Jâke 1:1 - Mbëtï Ndjapä: TÄFO MADƗ̈

¹ Mëmê Jâke, më wâtə̂ earə̂ kua ndə̂ Ndjapä la Gbölö Gbïɛ̈ Jezü Krîsiti. Mëmê kä ndə̂ âmbô mbëtï âtə sə̈ nyê; më pô ndə̂ azü ndə̂ Ndjapä ndə̂ andjë krʉ̂ tchə̂lə̂ tə̂ andjê katchôgbɛ̂ pâ cho âtə nə̂.

Jâke 1:1 Iomraidhean Croise

Matiyə̈ 10:3

Fïlîpe la Bartelemï; Tomä la Matiyə̈ ndə̂ tche wâtə̂ earə̂ kə̂ pala makətche-lapöo; Jâke modô ndə̂ Alefë la Tadë;

Matiyə̈ 13:55

Âdə̂âbo modô ndə̂ sarpandë kä âtə? Âdə̂âbo Malê kä ndə̂ âdə̂ anyï nə̈? Âdə̂âbo Jâke la Jozêfu la Chemön la Jûde kä ndə̂ âwâtə̂ ayîngâ yê?

Matiyə̈ 19:28

Jezü tô rə̂ sə̈ andjê päkëdə̂: «Ɛn-ɛn, tə̂ lëge nə̈ më tö rə̂ sə̈ nyê: Lo nə̈ ndə̂ Modô ndə̂ Akrə ka ndə̂kə̂ sə pâ mbätä-gbïɛ̈ ndə̂ yê, nyënyê lə̂ könô gbɛ̂ tchêpâ nə̈ bïchuû ndə̂ nyë zâ tchêngbâ mê lâme, nyê səadje pâ ambätä-gbïɛ̈ lə̂ könô gbɛ̂ tchêpâ nə̈ bïchuû ndə̂kə̂ wa ngbanga pâ azü pâ mawo lə̂ könô gbɛ̂ tchêpâ nə̈ bïchuû ndə̂ Isarayële.

Mâreke 3:18

Anderë, la Fïlîpe la Bartelemï la Matiyə̈ la Tomä la Jâke, modô ndə̂ Alefë la Tadë la Chemön, akrə gö ndə̂ Kanän,

Lûke 22:30

Nyê zɨadje rə, kə̂ ndjoadje rə la mê lə̂ Gbölö gö-gbïɛ̈ ndə̂ mê. Nyê səadje lə̂ angendë-gbïɛ̈ ndə̂kə̂ wa ngbanga pâ azü pâ amawo ndə̂ Isarayële lə̂ könô gbɛ̂ tchêpâ nə̈ bïchuû.»

Lûke 6:15

Matiyə̈ la Tomä la Jâke modô ndə̂ Alefë la Chemön ndə̂ tche wâtə̂ ngâ zëlôte la

Jâan 12:26

Âdə ngâ akrə ânyində̂ kə̂ mbo kua ndə̂ mê, äwäpä tche za tchêngbâ mê, ndə̂kə̂ pa sə̂ tchô ndə̂ më sə̂ tâ, tche sə ndjë tâ. Âdə ngâ akrə âmbo kua ndə̂ mê, Bha mê luadje sə̂ yê.»

Jâan 7:35

Ajuîfu tô rə̂ lə̂ gbâtə̂ andjê päkëdə̂: «Tche âe bhâ tchêbâ ânyë azə̂ gboabô tchë gbô-ê? Tche âe bhândə̂ ajuîfu ndə̂ andjë krʉ̂ tchə̂lə̂ tə̂ andjê lə̂ gbâtə̂ agerêke lâme ndə̂kə̂ nyisə̂ rə sə̈ agerêke nə̈?

Abadjângele 1:13

Ndə̂ andjë wûtu bhâ Jerûzalêmo, andjë lî bhâlə̂ darə də lafô ndə̂ andjë gbo tchê tə̂ andjê tâ. Azü nə̈ də̈ Pîêre la Jâan la Jâke la Anderë la Fïlîpe la Tomä la Bartelemï la Matiyə̈ la Jâke modô ndə̂ Alefë la Chemön ndə̂ tche mbô kʉ̈ʉ̈ ndə̂kə̂ ji azü lə̂ ngbâa, ndjë la Jûde modô ndə̂ Jâke.

