Fïlîpe 4:8 - Mbëtï Ndjapä: TÄFO MADƗ̈

⁸ Ndə̂kə̂ ka pö nə̈, arə̂mä, äwäpä nyë za su nyê pâ rə ndə̂ âdâka, rə ndə̂ a voga rə̂, rə ndə̂ âwâtə̂ lëge nə̈, rə ndə̂ a lusə̂ nə̈, rə ndə̂ âwâ djîrə̂, rə ndə̂ âdâka gbɛ̂, rə ndə̂ âfû lə̂ la azü, rə ndə̂ a to tchôtchô pö ndə̂nə̈ sə̈ azü.

Fïlîpe 4:8 Iomraidhean Croise

Matiyə̈ 22:16

Andjë wân angâ adjisîpili ndə̂ andjê la angâ azü tchâtchâ Hërôde ndə̂kə̂ to rə̂ sə̈ Jezü päkëdə̂: «Earə̂ kə̂ nyisə̂ rə, ârâ wûnsə̂ nə̈ nə̂ pä pö ndə̂ mo tô rə̂, la rə ndə̂ mo nyîsə̂ nə̈ pâ köbo Ndjapä wätə̂ lëge nə̈. Mo mbôâbo ganô ndə̂ la akrə-a, kə̈ wûn-âbo kə̂ ge ndə̂ akrə-a.

Mâreke 6:20

Bëte Hërôde kpë wa Jâan, kə̈ wûnsə̂ nə̈ nə̂ pä Jâan də̈ djîrə̂ akrə, kə̈ wâ ngbî bëte Ndjapä. Hërôde bâta tchë ndə̂kə̂ pa a mboabô ngbongbo rə mbô tə̂ yê-ê. Tche wä alême la gʉ ndə̂kə̂ dje Jâan, praâbalë âdə tche âdje tchë, kə̂ wun-abô sə̂ rə ndə̂ tche wâ ndə̂kə̂ mbo rə̂-a. Lə̂ arə lâme gbɛ̂, tche nyïndə̂ kə̂ dje tchë.

Lûke 16:15

Jezü tô rə̂ sə̈ andjê päkëdə̂: «Nyë nyïsə̂ nə̈ lə̂ la azü pä nyë wätə̂ adjîrə̂ azü, praâbalë Ndjapä wûnsə̂ arə bhâlə̂ su nyê nə̂ gbɛ̂. Bëte rə ndə̂ azü wûn rə̂ batə̂ gbölö rə, Ndjapä wün andə̂ yê nə̈ batə̂ ngâ rə ndə̂ tche kôsə̂ nə̈.

Lûke 2:25

Ngâ köchë alême kädje bhâ Jerûzalêmo, rə̈ yê wü pä Simeyön. Köchë lâme wätə̂ djîrə̂ akrə, kə̈ kpê wa Ndjapä. Tche sə̈ bëte akrə ndə̂ tche nə ndə̂kə̂ tro ngûla azü ndə̂ Isarayële. Kpɨ̂ki Yingö kä pâ yê.

Lûke 23:50

Ngâ köchë kä tâ ndə̂ rə̈ yê wû pä Jozêfu, tche kä ndjë lə̂ gbâtə̂ agbölö azü gö nə̈. Tche däka, kə̈ wâtə̂ djîrə̂ akrə.

Jâan 7:18

Akrə ndə̂ tche tô pö ndə̂ yê la tə̂ yê, tche pü köbo ndə̂kə̂ pa azü lusə̂ yê. Praâbalë akrə ndə̂ tche nyîndə̂ nə̈ pä azü lusə̂ akrə ndə̂ tche wân tchë, tche tö lëge pö, ânyë mbə̈lï wâbo lə̂ yê-a.

Abadjângele 10:22

Andjë tô rə̂ ndə̂nə̈ sə̈ tchë päkëdə̂: «Kabïta Körönɛ̈ye ndə̂ tche sə̂ pâ aturûgu ngbangbo balë kä ndə̂ âwân ârâ. Tche də̈ djîrə̂ akrə, kə̈ kpê wa Ndjapä, ajuîfu gbɛ̂ tö tchôtchô pö ndə̂ yê. Ngâ ânje ndə̂ Ndjapä yükû nə̈ la gbôgbô sə̈ tchë, ndə̂kə̂ e mö pä mo e bhândə̂ yê, ânyë tche dje apö ndə̂ mo to rə̂ sə̈ tchë.»

