Jâke 1:18 - Mbëtï Ndjapä: TÄFO MADƗ̈

¹⁸ Tchetchë la tə̂ yê, tche zä tchîsûwu sə̈ azə̂ lə̂ köbosə̂ pö ndə̂ yê ndə̂ âwâtə̂ lëge pö, ndə̂kə̂ pa azə̈ watə̂ adokʉ̈ arə gbɛ̂ ndə̂ tche mbô rə̂.

Jâke 1:18 Iomraidhean Croise

Jâan 1:13

Andjë wâbo tə̂ abechë ndə̂ Ndjapä lə̂ köbosə̂ nə̈ ndə̂ anyï zɨ bechë-a, âdə̂âbo ndjë lə̂ köbosə̂ nə̈ ndə̂ su akrə nyîndə̂ nə̈-a, praâbalë Ndjapä kä ndə̂ âzɨ̂ andjê.

Rômo 4:17

Tə̂ lëge nə̈, Mbëtï Ndjapä tö rə̂ päkëdə̂: «Më zä mö ndə̂kə̂ pa mo watə̂ bha angbängbä azü.» Abrahâmo zä su yê sə̈ Ndjapä ndə̂ tche za tʉ̈rʉ̂ la sə̈ azü ndə̂ andjë tchû ânyë kütû lə̂ köbosə̂ pö ma yê, rə ndə̂ âwâbô wâ, tche mbö rə̂ ânyë rə nə̈ wâ. Lə̂ la yê, Abrahâmo wätə̂ bha azə̈.

Dokʉ̈ Körɛ̂nte 4:15

Bëte âdə azü sâke lə̂ könô gbɛ̂ kä ndə̂ ânyîsə̂ köbo ndə̂kə̂ wa balë la Krîsiti sə̈ nyê, arabha nyê ngbâbo ngbä-a: Mëmê kä ndə̂ âzɨ̂ nyê lə̂ köbosə̂ nə̈ ndə̂ më mû Tchôtchô Pö sə̈ nyê ânyë nyë wâ balë la Jezü Krîsiti.

Bïchuû Körɛ̂nte 6:7

lə̂ lëge pö, lə̂ gbôgbô ndə̂ Ndjapä. Arə kʉ̈ʉ̈ ndə̂ ârâ də̈ kə̂ mbo adjîrə̂ arə lə̂ la Ndjapä.

Ëfêze 1:12

Äwäpä ârâ voga Ndjapä ndə̂ tche wâ gbölö, ârâ ndə̂ ârâ də̂ adokʉ̈ azü ndə̂ ârâ zâ su ârâ pâ Krîsiti.

Ëfêze 1:13

Ndə̂ ârâ wâ balë la Krîsiti, nyënyê ndjë gbɛ̂, nyë djê lëge pö nə̂, Tchôtchô Pö ndə̂ âmbô rə̂ ânyë nyë tchâ lə̂ kuzü. Nyë zâ su nyê gbɛ̂ sə̈ Krîsiti nə̂, käko, Ndjapä mbö ngâ sɨ̂nyî rə ndə̂ yê tə̂ nyê, sɨ̂nyî rə nə̈ lâme də̈ Kpɨ̂ki Yingö, ndə̂ tche zâ bâlâ tə̂ yê alême.

Bïchuû Timotë 2:15

Amö mbo gbôgbô gbɛ̂ ndə̂kə̂ matə̂ zə̈ tchâtchu Ndjapä batə̂ ngâ akrə ndə̂ tchêngbâ kua ndə̂ yê wâ tâ, earə̂ kua ndə̂ ganô mbôâbô tchë mbô-ê, ndə̂ tche nyisə̂ lëge pö lə̂ köbo nə̈.

Aheborö 12:23

Nyë gîtə̂ nyê nə̂ ndola kpûlû adokʉ̈ abechë ndə̂ Ndjapä, ndə̂ a mbô rə̈ andjê lə̂ mbëtï bhâ lafô. Nyë gîtə̂ nyê nə̂ pu Ndjapä ndə̂ tche wa ngbanga ndə̂ azü gbɛ̂, la atchozö adjîrə̂ azü ndə̂ andjë dâka gbɛ̂.

Jâke 1:15

Pânə̈ âdə gʉ su yê nə̈ âza güzu nə̂, kə̂ zɨ ngbongbo rə ësûwu, ânyë ngbongbo rə nə̈ âge nə̂, kə̂ zɨ kuzü.

Jâke 1:21

Ndjë, äwäpä nyë gbotə̂ arə kâkpö gbɛ̂, la angbongbo su gbɛ̂ ndə̂ ârô masə̂nə̈-ê. Nyë gämba pö ndə̂ a chî rə̂ lə̂ su nyê lâme, la su ndə̂ âwâ nyima-ë. Bëte pö nə̈ lâme kä la gbôgbô ndə̂kə̂ tcha nyê lə̂ kuzü.

Jâke 3:14

Praâbalë âdə nyê âwa la kïkï gbölö su, ndjë la gʉ ndə̂kə̂ wa gbölö tə̂ angâ nyê, nyë bhïäbô gogo nyê bhî ämbänə̈-ê, lakə̂ mo yepa ndə̂kə̂ ndɨ köbo lëge pö-ê.

Dokʉ̈ Pîêre 1:23

Pö Ndjapä kâ zɨ̂ nyê tə̂ täfo nə̈ nə̂. Pö Ndjapä nə̈ lâme wâbo batə̂ ngâ ndjî rəgʉ ndə̂ âtchûtchü-a, praâbalë äwä la tchîsûwu, kə̂ tchûâbo-a, äwä pïï etə̂.

Dokʉ̈ Pîêre 1:3

Azə̈ vöga Ndjapä, Bha Gbölö Gbïɛ̈ ndə̂ azə̂ Jezü Krîsiti! Lə̂ köbosə̂ gbölö dâkâ ndə̂ yê, tche mbö rə̂ ndə̂kə̂ pa a ka zɨ̂ azə̂ tə̂ täfo nə̈, lə̂ köbosə̂ nə̈ ndə̂ Krîsiti jô lə̂ kuzü. Käko azə̈ zä su azə̂ pâ rə ndə̂ âwâbô wâ ndə̂kə̂ tchu.

Dokʉ̈ Jâan 3:9

Akrə ndə̂ tche wâtə̂ bechë ndə̂ Ndjapä, tchê kä mboabô ngbongbo rə tee-a, bëte gbôgbô ndə̂ Ndjapä kä lə̂ yê. Tchê kä mbo bata ngbongbo rə tee-a, bëte tche də̈ bechë ndə̂ Ndjapä.

Apökälîbïchi 14:4

Andjë də̈ azü ndə̂ andjë ndɨ̂âbô tə̂ andjê ndɨ̂ lə̂ köbosə̂ kə̂ pu aɛ̈chë-ê, andjë bäta tə̂ andjê ngbî. Andjë zä tchêngbâ Ngbavö Ɛ̈bro-ngbaga kusə̂ tchô gbɛ̂ ndə̂ tche e tâ. A tchä andjê lə̂ gbâtə̂ azü ndə̂kə̂ pa a kʉ andjê dokʉ̈tchê sə̈ Ndjapä ndjë sə̈ Ngbavö Ɛ̈bro-ngbaga.