Jâke 1:19 - Mbëtï Ndjapä: TÄFO MADƗ̈

¹⁹ Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä nyë wunsə̂ pö ndə̂ mê tö rə̂ âtə: Äwäpä akrə balë balë deka tü yê gasa kə̂ dje pö, kə̂ toabô pö tô gagasa-ê, kə̂ mboabô mêrâ mbô wândâ-wändä-ê.

Jâke 1:19 Iomraidhean Croise

Matiyə̈ 5:22

Praâbalë mëmê ndə̂ me nə̈, më tö rə̂ sə̈ nyê päkëdə̂: Akrə ndə̂ tche mbô mêrâ tə̂ ngâ yê, tche kʉ̈sə̂ nə̈ pä a e la tchë atə̂ tchâtchu gbölö kpûlû ndə̂ earə̂ kə̂ wa ngbanga. Akrə ndə̂ tche tô rə̂ sə̈ ngâ yê päkëdə̂: ‹Mo ndɨ̂ nə̂›, a â-eadje la tchë atə̂ tchâtchu a-earə̂ kə̂ wa ngbanga. Akrə ndə̂ tche tô rə̂ sə̈ ngâ yê päkëdə̂: ‹Momö ndə̂ earə̂ nyî âtə›, tche kʉ̈sə̂ nə̈ pä a yi tchë lə̂ wo ndə̂ âju pïï etə̂.

Mâreke 12:37

Davîdi la tə̂ yê ë rə̂ tə̂ yê pä ‹Gbölö Gbïɛ̈›, tïtïsə̂nə̈ atöko kä ndə̂ Mesï nə̈ kä watə̂ modô ndə̂ Davîdi?» Akpûlû azü sə̂ lakə̂ dje Jezü la mômô.

Mâreke 2:2

kpûlû azü nə̂ kə̈ zâ tchô gbɛ̂, ngâ kpîɛ̂kpîɛ̂ tchô wâbo-a, âdəndjë tchô də sûwu tchâtchu manda nə̈-a. Jezü sə̂ lakə̂ mu pö Ndjapä sə̈ andjê.

Lûke 15:1

A-earə̂ kə̂ pala makətche-lapöo la a-earə̂ ngbongbo rə gbɛ̂ nə̂ ndola Jezü ndə̂kə̂ dje tchë.

Lûke 19:48

Praâbalë andjë wûn-âbo sə̂ rə ndə̂ andjê mbo rə̂ ânyë kə̂ za tchë-a, bëte azü gbɛ̂ dëka tü andjê ndə̂kə̂ dje tchë.

Abadjângele 1:15

Tə̂ngâlo, azü ndə̂ Jezü pâlatə̂ andjê. Kə̂ ngba ndə̂ andjê gbɛ̂ wä ngbangbo balë la tə̂ akrə gbɛ̂ (120). Pîêre âlafô lə̂ gbâtə̂ andjê kə̈ tô rə̂ päkëdə̂:

Abadjângele 10:33

Posə̂nə̈, më wân azü sə̈ mö ndə̂kə̂ e mö. Mo mbö tchôtchô su ânyë kə̈ nə̂ âtə. Ndə̂ azə̈ sə̂ âtə, azə̈ kä gbɛ̂ tchâtchâ Ndjapä, ârâ krʉ̈ ndə̂kə̂ dje pö ndə̂ Gbölö Gbïɛ̈ zâ rə̂ sə̈ mö ndə̂kə̂ to rə̂ sə̈ ârâ.»

Abadjângele 13:48

Ndə̂ azü ndə̂ andjë wâbô wâtə̂ ajuîfu âsə̈ dje pö nə̈, andjë wâ la mômô lakə̂ voga pö ndə̂ Gbölö Gbïɛ̈. Andjanə̈ ndə̂ a dɨ̂ andjê ndə̂kə̂ gbo tchîsûwu ndə̂ logbɛ̂ logbɛ̂, andjë zâ su andjê sə̈ Jezü.

Abadjângele 17:11

Ajuîfu ndə̂ Berë däka kə̈ rô andjandə̂ Tësälönîke. Andjë gbö pö ndə̂ Ndjapä la gʉ nə̈ gbɛ̂. Logbɛ̂ andjë sə̈ lakə̂ pu rə̂ lə̂ pö nə̈ ndə̂kə̂ wun rə̂ pä pö ndə̂ Pôlo tô rə̂ lâme kä lə̂ köbo nə̈.

Abadjângele 2:42

Andjë zätə̂ andjê gbɛ̂ ndə̂kə̂ dje abadjângele lakə̂ nyisə̂ rə ndə̂ andjê logbɛ̂. Andjë mända rə, kə̂ sə balë, kə̂ zɨ rə balë, kə̂ to pö sə̈ Ndjapä.

Ëfêze 4:26

Âdə mêrâ âmbo nyê, nyë mböäbô ngbongbo rə mbô-ê, âwâbo pä lo zɨ tə̂ nyê la mêrâ lə̂ nyê-a.

Ëfêze 4:31

Nyë zäbô akrə zâ tə̂ su nyê-ê, su nyê hröäbô hrô-ê, nyë mböäbô mêrâ mbô-ê, nyë täbô wârə̂ tâ lə̂ küma akrə-ê, kə̂ droabô akrə drô-ê, angbongbo rə lâme gbɛ̂, nyë kä mbô bata rə̂ mbô-ê la adɨ̂ angbongbo rə balë balë gbɛ̂.

