Fïlîpe 3:8 - Mbëtï Ndjapä: TÄFO MADƗ̈

⁸ Tə̂ lëge nə̈, më wün arə lâme gbɛ̂ batə̂ rə ndə̂ âyû, ndə̂kə̂ wunsə̂ rə ndə̂ âdâka tə̂ gbölösə̂nə̈, ndə̂ âdə̂: Jezü Krîsiti, Gbölö Gbïɛ̈ ndə̂ mê. Tə̂ pö ndə̂ yê kä ndə̂ arə ndə̂ mê yû, më wün arə lâme gbɛ̂ batə̂ nyü ndə̂kə̂ gbo Krîsiti,

Fïlîpe 3:8 Iomraidhean Croise

Lûke 1:43

Më də̈ tchabâ ânyë anyï Gbölö Gbïɛ̈ ndə̂ mê nə atə̂ndə̂ mê?

Lûke 11:20

Praâbalë âdə lə̂ köbosə̂ gbôgbô ndə̂ Ndjapä kä ndə̂ mê gro angbongbo atchozö la rə̂, dëkë Gbölö gö-gbïɛ̈ ndə̂ Ndjapä wûtu nə̂ ëtə̂ nyê.

Jâan 14:20

Âdə lo nə̈ âwutu nə̂, nyê wun-adje sə̂nə̈ pä mëmê la Bha mê, ârâ wä balë ânyë nyë wâ balë la mê, ânyë më wâ ndjë balë la nyê.

Jâan 14:7

Âdə nyê âwunsə̂ mê, nyê wun-adje ndjë sə̈ Bha mê. Ätö tə̂ tchô angêta, nyë wûnsə̂ yê nə̂, kə̈ wûn ndjë tchë nə̂.»

Jâan 16:3

Andjë mbö tâ käko bëte andjë wûn-âbo sə̂ Bha mê âdəndjë mëmê-a.

Jâan 17:3

Dëkë tchîsûwu ndə̂ logbɛ̂ logbɛ̂ nə̈ wä ndə̂kə̂ pa azü wunsə̂ zə̈, momö ndə̂ mo wâtə̂ lëge Ndjapä balë, ndjë la Jezü Krîsiti tchanə̈ ndə̂ mo wân tchë.

Jâan 17:8

Bëte apö gbɛ̂ ndə̂ mo kʉ̂ rə̂ sə̈ mê lâme, më kʉ̂ rə̂ sə̈ andjê nə̂, andjë gbô rə̂ nə̂. Andjë wûnsə̂ nə̈ tə̂ lëge nə̈ nə̂ pä më tö bhândə̂ zə̈, ânyë andjë gâmba rə̂ nə̂ pä momö kä ndə̂ âwân mê.

Jâan 20:13

Andjë yû tchë päkëdə̂: «Ɛ̈chë, mo kɨ̈ bëte giamâ?» Tche tô rə̂ päkëdə̂: «Bëte azü zä Gbölö Gbïɛ̈ ndə̂ mê, kə̈ rô la tchë. Më wûn-âbo sə̂ tchô ndə̂ andjë zâ tchë tâ-a!»

Jâan 20:28

Tomä tô rə̂ sə̈ tchë päkëdə̂: «Gbölö Gbïɛ̈ ndə̂ mê la Ndjapä ndə̂ mê!»

Abadjângele 20:24

Praâbalë më wün tchîsûwu ndə̂ mê batə̂ ngâ mbämbä rə lə̂ la mê. Rə ndə̂ mê pu köbo nə̈ wä ndə̂kə̂ pa më ka kua ndə̂ mê, kə̂ mbo rə gbɛ̂ ndə̂ Gbölö Gbïɛ̈ Jezü zâ rə̂ sə̈ mê ndə̂kə̂ mbo rə̂. Äwä ndə̂kə̂ mu Tchôtchô Pö ndə̂ ânə̂ lə̂ köbosə̂ tchôtchô su Ndjapä sə̈ azü.

Rômo 8:18

Më wünsə̂ nə̈ pä yûkü ndə̂ azə̈ wun rə̂ angêta âtə, äwä batə̂ ngâ kpîɛ̂kpîɛ̂ rə. Âwâbo ndjë batə̂ kə̂ wa gbölö ndə̂ Ndjapä ndə̂ tchê nyiadje sə̂nə̈ sə̈ azə̂ tə̂ngâlo lâme-a.

Rômo 8:39

âdə̂âbo agbôgbô ndə̂ tchêlafô âdəndjë agbôgbô ndə̂ âwâ lə̂ dju cho-a, âdə̂âbo ngâ rə ndə̂ Ndjapä mbô rə̂-a. Ngâ rə balë ndə̂ âwâ ndə̂kə̂ krʉ tchə̂lə̂ azə̂ lakə̂ nyində̂ ngâ ndə̂ Ndjapä wâbo-a. Tche nyïsə̂ köbo ndə̂ tche nyîndə̂ azə̂ lâme lə̂ köbosə̂ Jezü Krîsiti, Gbölö Gbïɛ̈ ndə̂ azə̂.

