Jâke 1:21 - Mbëtï Ndjapä: TÄFO MADƗ̈

²¹ Ndjë, äwäpä nyë gbotə̂ arə kâkpö gbɛ̂, la angbongbo su gbɛ̂ ndə̂ ârô masə̂nə̈-ê. Nyë gämba pö ndə̂ a chî rə̂ lə̂ su nyê lâme, la su ndə̂ âwâ nyima-ë. Bëte pö nə̈ lâme kä la gbôgbô ndə̂kə̂ tcha nyê lə̂ kuzü.

Jâke 1:21 Iomraidhean Croise

Matiyə̈ 5:5

Nyë wä la mômô, nyënyê ndə̂ nyê mbo rə nyima-ë, bëte nyê gboadje cho ndə̂ Ndjapä nyîkrə rə̂ bëte nyê!

Jâan 6:63

Yingö kä ndə̂ âmbo rə̂ pä akrə wa la tchîsûwu. Mbë akrə wâbo ndə̂kə̂ mbo ngâ rə-a. Apö ndə̂ më tô rə̂ sə̈ nyê lâme wätə̂ apö ndə̂ Yingö la apö ndə̂ âza tchîsûwu.

Jâan 6:68

Chemôn-Pîêre tô rə̂ ndə̂nə̈ sə̈ tchë päkëdə̂: «Gbölö Gbïɛ̈, ârâ âe pu tchabâ? Apö ndə̂ âza tchîsûwu ndə̂ logbɛ̂ logbɛ̂ kä lə̂ ma zə̈.

Abadjângele 10:33

Posə̂nə̈, më wân azü sə̈ mö ndə̂kə̂ e mö. Mo mbö tchôtchô su ânyë kə̈ nə̂ âtə. Ndə̂ azə̈ sə̂ âtə, azə̈ kä gbɛ̂ tchâtchâ Ndjapä, ârâ krʉ̈ ndə̂kə̂ dje pö ndə̂ Gbölö Gbïɛ̈ zâ rə̂ sə̈ mö ndə̂kə̂ to rə̂ sə̈ ârâ.»

Abadjângele 13:26

«Arə̂mä, âdə nyë âwatə̂ azü pâ mawo ndə̂ Abrahâmo âdəndjë andjanə̈ lə̂ gûtə̂ nyê ndə̂ andjë voga Ndjapä, azəzə̂ kä ndə̂ Ndjapä wân pö ndə̂kə̂ tcha azü lə̂ kuzü sə̈ azə̂!

Rômo 1:16

Më wâbo la ganô ndə̂kə̂ mu Tchôtchô Pö ndə̂ Ndjapä-a. Tchôtchô Pö nə̈ wätə̂ gbôgbô ndə̂ Ndjapä ndə̂ tche zâ rə̂ ndə̂kə̂ tcha azü gbɛ̂ ndə̂ andjë zâ su andjê sə̈ Jezü Krîsiti. Tche tchä ajuîfu dokʉ̈tchê, la tchêngbâ nə̈, tche tchâ azü ndə̂ andjë wâbô wâtə̂ ajuîfu.

Rômo 11:17

Azü ndə̂ Isarayële wä batə̂ yö ndə̂ olivï lə̂ kɨ̈ndɨ̈, ndə̂ a kû angâ amatö yö nə̈. Praâbalë momö, mö wä batə̂ matö yö ndə̂ olivï ndə̂ güsü, a zä mö ânyë kə̈ pî mö lə̂ gbâtə̂ adɨ̂ amatö yö ndə̂ âwâtə̂ yö lə̂ kɨ̈ndɨ̈ nə̈. Angaâtə, mo wä ndjë ndə̂kə̂ gbo tchôtchô rə batə̂ amatö yö lə̂ kɨ̈ndɨ̈ nə̈, bëte ngû ndə̂ âtô ânyë kə̈ kênga lə̂ chëchë da yö nə̈.

Rômo 6:17

Azə̈ zä ayîabâ sə̈ Ndjapä bëte dokʉ̈tchê alême, nyë wätə̂ angbâa ndə̂ ngbongbo rə. Angaâtə, nyë gâmba rə̂ nə̂ la su nyê gbɛ̂ la lëge pö ndə̂ a nyîsə̂ nə̈ sə̈ azü gbɛ̂ ânyë nyë djê rə̂ lâme.

