Jâke 1:6 - Mbëtï Ndjapä: TÄFO MADƗ̈

⁶ Praâbalë äwäpä tche yukû nə̈ la su yê ndə̂ tche zâ rə̂ sə̈ Krîsiti, kə̂ dɨabô su yê dɨ̂ bïbïchuû pânə̈-ê, bëte akrə ndə̂ tche dɨ̂ su yê bïbïchuû, tche wä batə̂ kpabe tchêla gbölö ngû ngbro ndə̂ yi ro la rə̂ dəkalâ dəkalâ.

Jâke 1:6 Iomraidhean Croise

Matiyə̈ 14:28

Pîêre tô rə̂ sə̈ tchë päkëdə̂: «Gbölö Gbïɛ̈, âdə momö kä tə̂ lëge nə̈, amö zama ndə̂kə̂ pa më nə pâ ngû nə̈ ndə̂kə̂ e pu mö.»

Abadjângele 10:20

Alafô angaâtə kə̈ jrê, nyë gû la andjê etə̂. Âwâbo pä mo gu la andjê la su bïbïchuû-a, bëte mëmê kä ndə̂ âwân andjê.»

Ëfêze 4:14

Käko azə̂ kä wa bata batə̂ ayɛ̈yɛ̈ abechë tee-a, ndə̂ andjë wâ batə̂ külû la ngû ndə̂ kpabe sə lakə̂ e la rə̂ katchôgbɛ̂ lâme ndə̂, kə̂ nyisə̂ rə ndə̂ a-earə̂ yepa la a-earə̂ kə̂ bolo azü wâ batə̂ yi ndə̂ âro la andjê dəkalâ dəkalâ lâme.

Dokʉ̈ Timotë 2:8

Më nyïndə̂ nə̈ pä aköchë to pö sə̈ Ndjapä kusə̂ tchô gbɛ̂, lakə̂ kenga könô andjê atə̂ lafô, könô ndə̂ âwâ ngbî ânyë kə̈ dâka gbɛ̂. Âwâbo pä andjë to pö nə̈ sə̈ tchë la mêrâ-a, âdəndjë lakə̂ gama andjê lə̂ gbâtə̂ andjê-a.

Aheborö 10:23

Äwäpä su azə̂ ndəpo pâ rə ndə̂ azə̈ krʉ̂ bëte rə̂ tchânə̂ Ndjapä, ndə̂ azə̈ mu pö ndə̂nə̈, bëte Ndjapä mbö rə gundə̂sə̂ bâlâ ndə̂ yê.

Aheborö 11:6

Dëkë, âdə akrə âwabô wâ ndə̂kə̂ za su yê sə̈ Ndjapä, tche wâbo ndə̂kə̂ daka lə̂ la Ndjapä-a, bëte akrə ndə̂ tche gîtə̂ yê pu Ndjapä, äwäpä tche wunsə̂ nə̈ pä Ndjapä kä tâ, tche kʉ̈ tchôtchô arə sə̈ azü ndə̂ andjë pu tchë.

Aheborö 13:9

Âwâbo pä nyë gbotə̂ köbo sə̈ azü, andjë bolo nyê lakə̂ nyisə̂ angâ apö ngbî ngbî sə̈ nyê-a, bëte äwäpä su nyê kpokpo tə̂ yê lə̂ köbosə̂ tchôtchô su ndə̂ Ndjapä, âdə̂âbo tə̂ pö ndə̂ kɨ̈zɨ̂-a. Azü ndə̂ andjë bata ndïɛ̈ ndə̂ kɨ̈zɨ̂ lâme, andjë gbôâbo ngâ rə ngbânə̈ balë-a.

Jâke 1:7

Äwäpä akrə käko lâme zabô rə̂ zâ lə̂ küma yê pä, tchê gboadje ngâ rə tchânə̂ Gbölö Gbïɛ̈-ê.

Jâke 5:15

Kə̂ to pö sə̈ Ndjapä lakə̂ za su sə̈ tchë mbö rə̂ pä earə̂ tə̂kömbô nə̈ tcha, ânyë Gbölö gbïɛ̈ kengadje tchë. Âdə tche âmbo ngbongbo rə alêe, Ndjapä âko pö lə̂ küma yê gbɛ̂.

Bïchuû Pîêre 2:17

Azü lâme wä batə̂ tchə̂lə̂ küma ngû ndə̂ âhrô, kə̈ wâ ndjë batə̂ nyïvrö ndə̂ âbu ânyë gbölö yi rô la rə̂. Ndjapä nyîkrə ngâ tchô ndə̂ âbû biî bëte andjê nə̂.