Fïlîpe 4:4 - Mbëtï Ndjapä: TÄFO MADƗ̈

⁴ Nyë wä la mômô logbɛ̂ lə̂ köbosə̂ nə̈ ndə̂ nyë wâ balë la Gbölö Gbïɛ̈. Më kä tô rə̂ sə̂ nyê: Nyë wä la mômô logbɛ̂!

Fïlîpe 4:4 Iomraidhean Croise

Matiyə̈ 5:12

Äwäpä tə̂ nyê kra-ê, nyê wa la mômô, bëte ngâ gbölö tchôtchô rə kä lakə̂ krʉ bëte nyê bhâ lafô! Ädə̈ käko ânyë azü mbô ngbongbo rə alême tə̂ a-earə̂ ndə̂ma Ndjapä ndə̂ andjë sə̂ dokʉ̈tchê tə̂ nyê.»

Abadjângele 16:25

Ârə̂ âsə̈ wutu lə̂ agrʉ̂mi, Pôlo la Sïlâse sə̂ lakə̂ to pö sə̈ Ndjapä lakə̂ pa düwü ndə̂kə̂ voga Ndjapä. Adɨ̂ a-earə̂ kânga sə̂ lakə̂ dje andjê.

Abadjângele 5:41

Ndə̂ abadjângele nə̈ wûtu lə̂ nda kpûlû ndə̂ a-earə̂ kə̂ wa ngbanga nə̈, su andjê gbɛ̂ wâ la mômô, bëte Ndjapä wün andjê tə̂ adjîrə̂ azü bëte rə̂ ndə̂ andjë wûn yûkü bëte rə̈ Jezü.

Rômo 12:12

Nyë wä la mômô bëte rə ndə̂ nyë zâ su nyê ndə̂kə̂ krʉ bëte rə̂. Nyë rʉ̈ätə̂ su nyê lə̂ arə nyonyo. Nyë gböäbô gbôtə̂ kə̂ to pö sə̈ Ndjapä logbɛ̂.

Bïchuû Körɛ̂nte 6:10

Azü zä nyonyo tə̂ su ârâ, praâbalë ârâ wä la mômô logbɛ̂, azü wün ârâ batə̂ a-earə̂ yûkü dëkë ârâ mbö rə̂ pä angâ azü watə̂ a-earə̂ rə, azü wün ârâ batə̂ ambämbä azü, dëkë ârâ kä la rə gbɛ̂.

Gälâte 1:8

Praâbalë âdə ngâ akrə, âdəndjë ârâ, âdəndjë ngâ ânje ndə̂ tchêlafô, âmu ngâ Tchôtchô Pö ngbî tə̂ anə̈ ndə̂ ârâ mû rə̂ sə̈ nyê dokʉ̈tchê lâme, äfü pä Ndjapä dra ndə̂ yê!

Fïlîpe 2:18

Käko nyënyê ndjë gbɛ̂, äwäpä nyê wa la mômô ânyë mê wa ndjë la mômô batə̂ nyê.

Fïlîpe 3:1

Angaâtə, arə̂mä ndə̂ mê, äwäpä nyë wa la mômô lə̂ köbosə̂ nə̈ ndə̂ nyë wâ balë la Gbölö Gbïɛ̈. Sə̂nə̈ kâbo tə̂ mê ndə̂kə̂ pa më ka mbô kütû apö lə̂ mbëtï lâme sə̈ nyê-a, rə lâme wä ndə̂kə̂ mbo rə̂ pä nyë kpokpo tə̂ nyê.

Dokʉ̈ Pîêre 4:13

Praâbalë âdə nyë âsə̈ wun yûkü batə̂ rə̂ ndə̂ Krîsiti wûn yûkü, nyë sə̈ la mômô. Käko ânyë lo nə̈ ndə̂ tche âsə̈ ma gbôgbô ndə̂ gbölö ndə̂ yê tə̂ azü, nyënyê ndjë gbɛ̂ nyë âsɨ̂sɨ̈ la gbölö mômô.