Fïlîpe 2:6 - Mbëtï Ndjapä: TÄFO MADƗ̈

⁶ Tchetchë ndə̂ tche wâ balë la Ndjapä logbɛ̂, praâbalë tche nyîâbo ndə̂kə̂ kitə̂ kə̂ wa balë ndə̂ andjë wâ balë la Ndjapä lâme bëte tchë-a.

Fïlîpe 2:6 Iomraidhean Croise

Matiyə̈ 1:23

«Bechë-ɛ̈chë ndə̂ tche wûn-âbô sə̂ aköchë wûn zadje güzu, kə̂ zɨadje bechë tə̂ köchë, a eadje rə̂ tə̂ yê pä Emanuwɛ̈le, ndə̂ âtô rə̂ pä Ndjapä kä la azə̂.»

Jâan 1:18

Ngâ akrə balë wûn-âbo Ndjapä nə̂-a. Praâbalë kütû gbokôngô Modô nə̈, ndə̂ tche wâtə̂ Ndjapä ânyë kə̈ sə̂ bhâ ndrotə̂ Bha, tchetchë balë kä ndə̂ ânyîsə̂ Ndjapä sə̈ azü ânyë andjë wûnsə̂ yê.

Jâan 10:30

Mëmê la Bha mê, ârâ wä balë.»

Jâan 10:33

Ajuîfu tô rə̂ ndə̂nə̈ sə̈ tchë päkëdə̂: «Âdə̂âbo bëte tchôtchô kua kä ndə̂ ârâ nyîndə̂ kə̂ nye mö la täme tə̂ pö ndə̂nə̈-a, praâbalë äwätə̂ pö ndə̂nə̈ ndə̂ mo drô Ndjapä. Bëte momö ndə̂ mo wâtə̂ akrə, mo mbôtə̂ zə̈ tə̂ Ndjapä.»

Jâan 10:38

Praâbalë âdə mê âmbo rə̂, ânyë nyê gâmbabô pö ndə̂ mê gâmba, äwäpä nyë gamba pö ndə̂ akua ndə̂ më mbô rə̂. Äwäpä nyë wunsə̂ nə̈, kə̂ dje tchə̂lə̂ nə̈ pä Bha mê kä balë la mê, batə̂ rə̂ ndə̂ më wâ ndjë balë la tchë.»

Jâan 14:28

Nyë djê rə̂ ndə̂ më tô rə̂ alême nə̂ päkëdə̂: ‹Mê âgu, praâbalë mê kadje pu nyê.› Âdə nyê ânyində̂ mê alême, nyê wadje la mômô tə̂ pö ndə̂nə̈ ndə̂ mê gû atə̂ndə̂ Bha mê, bëte Bha mê wä gbölö kə̈ rô mê.

Jâan 14:9

Jezü tô rə̂ sə̈ tchë päkëdə̂: «Fïlîpe, ndə̂ mê gû lə̂ gûtə̂ nyê nə̂, mo wûn-âbo sə̂ mê dämba? Akrə ndə̂ tche wûn mê, dëkë tche wûn Bha mê nə̂. Bëte giamâ mo yû mê päkëdə̂: ‹Amö nyisə̂ Bha sə̈ ârâ›?

Jâan 17:5

Angaâtə, Bha mê, amö lusə̂ mê bhâ ndrotə̂ zə̈, batə̂ golowäre ndə̂ më wâ la rə̂ alême bhâ ndrotə̂ zə̈, dokʉ̈tchê ndə̂kə̂ pa a mbo tchîsûwu.

Jâan 20:28

Tomä tô rə̂ sə̈ tchë päkëdə̂: «Gbölö Gbïɛ̈ ndə̂ mê la Ndjapä ndə̂ mê!»

Jâan 5:18

Pâ pö nə̈ lâme, agbölö azü ndə̂ ajuîfu pû köbo gbɛ̂ ndə̂kə̂ won Jezü, bëte rə̂ ndə̂ tche ndɨ̂ tchə̂lə̂ ndïɛ̈ ndə̂ sabäa, la rə̂ ndə̂ tche tô rə̂ pä Ndjapä wätə̂ Bha anyê la tə̂ anyê, tchâme tche nyïsə̂ nə̈ pä ânyë wä balë la Ndjapä.

Jâan 5:23

ndə̂kə̂ pa azü gbɛ̂ lusə̂ Modô nə̈ batə̂ rə̂ ndə̂ andjë lusə̂ Bha. Akrə ndə̂ tche lûâbô sə̂ Modô nə̈ lû-î, dëkë tche kôsə̂ kə̂ lusə̂ Bha ndə̂ tche wân tchë lâme nə̂.

Rômo 9:5

Arə̂mâ ndə̂ mê nə̈ lâme wütu lə̂ araâta mê ndə̂ rə̈ andjê kɨ̂ tə̂ gbölösə̂nə̈. Pâ mawo ndə̂ andjê kä ndə̂ a zɨ̂ Krîsiti batə̂ azü gbɛ̂, tchetchë ndə̂ tche wâ pâ arə gbɛ̂. Äwäpä a voga Ndjapä tə̂ logbɛ̂ logbɛ̂! Amin.