Abadjângele 22:12

«Ngâ köchë kä bhâye, rə̈ yê wü pä Änänîâse. Tche də̈ akrə ndə̂ tche zâtə̂ yê gbɛ̂ sə̈ Ndjapä ânyë kə̈ bâta ndjë ndïɛ̈ la köbo nə̈. Ajuîfu ndə̂ gö ndə̂ Dämâse gbɛ̂ tö tchôtchô pö ndə̂ yê tə̂ gbölösə̂nə̈.

Abadjângele 6:3

Arə̂mä, äwäpä nyë e azü mïndûu manə̈ bïchuû lə̂ gûtə̂ nyê, azü ndə̂ andjë sɨ̂sɨ̈ la Kpɨ̂ki Yingö, ndə̂ azü to tchôtchô pö ndə̂ andjê, ndə̂ küma andjê wâ lanə̈, ânyë ârâ gboadje tə̂ kua nə̈ lâme ëtchânə̂ andjê.

Rômo 13:13

Äwäpä kə̂ mbo rə ndə̂ azə̂ wa lə̂ köbo nə̈ djîrə̂ batə̂ andə̂ azü ndə̂ andjë mbo rə la tchêdalo. Azə̈ zɨ̈äbô rə zɨ̂ kə̂ ndjoabô rə ndjô âro masə̂nə̈-ê. Azə̈ mböäbô ngbongbo rə mbô-ê, kə̂ puabô ɛ̈chë âdəndjë köchë ndə̂ akrə pû-î. Azə̈ pöäbô pô-ê, kə̂ wabô wâ la gbölö su-ê.

Rômo 13:3

Akrə ndə̂ tche mbô tchôtchô rə, wawa azü kümändëmä mboabô tchë tee-a. Praâbalë akrə ndə̂ tche mbô ngbongbo rə, tchetchë kä ndə̂ wawa azü kümändëmä mbo tchë. Âdə mo ânyində̂ nə̈ pä wawa agbölö azü gö mboabô mö mbô-ê, äwäpä mo mbo tchôtchô rə ânyë andjë to tchôtchô pö ndə̂ zə̈.

Rômo 14:18

Akrə ndə̂ tche mbô kua la Krîsiti käko, tche däka tchâtchu Ndjapä ânyë azü nyïndə̂ pö ndə̂ yê.

Rômo 2:29

Praâbalë rə ndə̂ azü wûn-âbô rə̂ wûn-î, mbö rə̂ pä akrə watə̂ lëge juîfu. Lëge kə̂ wa gasa wätə̂ kua ndə̂ Ndjapä mbo rə̂ lə̂ köbosə̂ Yingö ndə̂ yê lə̂ su akrə, âdə̂âbo lə̂ köbosə̂ ndïɛ̈-a. Âdə̂âbo azü kä ndə̂ âvoga lëge juîfu-a, Ndjapä kä ndə̂ a voga tchë.

Dokʉ̈ Körɛ̂nte 4:5

Käko âwâbo pä nyë wa ngbanga lə̂ küma akrə dokʉ̈tchê ndə̂kə̂ pa lo nə̈ wutu-a. Nyë krʉ̈ bëte Gbölö Gbïɛ̈, tche ka ânyë. Tchetchë kä ndə̂ âwutuadje la rə ndə̂ âwâ lə̂ küwû nə̈, lə̂ bübü tchô kə̂ za rə̂ ësûwu. Tchê nyiadje sə̂ rə ndə̂ âwâ bhâlə̂ su azü kraâ lə̂ la azü gbɛ̂. Käko Ndjapä gambadje akrə balë balë gundə̂sə̂ kua ndə̂ tche mbô rə̂.

Bïchuû Körɛ̂nte 13:7

Ârâ tö pö sə̈ Ndjapä ndə̂kə̂ pa nyë mboabô ngâ ngbongbo rə mbô balë-ê. Ârâ nyîâbo ndə̂kə̂ nyisə̂ nə̈ sə̈ nyê pä ârâ tchâbo köbo nə̂-a, praâbalë ârâ nyïndə̂ kə̂ wun nyê lakə̂ mbo dâkâ, âdəndjë rə̂ ndə̂ azü tô rə̂ pä ârâ tchâ köbo nə̂.

