Jâke 2:1 - Mbëtï Ndjapä: TÄFO MADƗ̈

¹ Arə̂mâ ndə̂ mê, nyënyê ndə̂ nyë zâ su nyê sə̈ Gbölö Gbïɛ̈ ndə̂ azə̂ Jezü Krîsiti ndə̂ a lusə̂ yê, âwâbo pä nyë sə dəndə̂ ngâ akrə balë-a.

Jâke 2:1 Iomraidhean Croise

Matiyə̈ 22:16

Andjë wân angâ adjisîpili ndə̂ andjê la angâ azü tchâtchâ Hërôde ndə̂kə̂ to rə̂ sə̈ Jezü päkëdə̂: «Earə̂ kə̂ nyisə̂ rə, ârâ wûnsə̂ nə̈ nə̂ pä pö ndə̂ mo tô rə̂, la rə ndə̂ mo nyîsə̂ nə̈ pâ köbo Ndjapä wätə̂ lëge nə̈. Mo mbôâbo ganô ndə̂ la akrə-a, kə̈ wûn-âbo kə̂ ge ndə̂ akrə-a.

Abadjângele 10:34

Pîêre zâ pö kə̈ tô rə̂ päkëdə̂: «Tə̂ lëge nə̈, më wûnsə̂ nə̈ nə̂ pä Ndjapä nyïndə̂ azü gbɛ̂, kə̈ sə̂âbo dəndə̂ ngâ akrə balë-a.

Abadjângele 20:21

Më ë ajuîfu la agerêke ndə̂kə̂ pa andjë gbotə̂ bəndɨ kə̂ mbo rə ndə̂ andjê, kə̂ ka pu Ndjapä ânyë kə̂ za su andjê gbɛ̂ sə̈ Gbölö Gbïɛ̈ ndə̂ azə̂ Jezü.

Abadjângele 24:24

Pâ angâ alö, Fëlîkese la ɛ̈chë ndə̂ yê Dürüsîle nə̂, ɛ̈chë nə̈ də̈ juîfu. Fëlîkese wân tchô sə̈ Pôlo ndə̂kə̂ pa anyë dje pö ndə̂ tche to rə̂ pâ kə̂ za su sə̈ Jezü Krîsiti.

Abadjângele 7:2

Etîêne tô rə̂ ndə̂nə̈ päkëdə̂: «Arə̂mâ ndə̂ mê la arabha mê, nyë djë mê! Ndjapä ndə̂ tche wâ gbölö, tche wütu ëtə̂ âta azə̂ Abrahâmo ndə̂ tche sə̂ alême bhâ Mezopotamï. Abrahâmo sə̈ bhâye dokʉ̈tchê ndə̂kə̂ pa tche e atə̂lə̂ gö ndə̂ Harä.

Rômo 1:11

Tə̂ lëge nə̈, gʉ ndə̂kə̂ wun nyê nyü mê tə̂ gbölösə̂nə̈. Më nyïndə̂ kə̂ wutu bhândə̂ nyê ânyë lə̂ köbosə̂ mê, nyê gbo arə ndə̂ Kpɨ̂ki Yingö kʉ rə̂ sə̈ nyê ânyë nyê kpokpo tə̂ nyê.

Dokʉ̈ Körɛ̂nte 2:8

Ngânə̈ balë lə̂ gbâtə̂ a-earə̂ kümändëmä ndə̂ andjë wâ la gbôgbô pâ cho âtə wûn-âbo sə̂ pö pâ küma ndə̂ âwa lanə̈ lâme-a. Âdə andjê âwunsə̂ nə̈ alême, dëkë andjê won-abô Gbölö Gbïɛ̈ ndə̂ tche wâ la gbôgbô pâ yö ndə̂ gba tee-a.

Kölôse 1:4

Bëte ârâ djê pö ndə̂kə̂ za su nyê sə̈ Jezü Krîsiti lâme nə̂, ndjë lakə̂ nyində̂ azü ndə̂ Ndjapä gbɛ̂ lâme.

Dokʉ̈ Timotë 1:19

Lə̂ köbosə̂ su zə̈ ndə̂ mo zâ rə̂ sə̈ Ndjapä lâme, la tchôtchô kə̂ rɨ tchə̂lə̂, angâ azü kösə̂ kə̂ dje atchôtchô apö ndə̂ andjë rɨ tchə̂lə̂ su andjê pânə̈ lâme, ânyë su andjê ndə̂ andjë zâ rə̂ sə̈ Ndjapä lâme, köbo nə̈ yû-î.

Dokʉ̈ Timotë 5:21

Më yükû nə̈ sə̈ mö la gbôgbô tchâtchu Ndjapä, ndjë tchâtchu Jezü Krîsiti la aânje ndə̂ Ndjapä dɨ̂ andjê, amö mbo rə gundə̂sə̂ kə̂ zama lâme, kə̂ səabô sə̂ dəndə̂ ngâ akrə balë-ê, kə̂ nyiabô nyîndə̂ ngâ akrə âro ngânə̈-ê.

