Fïlîpe 4:3 - Mbëtï Ndjapä: TÄFO MADƗ̈

³ Momö ndjë gbɛ̂, mo də̈ ngâ mê djîrə̂ earə̂ kua, më yükû nə̈ sə̈ mö ndə̂kə̂ pa mo za könô sə̈ andjê, bëte andjë zä könô sə̈ mê lə̂ kua ndə̂kə̂ mu Tchôtchô Pö sə̈ azü, andjendjê la Kelemän la adɨ̂ angâ mê a-earə̂ kua ndə̂ a mbô rə̈ andjê bhâlə̂ mbëtï ndə̂ tchîsûwu ndə̂ logbɛ̂ logbɛ̂.

Fïlîpe 4:3 Iomraidhean Croise

Lûke 10:20

Nyë wäbô wâ la mômô bëte rə̂ ndə̂ angbongbo atchozö djê nyê lâme-ê, praâbalë nyë wä la mômô bëte rə̂ ndə̂ a mbô rə̈ nyê bhâ lafô nə̂!»

Rômo 12:1

Arə̂mä ndə̂ mê, batə̂ rə̂ ndə̂ Ndjapä wûn nyonyo azə̂ lâme, më yükû nə̈ sə̈ nyê ndə̂kə̂ pa nyë zatə̂ nyê gbɛ̂ sə̈ Ndjapä batə̂ ngela ndə̂ a wâ rə̂ sə̈ Ndjapä, ngela ndə̂ âwâ ngbî, kə̈ wâtə̂ tchôtchô nə̈ ânyë kə̈ fû tə̂ yê. Lëge köbo ndə̂kə̂ pa nyë voga Ndjapä la rə̂ kä lâme.

Rômo 16:12

Nyë pö ndə̂ Tïrïfêne la Tïrïfôso sə̈ mê, ndə̂ andjë zâ su andjê gbɛ̂ ndə̂kə̂ mbo kua bëte Gbölö Gbïɛ̈. Nyë pö ndə̂ Peresidï sə̈ mê, ndə̂ më nyîndə̂ yê tə̂ gbölösə̂nə̈. Tche zä su yê gbɛ̂ ndə̂kə̂ mbo kua bëte Gbölö Gbïɛ̈.

Rômo 16:9

Nyë pö ndə̂ Urubɛ̈n sə̈ mê, ngâ azə̂ ndə̂ azə̈ la tchë mbô kua ndə̂ Krîsiti, la Sätäkîse ngâ mê ndə̂ më nyîndə̂ yê tə̂ gbölösə̂nə̈.

Fïlîpe 1:12

Arə̂mä, më nyïndə̂ nə̈ pä nyë wunsə̂ nə̈: Rə ndə̂ âgbô mê, ämbö rə̂ pä Tchôtchô Pö e atə̂ tchâtchu nə̈.

Fïlîpe 1:16

Andjanə̈ ndə̂ andjë mû pö lakə̂ nyində̂ ngâ, andjë wûnsə̂ nə̈ nə̂ pä Ndjapä zä rə̂ sə̈ mê ndə̂kə̂ kitə̂ köbo tə̂ azü ndə̂ andjë to ngbongbo pö tə̂ Tchôtchô Pö.

Fïlîpe 1:27

Praâbalë äwäpä kə̂ sə ndə̂ nyê wa gundə̂sə̂ Tchôtchô Pö ndə̂ Krîsiti. Käko âdə mê âe ndə̂kə̂ wun nyê âdəndjë rə̂ ndə̂ më êâbô ê, äwäpä më dje rə̂ pä gbô nyê kä kpôtâ lakə̂ wa balë. Pö tə̂ su nyê wa balë, lakə̂ palatə̂ nyê ndə̂kə̂ mbo kʉ̈ʉ̈ bëte Tchôtchô Pö.

Fïlîpe 1:5

bëte rə̂ ndə̂ nyë zâ könô sə̈ mê, ätö sə̂nə̈ ndə̂ më jêtə̂ kə̂ mu Tchôtchô Pö ndjoa ëtə̂ tchô angêta.

