Fïlîpe 2:7 - Mbëtï Ndjapä: TÄFO MADƗ̈

⁷ Praâbalë tchetchë la tə̂ yê, tche gämba rə̂ ndə̂kə̂ gbotə̂ arə gbɛ̂ ndə̂ tche wâ la rə̂, kə̈ mbôtə̂ yê batə̂ earə̂ kua. Tche mbötə̂ yê tə̂ akrə lə̂ gbâtə̂ azü, a wün tchë batə̂ akrə.

Fïlîpe 2:7 Iomraidhean Croise

Matiyə̈ 12:18

«Nyë wünsa earə̂ kua ndə̂ mê, ndə̂ më dɨ̂ tchë, tchanə̈ ndə̂ më nyîndə̂ yê tə̂ gbölösə̂nə̈, ndə̂ su mê fû la tchë gbɛ̂. Mê gboadje tə̂ Yingö ndə̂ mê pâ yê, ndə̂kə̂ pa tche nyisə̂ djîrə̂ kə̂ wa ngbanga sə̈ azü gö ndə̂ andjë wâbô wâtə̂ ajuîfu.

Matiyə̈ 20:28

Ârə̂ kä ndə̂ Modô ndə̂ Akrə nə̂âbo ndə̂kə̂ pa azü mbo kua sə̈ tchë-a, praâbalë tche nə̈ ndə̂kə̂ mbo kua sə̈ azü lakə̂ zatə̂ yê sə̈ kuzü ndə̂kə̂ ji angbängbä azü lə̂ ngbongbo rə ndə̂ andjê.»

Mâreke 9:12

Tche tô rə̂ ndə̂nə̈ sə̈ andjê päkëdə̂: «Tə̂ lëge nə̈, äwäpä Elïe nə dokʉ̈tchê kə̂ nyikrə arə gbɛ̂ lə̂ köbo nə̈. Praâbalë bëte giamâ a tô rə̂ tə̂ Modô ndə̂ Akrə lə̂ Mbëtï Ndjapä pä tchê wun-adje yûkü tə̂ gbölösə̂nə̈, azü wun-adje tchë batə̂ mbämbä akrə?

Lûke 22:27

Lə̂ akrə ndə̂ tche sə lakə̂ zɨ kɨ̈zɨ̂ la akrə ndə̂ tche krʉ tchə̂lə̂ kɨ̈zɨ̂ nə̈, tchabâ âwâ gbölö? Akrə ndə̂ tche zɨ kɨ̈zɨ̂? Andə̂ me nə̈, më sə̈ lə̂ gûtə̂ nyê batə̂ earə̂ kua!

Jâan 1:14

Tchanə̈ ndə̂ tche wâtə̂ Pö nə̈ lâme mbötə̂ yê tə̂ akrə, kə̈ sə̂ lə̂ gbâtə̂ azə̂; tchôtchô su la lëge pö sɨ̂sɨ̈ lə̂ yê. Ârâ wün golowäre ndə̂ yê, golowäre ndə̂ gbokôngô Modô gbô rə̂ tchânə̂ Bha.

Rômo 1:3

Tchôtchô Pö nə̈ tö pö pâ Modô ndə̂ yê batə̂ akrə, a zɨ̈ tchë pâ mawo ndə̂ gbïɛ̈ Davîdi.

Rômo 15:3

Tə̂ lëge nə̈, andə̂ Krîsiti rə ndə̂ âfû tə̂ yê la tə̂ yê də̂âbo rə ndə̂ tche pu rə̂-a, praâbalë batə̂ rə̂ ndə̂ Mbëtï Ndjapä tô rə̂ päkëdə̂: «Kə̂ dro tchô ndə̂ azü drô mö la rə̂ lâme gbɛ̂ tê pâ mê nə̂.»

Rômo 15:8

Më tö rə̂ päkëdə̂: Ndə̂ gbô Ndjapä ndə̂po pâ pö ndə̂ tche tô rə̂; bëte rə̂ kä ndə̂ Krîsiti mbôtə̂ yê tə̂ earə̂ kua ndə̂ ajuîfu. Tche mbö tâ käko ânyë lə̂ köbosə̂ nə̈ ndə̂ tche zâ bâlâ tə̂ araâta azə̂ alême, rə nə̈ mbô gundə̂sə̂ nə̈.