Tîte 1:1

Mëmê Pôlo, më wätə̂ earə̂ kua ndə̂ Ndjapä, kə̈ wâ ndjë tə̂ badjângele ndə̂ Jezü Krîsiti. Ndjapä wän mê ndə̂kə̂ pa më ka la azü ndə̂ tche dɨ̂ andjê ânyë andjë zâ su andjê sə̈ Jezü, ndə̂kə̂ pa andjë wunsə̂ lëge pö gundə̂sə̂ kə̂ zatə̂ andjê gbɛ̂ sə̈ Ndjapä,

Tîte 2:13

Azə̈ mbö tâ käko ndə̂kə̂ krʉ bëte tchôtchô lö ndə̂ su azə̂ wâ pânə̈ lâme. Sə̂nə̈ lâme kä ndə̂ azə̂ wun-adje golowäre ndə̂ Gbölö Ndjapä ndə̂ azə̂, la Jezü Krîsiti Earə̂ kə̂ tcha azə̂.

Aheborö 1:3

Modô nə̈ lâme kä ndə̂ âmbo rə̂ pä a wun golowäre ndə̂ Ndjapä, tche wä tiî batə̂ Ndjapä. Tche bäta tchîsûwu lə̂ köbosə̂ pö ma yê ndə̂ âwâ la gbôgbô. La tchêngbâ nə̈ ndə̂ tche kô pö lə̂ küma azü tchêbêche, tche sə̂ də ndôkö könô Ndjapä bhâ lafô ndə̂ gbôgbô ndə̂ yê rô agbôgbô gbɛ̂.

Aheborö 12:2

Äwäpä gbô la azə̂ wa kpôtə̂ Jezü, tchetchë kä ndə̂ ânyîsə̂ köbo kə̂ za su sə̈ Ndjapä tə̂ dokʉ̈ nə̈ ndjoa ëtə̂ manə̈. Tche nyïndə̂ kə̂ tchu pâ yö ndə̂ gba, ânyë ganô ndə̂ âkrʉ̂ bëte tchë lə̂ köbosə̂ kuzü ndə̂ yê nə̈ lâme-ê, tche mbôâbo sə̂nə̈ tə̂ yê-a, bëte tche wün mômô ndə̂ âkrʉ̂ bëte tchë. Angaâtə tche sə̈ lə̂ ngendë-gbïɛ̈ də ndôkö könô Ndjapä.

Jâke 1:16

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë böloabô tə̂ nyê bôlo-ê.

Jâke 1:19

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä nyë wunsə̂ pö ndə̂ mê tö rə̂ âtə: Äwäpä akrə balë balë deka tü yê gasa kə̂ dje pö, kə̂ toabô pö tô gagasa-ê, kə̂ mboabô mêrâ mbô wândâ-wändä-ê.

Jâke 2:3

Âdə nyê âlusə̂ akrə ndə̂ tche yû tchôtchô lə̂ba lâme, ânyë kə̈ tô rə̂ sə̈ tchë päkëdə̂: «Momö, amö sə lə̂ tchôtchô ngendë âtə», praâbalë âdə nyë âto rə̂ sə̈ earə̂ yûkü lâme päkëdə̂: «Momö, amö krʉ lafô tchâtə, âdəndjë rə̂, amö sə ëbêche tə̂ ma mbätä da mê âtə.»

Jâke 2:9

Praâbalë âdə nyë âsə dəndə̂ ngâ akrə balë, dëkë nyë mbô ngbongbo rə nə̂, ânyë ndïɛ̈ âwa ngbanga lə̂ küma nyê, bëte nyë kôsə̂ ma yê nə̂.

Jâke 3:17

Küma ndə̂ âwa lanə̈, ndə̂ âtô bhâ lafô mbö rə̂ pä akrə wa tə̂ dokʉ̈ nə̈ la grôgrô su, pânə̈ âmbo rə̂ pä azü sə la zɨtɨ su, kə̂ mbo rə nyima-ë, kə̂ djetə̂ andjê lə̂ gbâtə̂ andjê, kə̂ sɨ̂sɨ̈ lakə̂ wun nyonyo azü, lakə̂ mbo tchôtchô rə tə̂ andjê. Akrə ndə̂ küma yê wâ lanə̈, tche sə̂âbo dəndə̂ ngâ akrə balë-a, kə̂ mbôâbo rə ngbî tə̂ pö ma yê-a.

Bïchuû Pîêre 1:1

Mëmê Chemôn-Pîêre, më wätə̂ earə̂ kua la badjângele ndə̂ Jezü Krîsiti. Më mbö mbëtï âtə sə̈ andjanə̈ ndə̂ andjë zâ su andjê sə̈ Ndjapä. Kə̂ za su andjê sə̈ Ndjapä nə̈ lâme, ngîrî nə̈ wä ndjë batə̂ andə̂ azə̈ nə̈, lə̂ köbosə̂ djîrə̂ rə ndə̂ Ndjapä ndə̂ azə̂ la Jezü Krîsiti Earə̂ kə̂ tcha azə̂.

Jûde 1:16

Azü lâme, tə̂ andjê krâbo lo balë-a, andjë gbôâbo tə̂kə̂ dɨ tchə̂lə̂ ma andjê-a. Andjë nə̈ gundə̂sə̂ ngbongbo gʉ su andjê. Andjë tö tchê apö lakə̂ bolo azü, kə̂ gamba azü bëte kə̂ gbo rə.

Apökälîbïchi 14:12

Lo nə̈ tâ tâ nə̂ ndə̂kə̂ pa azü ndə̂ Ndjapä rʉatə̂ su andjê, andjanə̈ ndə̂ andjë bâta ndïɛ̈ ndə̂ Ndjapä ânyë kə̈ zâ su andjê sə̈ Jezü.