Jâke 2:14 - Mbëtï Ndjapä: TÄFO MADƗ̈

¹⁴ Arə̂mä ndə̂ mê, âdə ngâ akrə âto rə̂ päkëdə̂: «Anyë zâ su anyê sə̈ Krîsiti nə̂», ânyë kə̈ nyîâbô sə̂nə̈ nyî lə̂ kua nə̈-ê, kə̂ za su yê sə̈ Krîsiti nə̈ lâme âmboadje ngâ rə tə̂ yê? Kə̂ za su yê sə̈ Krîsiti nə̈ lâme tchadje tchë lə̂ kuzü?

Jâke 2:14 Iomraidhean Croise

Matiyə̈ 5:20

Më tö rə̂ sə̈ nyê päkëdə̂: Âdə nyê âmboabô djîrə̂ rə mbô âro andə̂ a-earə̂ kə̂ nyisə̂ ndïɛ̈ la afarizïɛ̈n nyɛ̂-ɛn, nyê liabô atə̂lə̂ Gbölö gö-gbïɛ̈ ndə̂ tchêlafô tee-a.»

Lûke 3:11

Jâan tô rə̂ sə̈ andjê päkëdə̂: «Akrə ndə̂ tche wâ la lə̂ba bïchuû, äwäpä tche za ngânə̈ sə̈ akrə ndə̂ tche wâbô wâ la rə̂-ê. Akrə ndə̂ tche wâ la kɨ̈zɨ̂, äwäpä tche za ngânə̈ sə̈ akrə ndə̂ tche wâbô wâ la rə̂-ê.»

Lûke 6:49

Praâbalë akrə ndə̂ tche djê pö ndə̂ mê, ânyë kə̈ mbôâbô rə mbô gundə̂sə̂ nə̈, tche wä batə̂ ngâ köchë ndə̂ tche mbô nda ndə̂ yê pâ mbämbä cho, kə̈ nyîkrəabô da nə̈ la täme-a. Âdə kʉ̈la gbölö ngû âvo, ânyë kə̈ tâ nda nə̈, nda nə̈ âtu, kə̂ ndɨ gbɛ̂.»

Abadjângele 15:9

Lə̂ la yê, azə̈ la andjê wä balë. Ndjapä djütu su andjê bëte rə̂ ndə̂ andjë zâ su andjê sə̈ Jezü.

Abadjângele 8:13

Chemön zâ ndjë su yê sə̈ Krîsiti, kə̈ gbô batɛ̂me, kə̈ sə̂ logbɛ̂ ndrotə̂ Fïlîpe. Tchə̂lə̂ küma yê djîngɨli lakə̂ wun agbölö akpɨ̈ngbɨ̈ rə la arə ndə̂ ârôpâ küma azü ndə̂ Fïlîpe sə̂ lakə̂ mbo rə̂.

Abadjângele 8:21

Kua ndə̂ ârâ mbo rə̂ âtə, ngâ rə ndə̂ zə̈ balë âdəndjë ngâ pö ndə̂ zə̈ wâbo lə̂nə̈-a, bëte su zə̈ wâbo djîrə̂ lə̂ la Ndjapä-a.

Rômo 2:25

Âdə mo âmbo rə ndə̂ ndïɛ̈ yûkû nə̈, gasa ndə̂ mo wâ rə̂ âmbo tchôtchô rə tə̂ zə̈. Praâbalë âdə mo âkosə̂ kə̂ mbo rə ndə̂ ndïɛ̈ yûkû nə̈, mo wä batə̂ akrə ndə̂ tche wâbô gasa wâ-ê.

Dokʉ̈ Körɛ̂nte 15:2

Âdə nyê âbata Tchôtchô Pö nə̈ batə̂ rə̂ ndə̂ më mû rə̂ sə̈ nyê, nyê tchadje lə̂ kuzü lə̂ köbosə̂ nə̈; ârə̂ âdəabô də̂ käko, dëkë kə̂ za su nyê sə̈ Ndjapä wä ämbänə̈.

