Fïlîpe 2:5 - Mbëtï Ndjapä: TÄFO MADƗ̈

⁵ Äwäpä kə̂ mbotə̂ nyê lə̂ gbâtə̂ nyê la angâ nyê wa batə̂ andə̂ azü ndə̂ andjë wâ balë la Jezü Krîsiti.

Fïlîpe 2:5 Iomraidhean Croise

Matiyə̈ 11:29

Nyë zä kʉ̂ngbô ndə̂ mê ndə̂ âlûâbô lû-î, kə̂ gbotə̂ köbo sə̈ mê ndə̂kə̂ pa më nyisə̂ rə sə̈ nyê! Bëte më wâbo tə̂ akrə ndə̂ mê mbo gbôgbô tə̂ azü-a, kə̈ pûâbo ndjë gbölö tchô-a. Nyê gboadje tchô ndə̂kə̂ yatə̂ nyê tâ.

Lûke 22:27

Lə̂ akrə ndə̂ tche sə lakə̂ zɨ kɨ̈zɨ̂ la akrə ndə̂ tche krʉ tchə̂lə̂ kɨ̈zɨ̂ nə̈, tchabâ âwâ gbölö? Akrə ndə̂ tche zɨ kɨ̈zɨ̂? Andə̂ me nə̈, më sə̈ lə̂ gûtə̂ nyê batə̂ earə̂ kua!

Abadjângele 10:38

Nyë wûnsə̂ köbo ndə̂ Ndjapä zâ gbôgbô lə̂ köbosə̂ Kpɨ̂ki Yingö pâ Jezü akrə gö ndə̂ Näzärête nə̂. Jezü nə̈ lə̂ agö katchôgbɛ̂ lakə̂ mbo tchôtchô rə. Tche jï azü gbɛ̂ ndə̂ andjë sə̂ tchâtchâ gbôgbô ndə̂ Jâbolo, bëte Ndjapä kä la tchë.

Abadjângele 20:35

Më nyïsə̂ nə̈ sə̈ nyê logbɛ̂ pä nyë mbö kua ânyë kə̂ za könô sə̈ a-earə̂ yûkü. Nyë rɨ̈ tchə̂lə̂ nyê tə̂ apö ndə̂ Gbölö Gbïɛ̈ Jezü la tə̂ yê tô rə̂ päkëdə̂: ‹Kə̂ za rə sə̈ akrə kä ndə̂ âfû kə̈ rô kə̂ gbo rə tchânə̂ akrə.›»

Rômo 14:15

Âdə ngâ kɨ̈zɨ̂ ndə̂ mo zɨ̂ rə̂ lə̂ la ngâ zə̈ ânyë âzâ nyonyo tə̂ su yê, änyïsə̂ nə̈ pä mo mbôâbo rə lə̂ köbosə̂ kə̂ nyində̂ ngâ-a. Akrə ndə̂ Krîsiti tchû bëte tchë, âwâbo pä mo ndɨ köbo yê bëte pö ndə̂ kɨ̈zɨ̂-a.

Rômo 15:3

Tə̂ lëge nə̈, andə̂ Krîsiti rə ndə̂ âfû tə̂ yê la tə̂ yê də̂âbo rə ndə̂ tche pu rə̂-a, praâbalë batə̂ rə̂ ndə̂ Mbëtï Ndjapä tô rə̂ päkëdə̂: «Kə̂ dro tchô ndə̂ azü drô mö la rə̂ lâme gbɛ̂ tê pâ mê nə̂.»

Rômo 15:5

Äfü pä Ndjapä ndə̂ tche mbo rə̂ pä akrə rʉatə̂ su yê, kə̂ gbo gbôgbô tə̂ su yê, mbo rə̂ pä nyë djetə̂ nyê lə̂ gbâtə̂ nyê batə̂ rə̂ ndə̂ Krîsiti nyîsə̂ köbo nə̈ sə̈ nyê lâme.

Dokʉ̈ Körɛ̂nte 10:33

Nyë mbö rə batə̂ mê: Më sə̈ lakə̂ pu köbo gbɛ̂ ndə̂kə̂ daka lə̂ la azü gbɛ̂ lə̂ arə gbɛ̂. Më pûâbo rə kütû bëte mê la tə̂ mê-a, praâbalë më pü rə bëte angbängbä azü ndə̂kə̂ pa andjë tcha lə̂ kuzü.

Ëfêze 5:2

Nyë sə̈ lakə̂ nyində̂ angâ nyê, batə̂ rə̂ ndə̂ Krîsiti nyîndə̂ azə̂ ânyë kə̈ zâtə̂ yê la tə̂ yê la ngela sə̈ Ndjapä bëte azə̂, batə̂ ngâ gia ndə̂ a zô tchë pâ gbalâka sə̈ Ndjapä ndə̂ tchâfo yê fô djîrə̂ ânyë kə̈ fû tə̂ su yê.

Fïlîpe 1:1

Mëmê Pôlo la Timotë, a-earə̂ kua ndə̂ Jezü Krîsiti. Ârâ wän mbëtï âtə sə̈ azü ndə̂ Ndjapä ndə̂ andjë wâ balë la Jezü Krîsiti lə̂ gbölö gö ndə̂ Fïlîpe. Ârâ wän ndjë mbëtï âtə sə̈ azü tə̂ küma Egilîze la adiâkere:

Dokʉ̈ Pîêre 2:21

Dëkë rə ndə̂ Ndjapä ê nyê bëte rə̂ kä lâme, bëte Krîsiti la tə̂ yê wün ndjë yûkü tə̂ pö ndə̂ nyê, ânyë kə̈ nyîsə̂ köbo nə̈ sə̈ nyê ndə̂kə̂ pa nyë nə lə̂ manə̈ ngbâ yê.

Dokʉ̈ Pîêre 4:1

Batə̂ rə̂ ndə̂ Krîsiti wûn yûkü lə̂ tə̂ yê ndə̂ akrə, käko nyënyê ndjë, äwäpä nyë za rə̂ lə̂ küma nyê pä nyê wun-adje ndjë yûkü, bëte tchanə̈ ndə̂ tche wûn yûkü lə̂ tə̂ yê ndə̂ akrə lâme, tche gbôtə̂ ngbongbo rə nə̂.

Dokʉ̈ Jâan 2:6

Akrə ndə̂ tche tô rə̂ pä anyë kä balë la Ndjapä, äwäpä kə̂ sə ndə̂ yê wa batə̂ andə̂ Jezü Krîsiti.