Jâke 1:5 - Mbëtï Ndjapä: TÄFO MADƗ̈

⁵ Âdə ngâ akrə ndə̂ küma yê wâbô wâ lanə̈ âwa lə̂ gbâtə̂ nyê, äwäpä tche yukû nə̈ tchânə̂ Ndjapä, ndə̂ tche kʉ rə sə̈ azü gbɛ̂ la tchôtchô su, tchê zadje rə̂ sə̈ tchë, kə̂ yuabô ma akrə nə̈ pânə̈ tee-a.

Jâke 1:5 Iomraidhean Croise

Matiyə̈ 11:20

Pânə̈ Jezü sə̂ lakə̂ hro la azü ndə̂ tche mbô akpɨ̈ngbɨ̈ rə lə̂ gö ndə̂ andjê tə̂ gbölösə̂nə̈ lâme. Tche hrö la andjê bëte rə̂ ndə̂ andjë gbôâbo tə̂ bəndɨ kə̂ mbo rə ndə̂ andjê-a.

Mâreke 16:14

Pânə̈ gbɛ̂, Jezü mâtə̂ yê sə̈ adjisîpili lə̂ könô gbɛ̂ tchêpâ nə̈ balë, sə̂nə̈ ndə̂ andjë sə̂ lakə̂ zɨ kɨ̈zɨ̂. Jezü hrô la andjê päkëdə̂: «Nyë wä la gbôgbô su, kə̈ nyîâbo ndə̂kə̂ za su nyê sə̈ Ndjapä-a! Nyë gâmbabô pö ndə̂ andjanə̈ ndə̂ andjë wûn mê la tʉ̈rʉ̂ la mê ânyë kə̈ tô rə̂ sə̈ nyê-a.»

Jâan 14:13

Rə gbɛ̂ ndə̂ nyê yuadje kû nə̈ la rə̈ mê, mê mboadje rə̂ ndə̂kə̂ pa azü lusə̂ Bha mê lə̂ köbosə̂ Modô nə̈.

Jâan 15:7

Âdə nyë âwa balë la mê, ânyë apö ndə̂ mê wâ lə̂ nyê, nyë âyukû arə gbɛ̂ ndə̂ nyë nyîndə̂ nə̈, nyê gboadje rə̂.

Jâan 4:10

Jezü tô rə̂ ndə̂nə̈ sə̈ tchë päkëdə̂: «Âdə mo âwunsə̂ rə ndə̂ Ndjapä za rə̂ sə̈ azü, ânyë kə̈ wûnsə̂ akrə ndə̂ tche yûkû ngû tchânə̂ zə̈ ndə̂kə̂ ndjo rə̂ âtə, dëkë momö kä ndə̂ âyukû ngû nə̈, ânyë tche za ngû ndə̂ âza tchîsûwu sə̈ mö.»

Bïchuû Körɛ̂nte 2:16

Andə̂ andjanə̈ ndə̂ köbo yû tə̂ andjê, tchâfo yömbö nə̈ də̈ tchâfo kuzü ndə̂ âe la andjê pu kuzü. Andə̂ andjanə̈ ndə̂ andjë wâ ndə̂kə̂ gbo tchîsûwu, tchâfo yömbö ndə̂ tchîsûwu kä ndə̂ âe la andjê ndə̂kə̂ gbo tchîsûwu. Praâbalë tchabâ kä ndə̂ âwâ la gbôgbô ndə̂kə̂ mbo rə̂?

Jâke 1:17

Arə gbɛ̂ ndə̂ sə̂nə̈ lû, la akʉbala ndə̂ âdâka gbɛ̂ tö bhâ lafô, bhândə̂ Ndjapä, ndə̂ tche mbô arə ndə̂ âwâ la ngbänga yê tâ. Tche djêâbo tchə̂lə̂ tə̂ yê-a, kə̈ wâbo la tchâkrʉzrö yê tâ ndə̂ âtro-a.

Jâke 3:17

Küma ndə̂ âwa lanə̈, ndə̂ âtô bhâ lafô mbö rə̂ pä akrə wa tə̂ dokʉ̈ nə̈ la grôgrô su, pânə̈ âmbo rə̂ pä azü sə la zɨtɨ su, kə̂ mbo rə nyima-ë, kə̂ djetə̂ andjê lə̂ gbâtə̂ andjê, kə̂ sɨ̂sɨ̈ lakə̂ wun nyonyo azü, lakə̂ mbo tchôtchô rə tə̂ andjê. Akrə ndə̂ küma yê wâ lanə̈, tche sə̂âbo dəndə̂ ngâ akrə balë-a, kə̂ mbôâbo rə ngbî tə̂ pö ma yê-a.

Jâke 5:16

Äwäpä nyë tosə̂ angbongbo rə ndə̂ nyê lə̂ gbâtə̂ nyê la angâ nyê, kə̂ to pö sə̈ Ndjapä bëte angâ nyê lə̂ gbâtə̂ nyê, ânyë Ndjapä tcha nyê lə̂ tə̂kömbô ndə̂ nyê. Akrə ndə̂ tche wâ djîrə̂ lə̂ la Ndjapä, ânyë kə̈ tô pö sə̈ tchë, pö nə̈ ndə̂ tche to rə̂ sə̈ Ndjapä nə̈ lâme âwa la gbôgbô ndə̂kə̂ mbo rə tə̂ gbölösə̂nə̈.

Dokʉ̈ Jâan 3:22

Rə gbɛ̂ ndə̂ azə̈ yukû nə̈, azə̈ âgbo rə̂ tchânə̂ yê, bëte azə̈ bäta ndïɛ̈ ndə̂ yê, ânyë kə̈ mbô rə ndə̂ âfû tə̂ yê.