Bïchuû Körɛ̂nte 6:8

Angâ azü lüsə̂ ârâ ânyë angânə̈ yî ganô lə̂ la ârâ, angâ azü tö tchôtchô pö tə̂ ârâ ânyë angânə̈ to ngbongbo pö tə̂ ârâ, angâ azü wün ârâ tə̂ a-earə̂ yepa dëkë ârâ tö lëge pö.

Bïchuû Körɛ̂nte 8:18

Ârâ wän tchë balë la ngâ earə̂ azə̂ ndə̂ azü ndə̂ a-Egilîze gbɛ̂ to tchôtchô pö ndə̂ yê, bëte kua ndə̂ tche mbô rə̂ lə̂ köbosə̂ kə̂ mu Tchôtchô Pö.

Bïchuû Körɛ̂nte 8:21

Rə ndə̂ âzâ su ârâ wâbo ndə̂kə̂ mbo kütû rə ndə̂ âwâ djîrə̂ lə̂ la Ndjapä-a, praâbalë äwä ndjë ndə̂kə̂ mbo rə ndə̂ âwâ djîrə̂ lə̂ la azü.

Gälâte 5:22

Praâbalë arə ndə̂ Kpɨ̂ki Yingö mbo rə̂ wä kâkë: Kə̂ nyində̂ ngâ, mômô, zɨtɨ su, kə̂ rʉatə̂ su, kə̂ mbo tchôtchô rə, kə̂ mbo dâkâ tə̂ azü, kə̂ za su sə̈ Ndjapä,

Ëfêze 4:25

Bëte rə̂ kä, nyë gbötə̂ kə̂ mo yepa-ê: Äwäpä akrə balë balë to lëge pö sə̈ ngâ yê, bëte azə̈ gbɛ̂ wä batə̂ atchâme-tə̂ akrə balë.

Ëfêze 5:9

Bëte rə ndə̂ ngbänga nə la rə̂ də̈: Kə̂ mbo dâkâ, kə̂ mbo djîrə̂ rə la lëge pö.

Ëfêze 6:14

Nyë krʉ̈ lafô! Kə̂ ï lëge pö pâ lə̂ba ndə̂ nyê batə̂ wû tchêpâ lə̂ba, kə̂ yu djîrə̂ pö ëtə̂ nyê batə̂ lə̂ba-wɛ̂n.

Fïlîpe 3:1

Angaâtə, arə̂mä ndə̂ mê, äwäpä nyë wa la mômô lə̂ köbosə̂ nə̈ ndə̂ nyë wâ balë la Gbölö Gbïɛ̈. Sə̂nə̈ kâbo tə̂ mê ndə̂kə̂ pa më ka mbô kütû apö lə̂ mbëtï lâme sə̈ nyê-a, rə lâme wä ndə̂kə̂ mbo rə̂ pä nyë kpokpo tə̂ nyê.

Kölôse 4:5

Nyë sə̈ lə̂ gbâtə̂ azü ndə̂ andjë wûn-âbô sə̂ Ndjapä wûn lə̂ köbosə̂ küma ndə̂ âwâ lanə̈, nyë gböäbô gbôtə̂ lö âro ämbänə̈-ê.

Dokʉ̈ Tësälönîke 4:12

Käko ânyë kə̂ sə ndə̂ nyê lu lə̂ la azü ndə̂ andjë wûn-âbô sə̂ Ndjapä wûn, ânyë nyê wabô wâtə̂ kʉ̂ngbô pâ ngâ akrə balë-ê.

Dokʉ̈ Timotë 2:2

Nyë tö pö sə̈ tchë bëte agbïɛ̈ la azü gbɛ̂ ndə̂ andjë wâ gbölö tə̂ küma ngâ kua, ndə̂kə̂ pa azə̈ sə la zɨtɨ su, kə̂ sə gii-ï, kə̂ zatə̂ azə̂ gbɛ̂ sə̈ Ndjapä, lakə̂ lusə̂tə̂ azə̂.

Dokʉ̈ Timotë 3:11

Aɛ̈chë ndjë gbɛ̂, äwäpä andjë lusə̂tə̂ andjê, kə̂ toabô alû tô-ê, kə̂ zɨabô rə zɨ̂ âro masə̂nə̈-ê, kə̂ mbo rə gbɛ̂ gundə̂sə̂ pö ma andjê.

Dokʉ̈ Timotë 3:4

Äwäpä tche wunsə̂ kə̂ nyisə̂ köbo sə̈ azü lə̂ bûngrɨ̂ ndə̂ yê la tə̂ yê, kə̂ mbo rə̂ ndə̂kə̂ pa abechë ndə̂ yê dje ma azü, lakə̂ kpe wa andjê.