Dokʉ̈ Körɛ̂nte 2:2

Bëte, ndə̂ më sə̂ lə̂ gbâtə̂ nyê, më nyîâbo ndə̂kə̂ wunsə̂ ngâ rə ngbî-a, kütû Jezü Krîsiti, Jezü Krîsiti ndə̂ a wôn tchë pâ yö ndə̂ gba.

Dokʉ̈ Körɛ̂nte 9:10

Tche tôâbo pö lâme tə̂ pö ndə̂ azə̂? Tə̂ lëge nə̈, apö ndə̂ a mbô rə̂ lə̂ mbëtï lâme wätə̂ pö ndə̂ azə̂. Äwäpä akrə ndə̂ tche djo kɨ̈ndɨ̈ wunsə̂ nə̈ pä anyê gboadje ndjî rəgʉ nə̈, ânyë tchanə̈ ndə̂ tche kʉlʉ ndjî rəgʉ nə̈ wun ndjë sə̂nə̈ pä anyê gboadje ndjî rəgʉ nə̈.

Bïchuû Körɛ̂nte 4:4

Andə̂ andjanə̈ ndə̂ andjë kôsə̂ kə̂ za su andjê sə̈ Ndjapä, ndjapä ndə̂ tchêbêche gʉ̈ä kə̂ wunsə̂ rə ndə̂ andjê, ndə̂kə̂ pa andjë wun-abô ngbänga Tchôtchô Pö ndə̂ Krîsiti wûn-î, ndə̂ âdə̂ nyîsɨ̂ Ndjapä.

Bïchuû Körɛ̂nte 4:6

Ndjapä tö rə̂ päkëdə̂: «Äwäpä ngbänga tcho lə̂ bübü tchô.» Tchetchë la tə̂ yê kä âkə̂ tcho bhâlə̂ su azə̂ ndə̂kə̂ pa la azə̂ vro ânyë azə̈ wunsə̂ ngbänga ndə̂ yê ndə̂ âtcho pâ la Krîsiti.

Gälâte 1:16

kə̈ nyîsə̂ Modô ndə̂ yê sə̈ mê, ndə̂kə̂ pa më nyisə̂ yê batə̂ Tchôtchô Pö sə̈ azü ndə̂ andjë wâbô wâtə̂ ajuîfu, kə̈ yûâbo ngâ akrə balë ndə̂kə̂ pa tche za wängö sə̈ mê-a,

Ëfêze 4:13

zoo ndə̂kə̂ pa azə̈ gbɛ̂ wa balë lə̂kə̂ za su sə̈ Ndjapä lakə̂ wunsə̂ Modô ndə̂ yê. Käko azə̂ wadje tə̂ adjêdjena azü lə̂ su azə̂ ndə̂ azə̈ zâ rə̂ sə̈ Ndjapä, ânyë azə̈ ge zoo kə̂ wa batə̂ Krîsiti lə̂ gbölö ndə̂ yê.

Fïlîpe 1:1

Mëmê Pôlo la Timotë, a-earə̂ kua ndə̂ Jezü Krîsiti. Ârâ wän mbëtï âtə sə̈ azü ndə̂ Ndjapä ndə̂ andjë wâ balë la Jezü Krîsiti lə̂ gbölö gö ndə̂ Fïlîpe. Ârâ wän ndjë mbëtï âtə sə̈ azü tə̂ küma Egilîze la adiâkere:

Fïlîpe 3:10

Rə ndə̂ më nyîndə̂ nə̈ wä ndə̂kə̂ wunsə̂ Krîsiti, tchetchë la gbôgbô ndə̂ âjô tchë lə̂ kuzü, kə̂ wun yûkü la tchë ânyë kə̂ wa batə̂ tchë lə̂ kuzü ndə̂ yê.

Fïlîpe 3:12

Më tôâbo rə̂ pä më wûtu ëtə̂ manə̈ âdəndjë rə̂ ndə̂ më dâka gbɛ̂ nə̂-a. Praâbalë gbô mê kä lə̂ rö, më zätə̂ mê gbɛ̂ la gbôgbô ndə̂kə̂ za rə ndə̂ âwâ bëte mê, bëte Jezü Krîsiti la tə̂ yê zâ mê nə̂.

Fïlîpe 3:7

Praâbalë arə gbɛ̂ ndə̂ mê gbo arə ngbânə̂ alême, më wün rə̂ angaâtə batə̂ ngâ rə ndə̂ âyû bëte Krîsiti.

