Jâke 1:26 - Mbëtï Ndjapä: TÄFO MADƗ̈

²⁶ Âdə ngâ akrə âto rə̂ pä anyë kä lakə̂ voga Ndjapä, ânyë kə̈ bâtabô ma yê bâta-ê, dëkë akrə lâme bölotə̂ yê la tə̂ yê, kə̂ voga Ndjapä ndə̂ yê nə̈ lâme wä kütû bhuu-ë.

Jâke 1:26 Iomraidhean Croise

Matiyə̈ 15:9

Kə̂ voga mê ndə̂ andjë voga mê lâme, äwä ämbämbänə̈, bëte rə ndə̂ andjë nyisə̂ nə̈ wätə̂ andïɛ̈ ndə̂ azü mbô rə̂.›»

Mâreke 7:7

Voga ndə̂ andjë voga mê la rə̂, wä ämbänə̈, bëte andïɛ̈ ndə̂ andjë nyisə̂ nə̈, də̈ kütû andïɛ̈ ndə̂ azü mbô rə̂.›»

Lûke 8:18

La nyê gbö tə̂ köbo kə̂ dje pö ndə̂ nyê! Bëte akrə ndə̂ tche wâ la ngâ rə, a âzadje ngânə̈ sə̈ tchë. Praâbalë akrə ndə̂ tche wâbô wâ la ngâ rə-ê, a âkrʉadje ndjë kpîɛ̂kpîɛ̂ nə̈ ndə̂ tche wûntî pä anyë kä la rə̂.»

Dokʉ̈ Körɛ̂nte 15:15

Pâ arə lâme gbɛ̂, âdə akuzü âjoabô jô tə̂ lëge nə̈, änyïndə̂ kə̂ to rə̂ pä Ndjapä jôâbo Krîsiti lə̂ kuzü nə̂-a. Âdə rə nə̈ âwa käko, dëkë ârâ mö yepa la rə̈ Ndjapä, tə̂ pö ndə̂nə̈ ndə̂ ârâ tô rə̂ pä tche jö Krîsiti lə̂ kuzü lâme.

Dokʉ̈ Körɛ̂nte 15:2

Âdə nyê âbata Tchôtchô Pö nə̈ batə̂ rə̂ ndə̂ më mû rə̂ sə̈ nyê, nyê tchadje lə̂ kuzü lə̂ köbosə̂ nə̈; ârə̂ âdəabô də̂ käko, dëkë kə̂ za su nyê sə̈ Ndjapä wä ämbänə̈.

Dokʉ̈ Körɛ̂nte 3:18

Âwâbo pä akrə bolotə̂ yê la tə̂ yê-a. Âdə ngâ akrə lə̂ gbâtə̂ nyê âwun rə̂ pä küma anyê kä lanə̈ batə̂ azü ndə̂ tchêbêche âtə, äwäpä tche watə̂ earə̂ nyî ânyë kə̂ watə̂ djîrə̂ akrə ndə̂ küma yê wâ lanə̈.

Gälâte 2:6

Angâ azü kä tâ ndə̂ a wûn andjê batə̂ agbölö azü, âdə andjê âwa alême tə̂ agbölö azü âdəndjë rə̂ ndə̂ andjë wâbô wâtə̂ agbölö azü, âwûn-âbo mê balë-a. Ndjapä lûâbo sə̂ akrə tə̂ pö ndə̂ la yê-a. Agbölö azü lâme zâbo mê la gbôgbô ndə̂kə̂ pa më mbo ngâ rə ngbî-a.

Gälâte 2:9

Jâke la Pîêre la Jâan ndə̂ a wûn andjê batə̂ agbölö azü tə̂ küma Egilîze wünsə̂ nə̈ pä tə̂ lëge nə̈, Ndjapä zâ kua nə̈ lâme sə̈ mê nə̂. Käko andjë pö ndə̂ mê la Bärnäbâse la könô andjê ndə̂kə̂ nyisə̂ nə̈ pä ârâ la andjê wä balë. Käko andə̂ ârâ, ârâ ë pu azü ndə̂ andjê wâbô wâtə̂ ajuîfu, ânyë andjë ê andə̂ andjë nə̈ pu azü ndə̂ andjë wâ gasa.

Gälâte 3:4

Arə gbɛ̂ ndə̂ âgbô nyê lə̂ köbosə̂ Yingö alême, ägbö nyê ämbänə̈? Më wûn-âbo andə̂ me nə̈ pä äwä ämbänə̈-a!

Gälâte 6:3

Âdə ngâ akrə âwatə̂ mbämbä akrə, ânyë kə̈ wûntə̂ yê batə̂ gbölö akrə, dëkë tche bölotə̂ yê la tə̂ yê.

Ëfêze 4:29

Âwâbo pä ngâ ngbongbo pö balë wutu lə̂ ma nyê-a. Praâbalë âdə köbo âwa, nyê to kütû tchôtchô pö ndə̂ âmbo rə̂ pä angâ nyê kpokpo tə̂ andjê, ânyë âmbo dâkâ tə̂ azü ndə̂ andjë dje nyê.

Ëfêze 5:4

Âwâbo la köbo nə̈ pä angbongbo pö, apö nyî la apö ganô wutu lə̂ ma nyê-a, praâbalë nyë zä kütû ayîabâ sə̈ Ndjapä.

Kölôse 4:6

Äwäpä pö ma nyê tcho batə̂ ngbro, kə̂ mbo dâkâ tə̂ azü, kə̂ wunsə̂ kə̂ to tchêngbâ pö sə̈ akrə lə̂ köbo nə̈.

Jâke 1:19

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä nyë wunsə̂ pö ndə̂ mê tö rə̂ âtə: Äwäpä akrə balë balë deka tü yê gasa kə̂ dje pö, kə̂ toabô pö tô gagasa-ê, kə̂ mboabô mêrâ mbô wândâ-wändä-ê.

Jâke 1:22

Âwâbo pä nyë deka tü nyê kütû ndə̂kə̂ dje pö nə̈-a, ndə̂kə̂ bolotə̂ nyê la tə̂ nyê-a, praâbalë äwäpä nyë mbo rə gundə̂sə̂ pö ndə̂ nyë djê rə̂ lâme.

Jâke 2:20

Momö ndə̂ küma zə̈ wâbô wâ lanə̈ âtə, mo nyïndə̂ nə̈ pä më nyisə̂ nə̈ sə̈ mö pä kə̂ za su zə̈ sə̈ Krîsiti ndə̂ âwâbô wâ la kua ndə̂ yê tâ lâme wä kütû bhuu-ë?

Dokʉ̈ Pîêre 3:10

Bëte Mbëtï Ndjapä tö rə̂ päkëdə̂: «Akrə ndə̂ tche nyîndə̂ tchîsûwu ndə̂ yê, ânyë kə̈ nyîndə̂ kə̂ sə la sə̂nə̈, äwäpä tche bata ma yê tə̂ ngbongbo pö, kə̂ bata ma yê tə̂ apö kə̂ bolo tchô,