Dokʉ̈ Körɛ̂nte 15:2

Âdə nyê âbata Tchôtchô Pö nə̈ batə̂ rə̂ ndə̂ më mû rə̂ sə̈ nyê, nyê tchadje lə̂ kuzü lə̂ köbosə̂ nə̈; ârə̂ âdəabô də̂ käko, dëkë kə̂ za su nyê sə̈ Ndjapä wä ämbänə̈.

Bïchuû Körɛ̂nte 7:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, atchôtchô arə ndə̂ Ndjapä zâ bâlâ nə̈ lâme wä bëte azə̂. Käko, äwäpä azə̈ djutu angbongbo rə gbɛ̂ ndə̂ tə̂ azə̂ la andə̂ vrö azə̂ ndə̂kə̂ pa azə̈ daka gbɛ̂ lə̂ köbosə̂ kə̂ zatə̂ azə̂ gbɛ̂ lakə̂ kpe wa Ndjapä.

Ëfêze 1:13

Ndə̂ ârâ wâ balë la Krîsiti, nyënyê ndjë gbɛ̂, nyë djê lëge pö nə̂, Tchôtchô Pö ndə̂ âmbô rə̂ ânyë nyë tchâ lə̂ kuzü. Nyë zâ su nyê gbɛ̂ sə̈ Krîsiti nə̂, käko, Ndjapä mbö ngâ sɨ̂nyî rə ndə̂ yê tə̂ nyê, sɨ̂nyî rə nə̈ lâme də̈ Kpɨ̂ki Yingö, ndə̂ tche zâ bâlâ tə̂ yê alême.

Ëfêze 4:22

Äwäpä nyë gbotə̂ bəndɨ kə̂ sə ndə̂ nyê, kə̂ jitə̂ nyê tə̂ bəndɨ kə̂ mbo rə ndə̂ nyê, ndə̂ âmbo rə̂ pä gʉ su nyê bolo nyê ndə̂kə̂ pa nyë ndɨ-î.

Ëfêze 4:25

Bëte rə̂ kä, nyë gbötə̂ kə̂ mo yepa-ê: Äwäpä akrə balë balë to lëge pö sə̈ ngâ yê, bëte azə̈ gbɛ̂ wä batə̂ atchâme-tə̂ akrə balë.

Ëfêze 5:4

Âwâbo la köbo nə̈ pä angbongbo pö, apö nyî la apö ganô wutu lə̂ ma nyê-a, praâbalë nyë zä kütû ayîabâ sə̈ Ndjapä.

Dokʉ̈ Tësälönîke 1:5

Bëte Tchôtchô Pö ndə̂ ârâ mû rə̂ sə̈ nyê, âdə̂âbo kütû mbämbä pö lə̂ ma-a, praâbalë ârâ mü rə̂ la gbôgbô ndjë lakə̂ za könô ndə̂ Kpɨ̂ki Yingö. Ârâ wünsə̂ nə̈ bhâtə̂ su ârâ pä pö ndə̂ ârâ mû rə̂ lâme wätə̂ lëge nə̈. Nyë wûnsə̂ köbo ndə̂kə̂ sə ndə̂ ârâ lə̂ gbâtə̂ nyê nə̂, ârâ mbö tâ käko ndə̂kə̂ za könô sə̈ nyê.

Dokʉ̈ Tësälönîke 2:13

Bëte rə̂ kä ndə̂ ârâ ndjë gbɛ̂ ârâ zä ayîabâ sə̈ Ndjapä logbɛ̂ bëte sə̂nə̈ ndə̂ ârâ mû pö Ndjapä sə̈ nyê alême, nyë djê rə̂, ânyë kə̈ gbô rə̂ batə̂ lëge pö ndə̂ Ndjapä, âdə̂âbo batə̂ pö ndə̂ akrə-a. Praâbalë pö nə̈ tö bhândə̂ Ndjapä ânyë kə̈ mbô kua lə̂ su nyê, nyënyê ndə̂ nyë zâ su nyê sə̈ Krîsiti.

Tîte 2:11

Bëte Ndjapä nyïsə̂ tchôtchô su yê sə̈ azü gbɛ̂ ndə̂kə̂ pa lə̂ köbosə̂ nə̈, azü gbɛ̂ gbo köbo ndə̂kə̂ tcha lə̂ kuzü.