Bïchuû Timotë 4:6

Andə̂ me nə̈, a zâ mê la ngela nə̂, ânyë lo nə̈ tâ tâ nə̂ ndə̂kə̂ pa më ro etə̂.

Aheborö 3:14

Angaâtə, azə̈ la Krîsiti kä lakə̂ mbo kua balë, ndə̂ gbô azə̂ sə̂ lakə̂ za su azə̂ tâ la gbôgbô zoo âwutu ëtə̂ manə̈ batə̂ rə̂ ndə̂ azə̈ zâ su azə̂ tâ lə̂ dokʉ̈ nə̈.

Dokʉ̈ Pîêre 2:7

Âdə andə̂ nye nə̈ azü ndə̂ Ndjapä, täme nə̈ lü lə̂ la nyê, praâbalë andə̂ andjanə̈ ndə̂ andjë kôsə̂ Ndjapä, «täme ndə̂ a-earə̂ kə̂ mbo nda gbôtâ, ârə̂ kä âkə̈ mbôtə̂ yê tə̂ gbôgbô täme da nda nə̈.»

Bïchuû Pîêre 1:2

Äfü pä Ndjapä mbo tchôtchô su tə̂ nyê, kə̂ za zɨtɨ su sə̂ nyê tə̂ gbölösə̂nə̈ lə̂ köbosə̂ nə̈ ndə̂ nyë wûnsə̂ Ndjapä la Jezü Gbölö Gbïɛ̈ ndə̂ azə̂.

Bïchuû Pîêre 1:3

Lə̂ köbosə̂ gbôgbô ndə̂ yê, Gbölö Gbïɛ̈ Jezü kʉ̈ arə gbɛ̂ ndə̂kə̂ pa azə̈ sə la sə̂nə̈ lakə̂ zatə̂ azə̂ gbɛ̂ sə̈ Ndjapä. Käko Gbölö Gbïɛ̈ nə̈ nyïsə̂ Ndjapä ndə̂ tche ê azə̂ lə̂ köbosə̂ kə̂ wa gbölö ndə̂ yê la tə̂ yê la tchôtchô kua ndə̂ tche mbô rə̂.

Bïchuû Pîêre 1:8

Bëte âdə arə lâme âwa lə̂ nyê âkə̈ gê, ârə̂ âmbo rə̂ pä kua ndə̂ Ndjapä ndə̂ nyê mbo rə̂ âleadje kə̂ zadje köbo sə̈ nyê ndə̂kə̂ ge lə̂kə̂ wunsə̂ Gbölö Gbïɛ̈ ndə̂ azə̂ Jezü Krîsiti.

Bïchuû Pîêre 3:18

Praâbalë äwäpä nyë ge lə̂ tchôtchô su lakə̂ wunsə̂ Gbölö Gbïɛ̈ ndə̂ azə̂ Jezü Krîsiti Earə̂ kə̂ tcha azə̂. Voga wätə̂ andə̂ ye nə̈, angêta ndjë tə̂ logbɛ̂ logbɛ̂! Amin.

Dokʉ̈ Jâan 1:3

Rə ndə̂ ârâ wûn rə̂, ânyë kə̈ djê rə̂, ârâ mü rə̂ sə̈ nyê ndə̂kə̂ pa nyënyê ndjë gbɛ̂, su nyê wa balë la andə̂ ârâ. Käko azə̂ gbɛ̂ wa la su balë la Bha azə̂ Ndjapä ndjë la Modô ndə̂ yê Jezü Krîsiti.

Dokʉ̈ Jâan 2:19

Azü nə̈ lâme gbô lə̂ gûtə̂ azə̂ nə̂, praâbalë andjë wâbo alême tə̂ andjandə̂ azə̈ nə̈-a. Âdə andjê âwa alême tə̂ andjandə̂ azə̂, dëkë andjê ândəpo alême lə̂ gûtə̂ azə̂. Praâbalë ndə̂ andjë gbô lə̂ gûtə̂ azə̂ lâme, änyïsə̂ nə̈ pä tə̂ lëge nə̈ ngâ akrə balë lə̂ gûtə̂ andjê wâbo alêe tə̂ tchandə̂ azə̈ nə̈-a.

Dokʉ̈ Jâan 5:20

Azə̈ wûnsə̂ nə̈ nə̂ pä Modô ndə̂ Ndjapä nə̈, kə̈ zâ kə̂ wunsə̂ rə sə̈ azə̂ ndə̂kə̂ wunsə̂ lëge Ndjapä. Azə̈ wä balë la lëge Ndjapä lə̂ köbosə̂ Modô ndə̂ yê Jezü Krîsiti. Tchetchë kä ndə̂ âwâtə̂ lëge Ndjapä, kə̈ wâtə̂ tchîsûwu ndə̂ logbɛ̂ logbɛ̂.