Jâke 1:4 - Mbëtï Ndjapä: TÄFO MADƗ̈

⁴ Praâbalë äwäpä kə̂ rʉatə̂ su nyê nə̈ mbo kua ndə̂ yê nə̈ lə̂ köbo nə̈ lə̂ arə gbɛ̂, ânyë nyê daka gbɛ̂, kə̂ wa la arə gbɛ̂, ndjë ngâ ngbongbo rə balë wabô lə̂ nyê tee-a.

Jâke 1:4 Iomraidhean Croise

Matiyə̈ 10:22

Azü gbɛ̂ koadje sə̂ nyê bëte rə̈ mê. Praâbalë akrə ndə̂ tche rʉ̂âtə̂ su yê ndjoa ëtə̂ manə̈ tchê tchadje lə̂ kuzü.

Matiyə̈ 19:20

Bechë-ɛ̈köchë nə̈ tô rə̂ sə̈ tchë päkëdə̂: «Më mbô arə lâme nə̂ gbɛ̂. Giamâ kä âkə̈ wâ ngbânə̈ ndə̂kə̂ pa më mbo rə̂?»

Matiyə̈ 5:48

Äwäpä nyë watə̂ azü ndə̂ andjë dâka gbɛ̂, batə̂ Bha nyê ndə̂ tche sə̂ bhâ lafô ânyë kə̈ dâka gbɛ̂ lâme.»

Mâreke 10:21

Jezü chêko tchë kə̂ nyïndə̂ yê ânyë kə̈ tô rə̂ sə̈ tchë päkëdə̂: «Gbô ngâ rə balë kä po ngbânə̈ ndə̂kə̂ pa mo mbo rə̂: Amö gu, kə̂ ka arə gbɛ̂ ndə̂ mo wâ la rə̂, kə̂ kʉ makətche nə̈ sə̈ a-earə̂ yûkü, ânyë kə̂ gboadje gbölö rə bhâ lafô. La tchêngbâ nə̈ mo nə ngbâ mê.»

Lûke 18:22

Pânə̈ ndə̂ Jezü djê pö lâme, tche tô rə̂ sə̈ tchë päkëdə̂: «Gbô ngâ rə balë kä po ndə̂kə̂ pa mo mbo rə̂: Äwäpä mo ka arə gbɛ̂ ndə̂ mo wâ la rə̂, kə̂ krʉ tchə̂lə̂ makətche nə̈ tə̂ a-earə̂ yûkü, käko ânyë mô gboadje arə bhâ lafô, la tchêngbâ nə̈, mo nə ngbâ mê.»

Lûke 21:19

Nyë rʉ̈ätə̂ su nyê! Käko ânyë kə̂ tchadje lə̂ tchîsûwu ndə̂ nyê.»

Lûke 8:15

Ndjî rəgʉ ndə̂ âtû lə̂ tchôtchô cho wä batə̂ azü ndə̂ andjë djê pö Ndjapä nə̈, ânyë kə̈ bâta rə̂ bhâlə̂ su andjê ndə̂ âwâ djîrə̂ ânyë kə̈ dâka. Andjë kpökpo tə̂ andjê lə̂ angbongbo rə gbɛ̂, ânyë kə̈ lê la köbo nə̈.»

Jâan 17:23

Mëmê la andjê, ârâ wä balë batə̂ rə̂ ndə̂ mö wâ balë la mê, käko ânyë andjë wa balë tə̂ lëge nə̈. Tchâme, azü tchêbêche wunsə̂ nə̈ pä momö kä ndə̂ âwân mê, ânyë mo nyïndə̂ andjê batə̂ rə̂ ndə̂ mo nyîndə̂ mê.

Dokʉ̈ Körɛ̂nte 2:6

Dëkë, ârâ nyïsə̂ köbo ndə̂ küma akrə wa lanə̈ sə̈ azü ndə̂ Krîsiti ndə̂ andjë dû lə̂kə̂ za su andjê sə̈ Ndjapä. Küma ndə̂ âwa lanə̈ lâme tôâbo pâ cho âtə-a, kə̈ tôâbo ndjë tə̂ a-earə̂ kümändëmä ndə̂ andjë wâ la gbôgbô pâ cho âtə-a. Arə lâme gbɛ̂ wä ndə̂kə̂ ndɨ̂ndɨ̈.

