Jâke 2:19 - Mbëtï Ndjapä: TÄFO MADƗ̈

¹⁹ Mo gâmba rə̂ nə̂ pä Ndjapä wä balë? Sə̂nə̈ kä. Angbongbo atchozö gämba ndjë rə̂ pä tche wä balë, ânyë kə̈ sə̂ lakə̂ gugu la wawa.

Jâke 2:19 Iomraidhean Croise

Matiyə̈ 8:29

Andjë tâ wârə̂ kə̈ tô rə̂ päkëdə̂: «Modô ndə̂ Ndjapä! Giamâ mo wûn rə̂ tə̂ ârâ? Mo nə̈ ndə̂kə̂ djingɨli tchə̂lə̂ küma ârâ dokʉ̈tchê ndə̂kə̂ pa lö nə̈ wutu?»

Mâreke 1:24

«Giamâ mo nyîndə̂ nə̈ tə̂ ârâ, Jezü akrə gö ndə̂ Näzärête, mo nə̈ ndə̂kə̂ won ârâ wön? Më wûnsə̂ zə̈ nə̂ gbɛ̂: Mo wä ngbî kə̈ dâka gbɛ̂, ndə̂ Ndjapä wân mö.»

Mâreke 12:29

Jezü tô rə̂ ndə̂nə̈ sə̈ tchë päkëdə̂: «Gbölö ndïɛ̈ ndə̂ ârôpâ adɨ̂ nə̈ gbɛ̂ kä âtə: ‹Azü gö ndə̂ Isarayële, nyë djë pö âtə, Gbölö Gbïɛ̈ Ndjapä ndə̂ azə̂ balë kä âkə̈ wâtə̂ Gbölö Gbïɛ̈.

Mâreke 5:7

kə̈ tâ wârə̂ päkëdə̂: «Jezü, Modô ndə̂ Ndjapä ndə̂ mo sə̂ pâ arə gbɛ̂, giamâ kä ndə̂ mo wûn rə̂ tə̂ mê? Më yükû nə̈ sə̈ mö la rə̈ Ndjapä, amö djingɨliabô tchə̂lə̂ küma mê djîngɨli-î!»

Mâreke 7:9

Tche kä tô rə̂ sə̈ andjê päkëdə̂: «Nyë rɨ̈ ndə̂kə̂ kosə̂ ndïɛ̈ ndə̂ Ndjapä ndə̂kə̂ mbo rə lə̂ köbosə̂ ndïɛ̈ ndə̂ araâta nyê!

Lûke 4:34

«Êe! Giamâ mo nyîndə̂ nə̈ tə̂ ârâ, Jezü akrə gö ndə̂ Näzärête, mo nə̈ ndə̂kə̂ won ârâ wön? Më wûnsə̂ zə̈ nə̂ gbɛ̂: Mo wä ngbî kə̈ dâka gbɛ̂, ndə̂ Ndjapä wân mö!»

Jâan 17:3

Dëkë tchîsûwu ndə̂ logbɛ̂ logbɛ̂ nə̈ wä ndə̂kə̂ pa azü wunsə̂ zə̈, momö ndə̂ mo wâtə̂ lëge Ndjapä balë, ndjë la Jezü Krîsiti tchanə̈ ndə̂ mo wân tchë.

Abadjângele 16:17

Tche sə̈ lakə̂ za tchêngbâ ârâ la Pôlo, lakə̂ ta wârə̂ päkëdə̂: «Azü âtə də̈ a-earə̂ kua ndə̂ Ndjapä ndə̂ tche wâ pâ arə gbɛ̂! Andjë sə̈ lakə̂ nyisə̂ köbo ndə̂kə̂ tcha lə̂ kuzü sə̈ nyê!»

Abadjângele 19:15

Praâbalë tə̂ngâlo, ngbongbo tchozö nə̈ tô rə̂ sə̈ andjê päkëdə̂: «Më wünsə̂ Jezü, kə̈ wûnsə̂ pö pâ Pôlo, praâbalë nyënyê, nyë də̈ andjanə̈bâ?»

Abadjângele 24:25

Praâbalë ndə̂ Pôlo sə̂ lakə̂ to pö pâ kə̂ mbo rə djîrə̂, lakə̂ kitə̂ gʉ su, la pö ndə̂kə̂ wa ngbanga ndə̂ Ndjapä ndə̂ ânəadje tə̂ngâlo, wawa mbô Fëlîkese ânyë tche tô rə̂ sə̈ Pôlo päkëdə̂: «Andə̂ tchô angêta wä käko, âdə mê âgbo ngâ lö ânyë kə̂ kä eadje mö.»