Abadjângele 12:17

Tche mbô könô yê tə̂ andjê ndə̂kə̂ pa andjë sə gii-ï, tche tô tchêngbâ pö ndə̂ rə ndə̂ Gbölö Gbïɛ̈ mbô rə̂ ânyë tche wûtu lə̂ nda kânga. Tche kä tô rə̂ päkëdə̂: «Nyë êë, kə̂ to pö ndə̂nə̈ sə̈ Jâke la arə̂mâ lə̂ Krîsiti.» La tchêngbâ nə̈ tche wûtu kə̈ rô atə̂lə̂ ngâ gö ngbî.

Abadjângele 15:13

Ndə̂ andjë kâ pö ndə̂ andjê, Jâke zâ pö kə̈ tô rə̂ päkëdə̂: «Arə̂mä, nyë djë mê ânyë!

Abadjângele 15:21

Gasa alême, angâ azü tö pö ndə̂ ndïɛ̈ ndə̂ Möyîze lə̂ agö balë balë, ânyë a sə̂ lakə̂ dɨ rə̂ lə̂ anda kə̂ voga Ndjapä lə̂ alö sabäa balë balë gbɛ̂.»

Abadjângele 15:23

Pö lə̂ mbëtï nə̈ ndə̂ andjë zâ rə̂ sə̈ andjê wä kâkë: «Ârâ abadjângele la akpôkpô azü ndə̂ ârâ wâtə̂ arə̂mâ ndə̂ nyê, ârâ pö ndə̂ arə̂mâ ndə̂ andjë wâbô wâtə̂ ajuîfu ânyë kə̈ sə̂ bhâ Äntïyôche, bhâ Sirï, ndjë la Silisï.

Abadjângele 2:5

Dëkë angâ ajuîfu ndə̂ andjë zâtə̂ andjê gbɛ̂ sə̈ Ndjapä kä bhâ Jerûzalêmo. Andjë tö lə̂ agö pâ cho gbɛ̂ ânyë kə̈ nə̂.

Abadjângele 21:18

Lö balë pânə̈, Pôlo ê la ârâ bhândə̂ Jâke. Akpôkpô azü gbɛ̂ päla ndjë tə̂ andjê bhâye.

Abadjângele 23:26

«Mëmê Kölôde Lïsïâse, më mbö mbëtï âtə sə̈ goverenëre Fëlîkese, më pô ndə̂ zə̈ nə̂ gbïɛ̈.

Abadjângele 26:7

Azü pâ mawo lə̂ könô gbɛ̂ tchêpâ nə̈ bïchuû ndə̂ araâta azə̂ krʉ̈ ndə̂kə̂ wun rə ndə̂ Ndjapä tô pö ndə̂nə̈. Ädə̈ käko ânyë andjë sə̂ lakə̂ mbo kua ndə̂ Ndjapä dalobiî, kə̈ gbôâbo tâ-a. Gbïɛ̈, mëmê ndjë gbɛ̂ më krʉ̈ ndə̂kə̂ wun rə nə̈ lâme. Tə̂ pö ndə̂ rə lâme kä ndə̂ ajuîfu nə̂ la mê atə̂lə̂ ngbanga âtə.

Abadjângele 8:1

Sôlo gämba pö ndə̂kə̂ won Etîêne. Lə̂ lö nə̈ lâme, azü sə̂ lakə̂ mbo gbôgbô tə̂ gbölösə̂nə̈ tə̂ azü ndə̂ Egilîze ndə̂ Jerûzalêmo. Azü ndə̂ Krîsiti krʉ̂ tchə̂lə̂ tə̂ andjê katchôgbɛ̂ pâ acho ndə̂ Judë la andə̂ Samarï, kütû abadjângele kä ndə̂ âsə̂ po bhâ Jerûzalêmo.

Rômo 1:1

Mëmê Pôlo, ndə̂ më wâtə̂ earə̂ kua ndə̂ Jezü Krîsiti, më mbö mbëtï âtə sə̈ nyê. Ndjapä ë mê ndə̂kə̂ pa më watə̂ badjângele ndə̂ yê. Tche zä mê ngbî ndə̂kə̂ pa më mu Tchôtchô Pö ndə̂ yê sə̈ azü gbɛ̂.

Gälâte 1:19

Më wûn-âbo ngâ badjângele ngbî-a. Praâbalë më wün kütû Jâke, yîngâ Gbölö Gbïɛ̈.

Gälâte 2:12

Bëte dokʉ̈tchê ndə̂kə̂ pa angâ azü ndə̂ Jâke wân andjê wutu, tche kä lakə̂ zɨ kɨ̈zɨ̂ la azü ndə̂ andjê wâbô wâtə̂ ajuîfu. Praâbalë ndə̂ andjë wûtu, tche mbrôtə̂ yê tə̂ andjê chï, kə̈ kä zɨ̂âbo rə la andjê-a, bëte wawa azü ndə̂ andjë wâ gasa mbö tchë.

