Jâke 1:9 - Mbëtï Ndjapä: TÄFO MADƗ̈

⁹ Äwäpä ngâ azə̂ ndə̂ tche wâtə̂ earə̂ yûkü wa la mômô bëte Ndjapä kênga tchë nə̂.

Jâke 1:9 Iomraidhean Croise

Lûke 1:52

Tche nyöto agbïɛ̈ pâ mbätä-gbïɛ̈ ndə̂ andjê atə̂ bêche, kə̈ kênga azü ndə̂ andjë mbôtə̂ andjê kpîɛ̂kpîɛ̂ rə̂ atə̂ lafô.

Lûke 10:20

Nyë wäbô wâ la mômô bëte rə̂ ndə̂ angbongbo atchozö djê nyê lâme-ê, praâbalë nyë wä la mômô bëte rə̂ ndə̂ a mbô rə̈ nyê bhâ lafô nə̂!»

Lûke 14:11

Bëte akrə ndə̂ tche mbôtə̂ yê gbölö, a âmboadje tchë tche wa kpîɛ̂kpîɛ̂ rə̂, ânyë akrə ndə̂ tche mbôtə̂ yê kpîɛ̂kpîɛ̂ rə̂, a âmboadje tchë tche wa gbölö.»

Lûke 9:48

kə̈ tô rə̂ sə̈ andjê päkëdə̂: «Akrə ndə̂ tche lûsə̂ bechë âtə la rə̈ mê, dëkë mëmê la tə̂ mê kä ndə̂ tche lûsə̂ mê. Akrə ndə̂ tche lûsə̂ mê, dëkë tche lü ndjë sə̂ akrə ndə̂ tche wân mê. Bëte akrə ndə̂ tche wâ kpîɛ̂kpîɛ̂ rə̂ ârô masə̂nə̈ lə̂ gûtə̂ nyê, akrə lâme kä ndə̂ âwâ gbölö!»

Rômo 8:17

Ndə̂ azə̈ wâtə̂ abechë ndə̂ Ndjapä, azə̂ gboadje ndjë atchôtchô rə ndə̂ yê ndə̂ tche nyîkrə rə̂ bëte azü ndə̂ yê. Azə̂ la Krîsiti kä ndə̂ âgbo atchôtchô rə nə̈. Ndə̂ azə̈ la Krîsiti wûn yûkü balë âtə, azə̈ la tchë âgboadje ndjë kə̂ lusə̂tə̂ ndə̂ yê.

Bïchuû Körɛ̂nte 6:10

Azü zä nyonyo tə̂ su ârâ, praâbalë ârâ wä la mômô logbɛ̂, azü wün ârâ batə̂ a-earə̂ yûkü dëkë ârâ mbö rə̂ pä angâ azü watə̂ a-earə̂ rə, azü wün ârâ batə̂ ambämbä azü, dëkë ârâ kä la rə gbɛ̂.

Fïlîpe 3:14

Käko më kpë la rö ndə̂kə̂ wutu ëtə̂ manə̈, ânyë kə̂ gbo rə ngbânə̈ tchânə̂ Ndjapä ndə̂ tche ê azə̂ ndə̂kə̂ gbo rə̂ bhâ lafô lə̂ köbosə̂ Jezü Krîsiti.

Fïlîpe 3:3

Azə̂ ndə̂ azə̂ voga Ndjapä lə̂ köbosə̂ Yingö ndə̂ yê, azə̈ kä ndə̂ âwâtə̂ alëge a-earə̂ gasa nə̈, azə̈ wä la mômô ndə̂ azə̈ wâ balë la Jezü Krîsiti, azə̈ zâbo su azə̂ pâ azə̂ la tə̂ azə̂-a.

Dokʉ̈ Pîêre 2:9

Praâbalë nyënyê ndə̂ nye nə̈, nyë wätə̂ azü gö ndə̂ Ndjapä dɨ̂ nyê, ndə̂ nyë wätə̂ a-earə̂ kə̂ wa ngela sə̈ Ndjapä, ndə̂ andjë wâtə̂ andjandə̂ gbïɛ̈, azü gö ndə̂ andjë wâ ngbî ânyë kə̈ dâka gbɛ̂, azü gö ndə̂ andjë wâtə̂ azü ndə̂ Ndjapä. Tche dɨ̈ nyê ndə̂kə̂ pa nyë wutu lə̂ bübü tchô kə̂ sə lə̂ tchôtchô ngbänga yê, ânyë kə̂ mu pö ndə̂ atchôtchô arə ndə̂ tche mbô rə̂.

Apökälîbïchi 2:9

Më wûnsə̂ arə nyonyo ndə̂ zə̈ la yûkü ndə̂ zə̈ nə̂, praâbalë mo kä la rə ndə̂ zə̈ tâ! Angâ azü tö rə̂ pä anyë də̈ ajuîfu, dëkë andjë wâbo tə̂ ajuîfu-a, andjë də̈ kpûlû ndə̂ azü ndə̂ Satäa. Angbongbo pö ndə̂ andjë to rə̂ tə̂ zə̈ lâme, më wûnsə̂ nə̈ nə̂!