Bïchuû Körɛ̂nte 4:4

Andə̂ andjanə̈ ndə̂ andjë kôsə̂ kə̂ za su andjê sə̈ Ndjapä, ndjapä ndə̂ tchêbêche gʉ̈ä kə̂ wunsə̂ rə ndə̂ andjê, ndə̂kə̂ pa andjë wun-abô ngbänga Tchôtchô Pö ndə̂ Krîsiti wûn-î, ndə̂ âdə̂ nyîsɨ̂ Ndjapä.

Bïchuû Körɛ̂nte 8:9

Bëte nyë wûnsə̂ tchôtchô su ndə̂ Gbölö Gbïɛ̈ ndə̂ azə̂ Jezü Krîsiti nə̂, ndə̂ tche wâ alême tə̂ earə̂ rə, praâbalë tche nyîndə̂ nə̈ ndə̂kə̂ mbotə̂ yê tə̂ earə̂ yûkü, ndə̂kə̂ pa lə̂ köbosə̂ yûkü ndə̂ yê, nyê watə̂ a-earə̂ rə.

Dokʉ̈ Timotë 1:17

Äfü pä azə̈ lusə̂ gbïɛ̈ ndə̂ tche wâ pïï etə̂, Ndjapä ndə̂ tche wâbô wâ ndə̂kə̂ tchu-î, ndə̂ a wûn-âbô tchë wûn-î, ndə̂ tche wâ gbokôngô. Kə̂ lusə̂tə̂, la voga wätə̂ andə̂ ye nə̈, tə̂ logbɛ̂ logbɛ̂! Amin!

Dokʉ̈ Timotë 3:16

Ɛn-ɛn, pö ndə̂ âwâ lə̂ küwû nə̈ pâ kə̂ zatə̂ andjê gbɛ̂ sə̈ Ndjapä, ndə̂ a wûtu la pö ndə̂nə̈ wä gbölö, ngâ akrə ndə̂kə̂ kosə̂ nə̈ sə̂âbo-a. Pö nə̈ wä kâkë: Krîsiti mätə̂ yê lə̂ tə̂ akrə, Kpɨ̂ki Yingö tô pö ndə̂ yê pä tche wä djîrə̂, aânje chêko tchë, a mu pö ndə̂ yê sə̈ azü ndə̂ andjë wâbô wâtə̂ ajuîfu, angbängbä azü pâ cho zä su andjê sə̈ tchë, Ndjapä kênga tchë lə̂ golowäre ndə̂ yê.

Tîte 2:13

Azə̈ mbö tâ käko ndə̂kə̂ krʉ bëte tchôtchô lö ndə̂ su azə̂ wâ pânə̈ lâme. Sə̂nə̈ lâme kä ndə̂ azə̂ wun-adje golowäre ndə̂ Gbölö Ndjapä ndə̂ azə̂, la Jezü Krîsiti Earə̂ kə̂ tcha azə̂.

Aheborö 1:3

Modô nə̈ lâme kä ndə̂ âmbo rə̂ pä a wun golowäre ndə̂ Ndjapä, tche wä tiî batə̂ Ndjapä. Tche bäta tchîsûwu lə̂ köbosə̂ pö ma yê ndə̂ âwâ la gbôgbô. La tchêngbâ nə̈ ndə̂ tche kô pö lə̂ küma azü tchêbêche, tche sə̂ də ndôkö könô Ndjapä bhâ lafô ndə̂ gbôgbô ndə̂ yê rô agbôgbô gbɛ̂.

Aheborö 1:6

Praâbalë sə̂nə̈ ndə̂ Ndjapä wân dokʉ̈ Modô ndə̂ yê atə̂ bêche atə̂, tche tö rə̂ päkëdə̂: «Äwäpä aânje ndə̂ Ndjapä gbɛ̂ voga tchë.»

Aheborö 1:8

Praâbalë âdə andə̂ Modô ndə̂ yê, Ndjapä tö rə̂ päkëdə̂: «Ndjapä, ngendë-gbïɛ̈ ndə̂ zə̈ âwa logbɛ̂ logbɛ̂! Mo mbö djîrə̂ kümändëmä lə̂ Gbölö gö-gbïɛ̈ ndə̂ zə̈.

Aheborö 13:8

Jezü Krîsiti wä batə̂ rə̂ ndə̂ tche wâ dalîtə, angêta âtə, ndjë tə̂ logbɛ̂ logbɛ̂.

Apökälîbïchi 21:6

Tche kâ tô rə̂ sə̈ mê päkëdə̂: «A mbô rə̂ nə̂! Më wätə̂ kêsâ nə̈, kə̈ wâtə̂ kə̂ ka ndə̂nə̈, më wä dokʉ̈tchê tə̂ arə gbɛ̂, kə̂ wâtə̂ adɨ̂ arə gbɛ̂. Akrə ndə̂ tchə̂lə̂ gɨ̈ yê hrô la gʉ ngû, mê zadje küma ngû ndə̂ âza tchîsûwu sə̈ tchë ndə̂kə̂ pa tche ndjo rə̂ ämbämbänə̈.