Jâke 2:20 - Mbëtï Ndjapä: TÄFO MADƗ̈

²⁰ Momö ndə̂ küma zə̈ wâbô wâ lanə̈ âtə, mo nyïndə̂ nə̈ pä më nyisə̂ nə̈ sə̈ mö pä kə̂ za su zə̈ sə̈ Krîsiti ndə̂ âwâbô wâ la kua ndə̂ yê tâ lâme wä kütû bhuu-ë?

Jâke 2:20 Iomraidhean Croise

Rômo 1:21

Ndə̂ andjë wûnsə̂ Ndjapä, andjë kösə̂ kə̂ lusə̂ yê ndjë ndə̂kə̂ za ayîabâ sə̈ tchë batə̂ rə̂ ndə̂ akrə wâ ndə̂kə̂ mbo rə̂ sə̈ Ndjapä. Praâbalë andjë rɨ tchə̂lə̂ andjê kütû pâ ambämbä rə. Kə̂ za küma andjê wätə̂ ngbongbo nə̈ ânyë kə̈ ê la andjê atə̂lə̂ bübü tchô.

Rômo 3:28

Käko pö ndə̂ azə̈ to rə̂ wä kâkë: Akrə wä djîrə̂ lə̂ la Ndjapä bëte rə̂ ndə̂ tche zâ su yê sə̈ Jezü, âdə̂âbo kə̂ mbo rə gundə̂sə̂ ndïɛ̈-a.

Rômo 9:20

Momö ndə̂ akrə, mo də̈ andə̂ zə̈ nə̈ tchabâ ânyë kə̂ gama zə̈ la Ndjapä? Lüsû ndə̂ akrə sôâ rə̂ la könô yê wä ndə̂kə̂ yu akrə ndə̂ tche sôâ rə̂ päkëdə̂: «Bëte giamâ ka ndə̂ mo sôâ mê kâkë?»

Gälâte 5:6

Bëte âdə ngâ akrə âwa balë la Jezü Krîsiti, ânyë a wâ tchë la gasa, âdəndjë rə̂ ndə̂ a wâbô tchë wâ la gasa, tchôtchô rə nə̈ də̂âbo rə̂ lâme-a! Tchôtchô rə nə̈ wä ndə̂kə̂ pa akrə za su yê sə̈ Krîsiti. Kə̂ za su sə̈ Krîsiti nə̈ lâme kä ndə̂ âmbo rə̂ pä azü nyində̂ angâ andjê.

Gälâte 6:3

Âdə ngâ akrə âwatə̂ mbämbä akrə, ânyë kə̈ wûntə̂ yê batə̂ gbölö akrə, dëkë tche bölotə̂ yê la tə̂ yê.

Kölôse 2:8

La nyê gbö-ê, ânyë ngâ akrə boloabô nyê bôlo la apö ndə̂ küma ndə̂ âwa lanə̈, ndə̂ âwâtə̂ andə̂ azü-î! Apö lâme də̈ ambämbä pö ndə̂kə̂ mbo rə ndə̂ azü la angbongbo atchozö ndə̂ andjë wâ la gbôgbô pâ cho âtə, praâbalë âtôâbo dəndə̂ Krîsiti balë-a.

Dokʉ̈ Timotë 1:6

Angâ azü gbôtə̂ tchôtchô köbo lâme nə̂, köbo andjê yû lakə̂ dɨ awünwün apö nə̂.

Tîte 1:10

Angâ angbängbä azü kä tâ ndə̂ andjë kôsə̂ kə̂ dje ma, andjë dɨ̈ awünwün apö lakə̂ bôlo azü. A gbö azü nə̈ lâme tə̂ gbogbôsə̂nə̈ lə̂ gbâtə̂ ajuîfu ndə̂ andjë zâ su andjê sə̈ Krîsiti.

Jâke 1:26

Âdə ngâ akrə âto rə̂ pä anyë kä lakə̂ voga Ndjapä, ânyë kə̈ bâtabô ma yê bâta-ê, dëkë akrə lâme bölotə̂ yê la tə̂ yê, kə̂ voga Ndjapä ndə̂ yê nə̈ lâme wä kütû bhuu-ë.

Jâke 2:17

Äwä ndjë käko tə̂ pö ndə̂kə̂ za su sə̈ Ndjapä ndə̂ âwâbô wâ la kua ndə̂ yê tâ, dëkë kə̂ za su nə̈ lâme tchû nə̂.

Jâke 2:26

Käko äwä ndjë batə̂ rə̂ ndə̂ akrə âwabô wâ la yi lə̂ yê, dëkë tche tchû nə̂. Käko ndjë, kə̂ za su sə̈ Ndjapä ndə̂ âwâbô wâ la akua ndə̂ yê tâ, dëkë kə̂ za su nə̈ lâme tchû nə̂.