Fïlîpe 3:2 - Mbëtï Ndjapä: TÄFO MADƗ̈

² La nyê gbö tə̂ angbongbo a-earə̂ kua, la nyê gbö tə̂ aɛ̈vrô lâme, la nyê gbö tə̂ azü ndə̂ andjë wâ ngbongbo gasa lâme-ê.

Fïlîpe 3:2 Iomraidhean Croise

Matiyə̈ 24:10

Sə̂nə̈ lâme azü gboadje tə̂ köbo Ndjapä tə̂ gbölösə̂nə̈, andjê yoadje sə̂ angâ andjê, kə̂ koadje sə̂ angâ andjê lə̂ gbâtə̂ andjê.

Matiyə̈ 7:15

«La nyê gbö tə̂ angbongbo a-earə̂ ndə̂ma Ndjapä. Andjë yü kpoto ɛ̈bro-ngbaga ânyë kə̂ nə pu nyê, dëkë andjë wätə̂ angbongbo azâgôâ.

Matiyə̈ 7:6

«Rə ndə̂ âwâ ngbî bëte Ndjapä, nyë zäbô rə̂ zâ sə̈ aɛ̈vrô-ê, kə̂ yiabô kɨ̂dji ndə̂ nyê yî sə̈ akoso-ê, ndə̂kə̂ pa andjë dradra tchə̂lə̂ nə̈, kə̂ dotə̂ andjê ndə̂ nyê ndə̂kə̂ lo nyê-ê.»

Rômo 2:28

Tə̂ lëge nə̈, âdə̂âbo rə ndə̂ azü wun rə̂ kä ndə̂ âmbo rə̂ pä akrə watə̂ juîfu-a, âdə̂âbo ndjë ku gasa ndə̂ âwatə̂ akrə kä ndə̂ âmbo rə̂ pä akrə watə̂ juîfu-a.

Bïchuû Körɛ̂nte 11:13

Azü nə̈ lâme də̈ abadjângele ndə̂ yepa, andjë də̈ a-earə̂ kua ndə̂ andjë bolo azü, ânyë kə̈ mbôtə̂ andjê batə̂ abadjângele ndə̂ Krîsiti.

Gälâte 5:13

Arə̂mâ ndə̂ mê, Ndjapä ë nyê ndə̂kə̂ pa nyë wutu tchâtchâ ngbâa. Âwâbo pä kə̂ wutu ndə̂ nyê tchâtchâ ngbâa nə̈ lâme watə̂ ngâ köbo ndə̂kə̂ mbo angbongbo arə ndə̂ gʉ su nyê-a. Praâbalë lə̂ köbosə̂ kə̂ nyïndə̂ ngâ, nyë mbö kua sə̈ angâ nyê lə̂ gbâtə̂ nyê.

Gälâte 5:15

Praâbalë âdə nyë âsə lakə̂ mbo rə batə̂ agia güsü, lakə̂ to ku tə̂ angâ nyê, lakə̂ lolotə̂ nyê lə̂ gbâtə̂ nyê, la nyë gbö-ê! Ârə̂ âdəabô də̂ käko, nyê won-adje tə̂ nyê lə̂ gbâtə̂ nyê gbɛ̂.

Gälâte 5:6

Bëte âdə ngâ akrə âwa balë la Jezü Krîsiti, ânyë a wâ tchë la gasa, âdəndjë rə̂ ndə̂ a wâbô tchë wâ la gasa, tchôtchô rə nə̈ də̂âbo rə̂ lâme-a! Tchôtchô rə nə̈ wä ndə̂kə̂ pa akrə za su yê sə̈ Krîsiti. Kə̂ za su sə̈ Krîsiti nə̈ lâme kä ndə̂ âmbo rə̂ pä azü nyində̂ angâ andjê.

Fïlîpe 3:19

Köbo ndə̂ andjë zâ rə̂ lâme, ârə̂ âwutu la andjê ëtə̂ kuzü, bëte ndjapä ndə̂ andjê də̈ tchə̂lə̂ andjê, andjë bhï gogo andjê tə̂ rə ndə̂ âmbo ganô tə̂ andjê. Andjë zä su andjê gbɛ̂ kütû pâ arə tchêbêche âtə.

Fïlîpe 3:3

Azə̂ ndə̂ azə̂ voga Ndjapä lə̂ köbosə̂ Yingö ndə̂ yê, azə̈ kä ndə̂ âwâtə̂ alëge a-earə̂ gasa nə̈, azə̈ wä la mômô ndə̂ azə̈ wâ balë la Jezü Krîsiti, azə̈ zâbo su azə̂ pâ azə̂ la tə̂ azə̂-a.

