Fïlîpe 3:9 - Mbëtï Ndjapä: TÄFO MADƗ̈

⁹ ânyë mëmê la tchë, ârâ wa balë. Më kä wâbo ndə̂kə̂ kä bhi gogo mê lə̂ köbosə̂ kə̂ wa djîrə̂ lə̂ köbosə̂ ndïɛ̈-a. Praâbalë më wä balë la Krîsiti bëte rə̂ ndə̂ më zâ su mê sə̈ Krîsiti. Ndjapä kä âkə̂ mbo rə̂ pä akrə wa djîrə̂ lə̂ köbosə̂ kə̂ za yê su sə̈ tchë.

Fïlîpe 3:9 Iomraidhean Croise

Matiyə̈ 9:13

Nyë gûgü kə̂ pu dju apö ndə̂ Ndjapä tô rə̂ âtə: ‹Më nyïndə̂ nə̈ pä azü wun nyonyo angâ andjê, praâbalë më kösə̂ ngela ndə̂ agia!› Më nə̂âbo ndə̂kə̂ e adjîrə̂ azü-a, praâbalë më nə̈ bëte a-earə̂ ngbongbo rə.»

Rômo 1:17

Tchôtchô Pö nə̈ nyïsə̂ rə ndə̂ Ndjapä mbô rə̂ ânyë azü wa djîrə̂ tchâtchu yê. Äwäpä azü za kütû su andjê sə̈ Jezü. Ngâ köbo dəkêlê nə̈ wâbo-a. Äwä batə̂ rə̂ ndə̂ a mbô rə̂ lə̂ Mbëtï Ndjapä päkëdə̂: «Djîrə̂ akrə wadje la tchîsûwu lə̂ köbosə̂ kə̂ za su yê sə̈ Gbölö Gbïɛ̈.»

Rômo 10:10

Âdə akrə âza su yê gbɛ̂ sə̈ Jezü, tche wâ nə̂ tə̂ djîrə̂ akrə lə̂ la Ndjapä. Âdə tche âto pö ndə̂ ngbongbo rə ndə̂ yê la ma yê, tchê tchadje lə̂ kuzü.

Rômo 16:7

Nyë pö ndə̂ Andörönïkûsu la Jünïâse sə̈ mê. Andjë wätə̂ azü bhândə̂ mê ndə̂ ârâ la andjê sə̂ alême lə̂ nda kânga. Andjë wätə̂ abadjângele ndə̂ Krîsiti ndə̂ azü wûnsə̂ andjê tə̂ gbölösə̂nə̈. Andjë wätə̂ azü ndə̂ andjë zâtə̂ andjê sə̈ Krîsiti dokʉ̈tchê tə̂ mê.

Rômo 5:21

Dokʉ̈tchê alême, ngbongbo rə wä la kümändëmä ndə̂kə̂ won azü. Käko ndjë, tchôtchô su ndə̂ Ndjapä wä angaâtə la kümändëmä ndə̂kə̂ mbo rə̂ ânyë azü wa djîrə̂. Käko azə̈ wä la tchîsûwu ndə̂ logbɛ̂ logbɛ̂ lə̂ köbosə̂ Jezü Krîsiti, Gbölö Gbïɛ̈ ndə̂ azə̂.

Rômo 8:1

Angaâtə, azü ndə̂ andjë wâ balë la Jezü Krîsiti, ngâ pö balë kä wâ bata lə̂ küma andjê-a.

Rômo 8:3

Ndïɛ̈ ndə̂ Möyîze wâbo ndə̂kə̂ mbo rə̂ alême-a, bëte gbôgbô ndə̂ azü wâbô wâ la rə̂ kä ndə̂ âkîtə̂ köbo tə̂ ndïɛ̈ ndə̂kə̂ mbo rə̂. Rə ndə̂ ndïɛ̈ wâbô wâ ndə̂kə̂ mbo rə̂, Ndjapä mbö rə̂: Tche mbö rə̂ käko kə̈ wân Modô ndə̂ yê la tə̂ yê ânyë tche zâ tə̂ akrə ndə̂ âwâ batə̂ tə̂ a-earə̂ ngbongbo rə. Tche jï azə̂ tchâtchâ ngbongbo rə. Käko Ndjapä wä ngbanga pâ ngbongbo rə ndə̂ âmbo rə lə̂ tə̂ azü.

Dokʉ̈ Körɛ̂nte 1:30

Praâbalë tchetchë kä ndə̂ âmbô rə̂ pä nyë wa balë la Jezü Krîsiti, ânyë Jezü Krîsiti nə̈ wätə̂ küma azə̂ ndə̂ âwâ lanə̈, ndə̂ âtô bhândə̂ Ndjapä. Lə̂ köbosə̂ Krîsiti, Ndjapä mbö rə̂ pä azə̈ watə̂ adjîrə̂ azü, kə̂ watə̂ azü ndə̂ tche dɨ̂ andjê bëte tchë, ânyë kə̈ jî azə̂ tchâtchâ ngbongbo rə.

Bïchuû Körɛ̂nte 5:17

Âdə ngâ akrə âwa balë la Krîsiti, tche wâ nə̂ tə̂ täfo akrə. Abəndɨ rə rô nə̂, täfo rə kä âkə̈ wâ tâ.

