Fïlîpe 4:5 - Mbëtï Ndjapä: TÄFO MADƗ̈

⁵ Äwäpä azü gbɛ̂ wun dâkâ ndə̂ nyê. Gbölö Gbïɛ̈ ndô tə̂kə̂ ka nə̂.

Fïlîpe 4:5 Iomraidhean Croise

Matiyə̈ 6:25

«Bëte rə̂ kä ndə̂ më tô rə̂ sə̈ nyê: Nyë dɨ̈äbô su nyê dɨ̂ bëte tchîsûwu ndə̂ nyê, tə̂ pö ndə̂ kɨ̈zɨ̂, âdəndjë tə̂ pö ndə̂ tə̂ nyê, âdəndjë lə̂ba ndə̂ nyê yu rə̂ tə̂ kpoto nyê. Tchîsûwu ndə̂ akrə wâbo gbölö kə̈ rô kɨ̈zɨ̂? Tə̂ akrə wâbo ndjë gbölö kə̈ rô lə̂ba?

Matiyə̈ 6:34

Nyë dɨ̈äbô su nyê dɨ̂ tə̂ arə ndə̂ tchêlâmbo-ê. Nyonyo ndə̂ tchêlâmbo wätə̂ nyonyo ndə̂ tchêlâmbo. Lö balë balë nə̈ la nyonyo ndə̂ yê.»

Lûke 21:34

«La nyê gbö-ê, nyë zäbô su nyê zâ pâ kə̂ zɨ kɨ̈zɨ̂ lə̂ kpülü lakə̂ ndjo pî âropâ nyê, âdəndjë rə̂ nyë rɨ̈äbô tchə̂lə̂ nyê rɨ̂ pâ arə tchêbêche âtə-ê. Ârə̂ âdəabô də̂ käko, lo kə̂ ka ndə̂ Modô ndə̂ Akrə âtroadje nyê.

Dokʉ̈ Körɛ̂nte 16:22

Âdə ngâ akrə ânyiabô nyîndə̂ Gbölö Gbïɛ̈, äwäpä ngbongbo pö wa pâ yê. Maranatä! Gbölö Gbïɛ̈ amö nə!

Dokʉ̈ Körɛ̂nte 6:7

Ndə̂ pö ndə̂kə̂ e la angâ nyê atə̂lə̂ ngbanga də̂ käko lâme, köbo nyê yû nə̂. Bëte giamâ kä ndə̂ nyë rʉ̂âbô rʉ̂âtə̂ su nyê la azü ndə̂ andjë mbô ngbongbo rə tə̂ nyê la azü ndə̂ andjë zɨ̂ ngbä rə ndə̂ nyê?

Dokʉ̈ Körɛ̂nte 8:13

Bëte rə̂ kä, âdə kɨ̈zɨ̂ kä ndə̂ âmbo rə̂ pä ngâ mê te, mê kä zɨ bata gûsû balë tee-a, ânyë ngâ mê teabô tê lə̂ köbosə̂ nə̈-ê.

Dokʉ̈ Körɛ̂nte 9:25

Azü gbɛ̂ ndə̂ andjë pa adɨngâalî, andjë kösə̂ angâ arə ânyë kə̂ nyikrətə̂ andjê bëte adɨngâalî nə̈. Andjë mbö tâ käko ndə̂kə̂ gbo rə ngbânə̈, praâbalë rə nə̈ wä ndə̂kə̂ ndɨ̂ndɨ̈. Âdə andə̂ azə̈ nə̈, azə̈ mbö rə̂ ndə̂kə̂ gbo tchôtchô rə ngbânə̈ ndə̂ âwâbô wâ ndə̂kə̂ ndɨ-î.

Bïchuû Körɛ̂nte 10:1

Mëmê Pôlo, më yükû ngâ rə tchânə̂ nyê la rə̈ Krîsiti, tchetchë ndə̂ tche mbo rə nyima lakə̂ mbo dâkâ. A tö rə̂ pä âdə më âsə lə̂ gûtə̂ nyê kə̂ watə̂ zɨtɨ akrə, praâbalë âdə mê âsə tə̂ nyê ngrɨ̈, kə̂ mbo rə vrâdjâ vrâdjâ.

