Jâke 1:14 - Mbëtï Ndjapä: TÄFO MADƗ̈

¹⁴ Gʉ su akrə la tə̂ yê balë balë gbɛ̂ kä ndə̂ âvu tchë, kə̂ e la tchë ânyë tche te lə̂ ngbongbo rə.

Jâke 1:14 Iomraidhean Croise

Matiyə̈ 15:18

Praâbalë rə ndə̂ âwutu lə̂ ma akrə tö bhâlə̂ yê, ârə̂ kä ndə̂ âmbo rə̂ pä tche wa la kâkpö.

Matiyə̈ 15:20

Arə lâme kä ndə̂ âmbo rə̂ pä azü wa la kâkpö. Praâbalë kə̂ zɨ rə la kâkpö könô, ndə̂ âwâbô wâ gundə̂sə̂ ndïɛ̈ ndə̂ araâta lâme, mbôâbo rə̂ pä azü wa la kâkpö-a.»

Matiyə̈ 4:1

La tchêngbâ nə̈ Kpɨ̂ki Yingö tôngo Jezü kə̈ ê la tchë âtə̂lə̂ kpaɛ̈gâ ndə̂kə̂ pa Jâbolo vu tchë.

Matiyə̈ 5:28

Mëmê ndə̂ me nə̈, më tö rə̂ sə̈ nyê päkëdə̂: Akrə ndə̂ tche wûn ɛ̈chë ndə̂ ngâ yê, ânyë kə̈ mbô gʉ yê, dëkë tche pû ɛ̈chë nə̈ bhâlə̂ su yê nə̂.

Rômo 7:11

Bëte lə̂ köbosə̂ ndïɛ̈ kä ndə̂ ngbongbo rə gbô köbo ndə̂kə̂ bolo mê ânyë kə̈ wôn mê.

Rômo 7:13

Rə ndə̂ âwâtə̂ tchôtchô rə kä âkə̂ watə̂ rə ndə̂ âwon mê? Âdə̂âbo käko-a! Praâbalë ngbongbo rə kä ndə̂ âwon mê: Ngbongbo rə zä rə ndə̂ âwâtə̂ tchôtchô nə̈ ndə̂kə̂ won mê la rə̂, ndə̂kə̂ nyisə̂ nə̈ pä tche wätə̂ ngbongbo rə tə̂ lëge nə̈. Bëte rə̂ kä lə̂ köbosə̂ ndïɛ̈, ngbongbo rə nyïsə̂ nə̈ pä anyë wätə̂ ngbongbo rə tə̂ lëge nə̈.

Ëfêze 4:22

Äwäpä nyë gbotə̂ bəndɨ kə̂ sə ndə̂ nyê, kə̂ jitə̂ nyê tə̂ bəndɨ kə̂ mbo rə ndə̂ nyê, ndə̂ âmbo rə̂ pä gʉ su nyê bolo nyê ndə̂kə̂ pa nyë ndɨ-î.

Aheborö 3:13

Praâbalë nyë zä wängö ndə̂kə̂ za gbôgbô tə̂ su angâ nyê lə̂ gbâtə̂ nyê lə̂ alö balë balë, ndə̂ lö ndə̂ tchô «Angêta» ndə̂po lakə̂ e, ndə̂ Mbëtï Ndjapä tô pö ndə̂nə̈, ânyë ngâ akrə balë lə̂ gbâtə̂ nyê koabô sə̂kə̂ dje pö kô-ê, ânyë ngbongbo rə boloabô tchë bôlo-ê.

Jâke 1:13

Âdə ngâ akrə âro lə̂ arə ndə̂ âvu azü, âwâbo pä tche to rə̂ päkëdə̂: «Ndjapä kä ndə̂ âvû anyê-a.» Bëte ngâ rə ndə̂ âvu Ndjapä ndə̂kə̂ mbo ngbongbo rə balë wâbo-a, bëte tchetchë la tə̂ yê tche vûabô ngâ akrə balë-a.

Jâke 1:15

Pânə̈ âdə gʉ su yê nə̈ âza güzu nə̂, kə̂ zɨ ngbongbo rə ësûwu, ânyë ngbongbo rə nə̈ âge nə̂, kə̂ zɨ kuzü.