Mbëtï Ndjapä, Ndjapä tö ndjë rə̂ sə̈ Faraön päkëdə̂: «Më zä mö Gbïɛ̈ ndə̂kə̂ pa lə̂ köbosə̂ zə̈, mê nyisə̂ gbôgbô ndə̂ mê lakə̂ mbo rə̂ ânyë rə̈ mê za tchô gbɛ̂ pâ cho âtə.»

Gälâte 3:22

Praâbalë Mbëtï Ndjapä tö rə̂ pä azü pâ cho gbɛ̂, andjë wätə̂ ngbâa ndə̂ ngbongbo rə, ânyë lə̂ köbosə̂ kə̂ za su sə̈ Jezü Krîsiti, andjë gbö tchôtchô rə ndə̂ Ndjapä zâ bâlâ tə̂ pö ndə̂nə̈.

Gälâte 3:6

Ädə̈ käko ânyë a tô rə̂ pâ Abrahâmo päkëdə̂: «Abrahâmo zä su yê sə̈ Ndjapä ânyë Ndjapä wûn tchë batə̂ djîrə̂ akrə bëte rə̂ ndə̂ tche zâ su yê sə̈ Ndjapä.»

Bïchuû Timotë 3:16

Apö gbɛ̂ lə̂ Mbëtï Ndjapä tö lə̂ ma Ndjapä. Pö nə̈ däka ndə̂kə̂ nyisə̂ rə, ndə̂kə̂ nyisə̂ ngbongbo rə ndə̂ akrə sə̈ tchë, ndə̂kə̂ ka la akrə pâ tchôtchô köbo, ndə̂kə̂ nyisə̂ köbo ndə̂kə̂ mbo djîrə̂ rə tə̂ akrə,

Jâke 2:24

Nyë wûn rə̂ tchâme nə̂ pä akrə wätə̂ djîrə̂ akrə lə̂ la Ndjapä lə̂ köbosə̂ kə̂ mbo kua, âdə̂âbô kütû bëte kə̂ za su yê sə̈ Ndjapä-a.

Dokʉ̈ Pîêre 2:6

Bëte a mbö rə̂ lə̂ Mbëtï Ndjapä päkëdə̂: «Më dɨ̈ ngâ täme, ndə̂ âwâ la gbölö ngîrî ânyë kə̈ zâ rə̂ lə̂ gö ndə̂ Siyön, batə̂ gbôgbô täme da nda. Akrə ndə̂ tche zâ su yê pâ täme nə̈, ganô mboabô tchë tee-a.»