Jâke 1:3 - Mbëtï Ndjapä: TÄFO MADƗ̈

³ Bëte nyë wûnsə̂ nə̈ nə̂ pä, kə̂ za su sə̈ Krîsiti ndə̂ âro lə̂ arə gbôgbô, mbö rə̂ pä akrə rʉatə̂ su yê.

Jâke 1:3 Iomraidhean Croise

Lûke 21:19

Nyë rʉ̈ätə̂ su nyê! Käko ânyë kə̂ tchadje lə̂ tchîsûwu ndə̂ nyê.»

Rômo 15:4

Apö gbɛ̂ ndə̂ a mbô rə̂ alême lə̂ Mbëtï Ndjapä, a mbö rə̂ ndə̂kə̂ pa azə̈ wunsə̂ rə lə̂ köbo nə̈. Käko kä ndə̂ Mbëtï Ndjapä zâ köbo sə̈ azə̂ ndə̂kə̂ rʉatə̂ su azə̂, ânyë azə̈ gbo gbôgbô tə̂ su azə̂ ndə̂kə̂ krʉ bëte rə ndə̂ Ndjapä tô pö ndə̂nə̈ lâme.

Rômo 2:7

Angâ azü rʉ̈ätə̂ su andjê lə̂ agbôgbô arə ndə̂kə̂ mbo tchôtchô rə ndə̂kə̂ pa Ndjapä voga andjê ânyë kə̂ lusə̂ andjê. Andjë pü tchîsûwu ndə̂ ândɨ̂âbô ndɨ̂-î. Ndjapä âzadje tchîsûwu ndə̂ logbɛ̂ logbɛ̂ sə̈ andjê.

Rômo 8:25

Âdə azə̂ âza su azə̂ ndə̂kə̂ sə bëte rə ndə̂ la azə̂ wûn-âbô rə̂ wûn, azə̂ rʉadje tə̂ su azə̂ ndə̂kə̂ krʉ bëte rə̂.

Rômo 8:28

Azə̈ wûnsə̂ nə̈ nə̂ pä, rə gbɛ̂ pälatə̂ yê ndə̂kə̂ mbo dâkâ tə̂ azü ndə̂ andjë nyîndə̂ Ndjapä. Azü ndə̂ tche ê andjê lə̂ köbosə̂ nə̈ ndə̂ su yê nyîndə̂ nə̈.

Bïchuû Körɛ̂nte 4:17

Nyonyo ndə̂ azə̈ wun rə̂ angêta wä ndə̂ angâ alö ndə̂kə̂ pa änyikrə azə̂ bëte golowäre ndə̂ âwâ logbɛ̂ logbɛ̂, ndə̂ ârô masə̂nə̈.

Kölôse 1:11

Ndjapä mboadje rə̂ ndə̂kə̂ pa nyë kpokpo tə̂ nyê tə̂ gbölösə̂nə̈ lə̂ köbosə̂ gbôgbô ndə̂ yê ndə̂ ânyîsə̂ gbölö ndə̂ yê. Käko lə̂ agbôgbô arə, nyë wä la gbôgbô, kə̂ rʉatə̂ su nyê ndə̂kə̂ krʉ bëte tchë.

Bïchuû Tësälönîke 1:4

Bëte rə̂ kä ndə̂ ârâ bhi gogo ârâ lə̂ köbosə̂ nyê kulə̂ a-Egilîze ndə̂ Ndjapä lə̂ köbosə̂ nə̈ ndə̂ nyë rʉ̂âtə̂ su nyê la rə̂ ndə̂ nyë ndə̂po lə̂ köbo kə̂ za su nyê sə̈ Krîsiti lə̂ agbôgbô arə gbɛ̂, la arə nyonyo ndə̂ âgbô nyê.

Bïchuû Tësälönîke 3:5

Äfü pä Gbölö Gbïɛ̈ za rə̂ tə̂ su nyê ndə̂kə̂ nyində̂ Ndjapä, kə̂ rʉatə̂ su nyê batə̂ Krîsiti.

Aheborö 10:36

Äwäpä nyë rʉatə̂ su nyê, ânyë kə̂ mbo rə ndə̂ su Ndjapä nyîndə̂ nə̈, käko ânyë nyê gbo arə ndə̂ tche zâ bâlâ nə̈ lâme.

Aheborö 12:1

Âdə andə̂ azə̈ nə̈, azə̈ wûnsə̂ nə̈ nə̂ pä pö ndə̂ angbängbä azü ndə̂ andjë mbô rə alême gundə̂sə̂ kə̂ za su andjê sə̈ Ndjapä lâme, andjë täkpa ndrotə̂ azə̂. Käko äwäpä azə̈ gbotə̂ akʉ̂ngbô ndə̂ azə̂ gbɛ̂ ndə̂ âlû, kə̂ gbotə̂ köbo ngbongbo rə ndə̂ azə̈ te lə̂nə̈ gasa lâme-ê, kə̂ kpe la rö lakə̂ rʉatə̂ su azə̂ ndə̂kə̂ pa adɨngâalî ndə̂ a nyîsə̂ nə̈ sə̈ azə̂.

Aheborö 6:12

Âwâbo pä nyë watə̂ a-earə̂ dö-a, praâbalë nyë mbö rə batə̂ azü ndə̂ andjë zâ su andjê sə̈ Ndjapä lakə̂ rʉatə̂ su andjê, ânyë kə̈ gbô rə ndə̂ Ndjapä zâ bâlâ nə̈ lâme.

Dokʉ̈ Pîêre 1:7

Lôlo la tə̂ yê ndə̂ âwâ ndə̂kə̂ ndɨ̂ndɨ̈, a zä rə̂ lə̂ wo ndə̂kə̂ wun köbosə̂ nə̈ ndə̂ âwâtə̂ tchôtchô nə̈. Käko ndjë, su nyê ndə̂ nyë zâ rə̂ sə̈ Ndjapä däka kə̈ rô lôlo lâme, praâbalë su nyê nə̈ ndə̂ nyë zâ rə̂ sə̈ Ndjapä nə̈ lâme rö lə̂ agbôgbô arə ndə̂kə̂ pa a wun köbosə̂ nə̈ ndə̂ âwâtə̂ tchôtchô nə̈. Käko kä ndə̂ nyê gboadje voga tchânə̂ Ndjapä, kə̂ gbo golowäre ndjë lakə̂ lusə̂tə̂, tə̂ lo ndə̂kə̂ ka ndə̂ Jezü Krîsiti.

Bïchuû Pîêre 1:6

nyë zä kə̂ kitə̂ gʉ tə̂ nyê ëpâ kə̂ wunsə̂ rə, nyë zä kə̂ rʉ̈ätə̂ su nyê ëpâ kə̂ kitə̂ gʉ tə̂ nyê, nyë zätə̂ nyê gbɛ̂ sə̈ Ndjapä ëpâ kə̂ rʉatə̂ su nyê.