Kölôse 3:15

Äwäpä zɨtɨ su ndə̂ âtô bhândə̂ Krîsiti nyisə̂ köbo sə̈ nyê lə̂ apö tə̂ su nyê! Tə̂ pö ndə̂ zɨtɨ su lâme kä ndə̂ Ndjapä ê nyê ndə̂kə̂ watə̂ tə̂ akrə balë. Nyë zä ayîabâ sə̈ Ndjapä.

Kölôse 3:8

Praâbalë angaâtə, nyënyê ndjë, äwäpä nyë gbotə̂ arə lâme gbɛ̂, ndə̂ âdə̂: Mêrâ, su ndə̂ âhro, ngbongbo su, kə̂ dro tchô, angbongbo pö wutuabô wûtu lə̂ ma nyê-ê.

Dokʉ̈ Tësälönîke 2:13

Bëte rə̂ kä ndə̂ ârâ ndjë gbɛ̂ ârâ zä ayîabâ sə̈ Ndjapä logbɛ̂ bëte sə̂nə̈ ndə̂ ârâ mû pö Ndjapä sə̈ nyê alême, nyë djê rə̂, ânyë kə̈ gbô rə̂ batə̂ lëge pö ndə̂ Ndjapä, âdə̂âbo batə̂ pö ndə̂ akrə-a. Praâbalë pö nə̈ tö bhândə̂ Ndjapä ânyë kə̈ mbô kua lə̂ su nyê, nyënyê ndə̂ nyë zâ su nyê sə̈ Krîsiti.

Jâke 1:16

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë böloabô tə̂ nyê bôlo-ê.

Jâke 1:2

Arə̂mâ ndə̂ mê, äwäpä su nyê wa la mômô lə̂ arə gbôgbô gbɛ̂ ndə̂ âgbo nyê.

Jâke 1:26

Âdə ngâ akrə âto rə̂ pä anyë kä lakə̂ voga Ndjapä, ânyë kə̈ bâtabô ma yê bâta-ê, dëkë akrə lâme bölotə̂ yê la tə̂ yê, kə̂ voga Ndjapä ndə̂ yê nə̈ lâme wä kütû bhuu-ë.

Jâke 2:1

Arə̂mâ ndə̂ mê, nyënyê ndə̂ nyë zâ su nyê sə̈ Gbölö Gbïɛ̈ ndə̂ azə̂ Jezü Krîsiti ndə̂ a lusə̂ yê, âwâbo pä nyë sə dəndə̂ ngâ akrə balë-a.

Jâke 2:5

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë djë pö âtə: Ndjapä də̂âbo tchë ndə̂ tche dɨ̂ azü ndə̂ andjë wâtə̂ a-earə̂ yûkü lə̂ la azü tchêbêche âtə, ndə̂kə̂ mbo andjê tə̂ a-earə̂ rə lə̂ köbosə̂ kə̂ za su andjê sə̈ Ndjapä, ânyë andjë watə̂ azü ndə̂ Gbölö gö-gbïɛ̈ ndə̂ Ndjapä, ndə̂ tche zâ bâlâ ndə̂nə̈ sə̈ azü ndə̂ andjë nyîndə̂ yê lâme?

Jâke 3:10

Kə̂ e tchôtchô pö pâ azü, lakə̂ dra ndə̂ azü wütu kütû lə̂ ma balë lâme. Arə̂mâ ndə̂ mê, âwâbo pä rə nə̈ wa käko-a.

Jâke 4:11

Arə̂mä, nyë jëndeabô angâ nyê jênde lə̂ gbâtə̂ nyê-ê. Akrə ndə̂ tche jênde ngâ yê, âdəndjë rə̂ ndə̂ tche wâ ngbanga lə̂ küma ngâ yê, dëkë tche jênde ndïɛ̈ nə̂, kə̈ wâ ndjë ngbanga lə̂ küma ndïɛ̈ nə̂. Âdə mo âwa ngbanga lə̂ küma ndïɛ̈, dëkë mo wâbo tə̂ akrə ndə̂ tche mbô rə gundə̂sə̂ ndïɛ̈-a, mo wätə̂ earə̂ kə̂ wa ngbanga lə̂ küma ndïɛ̈.

Jâke 5:12

Praâbalë arə̂mâ ndə̂ mê, tə̂ dokʉ̈ nə̈, âwâbo pä nyë deba la rə̈ tchêlafô, âdəndjë tchêbêche, âdəndjë la ngâ känyï ngbî-a. Âdə nyë âto rə̂ pä: «Ɛn-ɛn» kə̂ krʉ kütû pâ ɛn-ɛn. Ânyë nyë âto rə̂ pä: «Ɛ̂n-ɛ̈n» kə̂ krʉ kütû pâ ɛ̂n-ɛ̈n, käko ânyë nyê teabô tê tchâtchâ ngbanga ndə̂ Ndjapä-ê.

Jâke 5:19

Arə̂mâ ndə̂ mê, âdə ngâ akrə lə̂ gbâtə̂ nyê âe tʉ̂rʉ tə̂ lëge pö, ânyë ngâ akrə kâ la tchë lə̂ köbo nə̈,

Dokʉ̈ Jâan 2:21

Mbëtï ndə̂ më mbô rə̂ sə̈ nyê âtə, nyîâbo sə̂nə̈ pä nyë wûn-âbo sə̂ lëge pö nə̂-a, praâbalë më mbö rə̂ bëte nyë wûnsə̂ lëge pö nə̂. Nyë wûn ndjë sə̂nə̈ nə̂ pä ngâ pö yepa balë wûtuabô lə̂ lëge pö-a.