Fïlîpe 3:6 - Mbëtï Ndjapä: TÄFO MADƗ̈

⁶ Lə̂ köbosə̂ kə̂ mbo kua ndə̂ më zâ su mê gbɛ̂ ëtâ, më mbö arə gbôgbô tə̂ a-Egilîze. Âdə andə̂ pö ndə̂ ndïɛ̈ lakə̂ mbo rə djîrə̂ gundə̂sə̂ nə̈, ngâ akrə ndə̂ tche yi pö lə̂ küma mê bëte rə̂ wâbo-a.

Fïlîpe 3:6 Iomraidhean Croise

Abadjângele 8:3

Andə̂ Sôlo, tche sə̈ logbɛ̂ lakə̂ ndrɨndrɨ Egilîze. Tche lï kulə̂ anda ndə̂kə̂ kʉ aköchë la aɛ̈chë ânyë kə̂ yi andjê atə̂lə̂ nda kânga.

Matiyə̈ 5:20

Më tö rə̂ sə̈ nyê päkëdə̂: Âdə nyê âmboabô djîrə̂ rə mbô âro andə̂ a-earə̂ kə̂ nyisə̂ ndïɛ̈ la afarizïɛ̈n nyɛ̂-ɛn, nyê liabô atə̂lə̂ Gbölö gö-gbïɛ̈ ndə̂ tchêlafô tee-a.»

Dokʉ̈ Timotë 1:13

Mëmê ndə̂ më wâ dokʉ̈tchê alême tə̂ earə̂ kə̂ to angbongbo apö, la earə̂ kə̂ mbo azü la yûkü, la earə̂ kə̂ dro tchô. Praâbalë tche wûn nyonyo mê, bëte më wûn-âbo sə̂ arə ndə̂ më mbô rə̂ lâme-a, ndjë bëte më zâbo su mê sə̈ tchë-a.

Fïlîpe 3:9

ânyë mëmê la tchë, ârâ wa balë. Më kä wâbo ndə̂kə̂ kä bhi gogo mê lə̂ köbosə̂ kə̂ wa djîrə̂ lə̂ köbosə̂ ndïɛ̈-a. Praâbalë më wä balë la Krîsiti bëte rə̂ ndə̂ më zâ su mê sə̈ Krîsiti. Ndjapä kä âkə̂ mbo rə̂ pä akrə wa djîrə̂ lə̂ köbosə̂ kə̂ za yê su sə̈ tchë.

Dokʉ̈ Körɛ̂nte 15:9

Bëte më wä kpîɛ̂kpîɛ̂ rə̂ tə̂ abadjângele gbɛ̂, më kʉ̂âbo ndjë sə̂nə̈ pä a e rə̂ tə̂ mê pä badjângele-a, bëte më mbö gbôgbô tə̂ Egilîze ndə̂ Ndjapä.

Rômo 7:9

Dokʉ̈tchê alême ndə̂ më wûn-âbô sə̂ ndïɛ̈ wûn, më sə̈ la tʉ̈rʉ̂ la mê. Praâbalë ndə̂ më wûnsə̂ ndïɛ̈, ngbongbo rə gbö köbo ndə̂kə̂ wa la tʉ̈rʉ̂ la

Abadjângele 26:5

Ajuîfu wünsə̂ mê ndə̂nə̈ gû nə̂. Âdə andjê ânyində̂ nə̈, andjë wä ndə̂kə̂ nyisə̂ nə̈ sə̈ mö pä më də̈ ngâ akrə lə̂ kpûlû ndə̂ afarizïɛ̈n, kpûlû ndə̂ a-earə̂ kə̂ voga Ndjapä, ndə̂kə̂ bata ndïɛ̈ ndə̂ andjê rô adɨ̂ nə̈ gbɛ̂.

Abadjângele 21:20

Ndə̂ andjë djê pö ndə̂ yê lâme, andjë vôga Ndjapä. Pânə̈ andjë tô rə̂ sə̈ Pôlo päkëdə̂: «Ngâ ârâ lə̂ Krîsiti, wunsaâ; ajuîfu sâke sâke zä su andjê sə̈ Krîsiti, praâbalë lə̂ gbâtə̂ andjê, angânə̈ zä su andjê gbɛ̂ ndə̂kə̂ bata ndïɛ̈ ndə̂ Möyîze.

Lûke 1:6

Zakarï la Alîsabëte wätə̂ adjîrə̂ azü lə̂ la Ndjapä, andjë mbö rə la köbo nə̈ gundə̂sə̂ andïɛ̈ gbɛ̂ la apö gbɛ̂ ndə̂ Gbölö Gbïɛ̈.

Matiyə̈ 23:25

«Nyonyo kä tə̂ nyê, a-earə̂ kə̂ nyisə̂ ndïɛ̈ la afarizïɛ̈n, pö ma nyê wä ngbî tə̂kə̂ mbo rə ndə̂ nyê, nyë djütu kʉ̂tê akangûchi la kʉ̂tê kalângʉ, praâbalë tchə̂lə̂ akangûchi la akalângʉ nə̈ sɨ̂sɨ̈ la arə ndə̂ ngbä la angbongbo gʉ su nyê.

Abadjângele 22:5

Gbölö earə̂ kə̂ wa ngela sə̈ Ndjapä la akpôkpô azü wä ndə̂kə̂ gamba rə̂ pä pö ndə̂ më tô rə̂ âtə wätə̂ lëge nə̈. Andjendjê alême kä ndə̂ âzâ mbëtï ndə̂kə̂ zama sə̈ mê ndə̂kə̂ pa më e la rə̂ sə̈ arə̂mâ atə̂ Dämâse. Ädə̈ käko ânyë më ê atêe ndə̂kə̂ kʉ azü nə̈, kə̂ i andjê la djingîli, ânyë kə̂ ka la andjê atə̂ Jerûzalêmo ndə̂kə̂ pa a mbo andjê la yûkü.»

Dokʉ̈ Körɛ̂nte 10:32

Nyë mböäbô rə̂ mbô ndə̂kə̂ pa ngâ juîfu balë te lə̂ ngbongbo rə-ê, âdəndjë ngâ akrə ndə̂ tche wâbô wâtə̂ juîfu, âdəndjë ngâ akrə ndə̂ Egilîze ndə̂ Ndjapä-ê.

Fïlîpe 2:15

Käko nyê watə̂ azü ndə̂ pö wâbô wâ lə̂ küma andjê-ê, abechë ndə̂ Ndjapä ndə̂ ngbongbo rə wâbô wâ lə̂ küma andjê-ê, lə̂ gbâtə̂ azü ndə̂ tchô angêta âtə, ndə̂ andjë wâ ngbo ânyë kə̂ mbo ngbongbo rə. Äwäpä ngbänga nyê tcho lə̂ gûtə̂ andjê batə̂ akêkêrə̂ lafô,