Fïlîpe 2:9 - Mbëtï Ndjapä: TÄFO MADƗ̈

⁹ Bëte rə̂ kä ndə̂ Ndjapä zâ tchë lə̂ gbölö tchô, kə̈ zâ rə̈ ndə̂ ârô adɨ̂ arə̈ gbɛ̂ sə̈ tchë.

Fïlîpe 2:9 Iomraidhean Croise

Matiyə̈ 11:27

«Bha mê gbötə̂ rə gbɛ̂ ëtchânə̂ mê. Ngâ akrə balë wûn-âbo sə̂ Modô nə̈-a, kütû Bha nə̈ balë. Ngâ akrə balë wûn-âbo sə̂ Bha nə̈-a, kütû Modô nə̈ la andjanə̈ ndə̂ Modô nə̈ nyîndə̂ kə̂ nyisə̂ Bha nə̈ sə̈ andjê.

Matiyə̈ 28:18

Jezü gîtə̂ yê ndola andjê kə̈ tô rə̂ sə̈ andjê päkëdə̂: «Ndjapä zä gbôgbô sə̈ mê pâ tchêlafô la tchêbêche.

Lûke 10:22

«Bha mê gbötə̂ rə gbɛ̂ ëtchânə̂ mê. Ngâ akrə balë wûn-âbo sə̂ Modô nə̈-a, kütû Bha nə̈ balë. Ngâ akrə balë wûn-âbo sə̂ Bha nə̈-a, kütû Modô nə̈ la andjanə̈ ndə̂ Modô nə̈ nyîndə̂ kə̂ nyisə̂ Bha nə̈ sə̈ andjê.»

Jâan 13:3

Jezü wünsə̂ nə̈ pä Bha nə̈ gbôtə̂ arə nə̂ gbɛ̂ ëtchânə̂ yê, kə̈ wûn ndjë sə̂nə̈ pä tche tö alême bhândə̂ Ndjapä, tchê kä doadje ndjë tə̂ yê pu Ndjapä.

Jâan 17:11

Më kä sə̂âbo bêche âtə-a, bëte mê âgu atə̂ndə̂ zə̈, praâbalë andə̂ andjë nə̈, gbô andjê kä bêche âtə. Bha mê ndə̂ mo dâka gbɛ̂, amö bata andjê lə̂ köbosə̂ gbôgbô ndə̂ rə̈ zə̈ ndə̂ mo zâ rə̂ sə̈ mê lâme, ndə̂kə̂ pa andjë wa balë batə̂ rə̂ ndə̂ më wâ balë la mö.

Jâan 17:12

Sə̂nə̈ ndə̂ gbô mê ndə̂po lə̂ gbâtə̂ andjê, më bäta andjê lə̂ köbosə̂ gbôgbô ndə̂ rə̈ zə̈ ndə̂ mo zâ rə̂ sə̈ mê. Më bâta andjê ânyë ngânə̈ balë lə̂ gûtə̂ andjê yûâbo yû-î. Praâbalë kütû tchanə̈ ndə̂ tche wâ ndə̂kə̂ yu kä ndə̂ âyû, ânyë pö ndə̂ Mbëtï Ndjapä tô rə̂ mbô gundə̂sə̂ nə̈.

Jâan 17:5

Angaâtə, Bha mê, amö lusə̂ mê bhâ ndrotə̂ zə̈, batə̂ golowäre ndə̂ më wâ la rə̂ alême bhâ ndrotə̂ zə̈, dokʉ̈tchê ndə̂kə̂ pa a mbo tchîsûwu.

Abadjângele 5:31

Ndjapä kênga tchë də ndôkö könô yê ndə̂kə̂ pa tche watə̂ Makündji la Earə̂ kə̂ tcha azü, kə̈ zâ köbo sə̈ azü ndə̂ Isarayële ndə̂kə̂ pa andjë gbotə̂ bəndɨ kə̂ mbo rə ndə̂ andjê, ânyë Ndjapä koadje pö lə̂ küma andjê.

Ëfêze 1:10

Rə ndə̂ tche nyîkrə rə̂ bhâtə̂ su yê lâme, wä ndə̂kə̂ pa âdə lo nə̈ âta tâ, tche pala arə gbɛ̂ ndə̂ âwâ bhâ lafô la anə̈ ndə̂ âwâ bêche tchâtchâ makündji balë ndə̂ tche də̂ Krîsiti.

Kölôse 1:18

Tche də̈ küma Egilîze ndə̂ âdə̂ tə̂ yê, arə gbɛ̂ tö tə̂ yê, tchetchë kä ndə̂ âjô lə̂ kuzü dokʉ̈tchê ndə̂kə̂ pa lə̂ arə gbɛ̂, tche sə lə̂ dokʉ̈ tchô.

Bïchuû Tësälönîke 1:12

Käko lə̂ köbosə̂ nyê, a luadje sə̂ rə̈ Gbölö Gbïɛ̈ ndə̂ azə̂ Jezü, ânyë lə̂ köbosə̂ yê a luadje ndjë sə̂ rə̈ nyê. Rə lâme gbɛ̂ wä lə̂ köbosə̂ tchôtchô su ndə̂ Ndjapä la Gbölö Gbïɛ̈ ndə̂ azə̂ Jezü Krîsiti.

Aheborö 1:4

Modô ndə̂ Ndjapä wä gbölö kə̈ rô aânje gbɛ̂. Käko Ndjapä zâ rə̈ ngbî sə̈ tchë ndə̂ ârô andə̂ aânje.