Dokʉ̈ Timotë 1:19

Lə̂ köbosə̂ su zə̈ ndə̂ mo zâ rə̂ sə̈ Ndjapä lâme, la tchôtchô kə̂ rɨ tchə̂lə̂, angâ azü kösə̂ kə̂ dje atchôtchô apö ndə̂ andjë rɨ tchə̂lə̂ su andjê pânə̈ lâme, ânyë su andjê ndə̂ andjë zâ rə̂ sə̈ Ndjapä lâme, köbo nə̈ yû-î.

Tîte 1:16

Andjë tö rə̂ la ma andjê pä, anyë wûnsə̂ Ndjapä nə̂, dëkë kua ndə̂ andjê nyïsə̂ nə̈ pä andjë vûsə̂ yê nə̂. Ngbongbo rə ndə̂ andjê rö masə̂nə̈, azü ndə̂ andjë kôsə̂ Ndjapä, andjë wâbo ndjë ndə̂kə̂ mbo tchôtchô rə balë-a.

Bïchuû Pîêre 2:22

Rə ndə̂ âgbô andjê wä gundə̂sə̂ ndoka ndə̂ âtô lëge pö päkëdə̂: «Ɛ̈vrô dötə̂ yê ndə̂ kɨ̈zɨ̂ ndə̂ tche ndjâ rə̂» âdəndjë: «Koso ndə̂ a djûtu tchë anganga-ë, tche kä rôtə̂ yê lə̂ kpata.»

Jûde 1:4

Bëte angâ angbongbo azü lï lə̂ küwû nə̈ lə̂ gbâtə̂ nyê. Andjë sə̈ lakə̂ ndɨ tchə̂lə̂ pö ndə̂ tchôtchô su ndə̂ Ndjapä ndə̂ azə̂, ânyë kə̂ gbo köbo ndə̂kə̂ mbo arə ndə̂ su andjê nyîndə̂ nə̈. Andjë kösə̂ Jezü Krîsiti ndə̂ tche də̂ kêlä Earə̂ kə̂ nyisə̂ rə la Gbölö Gbïɛ̈ ndə̂ azə̂. Mbëtï Ndjapä tô pö ndə̂ ngbanga ndə̂ a wâ rə̂ lə̂ küma andjê gasa alême nə̂.

Apökälîbïchi 2:9

Më wûnsə̂ arə nyonyo ndə̂ zə̈ la yûkü ndə̂ zə̈ nə̂, praâbalë mo kä la rə ndə̂ zə̈ tâ! Angâ azü tö rə̂ pä anyë də̈ ajuîfu, dëkë andjë wâbo tə̂ ajuîfu-a, andjë də̈ kpûlû ndə̂ azü ndə̂ Satäa. Angbongbo pö ndə̂ andjë to rə̂ tə̂ zə̈ lâme, më wûnsə̂ nə̈ nə̂!

Apökälîbïchi 21:8

Andə̂ a-earə̂ gbugbu la azü ndə̂ andjë zâbô su andjê zâ sə̈ Ndjapä la a-earə̂ ngbongbo rə la a-earə̂ kə̂ won tchô la a-earə̂ kə̂ pu aɛ̈chë âdəndjë aköchë katchôgbɛ̂ la a-earə̂ yëwä la a-earə̂ kə̂ voga angakʉ̈lä la a-earə̂ yepa gbɛ̂; tchô ndə̂ andjê kä bhâlə̂ gbölö tïmï wo ndə̂ sûfre, ndə̂ âwâtə̂ bïchuû kuzü.»

Apökälîbïchi 22:15

Praâbalë a âyiadje azü kâkë atə̂ sûwu: Azü ndə̂ andjë mbo rə batə̂ aɛ̈vrô la a-earə̂ yëwä la azü ndə̂ andjë pu aɛ̈chë âdəndjë aköchë katchôgbɛ̂ la a-earə̂ kə̂ won azü la a-earə̂ kə̂ voga angakʉ̈lä la akrə balë balë gbɛ̂ ndə̂ tche nyîndə̂ yepa lakə̂ mo yepa!

Apökälîbïchi 3:9

Wunsaâ, azü ndə̂ andjë sə̂ lə̂ kpûlû ndə̂ azü ndə̂ Satäa, ndə̂ andjë wâtə̂ a-earə̂ yepa, ndə̂ andjë tô rə̂ pä anyë wätə̂ ajuîfu lâme, dëkë andjë wâbo tə̂ ajuîfu-a. Mê mboadje rə̂ pä andjë nə kə̂ gʉte tchâtchâ zə̈, ânyë andjë wun-adje sə̂nə̈ pä më nyîndə̂ zə̈ nə̂.