Jâke 1:12 - Mbëtï Ndjapä: TÄFO MADƗ̈

¹² Mômô kä tə̂ akrə ndə̂ tche rʉ̂âtə̂ su yê lə̂ arə gbôgbô, bëte âdə tche ârʉatə̂ su yê lə̂ arə gbôgbô nə̈ lâme nə̂, kə̂ gboadje kurône ndə̂ tchîsûwu, ndə̂ Ndjapä zâ bâlâ nə̈ sə̈ azü ndə̂ andjë nyîndə̂ yê.

Jâke 1:12 Iomraidhean Croise

Matiyə̈ 10:22

Azü gbɛ̂ koadje sə̂ nyê bëte rə̈ mê. Praâbalë akrə ndə̂ tche rʉ̂âtə̂ su yê ndjoa ëtə̂ manə̈ tchê tchadje lə̂ kuzü.

Matiyə̈ 25:34

Käko gbïɛ̈ âtoadje rə̂ sə̈ andjanə̈ ndə̂ andjë sə̂ də ndôkö päkëdə̂: ‹Nyë nə̈ atâ, nyënyê ndə̂ tchôtchô pö ndə̂ Bha mê wâ pâ nyê, nyë də̈ azü gö ndə̂ Gbölö gö-gbïɛ̈ ndə̂ tchêlafô, ndə̂ tche nyîkrə rə̂ alême bëte nyê dokʉ̈tchê ndə̂kə̂ pa a nyikrə tchîsûwu.

Lûke 6:22

Nyë kä la mômô, âdə azü âkosə̂ nyê, kə̂ gro nyê, kə̂ dro nyê, kə̂ to ngbongbo pö la rə̈ nyê bëte Modô ndə̂ Akrə!

Rômo 5:4

Kə̂ rʉatə̂ su mbö rə̂ ânyë azə̈ kpokpo tə̂ azə̂ lə̂ arə nyonyo. Kə̂ kpokpo tə̂ azə̂ lə̂ arə nyonyo lâme mbö rə̂ ânyë su azə̂ krʉ bëte arə ndə̂ Ndjapä nyïndə̂ kə̂ kʉ rə̂ sə̈ azə̂.

Rômo 8:28

Azə̈ wûnsə̂ nə̈ nə̂ pä, rə gbɛ̂ pälatə̂ yê ndə̂kə̂ mbo dâkâ tə̂ azü ndə̂ andjë nyîndə̂ Ndjapä. Azü ndə̂ tche ê andjê lə̂ köbosə̂ nə̈ ndə̂ su yê nyîndə̂ nə̈.

Dokʉ̈ Körɛ̂nte 2:9

Praâbalë Mbëtï Ndjapä tö rə̂ päkëdə̂: «Rə ndə̂ la akrə wûn-âbô rə̂ wûn-î, rə ndə̂ tü akrə djêâbô rə̂ djê-ê, rə ndə̂ pö nə̈ wûtuabô wûtu tə̂ su akrə-ê, Ndjapä nyïkrə rə̂ gbɛ̂ bëte azü ndə̂ andjë nyîndə̂ yê.»

Dokʉ̈ Körɛ̂nte 8:3

Praâbalë âdə ngâ akrə ânyində̂ Ndjapä, Ndjapä wûnsə̂ yê nə̂.

Dokʉ̈ Körɛ̂nte 9:25

Azü gbɛ̂ ndə̂ andjë pa adɨngâalî, andjë kösə̂ angâ arə ânyë kə̂ nyikrətə̂ andjê bëte adɨngâalî nə̈. Andjë mbö tâ käko ndə̂kə̂ gbo rə ngbânə̈, praâbalë rə nə̈ wä ndə̂kə̂ ndɨ̂ndɨ̈. Âdə andə̂ azə̈ nə̈, azə̈ mbö rə̂ ndə̂kə̂ gbo tchôtchô rə ngbânə̈ ndə̂ âwâbô wâ ndə̂kə̂ ndɨ-î.