Dokʉ̈ Timotë 4:12

Âwâbo pä ngâ akrə talusə̂ zə̈ tə̂ pö ndə̂nə̈ ndə̂ mo wâtə̂ bechë-ɛ̈köchɛ̈-a, praâbalë amö nyisə̂ köbo sə̈ andjê lə̂ köbosə̂ pö ndə̂ zə̈, kə̂ mbo rə ndə̂ zə̈, kə̂ nyində̂ ngâ ndə̂ zə̈, kə̂ za su zə̈ sə̈ Krîsiti lakə̂ wa la grôgrô su.

Dokʉ̈ Timotë 5:10

Äwäpä azü wunsə̂ yê la atchôtchô kua ndə̂ tche mbô rə̂: Tche də̈ akrə ndə̂ tchê bata abechë, kə̂ wunsə̂ kə̂ kʉ ayirə bhândə̂ yê, kə̂ djutu da azü ndə̂ Ndjapä, kə̂ za könô sə̈ azü ndə̂ andjë sə̂ lə̂ nyonyo. Tche də̈ akrə ndə̂ tche mbo tchôtchô rə balë balë gbɛ̂.

Dokʉ̈ Timotë 5:2

kə̂ za rə̂ sə̈ akpôkpô aɛ̈chë batə̂ araanyï zə̈, kə̂ za rə̂ sə̈ abechë-ɛ̈chë batə̂ araanyînə̂ zə̈ la grôgrô su.

Tîte 1:8

Praâbalë tche wünsə̂ kə̂ kʉ azü gbɛ̂ bhândə̂ yê, tche nyïndə̂ kə̂ mbo dâkâ, tche tö pö la köbo nə̈, tche wätə̂ djîrə̂ akrə, tche wä ngbî bëte Ndjapä, tche wünsə̂ kə̂ kitə̂ gʉ tə̂ su yê.

Tîte 2:14

Tche zätə̂ yê la tə̂ yê sə̈ kuzü bëte azə̂, ndə̂kə̂ ji azə̂ lə̂ angbongbo rə gbɛ̂, kə̂ djutu azə̂ ânyë azə̈ gro ndə̂kə̂ watə̂ azü ndə̂ yê. Ndə̂kə̂ pa azə̈ watə̂ azü ndə̂ tchə̂lə̂ su andjê sɨ̂sɨ̈ la gʉ ndə̂kə̂ mbo atchôtchô kua.

Tîte 2:2

Äwäpä akpôkpô aköchë zɨabô rə zɨ âro masə̂nə̈-ê, äwäpä andjë lusə̂tə̂ andjê, kə̂ to pö la köbo nə̈, kə̂ za su andjê tə̂ lëge nə̈ gbɛ̂ sə̈ Krîsiti, kə̂ nyində̂ angâ andjê, lakə̂ rʉatə̂ su andjê lə̂ arə gbɛ̂.

Tîte 2:7

lə̂ arə gbɛ̂. Momö ndjë gbɛ̂, äwäpä mo nyisə̂ köbo sə̈ azü lə̂ köbosə̂ kə̂ mbo tchôtchô kua ndə̂ zə̈. Äwäpä kə̂ nyisə̂ rə ndə̂ zə̈ daka gbɛ̂, lakə̂ lusə̂tə̂ zə̈.

Tîte 3:14

Äwäpä andjandə̂ azə̈ nə̈ manda ndjë ndə̂kə̂ zatə̂ andjê gbɛ̂ ndə̂kə̂ mbo atchôtchô arə, ndə̂kə̂ pa âdə ngâ rə âwa ndə̂kə̂ pa a za könô tâ gasa-ê, andjë mbo rə̂, käko andjê səabô tee bhuu la tə̂ andjê-a.

Aheborö 11:2

Tə̂ pö ndə̂kə̂ za su sə̈ Ndjapä kä ndə̂ Ndjapä gâmba kə̂ mbo rə ndə̂ araâta azə̂.

Aheborö 13:18

Nyê to pö sə̈ Ndjapä tə̂ pö ndə̂ ârâ, bëte ârâ wünsə̂ nə̈ bhâlə̂ kə̂ rɨ tchə̂lə̂ su ârâ pä ngâ ngbongbo rə wâbo tə̂ su ârâ-a, ârâ nyïndə̂ nə̈ pä kə̂ mbo rə ndə̂ ârâ daka lə̂ arə gbɛ̂.

