Fïlîpe 2:8 - Mbëtï Ndjapä: TÄFO MADƗ̈

⁸ Tche mbötə̂ yê kpîɛ̂kpîɛ̂ rə̂, kə̈ də̂ earə̂ kə̂ dje ma Bha nə̈ ndjoa ëtə̂ kuzü, âdəndjë kuzü tə̂ yö ndə̂ gba.

Fïlîpe 2:8 Iomraidhean Croise

Matiyə̈ 17:2

Kʉ̂tê yê kâ wâ ngbî lə̂ la andjê: Tchâtchu yê sə̂ lakə̂ tchôtchö batə̂ andə̂ lo, alə̂ba ndə̂ yê grô vuu batə̂ ngbänga lo.

Matiyə̈ 26:39

Pânə̈ tche gîtə̂ yê kpro kə̈ tê bêche la tchâtchu yê, kə̈ tô pö sə̈ Ndjapä päkëdə̂: «Bha mê, âdə köbo âwa, amö gi kangûchi yûkü âtə tə̂ mê bhâchï! Praâbalë amö mboabô rə̂ mbô batə̂ su mê nyîndə̂ nə̈, amö mbo rə̂ batə̂ su zə̈ nyîndə̂ nə̈.»

Matiyə̈ 26:42

Tche kä gîtə̂ yê tə̂ bïchuû nə̈ kə̈ tô pö sə̈ Ndjapä, kə̈ tô rə̂ päkëdə̂: «Bha mê, âdə köbo ndə̂kə̂ pa kangûchi lâme ro tə̂ mê âwabô wâ, ânyë mo nyîndə̂ nə̈ pä më ndjo rə̂, äwäpä mo mbo rə̂ batə̂ su zə̈ nyîndə̂ nə̈.»

Lûke 9:29

Ndə̂ tche âsə̈ to pö sə̈ Ndjapä, tchâtchu yê dôtə̂ yê kə̈ wâ ngbî, lə̂ba ndə̂ yê kä grô kpɨ̂ki.

Jâan 10:18

Ngâ akrə balë jiabô tchîsûwu ndə̂ mê tə̂ mê tee-a, praâbalë mëmê kä ndə̂ âgbotâ la tə̂ mê. Më kä la gbôgbô ndə̂kə̂ gbotə̂ tchîsûwu ndə̂ mê, kə̈ wâ ndjë la gbôgbô ndə̂kə̂ kä za rə̂. Kə̂ zama ndə̂ Bha mê zâ rə̂ sə̈ mê kä lâme.»

Jâan 14:31

praâbalë më mbö arə gundə̂sə̂ kə̂ zama ndə̂ Bha mê, ndə̂kə̂ pa azü tchêbêche wunsə̂ nə̈ pä më nyïndə̂ Bha. Nyë älafô, azə̈ gbô tchâtə-ê!»

Jâan 15:10

Âdə nyê âbata andïɛ̈ ndə̂ mê, nyê səadje kpô lə̂kə̂ nyində̂ ngâ ndə̂ më nyîndə̂ nyê la rə̂ lâme. Batə̂ rə̂ ndə̂ më bâta andïɛ̈ ndə̂ Bha mê ânyë kə̈ sə̂ kpô lə̂kə̂ nyində̂ ngâ ndə̂ tche nyîndə̂ nyê la rə̂ lâme.

Jâan 4:34

Jezü tô rə̂ sə̈ andjê päkëdə̂: «Kɨ̈zɨ̂ ndə̂ mê wä ndə̂kə̂ mbo rə ndə̂ su akrə ndə̂ tche wân mê nyîndə̂ nə̈, kə̂ ka kua ndə̂ tche zâ rə̂ sə̈ mê ndə̂kə̂ mbo rə̂.

Abadjângele 8:33

Ndə̂ tche mbôtə̂ yê tə̂ kpîɛ̂kpîɛ̂ akrə, ngâ akrə ndə̂ tche wa ngbanga ndə̂ yê lə̂ köbo nə̈ wâbo-a. Tchabâ kä ndə̂ âwadje ndə̂kə̂ to pö ndə̂ azü pâ mawo ndə̂ yê la tchêngbâ yê? Bëte tchîsûwu ndə̂ yê pâ cho âtə kâ nə̂.»