Bïchuû Timotë 2:15

Amö mbo gbôgbô gbɛ̂ ndə̂kə̂ matə̂ zə̈ tchâtchu Ndjapä batə̂ ngâ akrə ndə̂ tchêngbâ kua ndə̂ yê wâ tâ, earə̂ kua ndə̂ ganô mbôâbô tchë mbô-ê, ndə̂ tche nyisə̂ lëge pö lə̂ köbo nə̈.

Bïchuû Timotë 4:8

Angaâtə, a bâta kurône sə̈ mê ngbâ djîrə̂ kua ndə̂ mê nə̂, ndə̂ Gbölö Gbïɛ̈ zadje rə̂ sə̈ mê tə̂ lo kə̂ ka ndə̂ yê. Tə̂ lo nə̈ lâme, tchetchë ndə̂ tche wâtə̂ djîrə̂ earə̂ kə̂ wa ngbanga, tchetchë kä ndə̂ âzadje kurône nə̈ sə̈ mê, âdə̂âbô kütû mê balë-a, praâbalë tche âkʉ ndjë rə̂ sə̈ azü gbɛ̂ ndə̂ andjë nyîndə̂ lo kə̂ ka ndə̂ yê.

Aheborö 10:32

Äwäpä su nyê te pâ arə ndə̂ âgbô nyê alême. Lə̂ alö nə̈ lâme, pânə̈ ndə̂ nyë gbô ngbänga Ndjapä, nyë wün yûkü tə̂ gbölösə̂nə̈, nyë rʉ̈ätə̂ su nyê lə̂ agbôgbô kʉ̈ʉ̈.

Aheborö 11:17

Lə̂ köbosə̂ kə̂ za su sə̈ Ndjapä, Abrahâmo wâ ngela la Izâke sə̂nə̈ ndə̂ Ndjapä nyîndə̂ kə̂ wunsə̂ nə̈ pä tche zâ su yê sə̈ anyê nə̂, tche nyîkrətə̂ yê ndə̂kə̂ wa ngela la gbokôngô modô ndə̂ yê, dëkë tche djê pö ndə̂ Ndjapä zâ bâlâ nə̈ tə̂ yê alême nə̂.

Aheborö 12:5

Pö ndə̂ Ndjapä tô rə̂ sə̈ nyê batə̂ pö ndə̂ bha to rə̂ sə̈ amodô ndə̂ yê ndə̂kə̂ za wängö sə̈ nyê lâme, sə̂nə̈ yû tə̂ nyê nə̂? Tche tö rə̂ päkëdə̂: «Modô ndə̂ mê, âdə Gbölö Gbïɛ̈ âbhi mö, amö wun-abô rə̂ wûn tə̂ mbämbä rə-ê. Âdə Gbölö Gbïɛ̈ âgbɨtɨ tü zə̈, âwâbo pä su zə̈ zogo-a.

Aheborö 6:15

Abrahâmo rʉ̈ätə̂ su yê ânyë rə ndə̂ Ndjapä zâ bâlâ nə̈ tə̂ yê, tche gbô rə̂.

Jâke 2:5

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë djë pö âtə: Ndjapä də̂âbo tchë ndə̂ tche dɨ̂ azü ndə̂ andjë wâtə̂ a-earə̂ yûkü lə̂ la azü tchêbêche âtə, ndə̂kə̂ mbo andjê tə̂ a-earə̂ rə lə̂ köbosə̂ kə̂ za su andjê sə̈ Ndjapä, ânyë andjë watə̂ azü ndə̂ Gbölö gö-gbïɛ̈ ndə̂ Ndjapä, ndə̂ tche zâ bâlâ ndə̂nə̈ sə̈ azü ndə̂ andjë nyîndə̂ yê lâme?

Jâke 5:11

Nyë wünsaâ! Azə̈ gämba azü ndə̂ andjë kpôkpo tə̂ andjê lə̂ agbôgbô arə lâme. Nyë djê ndə̂ma pö pâ Jôbo ndə̂ tche rʉ̂âtə̂ su yê lâme nə̂, ânyë nyë wûnsə̂ rə ndə̂ Gbölö Gbïɛ̈ kʉ̂ rə̂ sə̈ tchë la tchêngbâ nə̈ nə̂. Bëte Gbölö Gbïɛ̈ wä la tchôtchô su tə̂ gbölösə̂nə̈, lakə̂ wun nyonyo azü.