Gälâte 6:9

Azə̈ zogoabô zôgo lakə̂ mbo dâkâ-ê, bëte lo nə̈ âtadje tâ ndə̂ azə̈ gboadje rə ngbânə̈, ndə̂ azə̈ gbôâbô gbôtâ-ê.

Kölôse 4:12

Ëpäfrâse, ngâ akrə ndə̂ nyê, pô ndə̂ nyê nə̂, tche də̈ earə̂ kua ndə̂ Jezü Krîsiti, gbô tche kä lakə̂ mbo kʉ̈ʉ̈ tə̂ pö ndə̂ nyê. Tche kä lakə̂ yukû nə̈ sə̈ Ndjapä ndə̂kə̂ pa nyë krʉ ndjii-ï, kə̂ kpökpo tə̂ nyê, kə̂ daka gbɛ̂ lə̂ köbosə̂ Yingö ânyë kə̂ sə tchêtchêtchê logbɛ̂, ndə̂kə̂ mbo rə ndə̂ su Ndjapä nyîndə̂ nə̈.

Dokʉ̈ Tësälönîke 5:23

Äwäpä Ndjapä la tə̂ yê ndə̂ tche za zɨtɨ su sə̈ azü mbo rə̂ ânyë tə̂ nyê wa gbɛ̂ ngbî bëte tchë. Äwäpä tche bata yingö ndə̂ nyê, vrö nyê la tə̂ nyê gbɛ̂ ânyë ngâ pö balë wabô wâ lə̂ küma nyê tə̂ lo kə̂ ka ndə̂ Gbölö Gbïɛ̈ ndə̂ azə̂ Jezü Krîsiti-î.

Bïchuû Timotë 3:17

ânyë akrə ndə̂ Ndjapä daka gbɛ̂, ndə̂kə̂ gbo arə ndə̂kə̂ mbo rə̂ la tchôtchô kua.

Aheborö 13:21

Äfü pä Ndjapä nə̈ mbo rə̂ pä nyë watə̂ azü ndə̂ andjë mbo tchôtchô arə gbɛ̂ ndə̂ su yê nyîndə̂ nə̈! Äfü pä lə̂ köbosə̂ Jezü Krîsiti, Ndjapä mbo rə̂ pä azə̈ mbo rə ndə̂ âfû tə̂ su yê! Voga wätə̂ andə̂ yê nə̈ logbɛ̂ logbɛ̂! Amin.

Jâke 1:5

Âdə ngâ akrə ndə̂ küma yê wâbô wâ lanə̈ âwa lə̂ gbâtə̂ nyê, äwäpä tche yukû nə̈ tchânə̂ Ndjapä, ndə̂ tche kʉ rə sə̈ azü gbɛ̂ la tchôtchô su, tchê zadje rə̂ sə̈ tchë, kə̂ yuabô ma akrə nə̈ pânə̈ tee-a.

Jâke 3:2

Bëte azə̈ gbɛ̂ mbö ngbongbo rə tə̂ gbölösə̂nə̈. Âdə ngâ akrə âtchabô ma yê tchâ lakə̂ to pö-ê, dëkë tche wätə̂ akrə ndə̂ tche dâka gbɛ̂, tche də̈ akrə ndə̂ tche kʉ̂sə̂ kə̂ bata tə̂ yê gbɛ̂.

Dokʉ̈ Pîêre 5:10

Yûkü ndə̂ nyê wun rə̂ lâme wä ndə̂ kpîɛ̂kpîɛ̂ lö. Praâbalë Ndjapä ndə̂ tche mbo tchôtchô su tə̂ azü, ndə̂ tche ê nyê ndə̂kə̂ sə lə̂kə̂ wa gbölö ndə̂ yê ndə̂ âwâ logbɛ̂ logbɛ̂ lə̂ köbosə̂ Jezü Krîsiti, tchê mboadje rə̂ la tə̂ yê ndə̂kə̂ pa nyë daka, kə̂ kpokpoadje nyê, ânyë ngâ rə balë goabô nyê gôâ-ê.

Bïchuû Pîêre 1:9

Praâbalë akrə ndə̂ tche wâbô wâ la arə lâme, tche wätə̂ earə̂ föla, la yê gʉ̂âtə̂ yê nə̂ ëtâ, angbongbo arə ndə̂ yê ndə̂ a djûtu rə̂ alême, sə̂nə̈ yû tə̂ yê nə̂.