Fïlîpe 4:7 - Mbëtï Ndjapä: TÄFO MADƗ̈

⁷ Käko ânyë, zɨtɨ su ndə̂ Ndjapä ndə̂ ârôpâ kə̂ wunsə̂ rə ndə̂ azü gbɛ̂, batadje su nyê lakə̂ rɨ tchə̂lə̂ nyê balë la Jezü Krîsiti.

Fïlîpe 4:7 Iomraidhean Croise

Lûke 1:79

Ânyë ngbänga nə̈ ta pâ azü ndə̂ andjë sə̂ lə̂ bübü tchô, ndjë lə̂ bübü tchô ndə̂ kuzü, ndə̂kə̂ nyisə̂ köbo sə̈ azə̂ ânyë azə̈ nə tâ la zɨtɨ su.»

Lûke 2:14

«Azə̈ vöga Ndjapä ndə̂ tche sə̂ bhâ lafô, zɨtɨ su wä bêche âtə bëte azü ndə̂ tche nyîndə̂ andjê!»

Jâan 14:27

«Më gbötə̂ zɨtɨ su sə̈ nyê, zɨtɨ su ndə̂ më wâ la rə̂ kä ndə̂ më zâ rə̂ sə̈ nyê. Më zâbo rə̂ sə̈ nyê batə̂ rə̂ ndə̂ tchêbêche za rə̂ sə̈ nyê-a. Âwâbo pä tchə̂lə̂ küma nyê djingɨli-a, ânyë su nyê wäbô ndjë wâ la wawa-ê.

Jâan 16:33

Më tö pö lâme gbɛ̂ sə̈ nyê ndə̂kə̂ pa nyë wa la zɨtɨ su lə̂ köbosə̂ nə̈ ndə̂ nyë wâ balë la mê. Nyê wun-adje yûkü pâ cho âtə, praâbalë äwäpä nyë gbo gbôgbô tə̂ su nyê! Më rô tchêbêche âtə la gbôgbô nə̂!»

Rômo 1:7

Më wän mbëtï âtə sə azü gbɛ̂ ndə̂ andjë sə̂ bhâ Rômo, nyënyê ndə̂ Ndjapä nyîndə̂ nyê tə̂ gbölösə̂nə̈ ânyë kə̈ ê nyê ndə̂kə̂ watə̂ azü ndə̂ yê. Äfü pä Ndjapä Bha azə̂ la Gbölö Gbïɛ̈ Jezü Krîsiti mbo tchôtchô su tə̂ nyê, kə̂ za zɨtɨ su sə̈ nyê.

Rômo 14:17

Gbölö gö-gbïɛ̈ ndə̂ Ndjapä wâbo ndə̂kə̂ zɨ kɨ̈zɨ̂ âdəndjë ndə̂kə̂ ndjo rə-a, praâbalë äwä ndə̂kə̂ mbo rə djîrə̂, ndə̂kə̂ sə la zɨtɨ su la mômô ndə̂ Kpɨ̂ki Yingö za rə̂ sə̈ akrə.

Rômo 15:13

Ndjapä mbö rə̂ tə̂ su andjê ndə̂kə̂ krʉ bëte rə ndə̂ tche tô pö ndə̂nə̈; äwäpä tche mbo rə̂ ânyë su nyê sɨ̂sɨ̈ la mômô ndjë la zɨtɨ su lə̂ köbosə̂ su nyê ndə̂ nyë zâ rə̂ sə̈ Jezü. Käko lə̂ köbosə̂ gbôgbô ndə̂ Kpɨ̂ki Yingö, nyê ndəpo lakə̂ za su nyê pâ yê logbɛ̂.

Rômo 5:1

Käko-ë, ndə̂ azə̈ wâtə̂ adjîrə̂ azü lə̂ köbosə̂ kə̂ za su azə̂ sə̈ Ndjapä, azə̈ wä la zɨtɨ su lə̂ gbâtə̂ azə̂ la Ndjapä lə̂ köbosə̂ Gbölö Gbïɛ̈ ndə̂ azə̂ Jezü Krîsiti.

Rômo 8:6

Angbongbo gʉ su akrə ë la tchë pu kuzü. Akrə ndə̂ su yê wâ kütû pâ arə ndə̂ Yingö nyîndə̂ nə̈, tchê wadje la tchîsûwu ndjë la zɨtɨ su.

Bïchuû Körɛ̂nte 10:5

Ârâ ndɨ̈ ndjë tchə̂lə̂ küma azü ndə̂ andjë mbotə̂ andjê gbölö lakə̂ kitə̂ köbo tə̂ angâ andjê ndə̂kə̂ wunsə̂ Ndjapä. Ârâ mbö rə̂ pä kə̂ rɨ tchə̂lə̂ andjê watə̂ ngbâa, ânyë andjë mbo rə gundə̂sə̂ ma Krîsiti.

Bïchuû Körɛ̂nte 13:11

Ndə̂kə̂ ka ndə̂ pö nə̈ arə̂mä, nyë wä la mômô! Nyë pu köbo ndə̂kə̂ daka gbɛ̂. Nyë zä wängö lə̂ gbâtə̂ nyê la angâ nyê, nyë djëtə̂ nyê lə̂ gbâtə̂ nyê, kə̂ sə la zɨtɨ su, ânyë Ndjapä ndə̂ tche nyîndə̂ azü, ânyë kə̂ za zɨtɨ su sə̈ andjê, tchê səadje la nyê.

