Jâke 1:27 - Mbëtï Ndjapä: TÄFO MADƗ̈

²⁷ Tchôtchô kə̂ voga Ndjapä, ndə̂ âwâbô wâ la kâkpö ndə̂ Ndjapä Bha nyîndə̂ nə̈ wä kâkë: Kə̂ wun tchô pâ awüntə̂wün la aɛ̈chë lə̂ ndavrö lə̂ yûkü ndə̂ andjê, kə̂ bata tə̂ yê tə̂ arə tchêbêche âtə, ânyë kə̂ teabô tê lə̂ ngbongbo rə-ê.

Jâke 1:27 Iomraidhean Croise

Matiyə̈ 12:32

Âdə ngâ akrə âto ngbongbo pö tə̂ Modô ndə̂ Akrə, Ndjapä âkoadje pö nə̈ lə̂ küma yê. Praâbalë âdə akrə âto ngbongbo pö tə̂ Kpɨ̂ki Yingö, Ndjapä âkoabô pö nə̈ lə̂ küma yê tee-a, ndə̂ tchô angêta, âdəndjë lə̂ tchîsûwu ndə̂ ânə.»

Matiyə̈ 5:8

Nyë wä la mômô, nyënyê ndə̂ nyë wâ la grôgrô su, bëte nyê wun-adje Ndjapä!

Lûke 1:6

Zakarï la Alîsabëte wätə̂ adjîrə̂ azü lə̂ la Ndjapä, andjë mbö rə la köbo nə̈ gundə̂sə̂ andïɛ̈ gbɛ̂ la apö gbɛ̂ ndə̂ Gbölö Gbïɛ̈.

Rômo 12:2

Äwäpä kə̂ sə ndə̂ nyê wabô wâ batə̂ andə̂ azü pâ cho âtə-ê. Praâbalë nyë gbötə̂ köbo sə̈ Ndjapä, tche mbo täfo rə lə̂kə̂ sə ndə̂ nyê, kə̂ za täfo kə̂ wunsə̂ rə sə̈ nyê. Käko nyê wun-adje sə̂ rə ndə̂ tche nyîndə̂ nə̈: Rə ndə̂ âwatə̂ tchôtchô nə̈, rə ndə̂ âfû tə̂ yê, rə ndə̂ âdâka gbɛ̂.

Rômo 2:13

Tə̂ lëge nə̈, azü ndə̂ andjë dje kütû ndïɛ̈ nə̈ djë la tü andjê, andjë wâbo djîrə̂ lə̂ la Ndjapä-a. Azü ndə̂ andjë mbo rə gundə̂sə̂ ndïɛ̈ nə̈ kä ndə̂ âwâtə̂ adjîrə̂ azü lə̂ la Ndjapä.

Gälâte 1:4

Gbölö Gbïɛ̈ Jezü yösə̂ tə̂ yê la tə̂ yê ndə̂kə̂ ji azə̂ lə̂ angbongbo arə ndə̂ tchîsûwu âtə batə̂ rə̂ ndə̂ su Ndjapä Bha azə̂ nyîndə̂ nə̈.

Gälâte 3:11

Pö âtə wätə̂ lëge nə̈: Akrə balë wâbo ndə̂kə̂ wa djîrə̂ lə̂ la Ndjapä lə̂ köbosə̂ ndïɛ̈-a, bëte Mbëtï Ndjapä tö rə̂ päkëdə̂: «Djîrə̂ akrə wadje la tchîsûwu lə̂ köbosə̂ kə̂ za su yê sə̈ Gbölö Gbïɛ̈.»

Gälâte 5:6

Bëte âdə ngâ akrə âwa balë la Jezü Krîsiti, ânyë a wâ tchë la gasa, âdəndjë rə̂ ndə̂ a wâbô tchë wâ la gasa, tchôtchô rə nə̈ də̂âbo rə̂ lâme-a! Tchôtchô rə nə̈ wä ndə̂kə̂ pa akrə za su yê sə̈ Krîsiti. Kə̂ za su sə̈ Krîsiti nə̈ lâme kä ndə̂ âmbo rə̂ pä azü nyində̂ angâ andjê.

Gälâte 6:14

Âdə andə̂ me nə̈, tə̂ mê krâbo tə̂ ngâ rə ngbî-a, tə̂ më krä kütû tə̂ pö ndə̂ yö ndə̂ gba ndə̂ Gbölö Gbïɛ̈ ndə̂ azə̂ Jezü Krîsiti. Lə̂ köbosə̂ yö ndə̂ gba nə̈, arə tchêbêche âtə tchû lə̂ mê nə̂, ânyë më tchû ndjë tə̂ pö ndə̂ arə tchêbêche nə̂.

Ëfêze 2:2

Nyë mbö rə alême batə̂ kə̂ mbo rə ndə̂ azü tchêbêche atə̂, kə̈ djê ma makündji ndə̂ angbongbo atchozö, ndə̂ tche sə̂ lə̂ gûtə̂ tchêbêche la tchêlafô, tchetchë kä âkə̂ mbo rə̂ angaâtə lə̂ su azü ndə̂ andjë kôsə̂ pö ma Ndjapä.

Dokʉ̈ Timotë 1:5

Dju kə̂ zama ndə̂ më zâ rə̂ sə̈ mö lâme wä ndə̂kə̂ pa andjë nyində̂ angâ andjê lə̂ köbosə̂ grôgrô su, la tchôtchô kə̂ rɨ tchə̂lə̂ su, la lëge kə̂ za su sə̈ Ndjapä.

