Fïlîpe 3:1 - Mbëtï Ndjapä: TÄFO MADƗ̈

¹ Angaâtə, arə̂mä ndə̂ mê, äwäpä nyë wa la mômô lə̂ köbosə̂ nə̈ ndə̂ nyë wâ balë la Gbölö Gbïɛ̈. Sə̂nə̈ kâbo tə̂ mê ndə̂kə̂ pa më ka mbô kütû apö lə̂ mbëtï lâme sə̈ nyê-a, rə lâme wä ndə̂kə̂ mbo rə̂ pä nyë kpokpo tə̂ nyê.

Fïlîpe 3:1 Iomraidhean Croise

Matiyə̈ 5:12

Äwäpä tə̂ nyê kra-ê, nyê wa la mômô, bëte ngâ gbölö tchôtchô rə kä lakə̂ krʉ bëte nyê bhâ lafô! Ädə̈ käko ânyë azü mbô ngbongbo rə alême tə̂ a-earə̂ ndə̂ma Ndjapä ndə̂ andjë sə̂ dokʉ̈tchê tə̂ nyê.»

Lûke 1:47

su mê sɨ̂sɨ̈ la mômô, bëte Ndjapä, Earə̂ kə̂ tcha mê.

Rômo 5:11

Âdə̂âbo kütû bëte rə lâme-a, su azə̂ wä la mômô bëte Ndjapä lə̂ köbosə̂ Gbölö Gbïɛ̈ ndə̂ azə̂ Jezü Krîsiti, ndə̂ tche mbô rə̂ pä angaâtə kə̂ sə azə̂ la Ndjapä wâ lə̂ köbo nə̈.

Bïchuû Körɛ̂nte 13:11

Ndə̂kə̂ ka ndə̂ pö nə̈ arə̂mä, nyë wä la mômô! Nyë pu köbo ndə̂kə̂ daka gbɛ̂. Nyë zä wängö lə̂ gbâtə̂ nyê la angâ nyê, nyë djëtə̂ nyê lə̂ gbâtə̂ nyê, kə̂ sə la zɨtɨ su, ânyë Ndjapä ndə̂ tche nyîndə̂ azü, ânyë kə̂ za zɨtɨ su sə̈ andjê, tchê səadje la nyê.

Ëfêze 6:10

Ndə̂kə̂ ka pö lâme, nyë kpökpo tə̂ nyê lə̂ Gbölö Gbïɛ̈, lə̂ gbölö gbôgbô ndə̂ yê.

Fïlîpe 3:3

Azə̂ ndə̂ azə̂ voga Ndjapä lə̂ köbosə̂ Yingö ndə̂ yê, azə̈ kä ndə̂ âwâtə̂ alëge a-earə̂ gasa nə̈, azə̈ wä la mômô ndə̂ azə̈ wâ balë la Jezü Krîsiti, azə̈ zâbo su azə̂ pâ azə̂ la tə̂ azə̂-a.

Fïlîpe 4:4

Nyë wä la mômô logbɛ̂ lə̂ köbosə̂ nə̈ ndə̂ nyë wâ balë la Gbölö Gbïɛ̈. Më kä tô rə̂ sə̂ nyê: Nyë wä la mômô logbɛ̂!

Fïlîpe 4:8

Ndə̂kə̂ ka pö nə̈, arə̂mä, äwäpä nyë za su nyê pâ rə ndə̂ âdâka, rə ndə̂ a voga rə̂, rə ndə̂ âwâtə̂ lëge nə̈, rə ndə̂ a lusə̂ nə̈, rə ndə̂ âwâ djîrə̂, rə ndə̂ âdâka gbɛ̂, rə ndə̂ âfû lə̂ la azü, rə ndə̂ a to tchôtchô pö ndə̂nə̈ sə̈ azü.

Dokʉ̈ Tësälönîke 4:1

Ndə̂kə̂ ka ndə̂nə̈, arə̂mä, ârâ nyïsə̂ köbo ndə̂ nyê sə la rə̂ ânyë âfu tə̂ Ndjapä alême nə̂. Tə̂ lëge nə̈, nyë sə̂ käko nə̂. Praâbalë angaâtə, ârâ yükû nə̈ sə̈ nyê lakə̂ za wängö sə̈ nyê la rə̈ Gbölö Gbïɛ̈ Jezü; nyë mbö rə̂ âkä ro anə̈ dokʉ̈tchê.

Dokʉ̈ Tësälönîke 5:16

Nyë wä la mômô logbɛ̂,

Jâke 1:2

Arə̂mâ ndə̂ mê, äwäpä su nyê wa la mômô lə̂ arə gbôgbô gbɛ̂ ndə̂ âgbo nyê.

Dokʉ̈ Pîêre 3:8

Ndə̂kə̂ ka ndə̂ pö nə̈, äwäpä pö tə̂ su nyê gbɛ̂ wa balë, nyë wün nyonyo angâ nyê. Nyë nyïndə̂ angâ nyê lə̂ gbâtə̂ nyê batə̂ arə̂mâ ndə̂ nyê lə̂ Krîsiti, nyë mbö dâkâ, kə̂ mbotə̂ nyê kpîɛ̂kpîɛ̂ rə̂.

Dokʉ̈ Pîêre 4:13

Praâbalë âdə nyë âsə̈ wun yûkü batə̂ rə̂ ndə̂ Krîsiti wûn yûkü, nyë sə̈ la mômô. Käko ânyë lo nə̈ ndə̂ tche âsə̈ ma gbôgbô ndə̂ gbölö ndə̂ yê tə̂ azü, nyënyê ndjë gbɛ̂ nyë âsɨ̂sɨ̈ la gbölö mômô.

Bïchuû Pîêre 3:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, bïchuû mbëtï ndə̂ më mbô rə̂ ndə̂kə̂ wan rə̂ sə̈ nyê kä âtə. Lə̂ ambëtï bïchuû lâme gbɛ̂, më nyïndə̂ nə̈ pä su nyê te pâ apö ndə̂ nyë wûnsə̂ nə̈, ndə̂kə̂ pa nyë wa la tchôtchô kə̂ za küma.