Fïlîpe 4:1 - Mbëtï Ndjapä: TÄFO MADƗ̈

¹ Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, më wä la gʉ ndə̂kə̂ ka wun nyê! Më wä la mômô lə̂ köbosə̂ nyê ânyë tə̂ mê krâ tə̂ gbölösə̂nə̈! Käko arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä nyë kpokpo tə̂ nyê lə̂ köbosə̂ nə̈ ndə̂ nyë wâ balë la Gbölö Gbïɛ̈.

Fïlîpe 4:1 Iomraidhean Croise

Matiyə̈ 10:22

Azü gbɛ̂ koadje sə̂ nyê bëte rə̈ mê. Praâbalë akrə ndə̂ tche rʉ̂âtə̂ su yê ndjoa ëtə̂ manə̈ tchê tchadje lə̂ kuzü.

Jâan 8:31

Käko Jezü tô rə̂ sə̈ ajuîfu ndə̂ andjë zâ su andjê sə̈ tchë päkëdə̂: «Âdə nyê âsə lə̂ pö ndə̂ mê, dëkë tə̂ lëge nə̈ nyë wätə̂ adjisîpili ndə̂ mê.

Abadjângele 11:23

Ndə̂ tche wûtu bhâye, tche wûn rə̂ ndə̂ Ndjapä mbô tchôtchô su tə̂ azü nə̈. Tche wâ la mômô, ânyë kə̈ zâ wängö sə̈ andjê ndə̂kə̂ pa andjë za su andjê gbɛ̂ lakə̂ sə kpô ngbâ Gbölö Gbïɛ̈ logbɛ̂.

Abadjângele 14:22

Andjë zä wängö sə̈ adjisîpili ndə̂kə̂ za gbôgbô tə̂ su andjê, kə̈ yûkû nə̈ sə̈ andjê ndə̂kə̂ pa andjë ndəpo kpôpâ su andjê ndə̂ andjë zâ rə̂ sə̈ Jezü. Andjë tö rə̂ sə̈ azü nə̈ päkëdə̂: «Äwäpä azə̈ wun yûkü tə̂ gbölösə̂nə̈ ânyë kə̂ li bhâlə̂ Gbölö gö-gbïɛ̈ ndə̂ Ndjapä.»

Abadjângele 2:42

Andjë zätə̂ andjê gbɛ̂ ndə̂kə̂ dje abadjângele lakə̂ nyisə̂ rə ndə̂ andjê logbɛ̂. Andjë mända rə, kə̂ sə balë, kə̂ zɨ rə balë, kə̂ to pö sə̈ Ndjapä.

Rômo 2:7

Angâ azü rʉ̈ätə̂ su andjê lə̂ agbôgbô arə ndə̂kə̂ mbo tchôtchô rə ndə̂kə̂ pa Ndjapä voga andjê ânyë kə̂ lusə̂ andjê. Andjë pü tchîsûwu ndə̂ ândɨ̂âbô ndɨ̂-î. Ndjapä âzadje tchîsûwu ndə̂ logbɛ̂ logbɛ̂ sə̈ andjê.

Dokʉ̈ Körɛ̂nte 15:58

Käko arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë kpökpo tə̂ nyê logbɛ̂, kə̂ sə kpô tə̂kə̂ mbo kua ndə̂ Gbölö Gbïɛ̈ la su nyê gbɛ̂. Äwäpä nyë wunsə̂ nə̈ pä kua ndə̂ nyê mbo rə̂ bëte Gbölö Gbïɛ̈ lâme, tchêngbâ nə̈ wâbo ämbänə̈-a.

Dokʉ̈ Körɛ̂nte 16:13

Nyë löäbô lô-ê, nyë rʉ̈ätə̂ su nyê ndə̂ nyë zâ rə̂ sə̈ Krîsiti, nyë mbö rə batə̂ aköchë, kə̂ kpokpo tə̂ nyê.

Bïchuû Körɛ̂nte 1:14

Batə̂ rə̂ ndə̂ nyë djê tchə̂lə̂ angâ atchâkalâ pö nə̈, tə̂ ârâ kradje lə̂ köbosə̂ nyê, ânyë nyënyê ndjë gbɛ̂, tə̂ nyê kradje lə̂ köbosə̂ ârâ, lö nə̈ ndə̂ Gbölö Gbïɛ̈ ndə̂ azə̂ Jezü kangbâ yê.

Gälâte 5:1

Krîsiti jï azə̂ tchâtchâ ngbâa ndə̂kə̂ pa azə̈ sə ämbänə̈. Käko nyë kpökpo tə̂ nyê! Nyë kä nyî bata nyîndə̂ nə̈ pä a ka la nyê tchâtchâ ngbâa-ê.