Rômo 5:19

Lə̂ köbosə̂ kə̂ kosə̂ pö ndə̂ akrə balë kä ndə̂ angbängbä azü wâtə̂ a-earə̂ ngbongbo rə. Ndjë, lə̂ köbosə̂ kə̂ dje pö ndə̂ akrə balë kä ndə̂ angbängbä azü wâ djîrə̂ lə̂ la Ndjapä.

Bïchuû Körɛ̂nte 8:9

Bëte nyë wûnsə̂ tchôtchô su ndə̂ Gbölö Gbïɛ̈ ndə̂ azə̂ Jezü Krîsiti nə̂, ndə̂ tche wâ alême tə̂ earə̂ rə, praâbalë tche nyîndə̂ nə̈ ndə̂kə̂ mbotə̂ yê tə̂ earə̂ yûkü, ndə̂kə̂ pa lə̂ köbosə̂ yûkü ndə̂ yê, nyê watə̂ a-earə̂ rə.

Gälâte 3:13

Krîsiti yösə̂ azə̂ ndə̂kə̂ ji azə̂ tchâtchâ ngbongbo pö ndə̂ ndïɛ̈, lə̂ köbosə̂ nə̈ ndə̂ tche zâ ngbongbo pö nə̈ ëpâ yê bëte azə̂. Mbëtï Ndjapä tö rə̂ päkëdə̂: «Ngbongbo pö kä lə̂ küma akrə ndə̂ a î tchë tə̂ yö lafô.»

Tîte 2:14

Tche zätə̂ yê la tə̂ yê sə̈ kuzü bëte azə̂, ndə̂kə̂ ji azə̂ lə̂ angbongbo rə gbɛ̂, kə̂ djutu azə̂ ânyë azə̈ gro ndə̂kə̂ watə̂ azü ndə̂ yê. Ndə̂kə̂ pa azə̈ watə̂ azü ndə̂ tchə̂lə̂ su andjê sɨ̂sɨ̈ la gʉ ndə̂kə̂ mbo atchôtchô kua.

Aheborö 12:2

Äwäpä gbô la azə̂ wa kpôtə̂ Jezü, tchetchë kä ndə̂ ânyîsə̂ köbo kə̂ za su sə̈ Ndjapä tə̂ dokʉ̈ nə̈ ndjoa ëtə̂ manə̈. Tche nyïndə̂ kə̂ tchu pâ yö ndə̂ gba, ânyë ganô ndə̂ âkrʉ̂ bëte tchë lə̂ köbosə̂ kuzü ndə̂ yê nə̈ lâme-ê, tche mbôâbo sə̂nə̈ tə̂ yê-a, bëte tche wün mômô ndə̂ âkrʉ̂ bëte tchë. Angaâtə tche sə̈ lə̂ ngendë-gbïɛ̈ də ndôkö könô Ndjapä.

Aheborö 12:4

Bëte kʉ̈ʉ̈ ndə̂ nyê mbô rə̂ la ngbongbo rə lâme, nyë rʉ̂âbo tə̂ su nyê dämba-a, ndə̂kə̂ mbo kʉ̈ʉ̈ nə̈ ndjoa ëtə̂ kuzü-a.

Dokʉ̈ Pîêre 2:24

Tchetchë la tə̂ yê tche zä ngbongbo rə ndə̂ azə̂ lə̂ tə̂ yê pâ yö ndə̂ gba, ndə̂kə̂ pa azə̈ tchu ndə̂kə̂ gbotə̂ ngbongbo rə, kə̂ sə la tʉ̈rʉ̂ la azə̂ ndə̂kə̂ mbo djîrə̂ rə. Lə̂ köbosə̂ aku ndə̂ yê kä ndə̂ nyê tchâ lə̂ tə̂kömbô.

Dokʉ̈ Pîêre 3:18

Käko Krîsiti la tə̂ yê wün yûkü sûsunə̈ balë tratralë bëte ngbongbo rə ndə̂ azü. Tchetchë ndə̂ tche wâ djîrə̂, tche tchü bëte azü ndə̂ andjë wâbô wâ djîrə̂ ânyë kə̂ e la nyê atə̂ tchâtchu Ndjapä. Tchetchë ndə̂ azü wôn kütû tə̂ yê ndə̂ akrə, praâbalë Ndjapä kä zâ tchîsûwu ndə̂ yê ëngbânə̈ sə̈ tchë lə̂ köbosə̂ Kpɨ̂ki Yingö.