Dokʉ̈ Timotë 5:4

Âdə ngâ ɛ̈chë lə̂ ndavrö âwa la abechë âdəndjë araâta nə̈, andjendjê kä ndə̂ âzatə̂ andjê gbɛ̂ ndə̂kə̂ mbo rə̂ la azü lə̂ bûngrɨ̂ ndə̂ andjê la tə̂ andjê dokʉ̈tchê, kə̂ gi arə ndə̂ arabha la araanyï andjê mbô rə̂ tə̂ andjê alême sə̈ andjê ëngbânə̈. Tə̂ lëge nə̈, rə ndə̂ âdâka lə̂ la Ndjapä kä lâme.

Tîte 2:12

Tchôtchô su yê nə̈ lâme nyïsə̂ köbo sə̈ azə̂ ndə̂kə̂ pa azə̈ gbotə̂ kə̂ kosə̂ Ndjapä-ê, kə̂ gbotə̂ kə̂ mbo gʉ arə tchêbêche âtə-ê, ndə̂kə̂ pa, kə̂ sə ndə̂ azə̂ lə̂ alö ndə̂ azə̈ sə̂ lə̂nə̈ âtə âwa la köbo nə̈, kə̂ wa djîrə̂, ndjë ndə̂kə̂ pa azə̈ zatə̂ azə̂ gbɛ̂ sə̈ Ndjapä.

Jâke 3:17

Küma ndə̂ âwa lanə̈, ndə̂ âtô bhâ lafô mbö rə̂ pä akrə wa tə̂ dokʉ̈ nə̈ la grôgrô su, pânə̈ âmbo rə̂ pä azü sə la zɨtɨ su, kə̂ mbo rə nyima-ë, kə̂ djetə̂ andjê lə̂ gbâtə̂ andjê, kə̂ sɨ̂sɨ̈ lakə̂ wun nyonyo azü, lakə̂ mbo tchôtchô rə tə̂ andjê. Akrə ndə̂ küma yê wâ lanə̈, tche sə̂âbo dəndə̂ ngâ akrə balë-a, kə̂ mbôâbo rə ngbî tə̂ pö ma yê-a.

Jâke 3:9

Azə̈ vöga Gbölö Gbïɛ̈ ndə̂ tche wâtə̂ Bha azə̂ la tïmï lâme, praâbalë kütû tïmï balë lâme kä ndə̂ azə̈ dra ndə̂ azü la rə̂ ndə̂ Ndjapä mbô andjê batə̂ tchë.

Jâke 4:4

Nyënyê ndə̂ nyë wâ batə̂ azü ndə̂ andjë pu aɛ̈chë âdəndjë aköchë ndə̂ angâ andjê âtə! Nyë wûn-âbo sə̂nə̈ pä akrə ndə̂ tche zâ agü la tchêbêche âtə, tche wätə̂ akrə ndə̂ tche kôsə̂ Ndjapä? Akrə ndə̂ tche nyîndə̂ kə̂ za agü la tchêbêche âtə, dëkë tche wâ nə̂ tə̂ akrə ndə̂ tche kôsə̂ Ndjapä.

Bïchuû Pîêre 1:4

Lə̂ köbosə̂ arə nə̈ lâme kä ndə̂ Ndjapä kʉ̂ atchôtchô arə ndə̂ gbölö ngîrî sə̈ azə̂ ndə̂ tche zâ bâlâ tə̂ pö ndə̂nə̈ alême. Käko ndə̂ nyê âsə̈ gbo rə̂, âmbo rə̂ pä nyë kpe tə̂ köbo agʉ arə tchêbêche âtə ndə̂ ândɨ azü. Käko kä ndə̂, kə̂ sə ndə̂ nyê kʉtə̂ yê la andə̂ Ndjapä.

Bïchuû Pîêre 2:20

Bëte âdə azü ndə̂ andjë wûtu lə̂ angbongbo rə ndə̂ tchêbêche lə̂ köbosə̂ nə̈ ndə̂ andjë wûnsə̂ Jezü Krîsiti Gbölö Gbïɛ̈ la Earə̂ kə̂ tcha azə̂, ânyë andjë kä kâ atə̂lə̂ angbongbo arə nə̈ lâme ânyë ârôpâ andjê, kə̂ sə ndə̂ andjê la tchêngbâ nə̈ âka wa ngbo kə̂ ro anə̈ dokʉ̈tchê.

Bïchuû Pîêre 3:14

Bëte rə̂ kä, arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, ndə̂ nyê âsə̈ krʉ bëte lö nə̈ lâme, äwäpä nyë mbo rə̂ gbɛ̂ ndə̂kə̂ pa nyë daka gbɛ̂ ânyë ngâ pö balë wabô wâ lə̂ küma nyê-ê, ndjë äwäpä nyë sə la zɨtɨ su la Ndjapä.

Dokʉ̈ Jâan 5:18

Azə̈ wûnsə̂ nə̈ nə̂ pä ngâ bechë ndə̂ Ndjapä balë sə̂âbo kpô tə̂kə̂ mbo ngbongbo rə-a, bëte Modô ndə̂ Ndjapä kä lakə̂ bata tchë, ânyë Ngbongbo akrə wâbo ndə̂kə̂ mbo ngâ rə tə̂ yê-a.