Bïchuû Tësälönîke 2:2

Âdə ngâ akrə âto rə̂ päkëdə̂: Lö kə̂ ka ndə̂ Gbölö Gbïɛ̈ wûtu nə̂, tchə̂lə̂ küma nyê djingɨliabô djîngɨli gasa-ê, nyë mböäbô ndjë wa mbô-ê. Âdə tche âto rə̂ pä pö nə̈ tö lə̂ ma Ndjapä, âdəndjë rə̂ ndə̂ pö nə̈ tö lə̂ ma ârâ, âdəndjë rə̂ ndə̂ ârâ kä âkə̈ wân mbëtï sə̈ nyê, nyë nyïäbô nyîndə̂ nə̈-ê.

Tîte 3:2

Âwâbo pä andjë dro ngâ akrə balë-a, äwäpä andjë kpe tə̂kə̂ po lə̂ gbâtə̂ andjê, äwäpä andjë nyisə̂ dâkâ ndə̂ andjê, kə̂ mbo rə tə̂ nyima nə̈ logbɛ̂ tə̂ azü gbɛ̂.

Aheborö 10:25

Azə̈ gböäbô gbôtə̂ kə̂ palatə̂ azə̂ la angâ azə̂-ê, batə̂ rə̂ ndə̂ angâ azü mbo tchê rə̂, praâbalë azə̈ zä wängö lə̂ gbâtə̂ azə̂ la angâ azə̂ âro anə̈ dokʉ̈tchê, bëte azə̈ wûnsə̂ nə̈ nə̂ pä lö Gbölö Gbïɛ̈ wâ nə̂ tchêtchêtchê.

Aheborö 10:37

Bëte Mbëtï Ndjapä tô rə̂ päkëdə̂: «Adɨ̂ alö nə̈ wä kpîɛ̂kpîɛ̂ rə̂, kütû kpîɛ̂kpîɛ̂ rə̂, tchanə̈ ndə̂ tche wâ ndə̂kə̂ kä lâme, tchê kadje; tche âka angaâtə.

Dokʉ̈ Pîêre 1:11

Yingö ndə̂ Krîsiti kä lə̂ a-earə̂ ndə̂ma Ndjapä ânyë andjë nyïsə̂ nə̈ dokʉ̈tchê, pö ndə̂ yûkü ndə̂ Krîsiti wun-adje rə̂, ndjë lakə̂ lusə̂tə̂ ndə̂ tchê gboadje rə̂ ngbâ yûkü nə̈. Ädə̈ käko ânyë andjë sə̂ lakə̂ pu köbo gbɛ̂ ndə̂kə̂ wunsə̂ lö ndə̂kə̂ wutu ndə̂ arə nə̈ ndə̂ Yingö tô pö ndə̂nə̈ lâme, kə̈ pû ndjë köbo ndə̂kə̂ wunsə̂ nə̈ pä atöko kä ndə̂ arə nə̈ wûtu la rə̂?

Dokʉ̈ Pîêre 4:7

Ma arə gbɛ̂ ndô tə̂kə̂ krʉ nə̂. Käko äwäpä nyë mbo rə batə̂ azü ndə̂ küma andjê wâ lanə̈, nyë zɨ̈äbô rə zɨ̂ lakə̂ ndjo rə âro masə̂nə̈-ê, ânyë kə̂ gbo köbo ndə̂kə̂ to pö sə̈ Ndjapä.

Apökälîbïchi 22:20

Akrə ndə̂ tche tô pö ndə̂ arə lâme, tche tö rə̂ päkëdə̂: «Ɛn-ɛn, më âka angaâtə!» Amin! Nə atâ Gbölö Gbïɛ̈ Jezü!

Apökälîbïchi 22:7

«Jezü tö rə̂ päkëdə̂: Wunsaâ, mê âka angaâtə! Mômô kä tə̂ akrə ndə̂ tche mbô rə gundə̂sə̂ apö ndə̂ âwâtə̂ apö ndə̂ma Ndjapä ndə̂ a mbô rə̂ lə̂ mbëtï âtə!»