Jâke 1:16 - Mbëtï Ndjapä: TÄFO MADƗ̈

¹⁶ Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë böloabô tə̂ nyê bôlo-ê.

Jâke 1:16 Iomraidhean Croise

Matiyə̈ 22:29

Jezü tô rə̂ ndə̂nə̈ sə̈ andjê päkëdə̂: «Nyë tchâ köbo nə̂, bëte nyë wûn-âbo sə̂ Mbëtï Ndjapä la gbôgbô ndə̂ yê-a.

Mâreke 12:24

Jezü tô rə̂ sə̈ andjê päkëdə̂: «Nyë tchâ köbo nə̂! Nyë wûnsə̂ dju nə̈ nə̂? Bëte nyë wûn-âbo sə̂ Mbëtï Ndjapä-a, âdəndjë gbôgbô ndə̂ yê-a.

Mâreke 12:27

Tche də̂âbo Ndjapä ndə̂ azü ndə̂ andjë tchû-a, praâbalë tche də̈ Ndjapä ndə̂ azü ndə̂ andjë wâ la tʉ̈rʉ̂ la andjê. Tchâme kä ndə̂ nyë tchâ köbo tratralë.»

Abadjângele 1:15

Tə̂ngâlo, azü ndə̂ Jezü pâlatə̂ andjê. Kə̂ ngba ndə̂ andjê gbɛ̂ wä ngbangbo balë la tə̂ akrə gbɛ̂ (120). Pîêre âlafô lə̂ gbâtə̂ andjê kə̈ tô rə̂ päkëdə̂:

Dokʉ̈ Körɛ̂nte 6:9

Nyë wûn-âbo sə̂nə̈ pä azü ndə̂ andjë mbo ngbongbo rə gbôâbo tchô bhâlə̂ Gbölö gö-gbïɛ̈ ndə̂ Ndjapä? Nyë böloabô tə̂ nyê bôlo-ê: A-earə̂ kə̂ pu aɛ̈chë âdəndjë aköchë katchôgbɛ̂, azü ndə̂ andjë voga angakʉ̈lä, azü ndə̂ andjë pu aɛ̈chë âdəndjë aköchë ndə̂ angâ andjê, aköchë ndə̂ andjë lo la angâ andjê aköchë,

Gälâte 6:7

Nyë böloabô tə̂ nyê bôlo-ê: Akrə wâbo ndə̂kə̂ mo Ndjapä-a, bëte rə ndə̂ akrə lû rə̂, tchê soadje ndjî nə̈.

Fïlîpe 2:12

Käko arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, ndə̂ gbô mê sə̂ ndrotə̂ nyê alême, nyë djë ma Ndjapä logbɛ̂, käko äwäpä kə̂ dje ma ndə̂ nyê lâme ka rô anə̈ dokʉ̈tchê ndə̂ më sə̂âbô sə̂ ndrotə̂ nyê. Nyë mbö kua nə̈ la gbölö wa lakə̂ gugu ndə̂kə̂ tcha tchîsûwu ndə̂ nyê.

Fïlîpe 4:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, më wä la gʉ ndə̂kə̂ ka wun nyê! Më wä la mômô lə̂ köbosə̂ nyê ânyë tə̂ mê krâ tə̂ gbölösə̂nə̈! Käko arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä nyë kpokpo tə̂ nyê lə̂ köbosə̂ nə̈ ndə̂ nyë wâ balë la Gbölö Gbïɛ̈.

Kölôse 2:4

Më tö apö âtə sə̈ nyê ndə̂kə̂ pa akrə balë boloabô nyê bôlo la ngâ tchôtchô pö-ê.

Kölôse 2:8

La nyê gbö-ê, ânyë ngâ akrə boloabô nyê bôlo la apö ndə̂ küma ndə̂ âwa lanə̈, ndə̂ âwâtə̂ andə̂ azü-î! Apö lâme də̈ ambämbä pö ndə̂kə̂ mbo rə ndə̂ azü la angbongbo atchozö ndə̂ andjë wâ la gbôgbô pâ cho âtə, praâbalë âtôâbo dəndə̂ Krîsiti balë-a.

Bïchuû Timotë 2:18

Andjë chɛ̂ɛ tə̂ lëge pö nə̈, kə̈ tô rə̂ pä akuzü jô lə̂ kuzü alême nə̂. Käko andjë mbö rə̂ pä angbängbä azü te lə̂ su andjê ndə̂ andjë zâ rə̂ sə̈ Krîsiti lâme.

Aheborö 13:1

Nyë ndə̈po logbɛ̂ lakə̂ nyində̂ angâ nyê lə̂ gbâtə̂ nyê la angâ nyê batə̂ arə̂mâ ndə̂ Krîsiti.

