Jâke 1:2 - Mbëtï Ndjapä: TÄFO MADƗ̈

² Arə̂mâ ndə̂ mê, äwäpä su nyê wa la mômô lə̂ arə gbôgbô gbɛ̂ ndə̂ âgbo nyê.

Jâke 1:2 Iomraidhean Croise

Abadjângele 5:41

Ndə̂ abadjângele nə̈ wûtu lə̂ nda kpûlû ndə̂ a-earə̂ kə̂ wa ngbanga nə̈, su andjê gbɛ̂ wâ la mômô, bëte Ndjapä wün andjê tə̂ adjîrə̂ azü bëte rə̂ ndə̂ andjë wûn yûkü bëte rə̈ Jezü.

Rômo 5:3

Âdə̂âbo kütû bëte rə lâme-a, azə̈ wä ndjë la mômô lə̂ arə nyonyo ndə̂ âgbo azə̂ bëte azə̈ wûnsə̂ nə̈ nə̂ pä nyonyo mbö rə̂ ânyë akrə rʉatə̂ su yê.

Fïlîpe 1:29

Bëte Ndjapä mbö tchôtchô su tə̂ nyê lə̂ köbosə̂ Krîsiti, âdə̂âbô kütû ndə̂kə̂ za su nyê sə̈ tchë-a, praâbalë ndə̂kə̂ wun ndjë yûkü bëte tchë.

Fïlîpe 2:17

Âdə jï mê âwa ndə̂kə̂ tu batə̂ ngâ ngela ndə̂ nyë wâ rə̂ sə̂ Ndjapä lə̂kə̂ mbo kua ndə̂ Ndjapä ndə̂ nyê, më wä la mômô ânyë azə̈ la nyê gbɛ̂ wa la mômô.

Fïlîpe 2:18

Käko nyënyê ndjë gbɛ̂, äwäpä nyê wa la mômô ânyë mê wa ndjë la mômô batə̂ nyê.

Kölôse 1:24

Arə̂mä, angaâtə më wä la mômô bëte rə̂ ndə̂ më sə̂ lakə̂ wun yûkü bëte nyê, bëte lə̂ köbosə̂ kə̂ wun yûkü nə̈ lâme, mê wün ndjë yûkü batə̂ rə̂ ndə̂ Krîsiti wûn ndjë rə̂ bëte Egilîze ndə̂ âwâtə̂ tə̂ yê.

Aheborö 10:34

Käko nyë krʉ̈ tchə̂lə̂ yûkü la a-earə̂ kânga, ndjë sə̂nə̈ ndə̂ a krʉ̂a arə ndə̂ nyê, nyë nyîndə̂ nə̈ la wawa la mômô, bëte nyë wûnsə̂ nə̈ nə̂ pä nyë kä la atchôtchô arə, ndə̂ âwâ pïï etə̂.

Jâke 1:12

Mômô kä tə̂ akrə ndə̂ tche rʉ̂âtə̂ su yê lə̂ arə gbôgbô, bëte âdə tche ârʉatə̂ su yê lə̂ arə gbôgbô nə̈ lâme nə̂, kə̂ gboadje kurône ndə̂ tchîsûwu, ndə̂ Ndjapä zâ bâlâ nə̈ sə̈ azü ndə̂ andjë nyîndə̂ yê.

Jâke 1:16

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë böloabô tə̂ nyê bôlo-ê.

Jâke 1:19

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä nyë wunsə̂ pö ndə̂ mê tö rə̂ âtə: Äwäpä akrə balë balë deka tü yê gasa kə̂ dje pö, kə̂ toabô pö tô gagasa-ê, kə̂ mboabô mêrâ mbô wândâ-wändä-ê.

Jâke 5:11

Nyë wünsaâ! Azə̈ gämba azü ndə̂ andjë kpôkpo tə̂ andjê lə̂ agbôgbô arə lâme. Nyë djê ndə̂ma pö pâ Jôbo ndə̂ tche rʉ̂âtə̂ su yê lâme nə̂, ânyë nyë wûnsə̂ rə ndə̂ Gbölö Gbïɛ̈ kʉ̂ rə̂ sə̈ tchë la tchêngbâ nə̈ nə̂. Bëte Gbölö Gbïɛ̈ wä la tchôtchô su tə̂ gbölösə̂nə̈, lakə̂ wun nyonyo azü.

Bïchuû Pîêre 2:9

Käko Gbölö Gbïɛ̈ wä ndə̂kə̂ ji adjîrə̂ azü ndə̂ andjë zâtə̂ andjê gbɛ̂ sə̈ tchë ânyë kə̂ wun yûkü. Tche wä ndjë ndə̂kə̂ nyikrə sə̂ angbongbo azü ndə̂kə̂ pa tche mbo andjê la yûkü tə̂ lo kə̂ wa ngbanga.

Apökälîbïchi 2:10

Âwâbo pä mo wa la wawa yûkü ndə̂ mô wun-adje rə̂ lâme-a. Amö djë pö âtə: Jâbolo vuadje nyê, kə̂ yiadje angâ azü lə̂ gbâtə̂ nyê lə̂ nda kânga. Nyê wun-adje yûkü lə̂ lö lə̂ könô gbɛ̂. Äwäpä mo mbo rə gundə̂sə̂ pö ma mê ndjoa ëtə̂ kuzü, ânyë mê zadje kurône ndə̂ tchîsûwu ndə̂ logbɛ̂ logbɛ̂ sə̈ mö.