Rômo 8:3

Ndïɛ̈ ndə̂ Möyîze wâbo ndə̂kə̂ mbo rə̂ alême-a, bëte gbôgbô ndə̂ azü wâbô wâ la rə̂ kä ndə̂ âkîtə̂ köbo tə̂ ndïɛ̈ ndə̂kə̂ mbo rə̂. Rə ndə̂ ndïɛ̈ wâbô wâ ndə̂kə̂ mbo rə̂, Ndjapä mbö rə̂: Tche mbö rə̂ käko kə̈ wân Modô ndə̂ yê la tə̂ yê ânyë tche zâ tə̂ akrə ndə̂ âwâ batə̂ tə̂ a-earə̂ ngbongbo rə. Tche jï azə̂ tchâtchâ ngbongbo rə. Käko Ndjapä wä ngbanga pâ ngbongbo rə ndə̂ âmbo rə lə̂ tə̂ azü.

Bïchuû Körɛ̂nte 13:4

Tə̂ lëge nə̈, a wön tchë pâ yö ndə̂ gba bëte tche wâbo la gbôgbô-a, praâbalë angaâtə tche wä la tchîsûwu lə̂ köbosə̂ gbôgbô ndə̂ Ndjapä. Azə̂ ndjë gbɛ̂, ndə̂ azə̈ wâ la tchë balë, azə̈ wâbo la gbôgbô-a, praâbalë ârâ nyïsə̂ nə̈ sə̈ nyê pä azə̂ wadje la tchîsûwu balë la tchë lə̂ köbosə̂ gbôgbô ndə̂ Ndjapä.

Bïchuû Körɛ̂nte 8:9

Bëte nyë wûnsə̂ tchôtchô su ndə̂ Gbölö Gbïɛ̈ ndə̂ azə̂ Jezü Krîsiti nə̂, ndə̂ tche wâ alême tə̂ earə̂ rə, praâbalë tche nyîndə̂ nə̈ ndə̂kə̂ mbotə̂ yê tə̂ earə̂ yûkü, ndə̂kə̂ pa lə̂ köbosə̂ yûkü ndə̂ yê, nyê watə̂ a-earə̂ rə.

Gälâte 4:4

Praâbalë lo nə̈ ndə̂ Ndjapä dɨ̂ rə̂ âsə̈ wutu, Ndjapä wân Modô ndə̂ yê. Ɛ̈chë kä ndə̂ âzɨ̂ tchë, ânyë tche sə̂ tchâtchâ ndïɛ̈,

Fïlîpe 2:6

Tchetchë ndə̂ tche wâ balë la Ndjapä logbɛ̂, praâbalë tche nyîâbo ndə̂kə̂ kitə̂ kə̂ wa balë ndə̂ andjë wâ balë la Ndjapä lâme bëte tchë-a.

Aheborö 12:2

Äwäpä gbô la azə̂ wa kpôtə̂ Jezü, tchetchë kä ndə̂ ânyîsə̂ köbo kə̂ za su sə̈ Ndjapä tə̂ dokʉ̈ nə̈ ndjoa ëtə̂ manə̈. Tche nyïndə̂ kə̂ tchu pâ yö ndə̂ gba, ânyë ganô ndə̂ âkrʉ̂ bëte tchë lə̂ köbosə̂ kuzü ndə̂ yê nə̈ lâme-ê, tche mbôâbo sə̂nə̈ tə̂ yê-a, bëte tche wün mômô ndə̂ âkrʉ̂ bëte tchë. Angaâtə tche sə̈ lə̂ ngendë-gbïɛ̈ də ndôkö könô Ndjapä.

Aheborö 13:3

Äwäpä sə̂ azü bhâlə̂ nda kânga te lə̂ nyê, âwûntî pä nyënyê ndjë gbɛ̂, nyë kä lə̂ nda kânga. Äwäpä sə̂ azü ndə̂ a mbô andjê la yûkü te lə̂ nyê bëte nyënyê ndjë gbɛ̂, nyë kä ndjë la tə̂ nyê tâ ndə̂ âwâ ndə̂kə̂ wun yûkü.

Aheborö 4:15

Azə̈ kä la gbölö earə̂ kə̂ wa ngela ndə̂ tche wâ ndə̂kə̂ wun nyonyo azə̂ sə̂nə̈ ndə̂ angâ arə rôpâ azə̂. Arə ndə̂ âvu azü gbɛ̂ gbö ndjë tchë batə̂ rə̂ ndə̂ âvu azü, praâbalë tche mbôâbo ngbongbo rə-a.