Jâke 1:19

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä nyë wunsə̂ pö ndə̂ mê tö rə̂ âtə: Äwäpä akrə balë balë deka tü yê gasa kə̂ dje pö, kə̂ toabô pö tô gagasa-ê, kə̂ mboabô mêrâ mbô wândâ-wändä-ê.

Jâke 1:2

Arə̂mâ ndə̂ mê, äwäpä su nyê wa la mômô lə̂ arə gbôgbô gbɛ̂ ndə̂ âgbo nyê.

Jâke 2:1

Arə̂mâ ndə̂ mê, nyënyê ndə̂ nyë zâ su nyê sə̈ Gbölö Gbïɛ̈ ndə̂ azə̂ Jezü Krîsiti ndə̂ a lusə̂ yê, âwâbo pä nyë sə dəndə̂ ngâ akrə balë-a.

Jâke 2:14

Arə̂mä ndə̂ mê, âdə ngâ akrə âto rə̂ päkëdə̂: «Anyë zâ su anyê sə̈ Krîsiti nə̂», ânyë kə̈ nyîâbô sə̂nə̈ nyî lə̂ kua nə̈-ê, kə̂ za su yê sə̈ Krîsiti nə̈ lâme âmboadje ngâ rə tə̂ yê? Kə̂ za su yê sə̈ Krîsiti nə̈ lâme tchadje tchë lə̂ kuzü?

Jâke 2:5

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë djë pö âtə: Ndjapä də̂âbo tchë ndə̂ tche dɨ̂ azü ndə̂ andjë wâtə̂ a-earə̂ yûkü lə̂ la azü tchêbêche âtə, ndə̂kə̂ mbo andjê tə̂ a-earə̂ rə lə̂ köbosə̂ kə̂ za su andjê sə̈ Ndjapä, ânyë andjë watə̂ azü ndə̂ Gbölö gö-gbïɛ̈ ndə̂ Ndjapä, ndə̂ tche zâ bâlâ ndə̂nə̈ sə̈ azü ndə̂ andjë nyîndə̂ yê lâme?

Jâke 3:1

Arə̂mâ ndə̂ mê, âwâbo pä angbängbä azü watə̂ a-earə̂ kə̂ nyisə̂ rə-a. Bëte nyë wûnsə̂ nə̈ nə̂ pä azəzə̂ ndə̂ a-earə̂ kə̂ nyisə̂ rə, ngbanga ndə̂ Ndjapä wadje rə̂ pâ azə̂ ârə̂ âwatə̂ ngbongbo nə̈ kə̂ ro masə̂nə̈.

Jâke 3:10

Kə̂ e tchôtchô pö pâ azü, lakə̂ dra ndə̂ azü wütu kütû lə̂ ma balë lâme. Arə̂mâ ndə̂ mê, âwâbo pä rə nə̈ wa käko-a.

Jâke 4:11

Arə̂mä, nyë jëndeabô angâ nyê jênde lə̂ gbâtə̂ nyê-ê. Akrə ndə̂ tche jênde ngâ yê, âdəndjë rə̂ ndə̂ tche wâ ngbanga lə̂ küma ngâ yê, dëkë tche jênde ndïɛ̈ nə̂, kə̈ wâ ndjë ngbanga lə̂ küma ndïɛ̈ nə̂. Âdə mo âwa ngbanga lə̂ küma ndïɛ̈, dëkë mo wâbo tə̂ akrə ndə̂ tche mbô rə gundə̂sə̂ ndïɛ̈-a, mo wätə̂ earə̂ kə̂ wa ngbanga lə̂ küma ndïɛ̈.

Jâke 5:12

Praâbalë arə̂mâ ndə̂ mê, tə̂ dokʉ̈ nə̈, âwâbo pä nyë deba la rə̈ tchêlafô, âdəndjë tchêbêche, âdəndjë la ngâ känyï ngbî-a. Âdə nyë âto rə̂ pä: «Ɛn-ɛn» kə̂ krʉ kütû pâ ɛn-ɛn. Ânyë nyë âto rə̂ pä: «Ɛ̂n-ɛ̈n» kə̂ krʉ kütû pâ ɛ̂n-ɛ̈n, käko ânyë nyê teabô tê tchâtchâ ngbanga ndə̂ Ndjapä-ê.

Jâke 5:19

Arə̂mâ ndə̂ mê, âdə ngâ akrə lə̂ gbâtə̂ nyê âe tʉ̂rʉ tə̂ lëge pö, ânyë ngâ akrə kâ la tchë lə̂ köbo nə̈,