Dokʉ̈ Pîêre 3:14

Âdə nyë âwun ndjë yûkü tə̂ pö ndə̂ djîrə̂ rə ndə̂ nyë mbô rə̂, nyë kä la mômô. Nyë mböämbô wa ngâ akrə balë mbô-ê, tchə̂lə̂ küma nyê djïngɨliabô djîngɨli-î.

Dokʉ̈ Pîêre 4:13

Praâbalë âdə nyë âsə̈ wun yûkü batə̂ rə̂ ndə̂ Krîsiti wûn yûkü, nyë sə̈ la mômô. Käko ânyë lo nə̈ ndə̂ tche âsə̈ ma gbôgbô ndə̂ gbölö ndə̂ yê tə̂ azü, nyënyê ndjë gbɛ̂ nyë âsɨ̂sɨ̈ la gbölö mômô.

Dokʉ̈ Pîêre 4:14

Âdə a âdro nyê bëte rə̈ Krîsiti, nyë kä la mômô, bëte Yingö ndə̂ Ndjapä ndə̂ âwâ gbölö kä pâ nyê.

Dokʉ̈ Pîêre 5:10

Yûkü ndə̂ nyê wun rə̂ lâme wä ndə̂ kpîɛ̂kpîɛ̂ lö. Praâbalë Ndjapä ndə̂ tche mbo tchôtchô su tə̂ azü, ndə̂ tche ê nyê ndə̂kə̂ sə lə̂kə̂ wa gbölö ndə̂ yê ndə̂ âwâ logbɛ̂ logbɛ̂ lə̂ köbosə̂ Jezü Krîsiti, tchê mboadje rə̂ la tə̂ yê ndə̂kə̂ pa nyë daka, kə̂ kpokpoadje nyê, ânyë ngâ rə balë goabô nyê gôâ-ê.

Dokʉ̈ Pîêre 5:4

Käko âdə makündji ndə̂ a-earə̂ kə̂ bata aɛ̈bro-ngbaga nə̈ âwutu, nyê gboadje rə ngbânə̈ ndə̂ âdə̂ atchôtchô arə ndə̂ âwâ pïï etə̂.

Dokʉ̈ Jâan 4:19

Andə̂ azə̈ nə̈, azə̈ nyïndə̂ azü bëte Ndjapä nyïndə̂ azə̂ tə̂ dokʉ̈ nə̈.

Apökälîbïchi 2:10

Âwâbo pä mo wa la wawa yûkü ndə̂ mô wun-adje rə̂ lâme-a. Amö djë pö âtə: Jâbolo vuadje nyê, kə̂ yiadje angâ azü lə̂ gbâtə̂ nyê lə̂ nda kânga. Nyê wun-adje yûkü lə̂ lö lə̂ könô gbɛ̂. Äwäpä mo mbo rə gundə̂sə̂ pö ma mê ndjoa ëtə̂ kuzü, ânyë mê zadje kurône ndə̂ tchîsûwu ndə̂ logbɛ̂ logbɛ̂ sə̈ mö.

Apökälîbïchi 3:19

Mëmê, azü gbɛ̂ ndə̂ më nyîndə̂ andjê, më gbɨ̈tɨ tü andjê, kə̂ ka la andjê ëpâ tchôtchô köbo. Amö za su zə̈ gbɛ̂ lakə̂ mbo kua, kə̂ gbotə̂ bəndɨ kə̂ mbo rə ndə̂ zə̈-ê.

Apökälîbïchi 3:21

«Akrə ndə̂ tche rô lə̂ arə gbɛ̂ la gbôgbô, mê zadje köbo sə̈ tchë ndə̂kə̂ sə sə̂nə̈ balë la mê lə̂ ngendë-gbïɛ̈ ndə̂ mê, batə̂ rə̂ ndə̂ mëmê ndjë gbɛ̂, më rô lə̂ arə gbɛ̂ la gbôgbô ânyë kə̈ sə̂ sə̂nə̈ balë la Bha mê lə̂ ngendë-gbïɛ̈ ndə̂ yê.