Jâke 1:27

Tchôtchô kə̂ voga Ndjapä, ndə̂ âwâbô wâ la kâkpö ndə̂ Ndjapä Bha nyîndə̂ nə̈ wä kâkë: Kə̂ wun tchô pâ awüntə̂wün la aɛ̈chë lə̂ ndavrö lə̂ yûkü ndə̂ andjê, kə̂ bata tə̂ yê tə̂ arə tchêbêche âtə, ânyë kə̂ teabô tê lə̂ ngbongbo rə-ê.

Jâke 3:17

Küma ndə̂ âwa lanə̈, ndə̂ âtô bhâ lafô mbö rə̂ pä akrə wa tə̂ dokʉ̈ nə̈ la grôgrô su, pânə̈ âmbo rə̂ pä azü sə la zɨtɨ su, kə̂ mbo rə nyima-ë, kə̂ djetə̂ andjê lə̂ gbâtə̂ andjê, kə̂ sɨ̂sɨ̈ lakə̂ wun nyonyo azü, lakə̂ mbo tchôtchô rə tə̂ andjê. Akrə ndə̂ küma yê wâ lanə̈, tche sə̂âbo dəndə̂ ngâ akrə balë-a, kə̂ mbôâbo rə ngbî tə̂ pö ma yê-a.

Dokʉ̈ Pîêre 1:22

A djûtu ngbongbo rə ndə̂ nyê nə̂ lə̂ köbosə̂ nə̈ ndə̂ nyë mbô rə gundə̂sə̂ lëge pö, lakə̂ nyində̂ angâ nyê la su nyê balë lâme. Käko nyë nyïndə̂ angâ nyê lə̂ gbâtə̂ nyê la grôgrô su, kə̂ sə kpôtâ.

Dokʉ̈ Pîêre 2:12

Äwäpä kə̂ sə ndə̂ nyê lə̂ gbâtə̂ azü ndə̂ andjë wâbô wâtə̂ ajuîfu daka-ê, käko ânyë, âdə andjê âto ngbongbo pö tə̂ nyê pä nyë də̈ angbongbo azü, andjê âsə̈ wun tchôtchô kə̂ mbo rə ndə̂ nyê, kə̂ vogadje Ndjapä lo nə̈ ndə̂ tche kadje ngbâ yê.

Dokʉ̈ Pîêre 4:8

Dokʉ̈ nə̈ wä ndə̂kə̂ pa nyë nyində̂ angâ nyê lə̂ gbâtə̂ nyê la su nyê gbɛ̂, bëte kə̂ nyində̂ ngâ vüsə̂ angbängbä angbongbo rə.

Bïchuû Pîêre 3:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, bïchuû mbëtï ndə̂ më mbô rə̂ ndə̂kə̂ wan rə̂ sə̈ nyê kä âtə. Lə̂ ambëtï bïchuû lâme gbɛ̂, më nyïndə̂ nə̈ pä su nyê te pâ apö ndə̂ nyë wûnsə̂ nə̈, ndə̂kə̂ pa nyë wa la tchôtchô kə̂ za küma.

Dokʉ̈ Jâan 3:18

Abechë ndə̂ mê, nyë nyïäbô nyîndə̂ angâ nyê kütû la wünwün pö-ê, âdəndjë mbämbä pö lə̂ ma nyê-ê, praâbalë nyë nyïndə̂ angâ nyê lakə̂ mbo kua nə̈, ndjë lə̂ köbosə̂ lëge pö.

Dokʉ̈ Jâan 3:3

Akrə ndə̂ tche zâ su yê pâ pö lâme, äwäpä tche ji ngbongbo rə lə̂ yê, bëte Krîsiti wâbo la ngbongbo rə lə̂ yê-a.

Dokʉ̈ Jâan 4:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë gämbabô pö ndə̂ azü ndə̂ andjë to rə̂ pä anyë kä la yingö lâme gâmba-ê. Praâbalë äwäpä nyë wun kə̂ sə ndə̂ andjê, lakə̂ mbo rə ndə̂ andjê. Käko nyê wunsə̂ nə̈ pä yingö ndə̂ âwâ lə̂ andjê lâme tö bhândə̂ Ndjapä, bëte angbängbä a-earə̂ ndə̂ma Ndjapä ndə̂ yepa zâ tchêbêche nə̂ gbɛ̂.