Fïlîpe 1:7

Äwä lə̂ köbo nə̈ ndə̂kə̂ pa su mê wa pâ nyê. Pö ndə̂ nyê zä su mê tə̂ gbölösə̂nə̈, bëte nyë gbö ndjë atchôtchô arə ndə̂ Ndjapä kʉ̂ rə̂ sə̈ mê lə̂ köbosə̂ tchôtchô su yê. Ndə̂ më sə̂ angêta lə̂ nda kânga, âdəndjë rə̂ ndə̂ më sə̂âbô sə̂ lə̂ nda kânga, më kïtə̂ köbo la gbôgbô tə̂ azü ndə̂ andjë nyîâbô nyîndə̂ nə̈ pä a mu Tchôtchô Pö ndə̂ mê sə lakə̂ mu rə̂ la gbôgbô.

Fïlîpe 4:2

Më zä wängö sə̈ Evodï la Sɛ̈ntîche ndə̂kə̂ pa andjë djetə̂ andjê lə̂ gbâtə̂ andjê bëte rə̂ ndə̂ andjë wâ balë la Gbölö Gbïɛ̈.

Kölôse 1:7

Ëpäfrâse, agü ârâ earə̂ kua ndə̂ ârâ nyîndə̂ yê tə̂ gbölösə̂nə̈ mû pö lâme sə̈ nyê nə̂, tche də̈ ndjë lëge earə̂ kua ndə̂ Krîsiti bëte nyê.

Apökälîbïchi 13:8

Azü gbɛ̂ ndə̂ andjë sə̂ pâ cho vogadje tchë. Azü ndə̂ andjë voga tchë də̈ azü ndə̂ rə̈ andjê wâbô wâ lə̂ mbëtï ndə̂ tchîsûwu ndə̂ Ngbavö Ɛ̈bro-ngbaga, sə̂nə̈ ndə̂ a mbô tchîsûwu. Mbëtï nə̈ də̈ andə̂ Ngbavö Ɛ̈bro-ngbaga ndə̂ a wôn tchë.

Apökälîbïchi 17:8

Gia ndə̂ mo wûn tchë lâme, tche alême kä tâ la tʉ̈rʉ̂ la yê, praâbalë tche kâ sə̂âbo-a, tchê wutuadje lə̂ gbölö kudû ndə̂ tchə̂lə̂ nə̈ bû biî ndə̂kə̂ e pu kuzü. Azü gö ndə̂ tchêbêche ndə̂ a mbôâbô rə̈ andjê mbô lə̂ mbëtï ndə̂ tchîsûwu dokʉ̈tchê, sə̂nə̈ ndə̂ a mbô tchêbêche, tchə̂lə̂ küma andjê âdjingɨliadje lakə̂ wun gia nə̈, bëte tche wä alême la tʉ̈rʉ̂ la yê, kə̈ kâ wâbo-a, praâbalë tchê kadje ngbâ yê.

Apökälîbïchi 20:12

La tchêngbâ nə̈ më wûn akuzü la agbölö azü la akpîɛ̂kpîɛ̂ azü ndə̂ andjë krʉ̂ tchâtchu ngendë-gbïɛ̈ nə̈. A vrô tchêla ambëtï. A kâ vrô tchêla ngâ mbëtï, ndə̂ a mbô rə̈ azü ndə̂ andjë wâ la tchîsûwu lə̂nə̈. A wâ ngbanga pâ akuzü gundə̂sə̂ rə ndə̂ andjë mbô rə̂ batə̂ rə̂ ndə̂ a mbô rə̂ lə̂ ambëtï.

Apökälîbïchi 20:15

Akrə balë balë gbɛ̂ ndə̂ a gbôâbô rə̈ yê gbô lə̂ mbëtï ndə̂ tchîsûwu, a âyiadje tchë lə̂ gbölö tïmï wo.

Apökälîbïchi 21:27

Praâbalë ngâ rə ndə̂ kâkpö kä li bata balë lə̂ gö nə̈ tee-a, âdəndjë a-earə̂ kə̂ mbo agbölö angbongbo rə, âdəndjë apö yepa. Praâbalë azü ndə̂ andjë li bhâye də̈ kütû azü ndə̂ a mbô rə̈ andjê lə̂ mbëtï ndə̂ tchîsûwu ndə̂ Ngbavö Ɛ̈bro-ngbaga.

Apökälîbïchi 3:5

«Käko akrə ndə̂ tche rô lə̂ arə gbɛ̂ la gbôgbô, tche yuadje agrôgrô lə̂ba. Ânyë mê jiabô rə̈ yê lə̂ mbëtï ndə̂ tchîsûwu tee-a, ndjë, më âto tchôtchô pö ndə̂ yê kraâ tchâtchu Bha mê la aânje ndə̂ yê.