Aheborö 12:1

Âdə andə̂ azə̈ nə̈, azə̈ wûnsə̂ nə̈ nə̂ pä pö ndə̂ angbängbä azü ndə̂ andjë mbô rə alême gundə̂sə̂ kə̂ za su andjê sə̈ Ndjapä lâme, andjë täkpa ndrotə̂ azə̂. Käko äwäpä azə̈ gbotə̂ akʉ̂ngbô ndə̂ azə̂ gbɛ̂ ndə̂ âlû, kə̂ gbotə̂ köbo ngbongbo rə ndə̂ azə̈ te lə̂nə̈ gasa lâme-ê, kə̂ kpe la rö lakə̂ rʉatə̂ su azə̂ ndə̂kə̂ pa adɨngâalî ndə̂ a nyîsə̂ nə̈ sə̈ azə̂.

Aheborö 2:3

Käko azəzə̂ la tə̂ azə̂, atöko kä ndə̂ azə̈ kpe tə̂ ngbanga lâme, ndə̂ azə̈ wûn kə̂ tcha lə̂ kuzü batə̂ mbämbä rə lâme? Gbölö Gbïɛ̈ la tə̂ yê kä ndə̂ âjêtə̂ kə̂ mu pö ndə̂nə̈ alême dokʉ̈tchê. Pânə̈ andjanə̈ ndə̂ andjë djê pö ndə̂ tchîsûwu ndə̂ logbɛ̂ logbɛ̂ lâme, andjë tö rə̂ sə̈ ârâ pä pö nə̈ wätə̂ lëge nə̈.

Aheborö 4:2

Bëte azə̈ djë Tchôtchô Pö batə̂ rə̂ ndə̂ araâta azə̂ djê rə̂ alême. Praâbalë pö nə̈ mbôâbo ngâ rə tə̂ andjê balë-a, bëte azü ndə̂ andjë djê pö nə̈, andjë gâmbabô rə̂-a.

Jâke 4:8

Nyë gïtə̂ nyê ndola Ndjapä, ânyë tche giadje ndjë tə̂ yê ndola nyê. Nyënyê ndə̂ a-earə̂ ngbongbo rə, nyë grʉ̈ bata ngbongbo rə grʉ̂-ê, nyënyê ndə̂ su nyê wâ bïbïchuû âtə! Nyë djütu tchə̂lə̂ su nyê.

Jâke 5:20

äwäpä nyë wunsə̂ nə̈ päkëdə̂: Akrə ndə̂ tche kâ la ngâ earə̂ ngbongbo rə ëpâ köbo ndə̂ tche tchâ rə̂ lâme, dëkë tche mbö rə̂ pä earə̂ ngbongbo rə tcha lə̂ kuzü, kə̈ mbô ndjë rə̂ pä Ndjapä ko angbängbä apö lə̂ küma yê.

Dokʉ̈ Pîêre 1:22

A djûtu ngbongbo rə ndə̂ nyê nə̂ lə̂ köbosə̂ nə̈ ndə̂ nyë mbô rə gundə̂sə̂ lëge pö, lakə̂ nyində̂ angâ nyê la su nyê balë lâme. Käko nyë nyïndə̂ angâ nyê lə̂ gbâtə̂ nyê la grôgrô su, kə̂ sə kpôtâ.

Dokʉ̈ Pîêre 1:9

Bëte djusə̂nə̈ ndə̂ Ndjapä tchâ nyê lə̂ kuzü lâme də̈ rə̂ ndə̂ nyë zâ su nyê sə̈ tchë.

Dokʉ̈ Pîêre 2:1

Nyë gbötə̂ köbo ndə̂kə̂ mbo ngbongbo su gbɛ̂, kə̂ gbotə̂ köbo ndə̂kə̂ bolo azü-î. Pö ma nyê wäbô wâ ngbî tə̂kə̂ mbo rə ndə̂ nyê-ê. Nyë gbötə̂ gbölö su, kə̂ gbotə̂ kə̂ jende azü-î.

Dokʉ̈ Pîêre 2:11

Arə̂mâ ndə̂ mê ndə̂ mê nyîndə̂ nyê tə̂ gbölösə̂nə̈, më zä wängö sə̈ nyê, nyënyê ndə̂ nyë wâ batə̂ ayirə la azü pâ köbo ndə̂kə̂ pa nyë kosə̂ angbongbo gʉ su nyê ndə̂ âmbo kʉ̈ʉ̈ la vrö nyê.