Gälâte 5:22

Praâbalë arə ndə̂ Kpɨ̂ki Yingö mbo rə̂ wä kâkë: Kə̂ nyində̂ ngâ, mômô, zɨtɨ su, kə̂ rʉatə̂ su, kə̂ mbo tchôtchô rə, kə̂ mbo dâkâ tə̂ azü, kə̂ za su sə̈ Ndjapä,

Ëfêze 3:19

Nyê wun-adje sə̂nə̈ pä Krîsiti nyində̂ azə̂ ârô kə̂ wunsə̂ rə ndə̂ azü gbɛ̂. Käko ânyë atchôtchô arə ndə̂ Ndjapä sɨ tchə̂lə̂ nyê.

Fïlîpe 1:1

Mëmê Pôlo la Timotë, a-earə̂ kua ndə̂ Jezü Krîsiti. Ârâ wän mbëtï âtə sə̈ azü ndə̂ Ndjapä ndə̂ andjë wâ balë la Jezü Krîsiti lə̂ gbölö gö ndə̂ Fïlîpe. Ârâ wän ndjë mbëtï âtə sə̈ azü tə̂ küma Egilîze la adiâkere:

Fïlîpe 1:2

Äfü pä Ndjapä Bha azə̂ la Gbölö Gbïɛ̈ ndə̂ azə̂ Jezü Krîsiti mbo tchôtchô su tə̂ nyê, kə̂ za zɨtɨ su sə̈ nyê.

Fïlîpe 4:19

Ndjapä ndə̂ mê kʉadje arə gbɛ̂ ndə̂ nyë nyîndə̂ nə̈ sə̈ nyê, tche âkʉ rə̂ lə̂ köbosə̂ Jezü Krîsiti bëte tche wä la atchôtchô arə ârô masə̂nə̈.

Fïlîpe 4:21

Lə̂ köbosə̂ nə̈ ndə̂ azə̈ wâ balë la Jezü Krîsiti, nyë pö ndə̂ azü ndə̂ Ndjapä balë balë gbɛ̂ sə̈ mê. Arə̂mâ ndə̂ më sə̂ la andjê pô ndə̂ nyê nə̂.

Fïlîpe 4:9

Rə ndə̂ më nyîsə̂ nə̈ sə̈ nyê, rə ndə̂ nyë wûn rə̂ ânyë kə̈ djê rə̂ lə̂ ma mê, äwäpä nyë mbo rə̂. Ndjapä ndə̂ tche za zɨtɨ su sə̈ azü, tchê səadje ndrotə̂ nyê.

Kölôse 3:15

Äwäpä zɨtɨ su ndə̂ âtô bhândə̂ Krîsiti nyisə̂ köbo sə̈ nyê lə̂ apö tə̂ su nyê! Tə̂ pö ndə̂ zɨtɨ su lâme kä ndə̂ Ndjapä ê nyê ndə̂kə̂ watə̂ tə̂ akrə balë. Nyë zä ayîabâ sə̈ Ndjapä.

Bïchuû Tësälönîke 3:16

Äfü pä Gbölö Gbïɛ̈ la tə̂ yê, ndə̂ tche wâ la zɨtɨ su, za zɨtɨ su sə̈ nyê logbɛ̂ lə̂ arə gbɛ̂. Äfü pä Gbölö Gbïɛ̈ sə la nyê gbɛ̂.

Aheborö 13:20

Ndjapä ndə̂ tche za zɨtɨ su sə̈ akrə, tche mbö rə̂ pä Gbölö Gbïɛ̈ ndə̂ azə̂ Jezü jo lə̂ kuzü ânyë kə̈ wâtə̂ gbölö earə̂ kə̂ bata aɛ̈bro-ngbaga, lə̂ köbosə̂ jï yê ndə̂ tche zâ rə̂ la ngela, ânyë âbâta madɨ̈ ndə̂ âwâ pïï etə̂.

Jûde 1:1

Mëmê Jûde, earə̂ kua ndə̂ Jezü Krîsiti, ndə̂ më də̂ ndjë yîngâ Jâke. Më mbö mbëtï âtə sə̈ azü ndə̂ Bha mê Ndjapä ê andjê, tche nyïndə̂ andjê ânyë kə̈ bâta andjê bëte Jezü Krîsiti.

Apökälîbïchi 1:4

Mëmê Jâan kä ndə̂ âmbô mbëtï âtə sə̈ a-Egilîze mïndûu manə̈ bïchuû ndə̂ âwâ pâ cho ndə̂ Azï. Äfü pä Ndjapä ndə̂ tche wâ angêta, ânyë kə̈ wâ alême, ânyë kə̂ nəadje, mbo tchôtchô su tə̂ nyê kə̂ za zɨtɨ su sə̈ nyê. Äfü pä ayingö mïndûu manə̈ bïchuû ndə̂ andjë krʉ̂ tchâtchu ngendë-gbïɛ̈ ndə̂ Ndjapä, kʉ arə lâme sə̈ nyê.

Apökälîbïchi 2:17

«Akrə ndə̂ tche wâ la tü, äwäpä tche dje pö ndə̂ Yingö tô rə̂ sə̈ a-Egilîze! «Akrə ndə̂ tche rô lə̂ arə gbɛ̂ la gbôgbô, mê zadje mâne ndə̂ gbô rə̂ wâ lə̂ küwû nə̈ la grôgrô täme sə̈ tchë. A mbö ngâ täfo rə̈ ëpâ täme nə̈ lâme, ndə̂ ngâ akrə ndə̂ tche wûnsə̂ nə̈ sə̂âbo-a, praâbalë kütû akrə ndə̂ tche gbo rə̂ kä ndə̂ âwunsə̂ nə̈.»