Gälâte 2:9

Jâke la Pîêre la Jâan ndə̂ a wûn andjê batə̂ agbölö azü tə̂ küma Egilîze wünsə̂ nə̈ pä tə̂ lëge nə̈, Ndjapä zâ kua nə̈ lâme sə̈ mê nə̂. Käko andjë pö ndə̂ mê la Bärnäbâse la könô andjê ndə̂kə̂ nyisə̂ nə̈ pä ârâ la andjê wä balë. Käko andə̂ ârâ, ârâ ë pu azü ndə̂ andjê wâbô wâtə̂ ajuîfu, ânyë andjë ê andə̂ andjë nə̈ pu azü ndə̂ andjë wâ gasa.

Fïlîpe 1:1

Mëmê Pôlo la Timotë, a-earə̂ kua ndə̂ Jezü Krîsiti. Ârâ wän mbëtï âtə sə̈ azü ndə̂ Ndjapä ndə̂ andjë wâ balë la Jezü Krîsiti lə̂ gbölö gö ndə̂ Fïlîpe. Ârâ wän ndjë mbëtï âtə sə̈ azü tə̂ küma Egilîze la adiâkere:

Bïchuû Timotë 4:21

Amö mbo gbôgbô gbɛ̂ ndə̂kə̂ nə dokʉ̈tchê ndə̂kə̂ pa nyîpï ndə̂ zɨ wutu. Arə̂mâ bhâtə gbɛ̂ pô ndə̂ zə̈ nə̂, lə̂ gûtə̂ andjê, a gbö Ə̈bülûse la Pudän la Lîne la Kolodïä.

Tîte 1:1

Mëmê Pôlo, më wätə̂ earə̂ kua ndə̂ Ndjapä, kə̈ wâ ndjë tə̂ badjângele ndə̂ Jezü Krîsiti. Ndjapä wän mê ndə̂kə̂ pa më ka la azü ndə̂ tche dɨ̂ andjê ânyë andjë zâ su andjê sə̈ Jezü, ndə̂kə̂ pa andjë wunsə̂ lëge pö gundə̂sə̂ kə̂ zatə̂ andjê gbɛ̂ sə̈ Ndjapä,

Dokʉ̈ Pîêre 1:1

Mëmê Pîêre, badjângele ndə̂ Jezü Krîsiti, më mbö mbëtï âtə sə̈ nyê, nyënyê ndə̂ Ndjapä dɨ̂ nyê, ndə̂ nyë krʉ̂ tchə̂lə̂ tə̂ nyê katchôgbɛ̂, ânyë kə̈ sə̂ batə̂ ayirə lə̂ agö batə̂: Gö ndə̂ Pôn-on, la Gälâte, la Käpädôse, la Azï, ndjë la Bitinï.

Bïchuû Pîêre 1:1

Mëmê Chemôn-Pîêre, më wätə̂ earə̂ kua la badjângele ndə̂ Jezü Krîsiti. Më mbö mbëtï âtə sə̈ andjanə̈ ndə̂ andjë zâ su andjê sə̈ Ndjapä. Kə̂ za su andjê sə̈ Ndjapä nə̈ lâme, ngîrî nə̈ wä ndjë batə̂ andə̂ azə̈ nə̈, lə̂ köbosə̂ djîrə̂ rə ndə̂ Ndjapä ndə̂ azə̂ la Jezü Krîsiti Earə̂ kə̂ tcha azə̂.

Jûde 1:1

Mëmê Jûde, earə̂ kua ndə̂ Jezü Krîsiti, ndə̂ më də̂ ndjë yîngâ Jâke. Më mbö mbëtï âtə sə̈ azü ndə̂ Bha mê Ndjapä ê andjê, tche nyïndə̂ andjê ânyë kə̈ bâta andjê bëte Jezü Krîsiti.

Apökälîbïchi 7:4

Më djê rə̂ ndə̂ a nyîsə̂ kə̂ ngba ndə̂ azü ndə̂ a mbô sɨ̂nyî pâ la andjê lâme, andjë gbɛ̂ də̈ azü pâ mawo gbɛ̂ ndə̂ azü gö ndə̂ Isarayële, ndə̂kə̂ ngba ndə̂ andjê gbɛ̂ wâ sâke ngbangbo balë la tə̂ azü bïchuû tchêpâ nə̈ voanə̈ (144 000).