Fïlîpe 1:27

Praâbalë äwäpä kə̂ sə ndə̂ nyê wa gundə̂sə̂ Tchôtchô Pö ndə̂ Krîsiti. Käko âdə mê âe ndə̂kə̂ wun nyê âdəndjë rə̂ ndə̂ më êâbô ê, äwäpä më dje rə̂ pä gbô nyê kä kpôtâ lakə̂ wa balë. Pö tə̂ su nyê wa balë, lakə̂ palatə̂ nyê ndə̂kə̂ mbo kʉ̈ʉ̈ bëte Tchôtchô Pö.

Fïlîpe 1:8

Lə̂ la Ndjapä më nyïndə̂ nyê tə̂ gbölösə̂nə̈ la su mê balë batə̂ rə̂ ndə̂ Jezü Krîsiti nyîndə̂ nyê.

Fïlîpe 2:16

lakə̂ mu pö ndə̂ âza tchîsûwu sə̈ azü, käko mê âwa la mômô tə̂ pö ndə̂ nyê lo kə̂ ka ndə̂ Krîsiti, bëte kua ndə̂ mê la yûkü ndə̂ më wûn rə̂ bëte nyê wâbo ämbänə̈-a.

Fïlîpe 2:26

Tche wä la gʉ tə̂ gbölösə̂nə̈ ndə̂kə̂ ka wun nyê gbɛ̂, kə̈ wâ la nyonyo bëte rə̂ ndə̂ nyë djê pö ndə̂ tə̂kömbô ndə̂ yê.

Kölôse 4:12

Ëpäfrâse, ngâ akrə ndə̂ nyê, pô ndə̂ nyê nə̂, tche də̈ earə̂ kua ndə̂ Jezü Krîsiti, gbô tche kä lakə̂ mbo kʉ̈ʉ̈ tə̂ pö ndə̂ nyê. Tche kä lakə̂ yukû nə̈ sə̈ Ndjapä ndə̂kə̂ pa nyë krʉ ndjii-ï, kə̂ kpökpo tə̂ nyê, kə̂ daka gbɛ̂ lə̂ köbosə̂ Yingö ânyë kə̂ sə tchêtchêtchê logbɛ̂, ndə̂kə̂ mbo rə ndə̂ su Ndjapä nyîndə̂ nə̈.

Dokʉ̈ Tësälönîke 3:13

Äwäpä tche za gbôgbô tə̂ su nyê ânyë lo nə̈ ndə̂ Gbölö Gbïɛ̈ kangbâ yê la azü ndə̂ yê gbɛ̂, nyê watə̂ azü ndə̂ andjë wâ ngbî ânyë kə̈ dâka gbɛ̂ tchâtchu Ndjapä Bha azə̂, ndjë la azü ndə̂ pö wâbô wâ lə̂ küma andjê-ê.

Bïchuû Tësälönîke 2:15

Käko arə̂mä, nyë kpökpo tə̂ nyê, kə̂ bata pö ndə̂ ârâ mû rə̂ sə̈ nyê alême, lə̂ ma ârâ âdəndjë lə̂ mbëtï ndə̂ ârâ wân rə̂ sə̈ nyê.

Bïchuû Timotë 2:1

Andə̂ zə nə̈, bechë ndə̂ mê, amö kpokpo tə̂ zə̈ lə̂ köbosə̂ tchôtchô su ndə̂ âwâ lə̂ Jezü Krîsiti.

Aheborö 10:23

Äwäpä su azə̂ ndəpo pâ rə ndə̂ azə̈ krʉ̂ bëte rə̂ tchânə̂ Ndjapä, ndə̂ azə̈ mu pö ndə̂nə̈, bëte Ndjapä mbö rə gundə̂sə̂ bâlâ ndə̂ yê.

Aheborö 3:14

Angaâtə, azə̈ la Krîsiti kä lakə̂ mbo kua balë, ndə̂ gbô azə̂ sə̂ lakə̂ za su azə̂ tâ la gbôgbô zoo âwutu ëtə̂ manə̈ batə̂ rə̂ ndə̂ azə̈ zâ su azə̂ tâ lə̂ dokʉ̈ nə̈.

Aheborö 4:14

Äwäpä azə̈ kpokpo tə̂ azə̂ pâ su azə̂ ndə̂ azə̈ zâ rə̂ sə̈ Ndjapä, ndə̂ azə̈ mu pö ndə̂nə̈, bëte azə̈ kä la gbölö earə̂ kə̂ wa ngela ndə̂ tche rô adɨ̂ nə̈ gbɛ̂, tche ë ndjoa bhâ tchâtchu Ndjapä, Jezü Modô ndə̂ Ndjapä kä.

Bïchuû Pîêre 3:17

Âdə andə̂ nye nə̈, arə̂mä ndə̂ më nyîndə̂ nyê tə̂ gbölösə̂nə̈, angaâtə a krâ tü nyê nə̂. La nyê gbö-ê, ânyë angbongbo azü lâme boloabô nyê bôlo la angbongbo apö ndə̂kə̂ yu köbo su nyê ndə̂ nyë zâ rə̂ sə̈ Jezü, ndə̂ nyë kpôkpo tə̂ nyê pânə̈ lâme-ê.