Dokʉ̈ Körɛ̂nte 16:22

Âdə ngâ akrə ânyiabô nyîndə̂ Gbölö Gbïɛ̈, äwäpä ngbongbo pö wa pâ yê. Maranatä! Gbölö Gbïɛ̈ amö nə!

Gälâte 5:13

Arə̂mâ ndə̂ mê, Ndjapä ë nyê ndə̂kə̂ pa nyë wutu tchâtchâ ngbâa. Âwâbo pä kə̂ wutu ndə̂ nyê tchâtchâ ngbâa nə̈ lâme watə̂ ngâ köbo ndə̂kə̂ mbo angbongbo arə ndə̂ gʉ su nyê-a. Praâbalë lə̂ köbosə̂ kə̂ nyïndə̂ ngâ, nyë mbö kua sə̈ angâ nyê lə̂ gbâtə̂ nyê.

Gälâte 5:6

Bëte âdə ngâ akrə âwa balë la Jezü Krîsiti, ânyë a wâ tchë la gasa, âdəndjë rə̂ ndə̂ a wâbô tchë wâ la gasa, tchôtchô rə nə̈ də̂âbo rə̂ lâme-a! Tchôtchô rə nə̈ wä ndə̂kə̂ pa akrə za su yê sə̈ Krîsiti. Kə̂ za su sə̈ Krîsiti nə̈ lâme kä ndə̂ âmbo rə̂ pä azü nyində̂ angâ andjê.

Dokʉ̈ Tësälönîke 1:3

Lə̂ la Ndjapä, kua ndə̂ nyê mbo rə̂ lə̂kə̂ za su nyê ndə̂ nyë zâ rə̂ sə̈ Ndjapä lâme, sə̂nə̈ yûâbo tə̂ ârâ-a. Kə̂ nyində̂ angâ nyê ndə̂ âmbo rə̂ pä nyë mbo kua tə̂ gbölösə̂nə̈ lâme, sə̂nə̈ yûâbo tə̂ ârâ-a. Rə ndə̂ nyë krʉ̂ bëte rə̂ la su nyê ndə̂ gbô rə̂ ndə̂po pâ Gbölö Gbïɛ̈ ndə̂ azə̂ Jezü Krîsiti lâme, sə̂nə̈ yûâbo tə̂ ârâ-a.

Dokʉ̈ Timotë 1:5

Dju kə̂ zama ndə̂ më zâ rə̂ sə̈ mö lâme wä ndə̂kə̂ pa andjë nyində̂ angâ andjê lə̂ köbosə̂ grôgrô su, la tchôtchô kə̂ rɨ tchə̂lə̂ su, la lëge kə̂ za su sə̈ Ndjapä.

Dokʉ̈ Timotë 4:8

Angɨ̈ gbɛ̂ ndə̂ âmbo rə̂ pä tchə̂lə̂ kpoto akrə kra lâme, ämbö dâkâ tə̂ akrə kpîɛ̂kpîɛ̂ rə̂, praâbalë kə̂ zatə̂ andjê gbɛ̂ sə̈ Ndjapä däka lə̂ arə gbɛ̂. Bëte kə̂ zatə̂ andjê gbɛ̂ sə̈ Ndjapä nə̈ lâme, pö ndə̂ tchîsûwu ndə̂ akrə gbo rə̂ kä lə̂nə̈: Tchîsûwu ndə̂ yê ndə̂ tchô angêta, la tchîsûwu ndə̂ yê ndə̂ tchô lâmbo.

Tîte 1:16

Andjë tö rə̂ la ma andjê pä, anyë wûnsə̂ Ndjapä nə̂, dëkë kua ndə̂ andjê nyïsə̂ nə̈ pä andjë vûsə̂ yê nə̂. Ngbongbo rə ndə̂ andjê rö masə̂nə̈, azü ndə̂ andjë kôsə̂ Ndjapä, andjë wâbo ndjë ndə̂kə̂ mbo tchôtchô rə balë-a.