Aheborö 1:9

Mö nyï kütû ndə̂ adjîrə̂ rə ânyë kə̈ kôsə̂ ngbongbo rə. Bëte rə̂ kä Ndjapä, Ndjapä ndə̂ zə̈ sû kâdâ lə̂ küma mê lə̂ gbâtə̂ agbïɛ̈, ânyë kə̈ sû kâdâ ndə̂ kpülü pâ küma zə̈.»

Aheborö 12:2

Äwäpä gbô la azə̂ wa kpôtə̂ Jezü, tchetchë kä ndə̂ ânyîsə̂ köbo kə̂ za su sə̈ Ndjapä tə̂ dokʉ̈ nə̈ ndjoa ëtə̂ manə̈. Tche nyïndə̂ kə̂ tchu pâ yö ndə̂ gba, ânyë ganô ndə̂ âkrʉ̂ bëte tchë lə̂ köbosə̂ kuzü ndə̂ yê nə̈ lâme-ê, tche mbôâbo sə̂nə̈ tə̂ yê-a, bëte tche wün mômô ndə̂ âkrʉ̂ bëte tchë. Angaâtə tche sə̈ lə̂ ngendë-gbïɛ̈ də ndôkö könô Ndjapä.

Aheborö 2:9

Praâbalë rə ndə̂ azə̈ wûn rə̂ wä kâkë: Ndjapä mbö rə̂ pä Jezü wa kpîɛ̂kpîɛ̂ rə̂ tə̂ aânje ndə̂ ngâ kpîɛ̂kpîɛ̂ lö, ndə̂kə̂ pa lə̂ köbosə̂ tchôtchô su ndə̂ Ndjapä, Jezü tchu bëte azü gbɛ̂, praâbalë angaâtə tche kä lə̂ golowäre ânyë azü lûsə̂ yê bëte kuzü ndə̂ tche tchû rə̂.

Dokʉ̈ Pîêre 3:22

Tche gû atə̂ lafô nə̂, ânyë kə̈ sə̂ də ndôkö könô Ndjapä. Angaâtə aânje, atchozö ndə̂ andjë wâ la kümändëmä la andjanə̈ ndə̂ andjë wâ la gbôgbô, andjë kä tchâtchâ yê.

Bïchuû Pîêre 1:17

Bëte Ndjapä Bha azə̂ zä kə̈ lusə̂tə̂ la golowäre sə̈ tchë, sə̂nə̈ ndə̂ a djê tchə̂lə̂ gɨ̈ Ndjapä ndə̂ golowäre ndə̂ yê rô agolowäre gbɛ̂ lâme päkëdə̂: «Tchanə̈ âtə də̈ Modô ndə̂ mê, ndə̂ më nyîndə̂ yê tə̂ gbölösə̂nə̈, su mê fü la tchë gbɛ̂.»

Vötaâ Jâan 1:7

Bëte andjë rö lâme tə̂ pö ndə̂ rə̈ Krîsiti, kə̈ yûâbo kû ngâ rə tchânə̂ azü ndə̂ andjë wûn-âbô sə̂ Ndjapä wûn lâme-a.

Apökälîbïchi 1:5

Äfü pä Jezü Krîsiti kʉ arə lâme sə̈ nyê, tchetchë ndə̂ tche to tchêngbâ apö djîrə̂, tche wätə̂ dokʉ̈ Modô, kə̈ wâtə̂ dokʉ̈ akrə ndə̂ tche jô lə̂ gûtə̂ akuzü. Tche wätə̂ makündji ndə̂ agbïɛ̈ ndə̂ tchêbêche! Krîsiti nyïndə̂ azə̂, ânyë kə̈ jî azə̂ lə̂ ngbongbo rə ndə̂ azə̂ lə̂ köbosə̂ jï yê,

Apökälîbïchi 11:15

Mïndûu manə̈ bïchuû ânje nə̈ hrʉ̂ tätälîtä ndə̂ yê. Më djê sɨ̈kɨ̈ tchə̂lə̂ agbölö gɨ̈ bhâ lafô ndə̂ âtô rə̂ päkëdə̂: «Angaâtə, kə̂ mbo kümändëmä pâ cho wâ nə̂ tə̂ andə̂ Gbölö Gbïɛ̈ ndə̂ azə̂ la Krîsiti ndə̂ yê. Tche âmbo kümändëmä pïï etə̂!»

Apökälîbïchi 19:16

A mbö ngâ rə̈ pâ gbölö lə̂ba ndə̂ yê ndjë pâ kü yê, rə̈ nə̈ tö rə̂ päkëdə̂: «Gbïɛ̈ ndə̂ agbïɛ̈ la Gbölö Gbïɛ̈ ndə̂ agbölö gbïɛ̈.»

Apökälîbïchi 3:21

«Akrə ndə̂ tche rô lə̂ arə gbɛ̂ la gbôgbô, mê zadje köbo sə̈ tchë ndə̂kə̂ sə sə̂nə̈ balë la mê lə̂ ngendë-gbïɛ̈ ndə̂ mê, batə̂ rə̂ ndə̂ mëmê ndjë gbɛ̂, më rô lə̂ arə gbɛ̂ la gbôgbô ânyë kə̈ sə̂ sə̂nə̈ balë la Bha mê lə̂ ngendë-gbïɛ̈ ndə̂ yê.

Apökälîbïchi 5:12

Andjë sə̂ lakə̂ pa düwü ngbôô päkëdə̂: «Ngbavö Ɛ̈bro-ngbaga ndə̂ a wôn tchë, tche kʉ̈sə̂ nə̈ pä azü voga tchë, kə̂ lusə̂ yê lə̂ golowäre ndə̂ yê, la kümändëmä ndə̂ yê la gbôgbô ndə̂ yê, bëte arə ndə̂ tche wâ la rə̂, la küma yê ndə̂ âwâ lanə̈!»