Rômo 3:30

bëte Ndjapä wä kütû balë. Tchetchë kä ndə̂ âmbo rə̂ pä ajuîfu la azü ndə̂ andjê wâbô wâtə̂ ajuîfu wa djîrə̂ lə̂ la yê lə̂ köbosə̂ kə̂ za su andjê sə̈ Jezü Krîsiti.

Dokʉ̈ Körɛ̂nte 8:4

Käko äwä ndə̂kə̂ zɨ gûsû ndə̂ a wâ rə̂ la ngela sə̈ angakʉ̈lä ämbänə̈? Azə̈ wûnsə̂ nə̈ nə̂ pä ngâ ngakʉ̈lä balë sə̂âbo pâ cho âtə-a, ânyë ngâ ndjapä ngbî wâbo-a, kütû Ndjapä balë.

Dokʉ̈ Körɛ̂nte 8:6

Âdə andə̂ azə̂, Ndjapä wä kütû balë, tche də̈ Bha ndə̂ rə gbɛ̂ tô bhândə̂ yê, ânyë bëte tchë kä ndə̂ azə̈ wâ la tchîsûwu. Azə̈ wä ndjë la Gbölö Gbïɛ̈ kütû balë, tche də̈ Jezü Krîsiti ndə̂ Ndjapä mbô arə gbɛ̂ lə̂ köbosə̂ yê, ânyë azə̈ wâ la tʉ̈rʉ̂ la azə̂ lə̂ köbosə̂ yê.

Gälâte 3:20

Praâbalë earə̂ kə̂ nyikrə tchôtchô kə̂ sə lə̂ gbâtə̂ azü nə̈ la Ndjapä wâbo tə̂ earə̂ kə̂ nyikrə tchôtchô kə̂ sə lə̂ gbâtə̂ akrə balë-a. Dëkë Ndjapä wä kütû balë.

Dokʉ̈ Timotë 2:5

Bëte Ndjapä wä kütû balë, akrə ndə̂ tche nə̂ la zɨtɨ su lə̂ gbâtə̂ Ndjapä la azü, tche wä ndjë balë: Tche də̈ Jezü Krîsiti ndə̂ tche wâtə̂ akrə.

Jâke 2:8

Tə̂ lëge nə̈, âdə nyë âkpe wa ndïɛ̈ ndə̂ Gbölö gö-gbïɛ̈, gundə̂sə̂ mbëtï ndə̂ yê ndə̂ âtô rə̂ päkëdə̂: «Amö nyində̂ ngâ zə̈ batə̂ tə̂ zə̈ la tə̂ zə̈», dëkë nyë mbô rə ndə̂ âdâka nə̂.

Jûde 1:4

Bëte angâ angbongbo azü lï lə̂ küwû nə̈ lə̂ gbâtə̂ nyê. Andjë sə̈ lakə̂ ndɨ tchə̂lə̂ pö ndə̂ tchôtchô su ndə̂ Ndjapä ndə̂ azə̂, ânyë kə̂ gbo köbo ndə̂kə̂ mbo arə ndə̂ su andjê nyîndə̂ nə̈. Andjë kösə̂ Jezü Krîsiti ndə̂ tche də̂ kêlä Earə̂ kə̂ nyisə̂ rə la Gbölö Gbïɛ̈ ndə̂ azə̂. Mbëtï Ndjapä tô pö ndə̂ ngbanga ndə̂ a wâ rə̂ lə̂ küma andjê gasa alême nə̂.

Jûde 1:6

Äwäpä sə̂ pö ndə̂ aânje alême te lə̂ nyê, ndə̂ andjë kôsə̂ kə̂ bata gbôgbô ndə̂ Ndjapä zâ rə̂ sə̈ andjê, kə̈ gbôtə̂ tchô ndə̂ Ndjapä zâ rə̂ sə̈ andjê ndə̂kə̂ sə tâ. Tche bäta andjê pïï etə̂ lə̂ djingîli, lə̂ tchô ndə̂ âbû biî ndə̂kə̂ sə bëte gbölö lo kə̂ wa ngbanga.

Apökälîbïchi 20:10

Käko Jâbolo ndə̂ tche bôlo andjê, a yî tchë bhâlə̂ gbölö tïmï wo ndə̂ sûfre ndrotə̂ gia nə̈, la earə̂ ndə̂ma ndjapä ndə̂ yepa lâme. Andjê wun-adje yûkü lə̂nə̈ dalobiî pïï etə̂.