Tîte 3:8

Pö lâme wätə̂ lëge pö. Käko më nyïndə̂ nə̈ pä mo chi pânə̈ djîrə̂, ânyë azü gbɛ̂ ndə̂ andjë zâ su andjê sə̈ Krîsiti, andjë zatə̂ andjê gbɛ̂ ndə̂kə̂ mbo tchôtchô kua. Rə ndə̂ âdâka ânyë kə̈ kʉ̂sə̂ kə̂ za könô sə̈ azü kä lâme.

Aheborö 11:17

Lə̂ köbosə̂ kə̂ za su sə̈ Ndjapä, Abrahâmo wâ ngela la Izâke sə̂nə̈ ndə̂ Ndjapä nyîndə̂ kə̂ wunsə̂ nə̈ pä tche zâ su yê sə̈ anyê nə̂, tche nyîkrətə̂ yê ndə̂kə̂ wa ngela la gbokôngô modô ndə̂ yê, dëkë tche djê pö ndə̂ Ndjapä zâ bâlâ nə̈ tə̂ yê alême nə̂.

Aheborö 13:9

Âwâbo pä nyë gbotə̂ köbo sə̈ azü, andjë bolo nyê lakə̂ nyisə̂ angâ apö ngbî ngbî sə̈ nyê-a, bëte äwäpä su nyê kpokpo tə̂ yê lə̂ köbosə̂ tchôtchô su ndə̂ Ndjapä, âdə̂âbo tə̂ pö ndə̂ kɨ̈zɨ̂-a. Azü ndə̂ andjë bata ndïɛ̈ ndə̂ kɨ̈zɨ̂ lâme, andjë gbôâbo ngâ rə ngbânə̈ balë-a.

Jâke 1:16

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë böloabô tə̂ nyê bôlo-ê.

Jâke 2:16

ânyë ngâ akrə lə̂ gbâtə̂ nyê tô rə̂ sə̈ tchë päkëdə̂: «Amö gu la zɨtɨ su, kə̂ sə ndro wo tə̂ zə̈ wo, mo zɨ kɨ̈zɨ̂ tchə̂lə̂ zə̈ sɨ», ânyë rə ndə̂ âwâ ndə̂kə̂ mbo dâkâ tə̂ yê âme, nyë zâbô rə̂ zâ sə̈ tchë-ê, kə̂ mbotə̂ rə käko lâme âmbotə̂ nyê atöko?

Jâke 2:18

Praâbalë ngâ akrə toadje rə̂ päkëdə̂: «Mo zâ su zə̈ sə̈ Krîsiti nə̂, mëmê ndjë gbɛ̂, më kä lakə̂ mbo kua nə̈». Mê toadje rə̂ ndə̂nə̈ päkëdə̂: «Amö nyisə̂ kə̂ za su zə̈ sə̈ Krîsiti ndə̂ âwâbô wâ la kua nə̈ lâme sə̈ mê, ânyë mëmê ndə̂ me nə̈, mê ânyisə̂ kua ndə̂ mê lə̂ köbosə̂ su mê ndə̂ më zâ rə̂ sə̈ Krîsiti lâme.»

Jâke 2:26

Käko äwä ndjë batə̂ rə̂ ndə̂ akrə âwabô wâ la yi lə̂ yê, dëkë tche tchû nə̂. Käko ndjë, kə̂ za su sə̈ Ndjapä ndə̂ âwâbô wâ la akua ndə̂ yê tâ, dëkë kə̂ za su nə̈ lâme tchû nə̂.

Bïchuû Pîêre 1:5

Bëte rə̂ kä, äwäpä nyë za gbôgbô ndə̂ nyê gbɛ̂ ndə̂kə̂ mbotə̂ nyê djîrə̂ ëpâ kə̂ za su nyê sə̈ Jezü. Nyë zä kə̂ wunsə̂ rə ëpâ kə̂ mbotə̂ nyê djîrə̂;