Bïchuû Körɛ̂nte 5:21

Krîsiti ndə̂ tche wûn-âbô sə̂ ngbongbo rə wûn-î, Ndjapä mbô rə̂ pä ngbongbo rə ndə̂ azə̂ te pâ yê. Käko lə̂ köbosə̂ Krîsiti, azə̈ wätə̂ adjîrə̂ azü lə̂ la Ndjapä.

Gälâte 2:16

Azə̈ wûnsə̂ nə̈ nə̂ pä akrə wâbo tə̂ djîrə̂ akrə lə̂ la Ndjapä lə̂ köbosə̂ kə̂ mbo rə gundə̂sə̂ ndïɛ̈-a, praâbalë kütû lə̂ köbosə̂ kə̂ za su sə̈ Jezü Krîsiti. Bëte rə̂ kä ndə̂, ârâ ndjë gbɛ̂ zâ su ârâ sə̈ Krîsiti Jezü ndə̂kə̂ pa ârâ watə̂ adjîrə̂ azü lə̂ la Ndjapä. Âdə̂âbo lə̂ köbosə̂ kə̂ mbo rə gundə̂sə̂ ndïɛ̈-a. Bëte akrə balë wâbo tə̂ djîrə̂ akrə lə̂ la Ndjapä lə̂ köbosə̂ kə̂ mbo rə gundə̂sə̂ ndïɛ̈-a.

Fïlîpe 3:6

Lə̂ köbosə̂ kə̂ mbo kua ndə̂ më zâ su mê gbɛ̂ ëtâ, më mbö arə gbôgbô tə̂ a-Egilîze. Âdə andə̂ pö ndə̂ ndïɛ̈ lakə̂ mbo rə djîrə̂ gundə̂sə̂ nə̈, ngâ akrə ndə̂ tche yi pö lə̂ küma mê bëte rə̂ wâbo-a.

Bïchuû Timotë 1:9

Tchetchë kä ndə̂ âtchâ azə̂, kə̈ ê azə̂ kə̈ kʉ̂ azə̂ ngbî bëte tchë lâme. Kə̂ e tchô nə̈ lâme wâbo lə̂ köbosə̂ kua ndə̂ azə̂-a, praâbalë äwä lə̂ köbosə̂ rə ndə̂ tche nyîkrə rə̂, la tchôtchô su yê. A zä tchôtchô su nə̈ lâme sə̈ azə̂, lə̂ köbosə̂ kə̂ wa balë la Jezü Krîsiti, dokʉ̈tchê ndə̂kə̂ pa a mbo arə gbɛ̂.

Tîte 3:5

tche tchâ azə̂ lə̂ kuzü. Tche tchâbo azə̂ bëte adjîrə̂ akua ndə̂ azə̂ la tə̂ azə̂ mbô rə̂-a, praâbalë tche tchä azə̂ bëte tche wün nyonyo azə̂, ndjë la rə̂ ndə̂ Kpɨ̂ki Yingö djûtu azə̂ ânyë azə̈ wâtə̂ atäfo azü, kə̈ zâ täfo kə̂ sə sə̈ azə̂.

Aheborö 6:18

Käko kə̂ za bâlâ lakə̂ deba, arə bïchuû lâme tchə̂lə̂ nə̈ wâbo ndə̂kə̂ zu-a, ânyë lə̂ köbosə̂ nə̈ Ndjapä môâbo ndjë yepa-a. Käko azə̂ ndə̂ azə̈ gbôtə̂ arə gbɛ̂ ndə̂kə̂ krʉ bëte arə ndə̂ Ndjapä nyïkrə rə̂ ânyë su azə̂ wâ pânə̈, azə̈ gbö gbôgbô tə̂ su azə̂ tə̂ gbölösə̂nə̈ lə̂ köbosə̂ nə̈.

Jâke 3:2

Bëte azə̈ gbɛ̂ mbö ngbongbo rə tə̂ gbölösə̂nə̈. Âdə ngâ akrə âtchabô ma yê tchâ lakə̂ to pö-ê, dëkë tche wätə̂ akrə ndə̂ tche dâka gbɛ̂, tche də̈ akrə ndə̂ tche kʉ̂sə̂ kə̂ bata tə̂ yê gbɛ̂.

Bïchuû Pîêre 1:1

Mëmê Chemôn-Pîêre, më wätə̂ earə̂ kua la badjângele ndə̂ Jezü Krîsiti. Më mbö mbëtï âtə sə̈ andjanə̈ ndə̂ andjë zâ su andjê sə̈ Ndjapä. Kə̂ za su andjê sə̈ Ndjapä nə̈ lâme, ngîrî nə̈ wä ndjë batə̂ andə̂ azə̈ nə̈, lə̂ köbosə̂ djîrə̂ rə ndə̂ Ndjapä ndə̂ azə̂ la Jezü Krîsiti Earə̂ kə̂ tcha azə̂.

Dokʉ̈ Jâan 3:4

Akrə ndə̂ tche mbô ngbongbo rə, dëkë tche kôsə̂ ndïɛ̈ ndə̂ Ndjapä nə̂, bëte kə̂ mbo ngbongbo rə wätə̂ kə̂ kosə̂ ndïɛ̈ nə̈ lâme.